ಯೋಹಾನ 16:3 - ಕೊಡವ ಬೈಬಲ್

³ ಅಯಿಂಗಕ್ ನನ್ನ, ನಾಡ ಅಪ್ಪನ ಗೊತ್ತಿಲ್ಲತಗುಂಡ್ ಇದ್‍ನೆಲ್ಲಾ ನಿಂಗಕ್ ಮಾಡ್‌ವ.

ಯೋಹಾನ 16:3 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:22

ನಾಡ ಅಪ್ಪ ನಾಕ್ ಎಲ್ಲಾನ ಒಪ್ಪ್‌ಚಿಟ್ಟತ್; ಅಪ್ಪನ ಬುಟ್ಟಿತ್ ಬೋರೆ ದಾರ್‌ಕು ಮೋಂವೊನ ಗೊತ್ತಿಪ್ಪುಲೆ; ಇಂಞು ಮೋಂವೊನು, ಮೋಂವೊ ದಾರ್‌ಕ್ ಅಪ್ಪನಾನ ದೇವನ ಕಾಂಬ್‍ಚಿಡ್‍ವಕ್ ಚಿತ್ತ ಉಂಡೋ, ಅಂವೊನಲ್ಲತೆ ಬೋರೆ ದಾರ್‌ಕು ಅಪ್ಪನ ಗೊತ್ತಾಪುಲೇಂದ್ ಎಣ್ಣ್‌ಚಿ.

ಯೋಹಾನ 15:21

ಆಚೇಂಗಿ ನನ್ನ ದಾರ್ ಅಯಿಚತೋ ಅಂವೊನ ಗೊತ್ತಿಲ್ಲತಗುಂಡ್, ನಾಡಗುಂಡ್ ನಿಂಗಕ್ ಇನ್ನನೆ ಮಾಡ್‌ವ.

ಯೋಹಾನ 15:23

ನನ್ನ ವಿರೋದಿಚಿಡ್‌ವಯಿಂಗ ನಾಡ ಅಪ್ಪನ ಸಹ ವಿರೋದಿಚಿಡುವ.

ಯೋಹಾನ 17:25

ನೀತಿವಂತ ಅಪ್ಪನೇ! ಈ ಲೋಕತ್‍ರ ಜನಕ್ ನೀನ್ ದಾರ್‍ೕಂದ್ ಗೊತ್ತ್‌ಲ್ಲೆ, ಆಚೇಂಗಿ ನಾಕ್ ನಿನ್ನ ಗೊತ್ತುಂಡ್; ನೀನ್ ನನ್ನ ಅಯಿಚದ್ ಈಂಗಕೂ ಗೊತ್ತುಂಡ್.

ಯೋಹಾನ 17:3

ಸತ್ಯ ದೇವನಾಯಿತುಳ್ಳ ನೀನ್ ಒಬ್ಬನ ಪಿಂಞ ನೀನ್ ಅಯಿಚ ಯೇಸು ಕ್ರಿಸ್ತನ ಗೊತ್ತಾಪದೇ ನಿತ್ಯ ಜೀವ.

ಯೋಹಾನ 8:19

ಅಕ್ಕ ಫರಿಸಾಯಂಗ ಅಂವೊಂಗ್: ನೀಡ ಅಪ್ಪ ಎಲ್ಲಿಯಾಂದ್ ಕ್‍ೕಟತ್. ಅದ್ಂಗ್ ಯೇಸು ಅಯಿಂಗಕ್: ನಾನ್ ದಾರ್‍ೕಂದೂ ಗೊತ್ತ್‌ಲ್ಲೆ, ನಾಡ ಅಪ್ಪ ದಾರ್‍ೕಂದೂ ನಿಂಗಕ್ ಗೊತ್ತ್‌ಲ್ಲೆ; ನಿಂಗಕ್ ನಾನ್ ದಾರ್‍ೕಂದ್ ಗೊತ್ತ್‌ಂಜತೇಂಗಿ, ನಾಡ ಅಪ್ಪನ ಸಹ ಗೊತ್ತ್ಂಜತಿಪ್ಪ.

ಯೋಹಾನ 8:55

ಆಚೇಂಗಿಯು ಅಂವೊನ ನಿಂಗಕ್ ಗೊತ್ತ್‌ಲ್ಲೆ, ನಾಕ್ ಅಂವೊನ ಗೊತ್ತುಂಡ್; ಅಂವೊನ ನಾಕ್ ಗೊತ್ತ್‌ಲ್ಲೇಂದ್ ನಾನ್ ಎಣ್ಣ್‌ಚೇಂಗಿ, ನಾನ್ ನಿಂಗಡನೆಕೆ ಪೊಟ್ಟ್‌ಮಾರಿಯಾಯಿತ್‌ಪ್ಪಿ. ನಾಕ್ ಅಂವೊನ ಗೊತ್ತುಂಡ್, ಅಂವೊಂಡ ತಕ್ಕ್‌ಕ್ ನಾನ್ ಬಗ್ಗಿತ್ ನಡ್‍ಂದಿಯೆ.

ಅಪೊಸ್ತಲ 3:17

ನಾಡ ಅಣ್ಣತಮ್ಮಣಂಗಳೇ, ನಿಂಗಳು ನಿಂಗಡ ಅದಿಕಾರಿಯಳು ಗೊತ್ತಿಲ್ಲತೆ ಇನ್ನನೆ ಮಾಡಿರಾಂದ್ ನಾಕ್ ಗೊತ್ತುಂಡ್.

1 ಕೊರಿಂಥ 2:8

ಆಚೇಂಗಿ ಈ ಲೋಕತ್‍ರ ರಾಜಂಗ ದಾರೂ ಇದ್‍ನ ಅರ್ಥ ಮಾಡಿಯಂಡಿತ್‌ಲ್ಲೆ. ಅನ್ನನೆ ಅರ್ಥ ಮಾಡಿತ್ಂಜತೇಂಗಿ, ಮಹಿಮೆಯುಳ್ಳ ಒಡೆಯನ ಅಯಿಂಗ ಶಿಲುಬೇಕ್ ಇಡ್‍ವಕಿಂಜಿಲೆ.

1 ತಿಮೊಥೆಯ 1:13

ಮಿಂಞ, ನಾನ್ ಅಂವೊನ ಎಚ್ಚಕೋ ದೇವ ದೂಷಣೆ ಮಾಡಿತ್, ಅಂವೊಂಡ ಜನಳ ಹಿಂಸೆ ಮಾಡಿತ್, ಕ್ರೂರವಾಯಿತ್ ಇಂಜ. ಆಚೇಂಗಿಯು, ನಾಕ್ ಅಂವೊಂಡ ಮೇಲೆ ನಂಬಿಕೆ ಇಲ್ಲತೆ, ಗೊತ್ತಿಲ್ಲತೆ ಇನ್ನನೆ ಮಾಡ್‌ನಾಂಗ್ ಯೇಸು ಕ್ರಿಸ್ತ ನಾಡ ಮೇಲೆ ಕನಿಕರ ಕಾಟ್‍ಚಿ.

1 ಯೋಹಾನ 2:23

ದಾರ್ ಮೋಂವೊನ ಅಲ್ಲಗೆಳೆಯುವ ಅಂವೊ ಅಪ್ಪನ ಅಲ್ಲಗೆಳೆಯುವ. ದಾರ್ ಮೋಂವೊನ ಸ್ವೀಕಾರ ಮಾಡ್‌ವ ಅಂವೊಂಡ ಕೂಡೆ ಅಪ್ಪ ಉಂಡ್‍ೕಂದ್ ಗೊತ್ತಾಪ.

1 ಯೋಹಾನ 3:1

ನಂಗಳ ದೇವಡ ಮಕ್ಕಾಂದ್ ಕಾಕ್‍ನಗುಂಡ್ ನಂಗಡ ದೇವನಾನ ಅಪ್ಪ ನಂಗಡ ಮೇಲೆ ಇಟ್ಟಿತ್ತುಳ್ಳ ಪ್ರೀತಿ ಎಚ್ಚಕ್ ಬಲ್ಯದ್‍ೕಂದ್ ನೋಟಿ! ಅಕ್ಕು, ನಂಗ ದೇವಡ ಮಕ್ಕಳೇ! ಆಚೇಂಗಿ, ಈ ಲೋಕತ್‍ರ ಜನ ನಂಗಳ ದೇವಡ ಮಕ್ಕಾಂದ್ ಅರಿಂಜಿತ್‌ಲ್ಲೆ, ಎನ್ನಂಗೆಣ್ಣ್‌ಚೇಂಗಿ ಅಯಿಂಗಕ್ ದೇವನ ಗೊತ್ತ್‌ಲ್ಲೆ.

1 ಯೋಹಾನ 4:8

ಆಚೇಂಗಿ, ಪ್ರೀತಿ ಇಲ್ಲತಂವೊಂಗ್ ದೇವನ ಗೊತ್ತ್‌ಲ್ಲೆ. ಎನ್ನಂಗೆಣ್ಣ್‌ಚೇಂಗಿ ದೇವ ಪ್ರೀತಿಯಾಯಿತೇ ಉಂಡ್.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.