ಯೋಹಾನ 16:24 - ಕೊಡವ ಬೈಬಲ್

²⁴ ಇಲ್ಲಿಕತ್ತನೆ ನಾಡ ಪೆದತ್‍ಲ್ ನಿಂಗ ಒಂದು ಕ್‍ೕಟಿತ್‌ಲ್ಲೆ. ನಿಂಗ ಕ್‍ೕಳಿ! ಅಕ್ಕ ನಿಂಗಕ್ ಕ್‍ಟ್ಟುವ; ನಿಂಗಡ ಕುಶಿ ಪೂರ್ತಿ ಆಪನೆಕೆ ನಿಂಗಕ್ ಕ್‍ಟ್ಟುವ.

ಯೋಹಾನ 16:24 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 32:9

ಅಲ್ಲಿಂಜ ಯಾಕೋಬ: ಓ ದೇವ, ನಾಡ ಅಪ್ಪನಾನ ಅಬ್ರಹಾಮಂಡ ದೇವನೇ, ನಾಡ ಅಪ್ಪನಾನ ಇಸಾಕಂಡ ದೇವನೇ, ನಾಡ ದೇಶಕು, ನಾಡ ಬೆಂದ್‌ಕ ಉಳ್ಳ ಜಾಗಕು ತಿರಿತ್‌ ಪೋಂದ್‌ ಎಣ್ಣಿಯ ಯೆಹೋವ ನೀನೆ. ನೀನ್‌ ನಾಕ್‍ ನಲ್ಲದ್‌ನ ಮಾಡ್‌ವಿಯಾಂದ್‌ ತಕ್ಕ್‌ ತಂದಿತುಳ್ಳಿಯ.

ಮತ್ತಾಯ 6:9

ಆನಗುಂಡ್, ನಿಂಗ ಇನ್ನನೆ ಪ್ರಾರ್ಥನೆ ಮಾಡಂಡು: ಪರಲೋಕತ್‍ಲ್ ಉಳ್ಳ ನಂಗಡ ಅಪ್ಪನೇ, ನೀಡ ಪೆದ ಎಕ್ಕಾಲು ಪವಿತ್ರವಾಯಿತಿರಡ್;

ಯೋಹಾನ 14:1

ನಿಂಗಡ ಹೃದಯ ಸಂಕಟ ಪಡತೆ ಇರಡ್; ದೇವನ ನಂಬಿ, ನನ್ನ ಸಹ ನಂಬಿ.

ಯೋಹಾನ 14:14

ನಾಡ ಪೆದತ್‍ಲ್ ನಿಂಗ ಎಂತ ಕ್‍ೕಟತೇಂಗಿಯು, ಅದ್‍ನ ನಾನ್ ನಿಂಗಕ್ ಮಾಡಿತಪ್ಪಿ.

ಯೋಹಾನ 15:11

ನಾಡ ಕುಶಿ ನಿಂಗಡಲ್ಲಿ ಎಕ್ಕಾಲು ಇರಂಡೂಂದು, ನಿಂಗಡ ಕುಶಿ ಪೂರ್ತಿಯಾಯಿತ್ ಇರಂಡೂಂದ್ ಇದ್‍ನೆಲ್ಲಾ ನಾನ್ ನಿಂಗಕ್ ಎಣ್ಣಿಯೆ.

ಯೋಹಾನ 16:23

ಆ ದಿವಸ ಬಪ್ಪಕ, ನನ್ನ ನಿಂಗ ಒಂದು ಕ್‍ೕಪುಲೆ. ನಾಡ ಪೆದತ್‍ಲ್ ನಿಂಗ ಅಪ್ಪಂಡ ಪಕ್ಕ ಎಂತ ಕ್‍ೕಪಿರೋ ಅದ್‍ನೆಲ್ಲಾ ನಿಂಗಕ್ ಅಪ್ಪ ತಪ್ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 3:29

ಮಂಗಲಕರ್ತಿ ಉಳ್ಳಂವೊನೇ ಮಂಗಲಕಾರ ಆಪ. ಆಚೇಂಗಿ ಮಂಗಲಕಾರಂಡ ಕೂಟ್‍ಕಾರ ಮಂಗಲಕಾರಂಡ ಪಕ್ಕತ್‍ಲ್ ನಿಂದಿತ್ ಅಂವೊಂಡ ತಕ್ಕ್‌ನ ಕ್‍ೕಪ, ಮಂಗಲಕಾರಂಡ ದ್ವನಿ ಕ್‍ೕಟಿತ್ ದುಂಬ ಕುಶಿ ಪಡುವ. ಅನ್ನನೆ ನಾಕ್ ಆ ಕುಶಿ ಕ್‍ಟ್ಟಿತ್, ನಾಡ ಕುಶಿ ಪೂರ್ತಿ ಆಚಿ.

2 ಥೆಸಲೊನೀಕ 1:2

ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ ಪಿಂಞ ಸಮಾದಾನ ನಿಂಗಕ್ ಕ್‍ಟ್ಟಡ್.

2 ಯೋಹಾನ 1:12

ನಿಂಗಡ ಪಕ್ಕ ಎಣ್ಣುವಕ್ ದುಂಬ ವಿಷಯ ಉಂಡ್, ಆಚೇಂಗಿ ನಾಕ್ ಈ ಕಾಗದತ್‍ಲ್ ಎಲ್ಲಾನ ಒಳ್‍ದ್‍ವಕ್ ಮನಸ್ಸಿಲ್ಲೆ. ನಾನ್ ನಿಂಗಡ ಪಕ್ಕ ಬಪ್ಪಂಜಿ ಮೂಡ್ ನೋಟಿತ್ ತಕ್ಕ್ ಪರಿಯುವಕ್ ಪಾರಕಾತಂಡ್ ಉಳ್ಳ. ಅಕ್ಕ ನಂಗಡ ಸಂತೋಷ ಉಕ್ಕಿ ಬಪ್ಪ.