ಯೋಹಾನ 16:20 - ಕೊಡವ ಬೈಬಲ್

²⁰ ನಿಂಗ ದುಂಬ ಮೊರಡ್‌ವಿರ, ಆಚೇಂಗಿ ಈ ಲೋಕತ್‍ರ ಜನ ದುಂಬ ಕುಶಿ ಪಡುವ; ನಿಂಗ ದುಂಬ ದುಃಖ ಪಡ್‌ವಿರ ಆಚೇಂಗಿಯು ನಿಂಗಡ ದುಃಖ ಕುಶಿಯಾಯಿತ್ ಬದ್‍ಲಾಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 16:20 ပူးပေါင်းရင်းမြစ်များ

ಮತ್ತಾಯ 21:38

ಆಚೇಂಗಿ, ವಾರಕಾರಂಗ ಎಜಮಾನಂಡ ಮೋಂವೊ ಬಪ್ಪದ್‍ನ ಕಂಡದು, ತೋಟತ್‍ರ ಹಕ್ಕ್‌ದಾರ ಆಪಕುಳ್ಳ ನಂಗಡ ಎಜಮಾನಂಡ ಮೋಂವೊ ಇಂವೊನೇ, ಬಾರಿ, ನಂಗ ಅಂವೊನ ಕೊಲೆ ಮಾಡನ. ಅಕ್ಕ ಈ ಸೊತ್ತ್ ನಂಗಡದಾಪಾಂದ್ ಎಣ್ಣ್‌ಚಿ.

ಮತ್ತಾಯ 5:4

ದುಃಖ ಪಟ್ಟಂಡುಳ್ಳಯಿಂಗ ಆಶೀರ್ವಾದ ಪಡ್ಂದಯಿಂಗ; ದೇವ ಅಯಿಂಗಳ ಸಮಾದಾನ ಮಾಡ್‌ವ.

ಮಾರ್ಕ 14:72

ಅಕ್ಕಣೆಕೆ ಮಲ್ಲಂಗೋಳಿ ದಂಡನೆ ಕುರಿ ಕೂಂದತ್. ಮಲ್ಲಂಗೋಳಿ ದಂಡ್ ಕುರಿ ಕೂವಾಂಗ್ ಮಿಂಞ ನನ್ನ ಮೂಂದ್ ಕುರಿ ಗೊತ್ತಿಲ್ಲೇಂದ್ ಎಣ್ಣುವಿಯಾಂದ್ ಯೇಸು ಎಣ್ಣ್‌ನದ್ ಪೇತ್ರಂಗ್ ಗೇನ ಬಂತ್ ದುಃಖಿಚಿಟ್ಟಂಡ್ ಮೊರಟತ್.

ಮಾರ್ಕ 16:10

ಅವಡ ಮೇಲ್‍ಲ್‍ಯಿಂಜ ಏಳ್ ಕೂಳಿಯಳ ಬುಡ್‌ತಿತ್ಂಜತ್. ಯೇಸುರ ಕೂಟ್‌ಕಾರಂಗ ಎಲ್ಲಾರು ದುಃಖತ್‍ಲ್ ಮೊರಟಂಡ್ ಇಪ್ಪಕ, ಅವ ಪೋಯಿತ್ ಈ ಸುದ್ದಿನ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:45

ಅಂವೊ ಪ್ರಾರ್ಥನೆ ಮಾಡಿತ್ ಆನ ಪಿಂಞ ಎದ್ದಿತ್, ತಾಂಡ ಶಿಷ್ಯಂಗಡ ಪಕ್ಕ ಬಪ್ಪಕ, ಅಯಿಂಗೆಲ್ಲ ವೇದನೆಲ್ ಚೋತ್ ಪೋಯಿತ್ ವರಿಯಂಡಿಪ್ಪದ್‍ನ ಕಂಡಿತ್:

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:62

ಪೇತ್ರ ಪೊರಮೆ ಪೋಪಂಜಿ ದುಃಖಿಚಿಟ್ಟಂಡ್ ಮೊರಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:27

ದುಂಬ ಜನಡ ಗುಂಪ್ ಯೇಸುರ ಬಯ್ಯ ಪೋಯಂಡಿಂಜತ್. ಅಯಿಂಗಡಲ್ಲಿ ದುಂಬ ಪೊಣ್ಣಾಳ್‍ವ ಎದೆ ಬಡ್‍ಚಂಡ್ ಯೇಸುರ ವಿಷಯತ್‍ಲ್ ಗೋಳಾಡಿಯಂಡ್ ಮೊರಟಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:17

ಯೇಸು ಅಯಿಂಗಕ್, ನಿಂಗ ನಡ್‍ಪಕ ಎಂತೋ ಆಳವಾಯಿತ್ ಚರ್ಚೆ ಮಾಡಿಯಂಡಿಂಜಿರಲ್ಲ, ಅದ್ ಎಂತ್‍ೕಂದ್ ಕ್‍ೕಟತ್. ಅಯಿಂಗಡ ಮೂಡ್ ಬಾಡಿಚಿಟ್ಟಿತ್ ಅನ್ನನೆ ನಿಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:21

ಆಚೇಂಗಿ, ನಂಗ ಇಂವೊ ಇಸ್ರಾಯೇಲ್ ಜನಳ ಬುಡ್‍ಗಡೆ ಮಾಡ್‌ವಾಂದ್ ನಂಬಿತ್ಂಜತ್. ಆಚೇಂಗಿ ಇದೆಲ್ಲ ಆಯಿತ್ ಇಂದ್‍ಕ್ ಮೂಂದನೆ ದಿವಸ ಆಚೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:21

ಇಕ್ಕ ಕೆಲ ಪಯಿಚಂಡುಳ್ಳ ನಿಂಗ ಆಶೀರ್ವಾದ ಪಡ್ಂದಯಿಂಗ, ನಿಂಗ ತೃಪ್ತಿಯಾಯಿತ್‌ಪ್ಪಿರ. ಇಕ್ಕ ಮೊರಟಂಡುಳ್ಳ ನಿಂಗ ಆಶೀರ್ವಾದ ಪಡ್ಂದಯಿಂಗ, ಮಿಂಞಕ್ ನಿಂಗ ತೆಳಿಪಿರ.

ಯೋಹಾನ 16:33

ನಿಂಗಕ್ ನಾಡಲ್ಲಿ ಸಮಾದಾನ ಇಕ್ಕಂಡೂಂದ್ ನಾನ್ ನಿಂಗಕ್ ಇದ್‍ನೆಲ್ಲಾ ಎಣ್ಣಿಯೆ. ಲೋಕತ್‍ಲ್ ನಿಂಗಕ್ ಕಷ್ಟ ಉಂಡ್ ಆಚೇಂಗಿಯು ದೈರ್ಯತ್‍ಲ್ ಇರಿ; ನಾನ್ ಲೋಕತ್‍ನ ಗೆದ್ದಿಯೇಂದ್ ಎಣ್ಣ್‌ಚಿ.

ಯೋಹಾನ 16:6

ಆಚೇಂಗಿಯು, ನಾನ್ ಈ ತಕ್ಕ್ ಪರ್‌ಂದಾಂಗ್ ನಿಂಗಡ ಹೃದಯ ದುಃಖತ್‍ಲ್ ದುಂಬಿತುಂಡ್.

ಯೋಹಾನ 20:20

ಅಂವೊ ಇನ್ನನೆ ಎಣ್ಣ್‌ನ ಪಿಂಞ ಅಂವೊಂಡ ಕೈಯಿನ ಪಿಂಞ ಬಗ್ಗ್‌ರೀನ ಅಯಿಂಗಕ್ ಕಾಟ್‍ಚಿ. ಅಂವೊನ ಕಂಡಾಂಗ್ ಶಿಷ್ಯಂಗಕೆಲ್ಲ ಬಾರಿ ಕುಶಿ ಆಯಿಪೋಚಿ.

ಅಪೊಸ್ತಲ 5:41

ಯೇಸುರ ಪೆದಕಾಯಿತ್ ಅವಮಾನ ಪಡುವಕ್ ದೇವ ಅಯಿಂಗಳ ಯೋಗ್ಯ ಉಳ್ಳಯಿಂಗಳಾಯಿತ್ ನೋಟ್‍ನಗುಂಡ್, ಅಪೊಸ್ತಲಂಗ ಅಲ್ಲಿಂಜ ಕುಶೀಲ್ ಪೊರಟಿತ್ ಪೋಚಿ.

ರೋಮ್ 5:11

ಅದಲ್ಲತೆ, ನಂಗಕ್ ಇಕ್ಕ ವಿರೋದತ್‍ನ ನೀಕಿತ್ ಸಮಾದಾನ ಕ್‍ಟ್ಟುವಕ್ ಮಾಡ್‍ನ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಂಗ ದೇವಡ ವಿಷಯತ್‍ನ ಹೊಗಳಿಯಂಡುಂಡ್.

2 ಕೊರಿಂಥ 6:10

ದುಃಖತ್‍ಲ್ ಇಂಜತೇಂಗಿಯು, ಎಕ್ಕಾಲು ಕುಶೀಲ್ ಉಳ್ಳಯಿಂಗಳಾಯಿತು, ಗರಿಬಂಗಳಾಯಿತ್ ಇಂಜತೇಂಗಿಯು, ದುಂಬ ಜನಳ ಐಶ್ವರ್ಯವಂತಯಿಂಗಳಾಯಿತ್ ಮಾಡ್‌ವಯಿಂಗಳಾಯಿತು, ಒಂದು ಇಲ್ಲತಯಿಂಗಳಾಯಿತ್ ಇಂಜತೇಂಗಿಯು, ಎಲ್ಲಾ ಉಳ್ಳಯಿಂಗಡನೆಕೆ ನಂಗಳ ಕಾಂಬ್‍ಚಿಟ್ಟಂಡುಂಡ್.

ಗಲಾತ್ಯ 5:22

ಪವಿತ್ರಾತ್ಮತ್‍ರ ಫಲ ಎಂತ ಎಣ್ಣ್‌ಚೇಂಗಿ, ಪ್ರೀತಿ, ಸಂತೋಷ, ಸಮಾದಾನ, ಸಹಿಸುವ ಶಕ್ತಿ, ಕರುಣೆ, ನಲ್ಲರಿಕೆ, ನಂಬಿಕೆ,

1 ಥೆಸಲೊನೀಕ 1:6

ಇದ್‍ಲ್ಲತೆ, ನಿಂಗ ಯೇಸುನ ನಂಬ್‍ನಗುಂಡ್, ನಿಂಗಳ ಜನ ದುಂಬ ಹಿಂಸೆ ಮಾಡ್‍ಚಿ. ಆಚೇಂಗಿಯು, ಪವಿತ್ರಾತ್ಮ ತಪ್ಪ ಕುಶೀನ ನಿಂಗ ಎಡ್‍ತಂಡ್, ದೇವಡ ವಾಕ್ಯತ್‍ನ ಸ್ವೀಕಾರ ಮಾಡಿತ್, ನಂಗ ನಡ್‍ಪನೆಕೆ ನಡ್‌ಂದಿತ್, ಕ್ರಿಸ್ತಂಡನೆಕೆ ಹಿಂಸೆನ ಸಹಿಸಿರ.

ಯಾಕೋಬ 1:2

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ಬಪ್ಪ ನಾನಾತರ ಪರೀಕ್ಷೆನ ಸಂತೋಷವಾಯಿತ್ ಎಡ್‌ತೊಳಿ.

ಯೂದ ಒಳ್‍ದ್‍ನ ಕಾಗದ 1:24

ತಾಂಡ ಮಹಿಮೆಯುಳ್ಳ ಪ್ರಸನ್ನತ್‌ಲ್ ಬಲ್ಯ ಕುಶೀಲ್ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಂಗಳ ಬೂವತನೆಕೆ ನಿಪ್ಪ್‌ಚಿಡ್‍ವಕ್ ಶಕ್ತಿಯುಳ್ಳಂವೊನು,

ಪ್ರಕಟನೆ 11:10

ಈ ದಂಡ್ ಪ್ರವಾದಿಯಳು ಬೂಮಿರ ಜನತ್‍ನ ಹಿಂಸೆ ಮಾಡ್‍ನಗುಂಡ್, ಅಯಿಂಗಕಾಯಿತ್ ಬೂಮಿಲ್ ವಾಸ ಮಾಡಿಯಂಡ್ ಉಳ್ಳಯಿಂಗ ದುಂಬ ಕುಶಿಪಟ್ಟಿತ್ ಕೊಂಡಾಡಿತ್ ಒಬ್ಬೊಂಗೊಬ್ಬ ಇನಾಮ್‍ನ ಅಯಿಪ.

ಪ್ರಕಟನೆ 18:7

ಅವ ಅವಕ್ ಮಹಿಮೆ ಕೊಡ್‌ತಿತ್, ಎಚ್ಚಕ್ ಐಶ್ವರ್ಯವಂತವಳಾಯಿತ್ ಬದ್‍ಕ್‍ಚೋ, ಅಚ್ಚಕ್ ಬಾದೇನ, ದುಃಖತ್‍ನ ಅವಕ್ ಕೊಡಿ. ಅವ ಅವಡ ಹೃದಯತ್‍ಲ್ ನಾನ್ ರಾಣಿಯಾಯಿತ್ ಅಳ್‌ತಿತ್ ಉಳ್ಳ, ನಾನ್ ವಡಿಯ ಚತ್ತ ಪೊಣ್ಣಾಳ್ ಅಲ್ಲ, ನಾಕ್ ದುಃಖ ಬಪ್ಪದೇ ಇಲ್ಲೇಂದ್ ಅವ ಗೇನ ಮಾಡ್‍ಚಿ.