ಯೋಹಾನ 16:30 - ಕೊಡವ ಬೈಬಲ್

³⁰ ನೀಕ್ ಎಲ್ಲಾ ವಿಷಯವು ಗೊತ್ತುಂಡ್. ನೀಡ ಪಕ್ಕ ದಾರೂ ಪ್ರಶ್ನೆ ಕ್‍ೕಕಂಡೂಂದ್ ಇಲ್ಲೆ. ಆನಗುಂಡ್ ನೀನ್ ದೇವಡಯಿಂಜ ಬಾತ್‍ೕಂದ್ ನಂಗ ನಂಬುವಾಂದ್ ಎಣ್ಣ್‌ಚಿ.

ಯೋಹಾನ 16:30 ပူးပေါင်းရင်းမြစ်များ

ಯೋಹಾನ 16:17

ಅಂವೊಂಡ ಚೆನ್ನ ಶಿಷ್ಯಂಗ: ಇದೆಲ್ಲಾ ಎಂತ? ನಾನ್ ಅಪ್ಪಂಡ ಪಕ್ಕ ಪೋಪಗುಂಡ್, ಚೆನ್ನ ಸಮಯ ನನ್ನ ಕಾಂಬುಲೇಂದು ಪಿಂಞ ಪುನಃ ಚೆನ್ನ ಕಾಲ ಆನ ಪಿಂಞ ನನ್ನ ಕಾಂಬಿರಾಂದು ನಂಗಡ ಕೂಡೆ ಎಣ್ಣಿಯಂಡ್ ಉಂಡಲ್ಲಾ?

ಯೋಹಾನ 16:23

ಆ ದಿವಸ ಬಪ್ಪಕ, ನನ್ನ ನಿಂಗ ಒಂದು ಕ್‍ೕಪುಲೆ. ನಾಡ ಪೆದತ್‍ಲ್ ನಿಂಗ ಅಪ್ಪಂಡ ಪಕ್ಕ ಎಂತ ಕ್‍ೕಪಿರೋ ಅದ್‍ನೆಲ್ಲಾ ನಿಂಗಕ್ ಅಪ್ಪ ತಪ್ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 16:26

ಆ ಕಾಲ ಬಪ್ಪಕ ನಿಂಗ ನಾಡ ಪೆದತ್‍ಲ್ ಬೋಡ್‍ವಿರ. ಅಕ್ಕ ನಾನ್ ನಿಂಗಕಾಯಿತ್ ಅಪ್ಪಂಡ ಪಕ್ಕ ಕ್‍ೕಪೀಂದ್ ನಿಂಗಕ್ ಎಣ್ಣ್‌ವದ್ ಬೋಂಡ.

ಯೋಹಾನ 16:31

ಅಕ್ಕ ಯೇಸು ಅಯಿಂಗಕ್: ಇಕ್ಕಾಚೇಂಗಿಯು ನಿಂಗ ನಂಬುವಿರಾಂದ್ ಕ್‍ೕಟತ್.

ಯೋಹಾನ 17:8

ನೀನ್ ನಾಕ್ ಕೊಡ್‍ತಿತುಳ್ಳ ಸತ್ಯತ್‍ನ ನಾನ್ ಅಯಿಂಗಕ್ ಕೊಡ್‌ತಿಯೆ; ಅಯಿಂಗ ಅದ್‍ನ ಸ್ವೀಕಾರ ಮಾಡಿತ್, ನಾನ್ ನೀಡಯಿಂಜ ಪೊರಟಿತ್ ಬಾತ್‍ೕಂದ್ ದೃಡವಾಯಿತ್ ಗೊತ್ತಾಯಿತ್, ನೀನೇ ನನ್ನ ಲೋಕಕ್ ಅಯಿಚತ್‍ೕಂದ್ ನಂಬಿಯಂಡುಂಡ್.

ಯೋಹಾನ 2:11

ಇನ್ನನೆ, ಯೇಸು ತಾಂಡ ಆದ್ಯ ಅದ್ಬುತ ಕಾರ್ಯತ್‍ನ ಗಲಿಲಾಯ ಪ್ರಾಂತ್ಯತ್‍ರ ಕಾನಾ ಎಣ್ಣುವ ಊರ್‌ಲ್ ಮಾಡಿತ್, ತಾಂಡ ಮಹಿಮೆನ ಕಾಂಬ್‍ಚಿಟ್ಟತ್. ಅಂವೊಂಡ ಶಿಷ್ಯಂಗ ಯೇಸುನ ನಂಬ್‍ಚಿ.

ಯೋಹಾನ 21:17

ಮೂಂದನೆ ಕುರಿ ಯೇಸು ಅಂವೊನ ನೋಟಿತ್: ಯೋಹಾನಂಡ ಮೋಂವೊನಾನ ಸೀಮೋನನೇ, ನೀನ್ ನಾಡ ಮೇಲೆ ಪ್ರೀತಿ ಬೆಚ್ಚಿತುಳ್ಳಿಯಾಂದ್ ಕ್‍ೕಟತ್. ನೀನ್ ನಾಡ ಮೇಲೆ ಪ್ರೀತಿ ಬೆಚ್ಚಿತುಳ್ಳಿಯಾಂದ್ ಮೂಂದನೆ ಕುರಿ ಯೇಸು ಕ್‍ೕಪಕ, ಪೇತ್ರಂಗ್ ದುಂಬ ಬೇಜಾರ್ ಆಚಿ, ಅಕ್ಕ ಅಂವೊ ಒಡೆಯನೇ: ನೀಕ್ ಎಲ್ಲಾನ ಗೊತ್ತುಂಡ್, ನಾಕ್ ನೀಡ ಮೇಲೆ ಉಳ್ಳ ಪ್ರೀತಿಯು ಗೊತ್ತುಂಡ್‍ೕಂದ್ ಎಣ್ಣ್‌ಚಿ. ಅಂವೊಂಗ್ ಯೇಸು: ನಾಡ ಕೊರಿಯಳ ಮೇಯಿಸೂಂದ್ ಎಣ್ಣ್‌ಚಿ.

ಯೋಹಾನ 5:20

ಅಪ್ಪ ಮೋಂವೊನ ದುಂಬ ಪ್ರೀತಿ ಮಾಡಿತ್, ಅಂವೊ ಮಾಡ್‌ವಾನೆಲ್ಲಾ ಮೋಂವೊಂಗ್ ಕಾಟಿ ಕೊಡ್‍ಪ; ನಿಂಗ ಆಶ್ಚರ್ಯ ಪಡುವನೆಕೆ ಇದ್‌ಂಗಿಂಜ ಬಲ್ಯ ಬಲ್ಯ ಕಾರ್ಯತ್‍ನ ಮೋಂವೊಂಗ್ ಕಾಟಿತಪ್ಪ.

ಯೋಹಾನ 8:42

ದೇವ ನಿಂಗಡ ನೇರಾನ ಅಪ್ಪನಾಯಿತುಂಡೇಂಗಿ, ನಿಂಗ ನಾಡ ಮೇಲೆ ಪ್ರೀತಿಲ್ ಇಪ್ಪಿರ. ಎನ್ನಂಗೆಣ್ಣ್‌ಚೇಂಗಿ ನಾನ್ ದೇವಡಯಿಂಜ ಬಂದಿತುಳ್ಳ. ನಾನ್ ನಾಡ ಇಷ್ಟ ಪ್ರಕಾರ ಬಂದಿತ್‌ಲ್ಲೆ, ಅಂವೊನೇ ನನ್ನ ಅಯಿಚತ್.

ಇಬ್ರಿಯ 4:13

ಅಂವೊಂಡ ಕಣ್ಣ್‌ಕ್ ಮರ್‌ಂಜಿತ್‌ಪ್ಪ ಸೃಷ್ಟಿ ಏದು ಇಲ್ಲೆ; ಅಂವೊಂಡ ಕಣ್ಣ್‌ಕ್ ಎಲ್ಲಾ ತೊರ್‌ಂದದಾಯಿತು, ಕಾಂಬನೆಕೆಯು ಉಂಡ್, ಅಂವೊಂಗೇ ನಂಗ ಲೆಕ್ಕ ಕೊಡ್‍ಕಂಡು.