ಯೋಹಾನ 16:32 - ಕೊಡವ ಬೈಬಲ್

³² ಒರ್ ಸಮಯ ಬಪ್ಪ, ಅದ್ ಇಕ್ಕಲೆ ಬಂದ್‌ರ್‌ತ್. ನಿಂಗ ಎಲ್ಲಾರು ನನ್ನ ಬುಟ್ಟಿತ್ ಚದ್‌ರಿ ಪೋಯಿತ್ ಬೋರೆ ಬೋರೆ ಆಯಿತ್ ನಿಂಗ ನಿಂಗಡ ಮನೆಕ್ ಪೋಪಿರ, ನಾನ್ ಒಬ್ಬನೇ ಆಯಿಪೋಪಿ. ಆಚೇಂಗಿಯು ನಾನ್ ಒಂಟಿಯಾಯಿತ್ ಇಪ್ಪುಲೆ, ನಾಡ ಅಪ್ಪ ನಾಡ ಕೂಡೆ ಉಂಡ್.

ಯೋಹಾನ 16:32 ပူးပေါင်းရင်းမြစ်များ

ಮತ್ತಾಯ 26:31

ಅಕ್ಕ ಯೇಸು ಅಯಿಂಗಳ ನೋಟಿತ್: ಇಂದ್ ಬಯಿಟ್ ನನ್ನಗುಂಡ್ ನಿಂಗ ಓಡಿ ಪೋಪಿರ; ಎನ್ನಂಗೆಣ್ಣ್‌ಚೇಂಗಿ, ನಾನ್ ಕೊರಿ ಕಾಪಂವೊನ ಕೊಲ್ಲುವಿ, ಕೊರಿಯಳು ಚದ್‌ರಿ ಪೋಪಾಂದ್ ದೇವಡ ವಾಕ್ಯ ಎಣ್ಣುವ.

ಮತ್ತಾಯ 26:56

ಆಚೇಂಗಿಯು ಪ್ರವಾದಿಯಂಗ ಒಳ್‌ದಿತುಳ್ಳದೆಲ್ಲಾ ನೆರವೇರಿಚಿಡುವನೆಕೆ ಇದೆಲ್ಲ ಆಚೀಂದ್ ಯೇಸು ಎಣ್ಣ್‌ಚಿ. ಅಕ್ಕ ಅಂವೊಂಡ ಎಲ್ಲಾ ಶಿಷ್ಯಂಗ ಅಂವೊನ ಬುಟ್ಟಿತ್ ಓಡಿ ಪೋಯಿರ್‌ತ್.

ಮಾರ್ಕ 14:27

ಅಕ್ಕ ಯೇಸು ಅಯಿಂಗಳ ನೋಟಿತ್: ಕೊರಿ ಕಾಪಂವೊನ ಕೊಲ್ಲುವಿ, ಕೊರಿಯೆಲ್ಲ ಚದ್‌ರಿ ಪೋಪಾಂದ್ ಪುಸ್ತಕತ್‍ಲ್ ಒಳ್‌ದ್‌ನನೆಕೆ ನಿಂಗೆಲ್ಲಾರು ಇಂದ್ ಬಯಿಟ್ ನನ್ನ ಬುಟ್ಟಿತ್ ಓಡಿ ಪೋಪಿರ.

ಮಾರ್ಕ 14:50

ಅಕ್ಕ ಎಲ್ಲಾ ಶಿಷ್ಯಂಗಳು ಯೇಸುನ ಬುಟ್ಟಿತ್ ಓಡಿ ಪೋಚಿ.

ಯೋಹಾನ 12:23

ಅಯಿಂಗಕ್ ಯೇಸು: ಮನುಷ್ಯಕುಮಾರಂಗ್ ಮಹಿಮೆ ಕ್‍ಟ್ಟ್‌ವಕುಳ್ಳ ಸಮಯ ಬಾತ್.

ಯೋಹಾನ 16:2

ಅಯಿಂಗ ನಿಂಗಳ ಸಬಾಮಂದಿರತ್ಂಜ ಪೊರಂಬಡಿ ಬೆಪ್ಪ; ನಿಂಗಳ ಕೊಂದತೇಂಗಿ ಅಯಿಂಗ ದೇವಕ್ ಸೇವೆ ಮಾಡಿಯಂಡುಂಡ್‍ೕಂದ್ ಗೇನ ಮಾಡ್‌ವ ಸಮಯ ಬಪ್ಪ.

ಯೋಹಾನ 16:25

ಈ ತಕ್ಕ್‌ನ ಇಕ್ಕ ನಿಂಗಕ್ ಕಥೇರ ರೂಪತ್‌ಲ್ ನಾನ್ ಎಣ್ಣಿಯಂಡುಳ್ಳ. ಸಮಯ ಬಪ್ಪ, ಅಕ್ಕ ನಾನ್ ನಿಂಗಡ ಪಕ್ಕ ಕಥೇರ ರೂಪತ್‌ಲ್ ತಕ್ಕ್ ಪರಿಯತೆ, ಅಪ್ಪಂಡ ವಿಷಯತ್‍ನ ಚಾಯಿ ಅರ್ಥ ಆಪನೆಕೆ ಎಣ್ಣಿ ತಪ್ಪಿ.

ಯೋಹಾನ 16:31

ಅಕ್ಕ ಯೇಸು ಅಯಿಂಗಕ್: ಇಕ್ಕಾಚೇಂಗಿಯು ನಿಂಗ ನಂಬುವಿರಾಂದ್ ಕ್‍ೕಟತ್.

ಯೋಹಾನ 19:27

ಪಿಂಞ ಅಂವೊ ಆ ಶಿಷ್ಯಂಗ್: ನೋಟ್, ಇವ ನೀಡ ಅವ್ವಾಂದ್ ಎಣ್ಣ್‌ಚಿ. ಆ ಗಳಿಗೆಯಿಂಜ ಅಂವೊ ಅವಳ ಕಾಕಿಯಂಡ್ ಪೋಯಿತ್ ತಾಂಡ ಮನೆಕ್ ಕೂಟಿಯಂಡತ್.

ಯೋಹಾನ 20:10

ಪಿಂಞ ಆ ದಂಡ್ ಶಿಷ್ಯಂಗಳು ಅಯಿಂಗಡ ಜಾಗಕ್ ಪೋಚಿ.

ಯೋಹಾನ 4:21

ಅಕ್ಕ ಯೇಸು: ಅವ್ವ, ನಾಡ ತಕ್ಕ್‌ನ ನೀನ್ ನಂಬ್. ನಿಂಗ ದೇವನ ಆರಾದನೆ ಮಾಡ್‌ವಕ್ ಈ ಕುಂದ್‌ಕ್ ಪೋಪದ್ ಬೋಂಡ, ಯೆರೂಸಲೇಮ್‌ಕ್ ಪೋಪದು ಬೋಂಡ. ಆಚೇಂಗಿ ಅಪ್ಪನಾನ ದೇವನ ಎಲ್ಲಾ ಜಾಗತ್‍ಲು ಆರಾದನೆ ಮಾಡ್‌ವ ಕಾಲ ಬಂದಂಡುಂಡ್.

ಯೋಹಾನ 4:23

ನೇರಾಯಿತ್ ಆರಾದನೆ ಮಾಡ್‌ವಯಿಂಗ, ಅಪ್ಪನಾನ ದೇವನ ಆತ್ಮತ್‍ಲು ಸತ್ಯತ್‍ಲು ಆರಾದನೆ ಮಾಡ್‌ವ ಕಾಲ ಬಪ್ಪ, ಅದ್ ಇಕ್ಕಲೆ ಬಂದ್‌ರ್‌ತ್. ಅನ್ನನೆ ಆರಾದನೆ ಮಾಡ್‌ವಯಿಂಗಳ ದೇವ ತ್‍ೕಡಿಯಂಡುಂಡ್.

ಯೋಹಾನ 5:25

ಚತ್ತಯಿಂಗ ದೇವಡ ಮೋಂವೊಂಡ ಸ್ವರ ಕ್‍ೕಪ ಕಾಲ ಬಪ್ಪ, ಆ ಸಮಯ ಇಕ್ಕಲೆ ಬಂದಿತುಂಡ್. ಸ್ವರತ್‍ನ ಕ್‍ೕಪಯಿಂಗ ಜೀವವಾಯಿತ್ ಬಪ್ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 5:28

ಇದ್ಂಗ್ ಆಶ್ಚರ್ಯ ಪಡಂಡ; ಎನ್ನಂಗೆಣ್ಣ್‌ಚೇಂಗಿ, ಚತ್ತಿತ್ ತೂಟ್‌ಂಗಳತ್‌ಲ್ ಉಳ್ಳಯಿಂಗ ಎಲ್ಲಾರು ಮೋಂವೊಂಡ ಸ್ವರತ್‍ನ ಕ್‍ೕಪ ಕಾಲ ಬಪ್ಪ.

ಯೋಹಾನ 8:16

ಅನ್ನನೆ ನಾನ್ ತೀರ್ಪ್ ಮಾಡ್‍ಚೇಂಗಿ, ನಾಡ ತೀರ್ಪ್ ನೇರಾಯಿತ್‌ಪ್ಪ. ಎನ್ನಂಗೆಣ್ಣ್‌ಚೇಂಗಿ, ನಾನ್ ಒಬ್ಬನಾಯಿತ್ ಇಲ್ಲೆ, ನನ್ನ ಅಯಿಚ ಅಪ್ಪನಾನ ದೇವ ನಾಡ ಕೂಡೆ ಉಂಡ್.

ಯೋಹಾನ 8:29

ನನ್ನ ಅಯಿಚಂವೊ ನಾಡ ಕೂಡೆ ಉಂಡ್, ಅಂವೊಂಗ್ ಕುಶಿ ಆಪದ್‍ನ ನಾನ್ ಎಕ್ಕಾಲು ಮಾಡ್‌ವಗುಂಡ್ ಅಂವೊ ನನ್ನ ಎಕ್ಕಾಲು ಒಂಟಿಯಾಯಿತ್ ಬುಟ್ಟಿತ್‌ಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 21:6

ಅಯಿಂಗಕೆಲ್ಲ ನಂಗ ವಂದನೆ ಎಣ್ಣಿತ್ ಹಡಗ್‍ಲ್ ಪತ್ತ್‌ನ ಪಿಂಞ ಅಯಿಂಗೆಲ್ಲಾರು ಅಯಿಂಗಡ ಮನೆಕ್ ಪೋಚಿ.

ಅಪೊಸ್ತಲ 8:1

ಸೌಲ ಸಹ ಸ್ತೆಫನನ ಕೊಲ್ಲ್‌ವಕ್ ಒತ್ತಂಡಿಂಜತ್. ಅದೇ ದಿವಸತ್ ಯೆರೂಸಲೇಮ್‍ಲ್ ಇಂಜ ಸಬೇಕ್ ಬಲ್ಯ ಹಿಂಸೆ ಸುರ್ ಆಚಿ. ಅಪೊಸ್ತಲಂಗ ಅಲ್ಲತೆ, ಬೋರೆ ಎಲ್ಲಾ ಶಿಷ್ಯಂಗಳು ಯೂದಾಯ ಪಿಂಞ ಸಮಾರ್ಯ ಪ್ರಾಂತ್ಯತ್‍ಲ್ ಚದ್‌ರಿ ಪೋಚಿ.