ಯೋಹಾನ 16:7 - ಕೊಡವ ಬೈಬಲ್

⁷ ಆಚೇಂಗಿ, ನಾನ್ ನಿಂಗಕ್ ಒರ್ ಸತ್ಯ ಎಣ್ಣಿ ತಪ್ಪಿ: ನಾನ್ ಪೋಪದ್ ನಿಂಗಕ್ ಪ್ರಯೋಜನವಾಪ, ಎನ್ನಂಗೆಣ್ಣ್‌ಚೇಂಗಿ, ನಾನ್ ಪೋಕತ ಪೋನಕ ಆಲೋಚನೆ ತಪ್ಪ ಪವಿತ್ರಾತ್ಮ ನಿಂಗಡ ಪಕ್ಕ ಬಪ್ಪ್‌ಲೆ. ನಾನ್ ಪೋಚೇಂಗಿ, ಅಂವೊನ ನಿಂಗಡ ಪಕ್ಕ ಅಯಿಪಿ.

ಯೋಹಾನ 16:7 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:49

ನಾಡ ಅಪ್ಪ ವಾಗ್ದಾನ ಮಾಡ್‍ನ ಪವಿತ್ರ ಆತ್ಮತ್‌ನ ನಾನ್ ನಿಂಗಡ ಮೇಲೆ ಅಯಿಪಿ. ಆಚೇಂಗಿ ನಿಂಗಕ್ ಪರಲೋಕತ್ಂಜ ಶಕ್ತಿ ಕ್‌ಟ್ಟ್‌ವಕತ್ತನೆ ಯೆರೂಸಲೇಮ್ ಪಟ್ಟಣತ್‍ಲ್ ಪಾರಕಾತಂಡ್ ಇರಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:25

ಇದ್‍ಲ್ಲತೆ ಎಲೀಯಂಡ ಕಾಲತ್‍ಲ್ ಮೂಂದರೆ ಕಾಲ ಮಳೆ ಬರತೆ, ದೇಶತ್‍ಲ್ ಬರಗಾಲ ಇಪ್ಪಕ, ಇಸ್ರಾಯೇಲ್‌ಲ್ ಎಚ್ಚಕೋ ವಿದವೆಯಿಂಗ ಇಂಜದ್ ನೇರ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:27

ಇಲ್ಲಿ ಉಳ್ಳ ಚೆನ್ನ ಜನ ದೇವಡ ರಾಜ್ಯತ್‍ನ ಕಾಂಗತೆ ಚಾವ್‍ಲೇಂದ್ ನಿಂಗಕ್ ನಾನ್ ನೇರಾಯಿತು ಎಣ್ಣ್‌ವೀಂದ್ ಎಣ್ಣ್‌ಚಿ.

ಯೋಹಾನ 14:26

ನಾಡ ಪೆದತ್‍ಲ್ ನಾಡ ಅಪ್ಪ ನಿಂಗಕ್ ಅಯಿಪ ಪವಿತ್ರಾತ್ಮನಾನ ಆಲೋಚನೆಕಾರನೇ ನಿಂಗಕ್ ಬೋದನೆ ಮಾಡಿತ್, ನಾನ್ ನಿಂಗಕ್ ಎಣ್ಣ್‌ನ ಎಲ್ಲಾ ವಿಷಯತ್‍ನ ನಿಂಗಡ ಗೇನಕ್ ಕೊಂಡ್ ಬಪ್ಪ.

ಯೋಹಾನ 14:28

ನಾನ್ ನಿಂಗಳ ಬುಟ್ಟಿತ್ ಪೋಪಿ ಆಚೇಂಗಿ ನಾನ್ ನಿಂಗಡ ಪಕ್ಕ ಪುನಃ ಬಪ್ಪೀಂದ್ ನಾನ್ ಎಣ್ಣ್‌ನದ್‍ನ ಕ್‍ೕಟಿರಲ್ಲ. ನಿಂಗ ನನ್ನ ಪ್ರೀತಿಚಿಟ್ಟತೇಂಗಿ, ನಾನ್ ಅಪ್ಪಂಡ ಪಕ್ಕ ಪೋಪೀಂದ್ ಎಣ್ಣ್‌ನ ವಿಷಯಕ್ ಕುಶಿ ಪಡುವಿರ, ಎನ್ನಂಗೆಣ್ಣ್‌ಚೇಂಗಿ ಅಪ್ಪ ನಾಕಿಂಜ ಬಲ್ಯಂವೊನಾಯಿತುಂಡ್.

ಯೋಹಾನ 14:3

ನಾನ್ ಪೋಯಿತ್ ನಿಂಗಕಾಯಿತ್ ಜಾಗತ್‍ನ ತಯಾರ್ ಮಾಡಿತ್, ನಾನ್ ಇಪ್ಪ ಜಾಗತ್‍ಲ್ ನಿಂಗಳು ಇಪ್ಪನೆಕೆ, ನಾನ್ ಪುನಃ ಬಂದಿತ್, ನಿಂಗಳ ಕಾಕಿಯಂಡ್ ಪೋಪಿ.

ಯೋಹಾನ 15:26

ನಾಡ ಅಪ್ಪಂಡ ಕಡೇಯಿಂಜ ನಾನ್ ನಿಂಗಕ್ ಅಯಿಪಂವೊನು, ಅಪ್ಪಂಡ ಕಡೇಯಿಂಜ ಪೊರಟಿತ್ ಬಪ್ಪಂವೊನು ಆಯಿತುಳ್ಳ ಸತ್ಯತ್‍ರ ಆತ್ಮವಾಯಿತುಳ್ಳ ಆಲೋಚನೆಕಾರ ಬಪ್ಪಕ, ನಾಡ ವಿಷಯತ್ ಸಾಕ್ಷಿ ತಪ್ಪ.

ಯೋಹಾನ 16:8

ಅಂವೊ ಬಂತ್, ಜನಕ್ ಅಯಿಂಗ ಪಾಪ ಮಾಡ್‍ನಯಿಂಗಾಂದು, ನೀತಿ ಪಿಂಞ ದೇವಡ ನ್ಯಾಯತೀರ್ಪ್ ಕಂಡಿತವಾಯಿತ್ ಬಪ್ಪಾಂದು ಅರ್ಥ ಮಾಡಿತ್ ತಪ್ಪ.

ಯೋಹಾನ 7:39

ಅಂವೊಂಡ ಮೇಲೆ ನಂಬಿಕೆ ಇಡ್‌ವ ಜನಕ್ ಕ್‍ಟ್ಟುವ ಪವಿತ್ರಾತ್ಮಂಡ ವಿಷಯತ್ ಯೇಸು ಇನ್ನನೆ ಎಣ್ಣ್‌ಚಿ. ಯೇಸು ಇಂಞು ಕೊಡಿಕ್ ಪೋಯಿತ್ ಮಹಿಮೆ ಪಡತೆ ಇಂಜಗುಂಡ್, ಪವಿತ್ರಾತ್ಮನ ಇಲ್ಲಿಕತ್ತನೆ ಕೊಡ್‍ತಿತ್‌ಲ್ಲೆ.

ಅಪೊಸ್ತಲ 10:34

ಅಕ್ಕ ಪೇತ್ರ ತಕ್ಕ್ ಪರಿಯುವಕ್ ಸುರು ಮಾಡಿತ್, ದೇವ ಪಕ್ಷಪಾತ ಮಾಡುಲೇಂದ್ ಇಕ್ಕ ನಾಕ್ ಅರ್ಥ ಆಚಿ.

ಅಪೊಸ್ತಲ 2:33

ಅಂವೊನ ದೇವ ತಾಂಡ ಬಲ್‌ತೆ ಬರಿಲ್ ಅಳ್‍ಪ್‍ಚಿಟ್ಟಿತ್, ದೇವ ವಾಗ್ದಾನ ಮಾಡ್‍ನನೆಕೆ ಪವಿತ್ರಾತ್ಮನ ಅಯಿಪಕ್ ಅದಿಕಾರ ಕೊಡ್‍ತತ್. ನಿಂಗ ಇಕ್ಕ ನೋಟಿಯಂಡ್, ಕ್‍ೕಟಂಡ್ ಉಳ್ಳನೆಕೆ, ಅಂವೊ ನಂಗಡ ಮೇಲೆ ಪವಿತ್ರಾತ್ಮತ್‍ನ ಬೂಕಿತುಂಡ್.

ರೋಮ್ 8:28

ಇದ್‍ಲ್ಲತೆ, ಅಂವೊಂಡ ತೀರ್ಮಾನತ್‍ರ ಪ್ರಕಾರ ಕಾಕ್‍ನಯಿಂಗಳಾಯಿತ್, ಅಂವೊನ ಪ್ರೀತಿಚಿಡ್‌ವಯಿಂಗಕ್ ಎಲ್ಲಾ ನಲ್ಲದಾಯಿತೇ ದೇವ ಮಾಡ್‌ವಾಂದ್ ನಂಗಕ್ ಗೊತ್ತುಂಡ್.

2 ಕೊರಿಂಥ 4:17

ಇಂಞು, ಒರ್ ಗಳಿಗೆಲ್ ಕಾಂಗತ ಆಪ ತೂವೆಯಾಯಿತುಳ್ಳ ನಂಗಡ ಈ ಕಷ್ಟ, ನಂಗಕ್ ದುಂಬ ಬಲ್ಯ ನಿತ್ಯ ಗನಪಟ್ಟ ಮಹಿಮೆನ ಉಂಟ್ ಮಾಡ್‌ವ.