ಯೋಹಾನ 16:23 - ಕೊಡವ ಬೈಬಲ್

²³ ಆ ದಿವಸ ಬಪ್ಪಕ, ನನ್ನ ನಿಂಗ ಒಂದು ಕ್‍ೕಪುಲೆ. ನಾಡ ಪೆದತ್‍ಲ್ ನಿಂಗ ಅಪ್ಪಂಡ ಪಕ್ಕ ಎಂತ ಕ್‍ೕಪಿರೋ ಅದ್‍ನೆಲ್ಲಾ ನಿಂಗಕ್ ಅಪ್ಪ ತಪ್ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 16:23 ပူးပေါင်းရင်းမြစ်များ

ಮತ್ತಾಯ 21:22

ನಿಂಗಕ್ ನಂಬಿಕೆ ಉಂಡೇಂಗಿ, ನಿಂಗ ಎಂತ ಕ್‍ೕಪಿರ ಅದ್ ನಿಂಗಕ್ ಕ್‌ಟ್ಟುವಾಂದ್ ಯೇಸು ಎಣ್ಣ್‌ಚಿ.

ಮತ್ತಾಯ 7:7

ಕ್‍ೕಳಿ, ಅಕ್ಕ ನಿಂಗಕ್ ತಪ್ಪ. ತ್‍ೕಡಿ ನಿಂಗಕ್ ಕ್‍ಟ್ಟುವ. ಪಡಿನ ತಟ್ಟಿ, ಅಕ್ಕ ನಿಂಗಕ್ ಪಡಿ ತೊರ್‌ಪ.

ಯೋಹಾನ 14:20

ನಾನ್ ನಾಡ ಅಪ್ಪಂಡಲ್ಲಿ, ನಿಂಗ ನಾಡಲ್ಲಿ, ನಾನ್ ನಿಂಗಡಲ್ಲಿ ಇಪ್ಪದ್‍ನ ಆ ದಿವಸತ್‍ಲ್ ನಿಂಗ ಅರ್ಥಮಾಡ್‍ವಿರ.

ಯೋಹಾನ 14:22

ಇಸ್ಕರಿಯೋತ ಅಲ್ಲತ ಯೂದ ಎಣ್ಣ್‌ವಂವೊ ಯೇಸುನ ನೋಟಿತ್: ಒಡೆಯನೇ, ನೀನ್ ನಿನ್ನ ಈ ಲೋಕಕ್ ಕಾಂಬ್‌ಚಿಡತೆ, ನಂಗಕ್ ಮಾತ್ರ ಕಾಂಬ್‍ಚಿಡ್‍ವಕ್ ಕಾರಣ ಎಂ‍ತಾಂದ್ ಕ್‍ೕಟತ್.

ಯೋಹಾನ 14:5

ತೋಮ ಅಂವೊನ ನೋಟಿತ್: ಒಡೆಯನೇ, ನೀನ್ ಎಲ್ಲಿ ಪೋಪಿಯಾಂದ್ ನಂಗಕ್ ಗೊತ್ತ್‌ಲ್ಲೆ, ಅನ್ನನೆ ಇಪ್ಪಕ, ಅದ್ಂಡ ಬಟ್ಟೆ ಎನ್ನನೆ ಗೊತ್ತಾಪಾಂದ್ ಎಣ್ಣ್‌ಚಿ.

ಯೋಹಾನ 15:7

ನಿಂಗ ನಾಡಲ್ಲಿಯು, ನಾಡ ವಾಕ್ಯ ನಿಂಗಡಲ್ಲಿಯು ಸ್ತಿರವಾಯಿತ್ಂಜತೇಂಗಿ, ನಿಂಗ ಎಂತ ಬೋಡ್‍ವಿರ, ಅದ್ ನಿಂಗಕ್ ಕ್‍ಟ್ಟ್‌ವ.

ಯೋಹಾನ 16:19

ಇದ್ಂಡ ವಿಷಯತ್ ಅಂವೊಂಡ ಪಕ್ಕ ಅಯಿಂಗ ಪ್ರಶ್ನೆ ಕ್‍ೕಕಂಡೂಂದ್ ಉಳ್ಳದ್ ಯೇಸುಕ್ ಗೊತ್ತಾಪಕ, ಅಂವೊ ಅಯಿಂಗಕ್: ನನ್ನ ಚೆನ್ನ ಸಮಯಕ್ ನಿಂಗ ಕಾಂಬುಲೆ, ಚೆನ್ನ ಸಮಯ ಆನ ಪಿಂಞ ನಿಂಗ ಕಾಂಬಿರಾಂದ್ ನಾನ್ ಎಣ್ಣ್‌ನ ವಿಷಯತ್ ನಿಂಗ ತಕ್ಕ್ ಪರ್‌ದಂಡ್ ಉಳ್ಳಿರಾ?

ಯೋಹಾನ 16:26

ಆ ಕಾಲ ಬಪ್ಪಕ ನಿಂಗ ನಾಡ ಪೆದತ್‍ಲ್ ಬೋಡ್‍ವಿರ. ಅಕ್ಕ ನಾನ್ ನಿಂಗಕಾಯಿತ್ ಅಪ್ಪಂಡ ಪಕ್ಕ ಕ್‍ೕಪೀಂದ್ ನಿಂಗಕ್ ಎಣ್ಣ್‌ವದ್ ಬೋಂಡ.

ಯೋಹಾನ 16:30

ನೀಕ್ ಎಲ್ಲಾ ವಿಷಯವು ಗೊತ್ತುಂಡ್. ನೀಡ ಪಕ್ಕ ದಾರೂ ಪ್ರಶ್ನೆ ಕ್‍ೕಕಂಡೂಂದ್ ಇಲ್ಲೆ. ಆನಗುಂಡ್ ನೀನ್ ದೇವಡಯಿಂಜ ಬಾತ್‍ೕಂದ್ ನಂಗ ನಂಬುವಾಂದ್ ಎಣ್ಣ್‌ಚಿ.

ಎಫೆಸ 2:18

ಅನ್ನನೆ ನಂಗ ದಂಡ್ ಜನವು, ಒರೇ ಪವಿತ್ರಾತ್ಮತ್‍ರ ಮೂಲಕ, ಅಪ್ಪನಾನ ದೇವಡ ಪಕ್ಕ ಕೂಡುವಕುಳ್ಳ ಬಾಗ್ಯ ಅಂವೊಂಡ ಮೂಲಕ ಕ್‍ಟ್ಟ್‌ಚಿ.

1 ಯೋಹಾನ 2:1

ನಾಡ ಪ್ರೀತಿರ ಮಕ್ಕಳೇ, ನಿಂಗ ಪಾಪ ಮಾಡತೆ ಇಪ್ಪಕಾಯಿತ್ ನಾನ್ ನಿಂಗಕ್ ಇದ್‍ನ ಒಳ್‍ದ್‍ವಿ. ಅನ್ನನೆ ದಾರೇಂಗಿ ಪಾಪ ಮಾಡ್‍ಚೇಂಗಿ, ನಂಗಕಾಯಿತ್ ಅಪ್ಪನಾನ ದೇವಡ ಪಕ್ಕ ಬೋಡ್‍ವಕ್ ಮದ್ಯಸ್ತ ಒಬ್ಬ ಉಂಡ್. ಆ ಮದ್ಯಸ್ತ, ನೀತಿವಂತಂವೊನಾನ ಯೇಸು ಕ್ರಿಸ್ತ.