ಯೋಹಾನ 16:25 - ಕೊಡವ ಬೈಬಲ್

²⁵ ಈ ತಕ್ಕ್‌ನ ಇಕ್ಕ ನಿಂಗಕ್ ಕಥೇರ ರೂಪತ್‌ಲ್ ನಾನ್ ಎಣ್ಣಿಯಂಡುಳ್ಳ. ಸಮಯ ಬಪ್ಪ, ಅಕ್ಕ ನಾನ್ ನಿಂಗಡ ಪಕ್ಕ ಕಥೇರ ರೂಪತ್‌ಲ್ ತಕ್ಕ್ ಪರಿಯತೆ, ಅಪ್ಪಂಡ ವಿಷಯತ್‍ನ ಚಾಯಿ ಅರ್ಥ ಆಪನೆಕೆ ಎಣ್ಣಿ ತಪ್ಪಿ.

ಯೋಹಾನ 16:25 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:6

ಇದೆಲ್ಲಾ ಜ್ಞಾನತ್‌ರ ಪಡಿಮೆನ, ಆಂಡ ಅರ್ಥತ್‌ನ, ಜ್ಞಾನಿಯಡ ವಾಕ್ಯತ್‌ನ ಪಿಂಞ ಅಯಿಂಗ ಎಣ್ಣ್‌ನ ಒಡ್‌ಪ ಗಾದೆನೆಲ್ಲಾ ಅರ್ಥ ಮಾಡಿಯೊಕ್‌ ಸಹಾಯ ಮಾಡುವ. ಆ

ಮಾರ್ಕ 4:13

ಪಿಂಞ ಯೇಸು ಅಯಿಂಗಳ ನೋಟಿತ್, ಈ ಕಥೇರ ರೂಪ ನಿಂಗಕ್ ಅರ್ಥ ಆಯಿತಿಲ್ಲೆಯಾ ಅನ್ನನೆ ಆಚೇಂಗಿ ನಿಂಗಕ್ ಬೋರೆ ಕಥೇರ ರೂಪ ಎನ್ನನೆ ಅರ್ಥ ಆಪ ಎಣ್ಣಿಯಂಡ್ ಕ್‍ೕಟತ್.

ಮಾರ್ಕ 4:34

ಯೇಸು ಕಥೇರ ರೂಪತ್‌ಲ್ ಎಣ್ಣತೆ ಜನಡ ಕೂಡೆ ತಕ್ಕ್ ಪರಿಯುವಕಿಂಜಿಲೆ. ಆಚೇಂಗಿ ಅಂವೊ ಅಂವೊಂಡ ಶಿಷ್ಯಂಗಡ ಕೂಡೆ ಇಪ್ಪಕ ಅಯಿಂಗಕ್ ಚಾಯಿತೆ ಅರ್ಥ ಮಾಡಿ ಕೊಡ್‌ಪಯಿಂಜತ್.

ಮಾರ್ಕ 8:32

ಈ ವಿಷಯತ್‌ನೆಲ್ಲ ಅಂವೊ ಚಾಯಿತೆ ವಿವರಿಚಿಡುವಕ, ಪೇತ್ರ ಯೇಸುನ ಆಬರಿಕ್ ಕಾಕುವಂಜಿ ಅಂವೊನ ಚೂಕ್‌ವಕ್ ಸುರು ಮಾಡ್‍ಚಿ.

ಯೋಹಾನ 10:24

ಚೆನ್ನ ಜನ ಒಟ್ಟ್ ಕೂಡಿತ್: ನಂಗಳ ಎಚ್ಚಕ್ ಕಾಲ ನೀನ್ ಇನ್ನನೆ ಅನುಮಾನತ್‍ಲ್ ಬೆಪ್ಪಿಯಾ? ನೀನ್ ನೇರಾನ ಕ್ರಿಸ್ತನಾಚೇಂಗಿ ಸತ್ಯವಾಯಿತ್ ಎಣ್ಣ್‍ೕಂದ್ ಎಣ್ಣ್‌ಚಿ.

ಯೋಹಾನ 10:6

ಯೇಸು ಈ ಕಥೇನ ಅಯಿಂಗಕ್ ಎಣ್ಣ್‌ಚಿ, ಆಚೇಂಗಿ ಅಯಿಂಗಕ್ ಅಂವೊ ಎಣ್ಣ್‌ನದ್ಂಡ ಅರ್ಥ ಗೊತ್ತಾಯಿತ್‌ಲ್ಲೆ.

ಯೋಹಾನ 16:12

ನಿಂಗಕ್ ಎಣ್ಣುವಕ್ ನಾಡ ಪಕ್ಕ ದುಂಬ ಸತ್ಯ ಉಂಡ್, ಆಚೇಂಗಿ ಅದ್‍ನೆಲ್ಲಾ ನಾನ್ ನಿಂಗಕ್ ಎಣ್ಣ್‌ಚೇಂಗಿ ನಿಂಗಕ್ ಹೃದಯತ್‍ಲ್ ಅದ್‍ನ ಎಡ್‍ಪಕ್ ಕಯ್ಯುಲೆ.

ಯೋಹಾನ 16:2

ಅಯಿಂಗ ನಿಂಗಳ ಸಬಾಮಂದಿರತ್ಂಜ ಪೊರಂಬಡಿ ಬೆಪ್ಪ; ನಿಂಗಳ ಕೊಂದತೇಂಗಿ ಅಯಿಂಗ ದೇವಕ್ ಸೇವೆ ಮಾಡಿಯಂಡುಂಡ್‍ೕಂದ್ ಗೇನ ಮಾಡ್‌ವ ಸಮಯ ಬಪ್ಪ.

ಯೋಹಾನ 16:32

ಒರ್ ಸಮಯ ಬಪ್ಪ, ಅದ್ ಇಕ್ಕಲೆ ಬಂದ್‌ರ್‌ತ್. ನಿಂಗ ಎಲ್ಲಾರು ನನ್ನ ಬುಟ್ಟಿತ್ ಚದ್‌ರಿ ಪೋಯಿತ್ ಬೋರೆ ಬೋರೆ ಆಯಿತ್ ನಿಂಗ ನಿಂಗಡ ಮನೆಕ್ ಪೋಪಿರ, ನಾನ್ ಒಬ್ಬನೇ ಆಯಿಪೋಪಿ. ಆಚೇಂಗಿಯು ನಾನ್ ಒಂಟಿಯಾಯಿತ್ ಇಪ್ಪುಲೆ, ನಾಡ ಅಪ್ಪ ನಾಡ ಕೂಡೆ ಉಂಡ್.

2 ಕೊರಿಂಥ 4:2

ಅದ್ಂಡ ಬದ್‍ಲ್, ಞಾಣ ಆಪಕುಳ್ಳ ಪಿಂಞ ಗುಟ್ಟಾಯಿತುಳ್ಳ ವಿಷಯತ್‍ನೆಲ್ಲಾ ನಂಗ ತ್‍ಕ್ಕಾರ ಮಾಡಿತ್, ಕಪಟಿಯರನೆಕೆ ನಡ್‍ಕತೆ, ದೇವಡ ವಾಕ್ಯತ್‍ನ ತಪ್ಪಾಯಿತ್ ಬೋದನೆ ಮಾಡಿಯಂಡಿಲ್ಲೆ. ಆಚೇಂಗಿ, ಸತ್ಯತ್‍ನ ಎಲ್ಲಾರ್‌ಕು ಗೊತ್ತಾಪನೆಕೆ ಅರಿಚಿಟ್ಟಿತ್, ದೇವಡ ಮಿಂಞತ್ ಎಲ್ಲಾ ಮನುಷ್ಯಂಗಡ ಮನಸಾಕ್ಷಿಕ್ ನಂಗ ಸತ್ಯವಂತಯಿಂಗಾಂದ್ ಕಾಂಬ್‍ಚಿಟ್ಟಂಡುಂಡ್.