ಯೋಹಾನ 16:2 - ಕೊಡವ ಬೈಬಲ್

² ಅಯಿಂಗ ನಿಂಗಳ ಸಬಾಮಂದಿರತ್ಂಜ ಪೊರಂಬಡಿ ಬೆಪ್ಪ; ನಿಂಗಳ ಕೊಂದತೇಂಗಿ ಅಯಿಂಗ ದೇವಕ್ ಸೇವೆ ಮಾಡಿಯಂಡುಂಡ್‍ೕಂದ್ ಗೇನ ಮಾಡ್‌ವ ಸಮಯ ಬಪ್ಪ.

ಯೋಹಾನ 16:2 ပူးပေါင်းရင်းမြစ်များ

ಮತ್ತಾಯ 10:28

ತಡೀನ ಮಾತ್ರ ಕೊಂದಿತ್ ಆತ್ಮತ್‌ನ ಕೊಲ್ಲ್‌ವಕ್ ಕಯ್ಯತಯಿಂಗಕ್ ಬೊತ್ತತಿ. ಆಚೇಂಗಿ ಆತ್ಮತ್‍ನು ತಡೀನು ನರಕತ್‍ಲ್ ನಾಶ ಮಾಡ್‌ವಕ್ ಶಕ್ತಿವಂತನಾಯಿತುಳ್ಳಂವೊಂಗ್ ಬೊತ್ತಿಚಿಡಿ.

ಮತ್ತಾಯ 24:9

ಅಕ್ಕ ನಿಂಗಳ ಹಿಂಸೆ ಮಾಡ್‌ವಕಾಯಿತ್ ಒಪ್ಪ್‌ಚಿಟ್ಟಿತ್, ನಿಂಗಳ ಕೊಲ್ಲ್‌ಚಿಡುವ. ನಾಡ ಪೆದತ್‍ನಗುಂಡ್ ಎಲ್ಲಾ ದೇಶತ್‍ರ ಜನ ನಿಂಗಳ ದ್ವೇಶ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:22

ಮನುಷ್ಯಕುಮಾರಂಗಾಯಿತ್ ಜನ ನಿಂಗಳ ಪಗೆ ಮಾಡಿತ್, ನಿಂಗಳ ತ್‍ಕ್ಕಾರ ಮಾಡಿತ್, ಅವಮಾನ ಮಾಡಿತ್, ನಿಂಗಕ್ ಕೆಟ್ಟ ಪೆದ ತಂತ್, ಬೋಂಡಾಂದ್ ಪೊರಮೆ ಇಟ್ಟತೇಂಗಿ ನಿಂಗ ಆಶೀರ್ವಾದ ಪಡ್ಂದಯಿಂಗಳಾಯಿತ್‌ಪ್ಪಿರ.

ಯೋಹಾನ 12:42

ಆಚೇಂಗಿಯು ಸಹ, ಯೆಹೂದ್ಯ ಜನತ್‍ರ ದುಂಬ ಅದಿಕಾರಿಯಂಗ ಯೇಸುನ ನಂಬಿತ್ಂಜತ್. ಆಚೇಂಗಿ, ಅಯಿಂಗಳ ಸಬಾಮಂದಿರಕ್ ಪೊರಮೆ ಇಡತನೆಕೆ, ಫರಿಸಾಯಂಗಕಾಯಿತ್, ಎಲ್ಲಾಡ ಮಿಂಞತ್ ಅಯಿಂಗ ಯೇಸುನ ನಂಬುವಯಿಂಗಾಂದ್ ಅರಿಕೆ ಮಾಡಿತ್‌ಲ್ಲೆ.

ಯೋಹಾನ 16:25

ಈ ತಕ್ಕ್‌ನ ಇಕ್ಕ ನಿಂಗಕ್ ಕಥೇರ ರೂಪತ್‌ಲ್ ನಾನ್ ಎಣ್ಣಿಯಂಡುಳ್ಳ. ಸಮಯ ಬಪ್ಪ, ಅಕ್ಕ ನಾನ್ ನಿಂಗಡ ಪಕ್ಕ ಕಥೇರ ರೂಪತ್‌ಲ್ ತಕ್ಕ್ ಪರಿಯತೆ, ಅಪ್ಪಂಡ ವಿಷಯತ್‍ನ ಚಾಯಿ ಅರ್ಥ ಆಪನೆಕೆ ಎಣ್ಣಿ ತಪ್ಪಿ.

ಯೋಹಾನ 16:32

ಒರ್ ಸಮಯ ಬಪ್ಪ, ಅದ್ ಇಕ್ಕಲೆ ಬಂದ್‌ರ್‌ತ್. ನಿಂಗ ಎಲ್ಲಾರು ನನ್ನ ಬುಟ್ಟಿತ್ ಚದ್‌ರಿ ಪೋಯಿತ್ ಬೋರೆ ಬೋರೆ ಆಯಿತ್ ನಿಂಗ ನಿಂಗಡ ಮನೆಕ್ ಪೋಪಿರ, ನಾನ್ ಒಬ್ಬನೇ ಆಯಿಪೋಪಿ. ಆಚೇಂಗಿಯು ನಾನ್ ಒಂಟಿಯಾಯಿತ್ ಇಪ್ಪುಲೆ, ನಾಡ ಅಪ್ಪ ನಾಡ ಕೂಡೆ ಉಂಡ್.

ಯೋಹಾನ 4:21

ಅಕ್ಕ ಯೇಸು: ಅವ್ವ, ನಾಡ ತಕ್ಕ್‌ನ ನೀನ್ ನಂಬ್. ನಿಂಗ ದೇವನ ಆರಾದನೆ ಮಾಡ್‌ವಕ್ ಈ ಕುಂದ್‌ಕ್ ಪೋಪದ್ ಬೋಂಡ, ಯೆರೂಸಲೇಮ್‌ಕ್ ಪೋಪದು ಬೋಂಡ. ಆಚೇಂಗಿ ಅಪ್ಪನಾನ ದೇವನ ಎಲ್ಲಾ ಜಾಗತ್‍ಲು ಆರಾದನೆ ಮಾಡ್‌ವ ಕಾಲ ಬಂದಂಡುಂಡ್.

ಯೋಹಾನ 4:23

ನೇರಾಯಿತ್ ಆರಾದನೆ ಮಾಡ್‌ವಯಿಂಗ, ಅಪ್ಪನಾನ ದೇವನ ಆತ್ಮತ್‍ಲು ಸತ್ಯತ್‍ಲು ಆರಾದನೆ ಮಾಡ್‌ವ ಕಾಲ ಬಪ್ಪ, ಅದ್ ಇಕ್ಕಲೆ ಬಂದ್‌ರ್‌ತ್. ಅನ್ನನೆ ಆರಾದನೆ ಮಾಡ್‌ವಯಿಂಗಳ ದೇವ ತ್‍ೕಡಿಯಂಡುಂಡ್.

ಯೋಹಾನ 9:22

ಅಂವೊಂಡ ಅಪ್ಪವ್ವ ಯೆಹೂದ್ಯಂಗಡ ಅದಿಕಾರಿಯಂಗಕ್ ದುಂಬ ಬೊತ್ತ್‌ಚಿಟ್ಟಗುಂಡ್ ಇನ್ನನೆ ಎಣ್ಣ್‌ಚಿ. ಎನ್ನಂಗೆಣ್ಣ್‌ಚೇಂಗಿ, ದಾರೇಂಗಿ ಯೇಸುನ ಕ್ರಿಸ್ತಾಂದ್ ಅರಿಕೆ ಮಾಡ್‍ಚೇಂಗಿ, ಅಂವೊನ ಸಬಾಮಂದಿರಕ್ ಪೊರಮೆ ಇಡಂಡೂಂದ್ ಯೆಹೂದ್ಯಂಗ ಅಕ್ಕಲೆ ಎಣ್ಣಿತ್ಂಜತ್.

ಯೋಹಾನ 9:34

ಅಕ್ಕ ಅಯಿಂಗ ಅಂವೊಂಗ್: ನೀನ್ ಬರಿ ಪಾಪತ್‍ಲ್ ಪುಟ್‌ನಂವೊ, ನೀನ್ ನಂಗಕ್ ಉಪದೇಶ ಮಾಡ್‌ವಿಯಾಂದ್ ಎಣ್ಣಿತ್, ಅಂವೊನ ಪೊರಂಬಡಿ ಮಾಡ್‍ಚಿ.

ಅಪೊಸ್ತಲ 5:33

ಈ ತಕ್ಕ್‌ನ ಅಯಿಂಗ ಕ್‍ೕಪಕ, ಅಯಿಂಗಕ್ ದುಂಬ ಚೆಡಿ ಬಂತ್, ಅಯಿಂಗಳ ಕೊಲೆ ಮಾಡ್‌ವಕ್ ತೀರ್ಮಾನ ಮಾಡ್‍ಚಿ.

ಅಪೊಸ್ತಲ 7:56

ಅಕ್ಕ, ಅಂವೊ ಅದ, ಪರಲೋಕ ತೊರಪಾನ, ಮನುಷ್ಯಕುಮಾರ ಪರಲೋಕತ್‍ಲ್ ದೇವಡ ಬಲ್‌ತೆ ಬರಿಲ್ ನಿಂದಂಡುಳ್ಳಾನ ನಾನ್ ಕಂಡಂಡುಳ್ಳ್‌ಂದ್ ಎಣ್ಣ್‌ಚಿ.

1 ಕೊರಿಂಥ 4:13

ನಂಗಡ ವಿಷಯತ್ ಕುತ್ತ ಪರಿಯುವಯಿಂಗಕ್ ನಂಗ ಪೊರುಮೇಲ್ ಜವಾಬ್ ಕೊಡ್‍ಪ, ಈ ನಾಳ್‍ಕತ್ತನೆ ನಂಗ ಈ ಲೋಕತ್‍ರ ಜನಕ್ ಕಚಡರನೆಕೆಯು, ಈ ಲೋಕಕ್ ಹೇಸಿಗೆಯಾಯಿತು ಉಂಡ್.

ಫಿಲಿಪ್ಪಿ 3:6

ದೇವಡ ಮೇಲೆ ಉಳ್ಳ ವೈರಾಗ್ಯತ್‍ನಗುಂಡ್ ಯೇಸುರ ಸಬೇನ ತೊಂದರೆ ಮಾಡ್‍ನಂವೊ, ನ್ಯಾಯಪ್ರಮಾಣತ್‍ರ ಪ್ರಕಾರ ಒರ್ ತಪ್ಪು ಮಾಡತಂವೊ.

ಪ್ರಕಟನೆ 6:9

ಅಂವೊ ಅಂಜನೆ ಮುದ್ರೆನ ಪೊಳಿಪಕ, ದೇವಡ ವಾಕ್ಯಕಾಯಿತ್, ಅಯಿಂಗ ಕೊಡ್‍ತ ಸಾಕ್ಷಿಕಾಯಿತ್ ಕೊಲೆ ಆನಯಿಂಗಡ ಆತ್ಮತ್‌ನ ಬಲಿಪೀಠತ್‍ರ ಅಡಿಲ್ ಕಂಡಿಯೆ.