ಯೋಹಾನ 16:26 - ಕೊಡವ ಬೈಬಲ್

²⁶ ಆ ಕಾಲ ಬಪ್ಪಕ ನಿಂಗ ನಾಡ ಪೆದತ್‍ಲ್ ಬೋಡ್‍ವಿರ. ಅಕ್ಕ ನಾನ್ ನಿಂಗಕಾಯಿತ್ ಅಪ್ಪಂಡ ಪಕ್ಕ ಕ್‍ೕಪೀಂದ್ ನಿಂಗಕ್ ಎಣ್ಣ್‌ವದ್ ಬೋಂಡ.

ಯೋಹಾನ 16:26 ပူးပေါင်းရင်းမြစ်များ

ಯೋಹಾನ 14:16

ಅಕ್ಕ ನಾನ್ ನಾಡ ಅಪ್ಪಂಡ ಪಕ್ಕ ಬೋಡುವಿ, ಅಂವೊ ನಿಂಗಕ್ ಆಲೋಚನೆ ತಪ್ಪ ಇಂಞೊಬ್ಬನ ತಪ್ಪ. ಅಂವೊ ಎಕ್ಕಾಲು ನಿಂಗಡ ಕೂಡೆ ಇಪ್ಪ.

ಯೋಹಾನ 14:20

ನಾನ್ ನಾಡ ಅಪ್ಪಂಡಲ್ಲಿ, ನಿಂಗ ನಾಡಲ್ಲಿ, ನಾನ್ ನಿಂಗಡಲ್ಲಿ ಇಪ್ಪದ್‍ನ ಆ ದಿವಸತ್‍ಲ್ ನಿಂಗ ಅರ್ಥಮಾಡ್‍ವಿರ.

ಯೋಹಾನ 16:19

ಇದ್ಂಡ ವಿಷಯತ್ ಅಂವೊಂಡ ಪಕ್ಕ ಅಯಿಂಗ ಪ್ರಶ್ನೆ ಕ್‍ೕಕಂಡೂಂದ್ ಉಳ್ಳದ್ ಯೇಸುಕ್ ಗೊತ್ತಾಪಕ, ಅಂವೊ ಅಯಿಂಗಕ್: ನನ್ನ ಚೆನ್ನ ಸಮಯಕ್ ನಿಂಗ ಕಾಂಬುಲೆ, ಚೆನ್ನ ಸಮಯ ಆನ ಪಿಂಞ ನಿಂಗ ಕಾಂಬಿರಾಂದ್ ನಾನ್ ಎಣ್ಣ್‌ನ ವಿಷಯತ್ ನಿಂಗ ತಕ್ಕ್ ಪರ್‌ದಂಡ್ ಉಳ್ಳಿರಾ?

ಯೋಹಾನ 16:23

ಆ ದಿವಸ ಬಪ್ಪಕ, ನನ್ನ ನಿಂಗ ಒಂದು ಕ್‍ೕಪುಲೆ. ನಾಡ ಪೆದತ್‍ಲ್ ನಿಂಗ ಅಪ್ಪಂಡ ಪಕ್ಕ ಎಂತ ಕ್‍ೕಪಿರೋ ಅದ್‍ನೆಲ್ಲಾ ನಿಂಗಕ್ ಅಪ್ಪ ತಪ್ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 16:30

ನೀಕ್ ಎಲ್ಲಾ ವಿಷಯವು ಗೊತ್ತುಂಡ್. ನೀಡ ಪಕ್ಕ ದಾರೂ ಪ್ರಶ್ನೆ ಕ್‍ೕಕಂಡೂಂದ್ ಇಲ್ಲೆ. ಆನಗುಂಡ್ ನೀನ್ ದೇವಡಯಿಂಜ ಬಾತ್‍ೕಂದ್ ನಂಗ ನಂಬುವಾಂದ್ ಎಣ್ಣ್‌ಚಿ.

ಯೋಹಾನ 17:19

ಅಯಿಂಗಳಗುಂಡ್ ನನ್ನ ನಾನ್ ಪವಿತ್ರವಾಯಿತ್ ಮಾಡ್‌ವಿ, ಅಕ್ಕ ಈಂಗಳು ಸತ್ಯತ್‍ರಗುಂಡ್ ನೀಕ್ ಪವಿತ್ರವಾಯಿತ್ ಆಪ.

ಯೋಹಾನ 17:24

ಅಪ್ಪಾ! ಲೋಕತ್‍ನ ಸೃಷ್ಟಿ ಮಾಡ್‌ವಕ್ ಮಿಂಞಲೇ ನೀನ್ ನಾಡಲ್ಲಿ ಪ್ರೀತಿಯಾಯಿತ್ ಇಂಜಗುಂಡ್, ನೀನ್ ನಾಕ್ ತಂದ ನಾಡ ಮಹಿಮೆನ, ನೀನ್ ನಾಕ್ ಕೊಡ್‍ತಯಿಂಗ ಕಾಂಬನೆಕೆ, ನಾನ್ ಎಲ್ಲಿ ಇಪ್ಪಿ, ಅಲ್ಲಿ ಅಯಿಂಗಳು ಇಪ್ಪಕ್ ನಾನ್ ಕುಶೀಲ್ ಉಳ್ಳ.

ಯೋಹಾನ 17:9

ನಾನ್ ಇಕ್ಕ ಅಯಿಂಗಕಾಯಿತ್ ಪ್ರಾರ್ಥನೆ ಮಾಡ್‌ವಿ; ಈ ಲೋಕಕಾಯಿತ್ ಪ್ರಾರ್ಥನೆ ಮಾಡತೆ, ನೀನ್ ನಾಕ್ ತಂದಯಿಂಗಕಾಯಿತ್ ಪ್ರಾರ್ಥನೆ ಮಾಡ್‌ವಿ, ಎನ್ನಂಗೆಣ್ಣ್‌ಚೇಂಗಿ ಅಯಿಂಗ ನೀಡಯಿಂಗಳಾಯಿತುಂಡ್.

ರೋಮ್ 8:34

ಅಕ್ಕ, ತೀರ್ಪ್ ಮಾಡ್‌ವಯಿಂಗ ದಾರ್? ಕ್ರಿಸ್ತನೇ ನಂಗಕಾಯಿತ್ ಚತ್ತಂವೊ. ಅಲ್ಲತೆ, ಅಂವೊನೇ ನಂಗಕಾಯಿತ್ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಂದಂವೊ. ಅಂವೊನೇ ದೇವಡ ಬಲ್‌ತೆ ಬರಿಲ್ ಅಳ್‌ತಂಡಿಪ್ಪಂವೊ, ನಂಗಕಾಯಿತ್ ದೇವಡ ಪಕ್ಕ ಬೋಡುವಂವೊನು ಅಂವೊನೇ.