ಯೋಹಾನ 17:1 - ಕೊಡವ ಬೈಬಲ್

¹ ಇದ್‍ನೆಲ್ಲಾ ಎಣ್ಣಿತಾನ ಪಿಂಞ ಯೇಸು ಪರಲೋಕತ್‌ನ ನೋಟುವಂಜಿ ಪ್ರಾರ್ಥನೆ ಮಾಡ್‌ವಕ್ ಸುರು ಮಾಡ್‍ಚಿ. ಅಪ್ಪಾ! ಸಮಯ ಬಂದ್‌ರ್‌ತ್, ನೀಡ ಮೋಂವೊಂಗ್ ಮಹಿಮೆ ಬಪ್ಪನೆಕೆ ಮಾಡ್, ಅಕ್ಕ ನೀಡ ಮೋಂವೊ ನೀಕ್ ಮಹಿಮೆ ಬಪ್ಪನೆಕೆ ಮಾಡ್‌ವ.

ಯೋಹಾನ 17:1 ပူးပေါင်းရင်းမြစ်များ

ಮಾರ್ಕ 14:41

ಮೂಂದನೆ ಕುರಿಯು ಪ್ರಾರ್ಥನೆ ಮಾಡಿತ್ ಬಯ್ಯಕ್ ಬಪ್ಪಕ ಅಯಿಂಗಳ ನೋಟಿತ್: ಇಂಞು ನಿಂಗ ವರಿಯಂಡ್, ಆರಾಮಾಯಿತ್ ಉಳ್ಳಿರ? ಇದ್ ಮದಿ, ಸಮಯ ಬಂದ್‌ರ್‌ತ್, ಏಳೀ, ಅದ! ಮನುಷ್ಯಕುಮಾರನ, ಪಾಪಿ ಮನುಷ್ಯಂಗಡ ಕೈಕ್ ಒಪ್ಪ್‌ಚಿಡ್‌ವ ನೇರ ಬಂದ್‌ರ್‌ತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:13

ಕಂದಾಯ ಎಡ್‌ಪಂವೊ ದೂರತ್‍ಲ್ ನಿಂದಿತ್, ಬಾನತ್‍ನ ಸಹ ನೋಟತೆ, ಎದೆನ ಬಡ್‍ಚಂಡ್: ದೇವ! ನಾನ್ ಪಾಪ ಮಾಡ್‍ನಂವೊ, ನಾಡ ಮೇಲೆ ಕರುಣೆ ಕಾಟ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:53

ನಾನ್ ದಿನಾಲು ದೇವಾಲಯತ್‍ಲ್ ಇಂಜಲ್ಲ, ಅಕ್ಕ ನಿಂಗ ನನ್ನ ಪುಡಿಪಕ್ ಕಯಿಂಜಿತ್‌ಲ್ಲೆ; ಆಚೇಂಗಿ, ಇರ್‌ಟ್ ಆಳಿಯಂಡುಳ್ಳಗುಂಡ್, ಇದ್ ನಿಂಗ ಕ್ರಿಯೆ ಮಾಡ್‌ವಕುಳ್ಳ ಕಾಲಾಂದ್ ಯೇಸು ಎಣ್ಣ್‌ಚಿ.

ಯೋಹಾನ 11:4

ಯೇಸು ಇದ್‍ನ ಕ್‍ೕಟದು: ಇದ್ ಲಾಜರ ಚತ್ತ್ ಪೋಪಕುಳ್ಳ ಕಾಯಿಲೆ ಅಲ್ಲ, ಇದ್ಂಡ ಮೂಲಕ ದೇವಡ ಪೆದಕ್ ಮಹಿಮೆ ಕ್‍ಟ್ಟುವ, ಅದ್ಂಡ ಮೂಲಕ ದೇವಡ ಮೋಂವೊನಾನ ನಾಕ್ ಮಹಿಮೆ ಕ್‌ಟ್ಟುವಾಂದ್ ಎಣ್ಣ್‌ಚಿ.

ಯೋಹಾನ 11:41

ಪಿಂಞ, ಅಯಿಂಗ ಆ ಬಂಡೆ ಕಲ್ಲ್‌ನ ಎಡ್‍ತತ್. ಅಕ್ಕ ಯೇಸು ಕೊಡಿಕ್ ನೋಟುವಂಜಿ: ಅಪ್ಪ, ನೀನ್ ನಾಡ ಪ್ರಾರ್ಥನೆನ ಎಕ್ಕಾಲು ಕ್‍ೕಪಂಗಾಯಿತ್ ನೀಕ್ ವಂದನೆ.

ಯೋಹಾನ 12:23

ಅಯಿಂಗಕ್ ಯೇಸು: ಮನುಷ್ಯಕುಮಾರಂಗ್ ಮಹಿಮೆ ಕ್‍ಟ್ಟ್‌ವಕುಳ್ಳ ಸಮಯ ಬಾತ್.

ಯೋಹಾನ 13:1

ಇಕ್ಕ, ಪಸ್ಕ ನಮ್ಮೆ ಪಕ್ಕಪಕ್ಕ ಬಾತ್. ಯೇಸುಕ್: ನಾನ್ ಈ ಲೋಕತ್‍ನ ಬುಟ್ಟಿತ್ ನಾಡ ಅಪ್ಪಂಡ ಪಕ್ಕ ಪೋಪೀಂದ್ ಗೊತ್ತಾಚಿ. ಆನಗುಂಡ್, ಅಂವೊ ಈ ಲೋಕತ್‍ಲ್ ಇಂಜ ಅಂವೊಂಡಯಿಂಗಳ ಎಚ್ಚಕ್ ಪ್ರೀತಿ ಮಾಡಿತ್ಂಜತೋ ಅನ್ನನೆ ಆಕೀರ್‍ಕತ್ತನೆ ಪ್ರೀತಿ ಮಾಡ್‍ಚಿ.

ಯೋಹಾನ 16:32

ಒರ್ ಸಮಯ ಬಪ್ಪ, ಅದ್ ಇಕ್ಕಲೆ ಬಂದ್‌ರ್‌ತ್. ನಿಂಗ ಎಲ್ಲಾರು ನನ್ನ ಬುಟ್ಟಿತ್ ಚದ್‌ರಿ ಪೋಯಿತ್ ಬೋರೆ ಬೋರೆ ಆಯಿತ್ ನಿಂಗ ನಿಂಗಡ ಮನೆಕ್ ಪೋಪಿರ, ನಾನ್ ಒಬ್ಬನೇ ಆಯಿಪೋಪಿ. ಆಚೇಂಗಿಯು ನಾನ್ ಒಂಟಿಯಾಯಿತ್ ಇಪ್ಪುಲೆ, ನಾಡ ಅಪ್ಪ ನಾಡ ಕೂಡೆ ಉಂಡ್.

ಯೋಹಾನ 7:30

ಯೇಸು ಇನ್ನನೆ ಎಣ್ಣುವಕ, ಅಯಿಂಗ ಅಂವೊನ ಪುಡಿಪಕ್ ನೋಟ್‌ಚಿ, ಆಚೇಂಗಿ ಅಂವೊಂಡ ಸಮಯ ಬರತಗುಂಡ್ ಅಂವೊಂಡ ಮೇಲೆ ದಾರೂ ಕೈ ಬಿಚ್ಚಿತ್‌ಲ್ಲೆ.

ಯೋಹಾನ 7:39

ಅಂವೊಂಡ ಮೇಲೆ ನಂಬಿಕೆ ಇಡ್‌ವ ಜನಕ್ ಕ್‍ಟ್ಟುವ ಪವಿತ್ರಾತ್ಮಂಡ ವಿಷಯತ್ ಯೇಸು ಇನ್ನನೆ ಎಣ್ಣ್‌ಚಿ. ಯೇಸು ಇಂಞು ಕೊಡಿಕ್ ಪೋಯಿತ್ ಮಹಿಮೆ ಪಡತೆ ಇಂಜಗುಂಡ್, ಪವಿತ್ರಾತ್ಮನ ಇಲ್ಲಿಕತ್ತನೆ ಕೊಡ್‍ತಿತ್‌ಲ್ಲೆ.

ಯೋಹಾನ 8:20

ಯೇಸು ದೇವಾಲಯತ್‍ಲ್ ಬಂಡಾರ ಇಡ್‌ವ ಪೊಟ್ಟಿ ಬೆಪ್ಪ ಜಾಗತ್‍ಲ್ ಉಪದೇಶ ಮಾಡಿಯಂಡಿಪ್ಪಕ ಇದ್‍ನೆಲ್ಲಾ ಎಣ್ಣ್‌ಚಿ. ಅಂವೊಂಡ ಸಮಯ ಇಂಞು ಬಂದಿತ್‌ಲ್ಲೆ, ಆನಗುಂಡ್ ದಾರೂ ಅಂವೊನ ಪುಡ್‌ಚಿತ್‌ಲ್ಲೆ.

ಅಪೊಸ್ತಲ 3:13

ನಂಗಡ ಅಜ್ಜಂಗಳಾನ ಅಬ್ರಹಾಮ, ಇಸಾಕ ಪಿಂಞ ಯಾಕೋಬಂಡ ದೇವ, ತಾಂಡ ಸೇವಕನಾನ ಯೇಸುನ ಮಹಿಮೆಪಡ್‍ತಿತುಂಡ್. ನಿಂಗ ಅಂವೊನ ಶಿಲುಬೇಲ್ ಇಡ್‌ವಕ್ ಒಪ್ಪ್‌ಚಿಟ್ಟಿರ; ಪಿಲಾತ ಅಂವೊನ ಬುಡ್‍ತಂಡೂಂದ್ ಎಣ್ಣ್‌ಚೇಂಗಿಯು, ನಿಂಗ, ಅಂವೊನ ಅನ್ನನೆ ಮಾಡ್‍ವದ್ ಬೋಂಡಾಂದ್ ಎಣ್ಣಿರ.

1 ಪೇತ್ರ 1:21

ಅಂವೊಂಡ ಮೂಲಕ ನಿಂಗ ದೇವಡ ಮೇಲೆ ನಂಬಿಕೆ ಬೆಪ್ಪನೆಕೆ ಮಾಡಿಯತ್. ದೇವ ಅಂವೊನ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎಪ್ಪ್‌ಚಿಟ್ಟಿತ್, ಅಂವೊಂಗ್ ಬಲ್ಯ ಮಹಿಮೆನ ಕೊಡ್‍ತತ್. ಆನಗುಂಡ್, ನಿಂಗ ದೇವಡ ಮೇಲೆ ನಂಬಿಕೆಯು ನಿರೀಕ್ಷೇಯು ಬೆಚ್ಚಿತುಳ್ಳಿರ.