ಯೋಹಾನ 16:33 - ಕೊಡವ ಬೈಬಲ್

³³ ನಿಂಗಕ್ ನಾಡಲ್ಲಿ ಸಮಾದಾನ ಇಕ್ಕಂಡೂಂದ್ ನಾನ್ ನಿಂಗಕ್ ಇದ್‍ನೆಲ್ಲಾ ಎಣ್ಣಿಯೆ. ಲೋಕತ್‍ಲ್ ನಿಂಗಕ್ ಕಷ್ಟ ಉಂಡ್ ಆಚೇಂಗಿಯು ದೈರ್ಯತ್‍ಲ್ ಇರಿ; ನಾನ್ ಲೋಕತ್‍ನ ಗೆದ್ದಿಯೇಂದ್ ಎಣ್ಣ್‌ಚಿ.

ಯೋಹಾನ 16:33 ပူးပေါင်းရင်းမြစ်များ

ಮತ್ತಾಯ 9:2

ಚೆನ್ನ ಜನ ಅಲ್ಲಿಕ್, ಪಾರ್ಶ್ವವಾಯುಲ್ ನರಳಿಯಂಡಿಂಜ ಒರ್ ಮನುಷ್ಯನ, ಕಡ್‌ಕೆರ ಮೇಲೆ ಬುದ್ದಾಕ್‌ಚಿಟ್ಟಿತ್ ಕಾಕಿಯಂಡ್ ಬಾತ್. ಯೇಸು ಅಯಿಂಗಡ ನಂಬಿಕೇನ ಕಂಡಿತ್: ನಾಡ ಮೋಂವೊನೇ, ದೈರ್ಯ ಎಡ್‌ತ, ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:38

ಒಡೆಯನಾನ ದೇವಡ ಪೆದತ್‍ಲ್ ಬಂದಂಡುಳ್ಳ ರಾಜ ಆಶೀರ್ವಾದ ಪಡ್ಂದಂವೊ, ಪರಲೋಕತ್‍ಲ್ ಸಮಾದಾನ ಇಕ್ಕಡ್, ಪರಲೋಕತ್‍ಲ್ ದೇವಕ್ ಮಹಿಮೆ ಕ್‍ಟ್ಟಡ್‍ೕಂದ್ ತುದಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:14

ಪರಲೋಕತ್‍ಲ್ ಉಳ್ಳ ದೇವಕ್ ಮಹಿಮೆಯು, ಬೂಲೋಕತ್‍ಲ್ ಶಾಂತಿಯು, ಮನುಷ್ಯಂಗಡ ಮೇಲೆ ಪ್ರೀತಿಯು ಇಕ್ಕಡ್‍ೕಂದ್ ದೇವನ ತುದಿಚಂಡ್ ಪಾಟ್ ಪಾಡ್‌ಚಿ.

ಯೋಹಾನ 12:31

ದೇವ ಈ ಲೋಕಕ್ ನ್ಯಾಯತೀರ್ಪ್ ಮಾಡ್‌ವ ಸಮಯ ಇಕ್ಕಲೆ ಬಾತ್. ಈ ಲೋಕತ್‍ರ ಅದಿಪತಿನ ಇಕ್ಕಲೆ ದೇವ ಪೊರಮೆ ಚಾಡಿರ್‍ವ.

ಯೋಹಾನ 14:1

ನಿಂಗಡ ಹೃದಯ ಸಂಕಟ ಪಡತೆ ಇರಡ್; ದೇವನ ನಂಬಿ, ನನ್ನ ಸಹ ನಂಬಿ.

ಯೋಹಾನ 14:27

ಸಮಾದಾನತ್‍ನ ನಿಂಗಕ್ ಬುಟ್ಟಿತ್ ಪೋಪಿ, ನಾಡ ಸಮಾದಾನತ್‍ನೇ ನಿಂಗಕ್ ತಪ್ಪಿ; ಈ ಲೋಕ ತಪ್ಪ ಪ್ರಕಾರ ನಾನ್ ನಿಂಗಕ್ ತಪ್ಪುಲೆ. ನಿಂಗಡ ಹೃದಯ ಬೇಜಾರ್ ಪಡತೆ, ಗಾಬರಿ ಆಕತೆ ಇರಡ್.

ಯೋಹಾನ 16:11

ಈ ಲೋಕಕ್ ನ್ಯಾಯತೀರ್ಪ್ ಕಂಡಿತವಾಯಿತ್ ಬಪ್ಪಾಂದ್ ಕಾಟಿತಪ್ಪ. ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ರ ಅದಿಕಾರಿನ ದೇವ ಇಕ್ಕಲೆ ನ್ಯಾಯತೀರ್ಪ್ ಮಾಡಿಯತ್.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

ಅಪೊಸ್ತಲ 23:11

ಆ ದಿವಸ ಬಯಿಟ್, ಒಡೆಯ ಪೌಲಂಡ ಪಕ್ಕ ನಿಂದಿತ್ ದೈರ್ಯವಾಯಿತ್ ಇರ್; ನೀನ್ ಯೆರೂಸಲೇಮ್‍ಲ್ ನಾಡ ಸಂಗತಿನ ಸಾಕ್ಷಿಯಾಯಿತ್ ಎಣ್ಣ್‌ನನೆಕೆ, ರೋಮ್ ಪಟ್ಟಣತ್‌ಲು ಸಾಕ್ಷಿ ಎಣ್ಣಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 27:22

ಆಚೇಂಗಿಯು ನಿಂಗ ದೈರ್ಯತ್‍ಲ್ ಇರೀಂದ್ ಇಕ್ಕ ಬುದ್ದಿ ಎಣ್ಣ್‌ವಿ. ಇಂಞು ಮಿಂಞಕ್, ಹಡಗ್ ಮಾತ್ರ ನಾಶ ಆಯಿಪೋಪ, ಆಚೇಂಗಿ, ನಂಗಡ ಜೀವಕ್ ತೊಂದರೆ ಆಪುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 27:25

ಆನಗುಂಡ್ ಜನಳೇ, ದೈರ್ಯವಾಯಿತ್ ಇರಿ. ನಾಕ್ ಎಣ್ಣ್‌ನ ಪ್ರಕಾರ ಆಪಾಂದ್ ದೇವಡ ಮೇಲೆ ನಾಕ್ ನಂಬಿಕೆ ಉಂಡ್.

ಅಪೊಸ್ತಲ 9:31

ಇನ್ನನೆ ಇಪ್ಪಕ ಯೂದಾಯ ಗಲಿಲಾಯ ಸಮಾರ್ಯ ಪ್ರಾಂತ್ಯತ್‍ಲ್ ಉಳ್ಳ ಸೆಬೇಕೆಲ್ಲ ಸಮಾದಾನ ಕ್‍ಟ್ಟ್‌ಚಿ; ಅನ್ನನೆ ಅಯಿಂಗ ಒಡೆಯಂಡ ಬಕ್ತಿಲ್ ಪಿಂಞ ಪವಿತ್ರಾತ್ಮ ತಪ್ಪ ಪುರಡ್‍ಲ್ ಬದ್‍ಕಿಯಂಡ್, ಬೊಳ್ಂದಂಡ್ ಬಲಪಟ್ಟಂಡ್ ಇಂಜತ್.

2 ಕೊರಿಂಥ 1:3

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಅಪ್ಪನಾಯಿತು, ಕನಿಕರತ್‍ರ ಅಪ್ಪನಾಯಿತು, ಎಲ್ಲಾ ಸಮಾದಾನವು ತಪ್ಪ ದೇವನಾಯಿತುಳ್ಳ ದೇವಕ್ ವಂದನೆ.

2 ಕೊರಿಂಥ 13:11

ಆಕೀರ್‌ಲ್, ನಾಡ ಅಣ್ಣತಮ್ಮಣಂಗಳೇ, ನಿಂಗ ಕುಶೀಲ್ ಇರಿ, ಪೂರ್ತಿಯಾಯಿತ್ ಇರಿ, ಒಬ್ಬಂಗ್ ಒಬ್ಬ ಪುರ್‌ಡ್ ಕೊಡಿ, ಒರೇ ಮನಸ್ಸ್ ಉಳ್ಳಯಿಂಗಳಾಯಿತಿರಿ, ಸಮಾದಾನತ್‍ಲ್ ಇರಿ, ಅಕ್ಕ ಪ್ರೀತಿರ ಪಿಂಞ ಸಮಾದಾನತ್‍ರ ದೇವ ನಿಂಗಡ ಕೂಡೆ ಇಪ್ಪ.

2 ಕೊರಿಂಥ 2:14

ಆಚೇಂಗಿ, ಕ್ರಿಸ್ತಂಡಲ್ಲಿ ಎಕ್ಕಾಲು ನಂಗಕ್ ಜಯ ಕ್‍ಟ್ಟ್‌ವನೆಕೆ ಮಾಡಿತ್, ಎಲ್ಲಾ ಜಾಗತ್‍ಲು ನಂಗಡ ಮೂಲಕ ಅಂವೊನ ಅರಿವಕುಳ್ಳ ಬುದ್ದಿ ಎಣ್ಣುವ ಸುಗಂದ ವಾಸನೆನ ಪಬ್ಬ್‌ಚಿಡ್‌ವ ದೇವಕ್ ವಂದನೆ.

2 ಕೊರಿಂಥ 4:7

ಈ ಮಹತ್ವತ್‍ರ ಶಕ್ತಿ ನಂಗಡಗುಂಡ್ ಬಂದದಲ್ಲ, ಆಚೇಂಗಿ ದೇವಡಗುಂಡ್ ಬಂದದ್‍ೕಂದ್ ಕಾಂಬ್‍ಚಿಡುವನೆಕೆ, ಈ ಬಂಡಾರತ್‍ನ ಮಣ್ಣ್‌ರ ಪಾತ್ರತ್‍ರನೆಕೆ ಉಳ್ಳ ನಂಗಡ ತಡೀಲ್ ಪಡ್ಂದಿತುಂಡ್.

2 ಕೊರಿಂಥ 6:4

ಬಲ್ಯ ಪೊರುಮೇಲ್ ಎಲ್ಲಾ ಹಿಂಸೆನ, ಕಷ್ಟತ್‍ನ, ನೊಂಬಲತ್‍ನ ನಂಗ ಸಹಿಸಿಯಂಡ್ ಉಂಡ್.

2 ಕೊರಿಂಥ 7:4

ನಿಂಗಡ ವಿಷಯತ್ ನಾಕ್ ದುಂಬ ದೈರ್ಯ ಉಂಡ್; ನಿಂಗಡ ವಿಷಯತ್ ದುಂಬ ಹೆಮ್ಮೆ ಪಟ್ಟಂಡುಳ್ಳ. ನಾಕ್ ದುಂಬ ಪುರ್‌ಡ್ ಕ್‍ಟ್ಟಿತುಂಡ್, ನಂಗಕ್ ಆನ ಎಲ್ಲಾ ಹಿಂಸೆಲು ನಿಂಗ ನನ್ನ ದುಂಬ ಕುಶಿಪಡ್‍ತಿತುಳ್ಳಿರ.

ಗಲಾತ್ಯ 1:4

ಅಂವೊ ನಂಗಳ ಇಕ್ಕತ್‍ರ ಮೋಸವಾನ ಲೋಕತ್ಂಜ ಕಾಪಾಡ್‌ವಕಾಯಿತ್, ನಂಗಡ ಅಪ್ಪನಾನ ದೇವಡ ಚಿತ್ತತ್‍ರನೆಕೆ ನಂಗಡ ಪಾಪಕಾಯಿತ್ ಅಂವೊನ ಚಾವ್‍ಕ್ ಒಪ್ಪ್‌ಚಿಟ್ಟತ್.

ಗಲಾತ್ಯ 6:14

ಆಚೇಂಗಿ, ನಾಕ್ ಕ್ರಿಸ್ತಂಡ ಶಿಲುಬೇರ ವಿಷಯತ್‍ನ ಬುಟ್ಟಿತ್ ಬೋರೆ ಏದ್ ವಿಷಯತ್‍ಲು ಹೊಗಳಿಚಿಡುವದ್ ಬೋಂಡ; ಈ ಲೋಕ ಅಂವೊನಗುಂಡ್ ನಾಕಾಯಿತ್ ಶಿಲುಬೇಲ್ ಉಂಡ್, ನಾನ್ ಸಹ ಈ ಲೋಕತ್‍ರ ಆಸೆಕೆಲ್ಲಾ ನನ್ನ ಶಿಲುಬೇಕ್ ಇಟ್ಟಿಯೆ.

ಫಿಲಿಪ್ಪಿ 4:7

ನಿಂಗ ಇನ್ನನೆ ಮಾಡ್‍ಚೇಂಗಿ, ನಿಂಗ ಏದ್ ವಿಷಯತು ಬೇಜಾರ್ ಮಾಡತೆ ಇಪ್ಪಕ್, ನಿಂಗಡ ಮನಸ್ಸ್‌ನ ಕಾಪಾಡ್‌ವ. ನಿಂಗ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಾಂಗ್ ನಿಂಗಡ ಹೃದಯತ್‍ಲ್ ಸಮಾದಾನ ತಂದಿತ್ ನಿಂಗಳ ಕಾಪಾಡ್‌ವ. ಅಂವೊಂಡಿಂಜ ಬಪ್ಪ ಈ ಸಮಾದಾನತ್‍ನ ನಂಗಡ ಬುದ್ದಿಯಿಂಜ ಅರ್ಥ ಮಾಡ್‌ವಕಯ್ಯುಲೆ.

ಕೊಲೊಸ್ಸೆ 1:20

ಅಂವೊಂಡ ಮೋಂವೊಂಡ ಮೂಲಕ, ಎಲ್ಲಾನ ತಾಂಡ ಪಕ್ಕ ಪುನಃ ಕೊಂಡ್ ಬಂದಿತ್ ನಿಂಗಡ ಕೂಡೆ ಇಂಜ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡ್‌ವಕ್ ತೀರ್ಮಾನ ಮಾಡ್‍ಚಿ. ಪರಲೋಕತ್‍ಲ್ ಉಳ್ಳಾನ ಎಲ್ಲಾ, ಬೂಲೋಕತ್‍ಲ್ ಉಳ್ಳಾನ ಎಲ್ಲಾ, ತಾಂಡ ಮೋಂವೊ ಶಿಲುಬೇಲ್ ಬೂಕ್‌ನ ಚೋರೆರ ಮೂಲಕ ಸಮಾದಾನ ಮಾಡ್‌ವಕ್ ಅಂವೊ ತೀರ್ಮಾನ ಮಾಡ್‍ಚಿ.

1 ಥೆಸಲೊನೀಕ 3:4

ನಂಗ ನಿಂಗಡ ಕೂಡೆ ಇಪ್ಪಕ, ಅಯಿಂಗ ನಂಗಳ ಹಿಂಸೆ ಮಾಡ್‌ವಾಂದ್ ನಿಂಗಕ್ ಎಣ್ಣಿಯಂಡಿಂಜತ್; ಅದ್ ಅನ್ನನೆ ಆಚೀಂದ್ ನಿಂಗಕ್ ಗೊತ್ತಾಚಿ.

1 ಥೆಸಲೊನೀಕ 3:7

ಅದ್ಂಗಾಯಿತ್ ಅಣ್ಣತಮ್ಮಣಂಗಳೇ, ನಂಗಡ ಎಲ್ಲಾ ಕಷ್ಟತ್‍ಲ್ ಪಿಂಞ ಜನ ಮಾಡ್‌ವ ಹಿಂಸೆರ ಮದ್ಯತ್‍ಲ್ ನಿಂಗಕ್ ದೇವಡ ಪಕ್ಕ ಉಳ್ಳ ನಂಬಿಕೇಲ್ ಸ್ತಿರವಾಯಿತ್ ಉಳ್ಳಿರಾಂದ್ ಕ್‍ೕಪಕ ನಂಗಕ್ ಪುರ್‌ಡ್ ಕ್‍ಟ್ಟ್‌ಚಿ.

2 ಥೆಸಲೊನೀಕ 3:16

ಸಮಾದಾನತ್‍ರ ಒಡೆಯನೇ ಎಲ್ಲಾ ಸಮಯತ್‍ಲು ಎಲ್ಲಾ ವಿದತ್‌ಲು ನಿಂಗಕ್ ಸಮಾದಾನ ತರಡ್. ಒಡೆಯ ಎಕ್ಕಾಲು ನಿಂಗಡ ಕೂಡೆ ಇಕ್ಕಡ್.

2 ತಿಮೊಥೆಯ 3:12

ಎನ್ನನಾಚೇಂಗಿಯು, ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಟ್ಟಿತ್ ದೇವಡ ಬಕ್ತಿಲ್ ಬದ್‍ಕಂಡೂಂದ್ ಆಸೆ ಪಡ್‌ವಯಿಂಗ ಹಿಂಸೆನ ಅನುಬವಿಚಿಡುವ.

ಇಬ್ರಿಯ 11:25

ಚೆನ್ನ ಕಾಲ ಮಾತ್ರ ಕುಶಿ ತಪ್ಪ ಪಾಪಕಿಂಜ, ದೇವಡ ಮಕ್ಕಡ ಕೂಡೆ ಕಷ್ಟತ್‍ನ ಅನುಬವಿಚಿಡುವದ್‍ನ ಗೊತ್ತ್ ಮಾಡ್‍ಚಿ.

ಇಬ್ರಿಯ 7:2

ಮೆಲ್ಕಿಜೆದೇಕಂಗ್ ಅಬ್ರಹಾಮ ಅಂವೊಂಡ ಎಲ್ಲಾ ವಸ್ತುಯಿಂಜ ಪತ್ತ್‌ಲ್ ಒರ್ ಬಾಗತ್‍ನ ಕೊಡ್‍ತತ್. ಮೆಲ್ಕಿಜೆದೇಕ ಎಣ್ಣುವ ಅಂವೊಂಡ ಆದ್ಯ ಪೆದಕ್ ನೀತಿರ ರಾಜಾಂದು, ಪಿಂಞ ಸಾಲೇಮ್‍ರ ರಾಜ ಎಣ್ಣುವ ಪೆದಕ್ ಸಮಾದಾನತ್‍ರ ರಾಜಾಂದು ಅರ್ಥ ಆಪ.

1 ಪೇತ್ರ 5:9

ನಂಬಿಕೇಲ್ ದೈರ್ಯವಾಯಿತ್ ಇಂಜಂಡ್, ಅಂವೊಂಗ್ ಎದ್‍ರಾಯಿತ್ ನಿಲ್ಲಿ. ಈ ಲೋಕತ್‍ಲ್ ಉಳ್ಳ ನಿಂಗಡ ಎಲ್ಲಾ ಅಣ್ಣತಮ್ಮಣಂಗ ಇದೇ ತರ ಕಷ್ಟತ್‍ಲ್ ಬದ್‍ಕಿಯಂಡ್ ಉಳ್ಳದ್ ನಿಂಗಕ್ ಗೊತ್ತುಂಡಲ್ಲ!

1 ಯೋಹಾನ 2:13

ಅಪ್ಪಂಗಳೇ, ಆದಿಯಿಂಜಲೆ ಕ್ರಿಸ್ತ ಯೇಸುನ ನಿಂಗಕ್ ಗೊತ್ತಾನಗುಂಡ್ ನಾನ್ ಇದ್‍ನ ನಿಂಗಕ್ ಒಳ್‍ದ್‍ವಿ. ಬಾಲೆಕಾರಳೇ ನಿಂಗ ಕೆಟ್ಟಂವೊನಾನ ಸೈತಾನನ ಗೆದ್ದಗುಂಡ್ ನಾನ್ ಇದ್‍ನ ನಿಂಗಕ್ ಒಳ್‍ದ್‍ವಿ.

1 ಯೋಹಾನ 4:4

ಆಚೇಂಗಿ ನಾಡ ಪ್ರೀತಿರ ಮಕ್ಕಳೇ, ನಿಂಗ ದೇವಡ ಪಕ್ಕ ಕೂಡ್‌ನಯಿಂಗಳಾಯಿತ್ ಉಳ್ಳಗುಂಡ್, ಅಯಿಂಗಳ ಗೆದ್ದಿತುಳ್ಳಿರ. ಎನ್ನಂಗೆಣ್ಣ್‌ಚೇಂಗಿ ನಿಂಗಡ ಒಳ್‍ಲ್ ಉಳ್ಳ ಆತ್ಮ ಈ ಲೋಕತ್‍ರ ಜನಡ ಆತ್ಮಕಿಂಜ ಶಕ್ತಿವಂತಂವೊನಾಯಿತುಂಡ್.

1 ಯೋಹಾನ 5:4

ಎನ್ನಂಗೆಣ್ಣ್‌ಚೇಂಗಿ ದೇವಡ ಮಕ್ಕ ಎಲ್ಲಾರು ಈ ಲೋಕತ್‍ನ ಗೆಲ್ಲುವ. ದೇವಡ ಮೇಲೆ ಬೆಚ್ಚ ನಂಬಿಕೆಯಿಂಜಲೇ ನಂಗ ಈ ಲೋಕತ್‍ನ ಗೆದ್ದತ್.

ಪ್ರಕಟನೆ 12:11

ಚಾವನೆಕೆ ಕಷ್ಟ ಬಾತೇಂಗಿಯು, ಅದ್‍ಯಿಂಜ ತಪ್ಪ್‌ಚಿಡುವಕಾಯಿತ್, ಅಯಿಂಗಡ ಜೀವತ್‍ನ ಸಹ ನೋಟತೆ, ಕೊರಿಕುಟ್ಟಿರ ಚೋರೆರ ಮೂಲಕ, ಪಿಂಞ ಅಯಿಂಗಡ ಸಾಕ್ಷಿರ ವಾಕ್ಯತ್‍ರ ಮೂಲಕ ಸೈತಾನನ ಗೆದ್ದತ್.

ಪ್ರಕಟನೆ 3:21

ನಾನ್ ಗೆದ್ದಿತ್ ನಾಡ ಅಪ್ಪಂಡ ಸಿಂಹಾಸನತ್‍ಲ್ ಅಳ್‍ತಂಡುಳ್ಳನೆಕೆ, ದಾರ್ ಗೆಲ್ಲುವ ಅಂವೊನು ಸಹ ನಾಡ ಸಿಂಹಾಸನತ್‍ಲ್ ಅಳ್‌ಪಕ್ ನಾನ್ ಅದಿಕಾರ ತಪ್ಪಿ.

ಪ್ರಕಟನೆ 7:14

ಅಕ್ಕ ನಾನ್: ಸ್ವಾಮೀ, ನೀಕೇ ಎಲ್ಲಾ ಗೊತ್ತುಂಡ್‍ೕಂದ್ ಎಣ್ಣಿಯೆ. ಅಕ್ಕ ಅಂವೊ: ಈಂಗ ಬಲ್ಯ ಹಿಂಸೆಯಿಂಜ ಬಂದಯಿಂಗ; ಈಂಗ ಅಯಿಂಗಡ ಬಟ್ಟೇನ ಕೊರಿಕುಟ್ಟಿರ ಚೋರೆಲ್ ನೆಲೆಚಿತ್ ಬೊಳ್‍ತದಾಯಿತ್ ಮಾಡ್‍ಚಿ.