ಯೋಹಾನ 16:14 - ಕೊಡವ ಬೈಬಲ್

¹⁴ ಅಂವೊ ನನ್ನಿಂಜ ಎಡ್‍ತಿತ್ ನಿಂಗಕ್ ಎಣ್ಣಿ ತಪ್ಪಗುಂಡ್, ಅಂವೊ ನಾಕ್ ಮಹಿಮೆ ತಪ್ಪ.

ಯೋಹಾನ 16:14 ပူးပေါင်းရင်းမြစ်များ

ಯೋಹಾನ 14:21

ನಾಡ ಆಜ್ಞೆನ ಪಡ್ಂದಿತ್ ಅದ್ಂಡ ಪ್ರಕಾರ ನಡ್‍ಪಯಿಂಗಳೇ ನನ್ನ ಪ್ರೀತಿ ಮಾಡ್‌ವಯಿಂಗ; ನನ್ನ ಪ್ರೀತಿ ಮಾಡ್‌ವಯಿಂಗಳ ನಾಡ ಅಪ್ಪ ಪ್ರೀತಿ ಮಾಡ್‌ವ. ನಾನ್ ಸಹ ಅಯಿಂಗಳ ಪ್ರೀತಿ ಮಾಡಿತ್, ನನ್ನ ಅಯಿಂಗಕ್ ಕಾಂಬ್‌ಚಿಡ್‍ವೀಂದ್ ಎಣ್ಣ್‌ಚಿ.

ಯೋಹಾನ 15:26

ನಾಡ ಅಪ್ಪಂಡ ಕಡೇಯಿಂಜ ನಾನ್ ನಿಂಗಕ್ ಅಯಿಪಂವೊನು, ಅಪ್ಪಂಡ ಕಡೇಯಿಂಜ ಪೊರಟಿತ್ ಬಪ್ಪಂವೊನು ಆಯಿತುಳ್ಳ ಸತ್ಯತ್‍ರ ಆತ್ಮವಾಯಿತುಳ್ಳ ಆಲೋಚನೆಕಾರ ಬಪ್ಪಕ, ನಾಡ ವಿಷಯತ್ ಸಾಕ್ಷಿ ತಪ್ಪ.

ಯೋಹಾನ 7:39

ಅಂವೊಂಡ ಮೇಲೆ ನಂಬಿಕೆ ಇಡ್‌ವ ಜನಕ್ ಕ್‍ಟ್ಟುವ ಪವಿತ್ರಾತ್ಮಂಡ ವಿಷಯತ್ ಯೇಸು ಇನ್ನನೆ ಎಣ್ಣ್‌ಚಿ. ಯೇಸು ಇಂಞು ಕೊಡಿಕ್ ಪೋಯಿತ್ ಮಹಿಮೆ ಪಡತೆ ಇಂಜಗುಂಡ್, ಪವಿತ್ರಾತ್ಮನ ಇಲ್ಲಿಕತ್ತನೆ ಕೊಡ್‍ತಿತ್‌ಲ್ಲೆ.

1 ಕೊರಿಂಥ 12:3

ಆನಗುಂಡ್, ಪವಿತ್ರಾತ್ಮತ್‍ರ ಮೂಲಕ, ತಕ್ಕ್ ಪರಿಯುವ ಏದ್ ಮನುಷ್ಯನು, ಯೇಸುನ, ಅಂವೊ ಶಾಪ ಪಡ್ಂದವೋಂದ್ ಎಣ್ಣ್‌ವದೇ ಇಲ್ಲೆ, ಪವಿತ್ರಾತ್ಮಂಡ ಸಹಾಯ ಇಲ್ಲತೆ, ಯೇಸುನ ಒಡೆಯಾಂದ್ ಎಣ್ಣ್‌ವಕ್ ದಾರ್‌ಕು ಕಯ್ಯುಲೇಂದ್ ನಾನ್ ನಿಂಗಕ್ ಎಣ್ಣ್‌ವಿ.

2 ಕೊರಿಂಥ 4:6

ಇರ್‌ಟ್‌ಂಜ ಬೊಳಿನ ಮಿನ್ನ್‌ವಕ್ ಎಣ್ಣ್‌ನ ದೇವ, ಯೇಸು ಕ್ರಿಸ್ತಂಡ ಮೂಡ್‍ಲ್ ಉಳ್ಳ ತಾಂಡ ಮಹಿಮೇರ ಜ್ಞಾನತ್‍ರ ಬೊಳಿನ ತಪ್ಪಕಾಯಿತ್, ನಂಗಡ ಹೃದಯತ್‍ಲ್ ಮಿನ್ನ್‌ಚಿ.

ಗಲಾತ್ಯ 5:5

ಆಚೇಂಗಿ ಪವಿತ್ರಾತ್ಮಂಡ ಸಹಾಯತ್‍ಲ್ ನಂಬಿಕೇರಗುಂಡ್, ಬದ್‍ಕಿಯಂಡುಳ್ಳ ನಂಗ, ನಂಬಿಕೇರಗುಂಡ್ ದೇವಡ ನೀತಿ ಎಕ್ಕ ಕ್‌ಟ್ಟುವಾಂದ್ ಕುಶೀಲ್ ಪಾರಕಾತಂಡ್ ಉಂಡ್.

1 ಪೇತ್ರ 2:7

ಆನಗುಂಡ್, ಅದ್ಂಡಮೇಲೆ ನಂಬಿಕೆ ಬೆಪ್ಪ ನಿಂಗಕ್ ಅದ್ ಅಮುಲ್ಯವಾನದ್, ಆಚೇಂಗಿ, ಅದ್‍ನ ನಂಬತಯಿಂಗಕ್, ಅದ್: ಮನೆ ಕೆಟ್ಟ್‌ವಯಿಂಗ ಬೋಂಡಾಂದ್ ತಿರಸ್ಕಾರ ಮಾಡ್‍ನ ಆ ಕಲ್ಲೇ, ಮನೆರ ಮುಕ್ಯವಾನ ಕಲ್ಲಾಚಿ

1 ಯೋಹಾನ 3:23

ದೇವಡ ಆಜ್ಞೆ ಎಂತ್‍ೕಂದ್ ಎಣ್ಣ್‌ಚೇಂಗಿ: ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಪೆದತ್‍ನ ನಂಬಿತ್ ಅಂವೊ ನಂಗಕ್ ಆಜ್ಞೆ ಮಾಡ್‍ನನೆಕೆ ನಂಗ ಒಬ್ಬೊಬ್ಬನ ಪ್ರೀತಿ ಮಾಡ್‌ವದೇ.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.

1 ಯೋಹಾನ 5:6

ಯೇಸು ಕ್ರಿಸ್ತನಾನ ಇಂವೊನೇ ನೀರ್ಂಜಲು ಚೋರೆಯಿಂಜಲು ಬಂದಂವೊ. ನೀರ್ಂಜ ಮಾತ್ರವಲ್ಲ, ನೀರ್ಂಜಲು ಪಿಂಞ ಚೋರೆಯಿಂಜಲು ಬಂದಂವೊ. ಪವಿತ್ರಾತ್ಮನಾನಂವೊನೇ ಇದ್ ಸತ್ಯಾಂದ್ ಸಾಕ್ಷಿ ಕೊಡ್‍ತಂಡುಂಡ್. ಎನ್ನಂಗೆಣ್ಣ್‌ಚೇಂಗಿ ದೇವಡ ಆತ್ಮ ಸತ್ಯವುಳ್ಳಂವೊ.

ಪ್ರಕಟನೆ 19:10

ಅಕ್ಕ ನಾನ್ ಅಯಿಂಗಕ್ ಅಡ್ಡ ಬುದ್ದಿತ್ ವಂದನೆ ಮಾಡಂಡೂಂದ್ ಕಾಲ್ ಪುಡ್‌ಚಿಯೆ. ಅಂವೊ ನನ್ನ ನೋಟಿತ್: ಅನ್ನನೆ ಮಾಡತೆ, ನಾನ್ ಸಹ ನೀಡ ಕೂಡೆ ಯೇಸುರ ವಿಷಯತ್ ಸಾಕ್ಷಿ ಕೊಡ್‍ತ ನೀಡ ಅಣ್ಣತಮ್ಮಣಂಗಡ ಕೂಡೆ ಒರ್ ಸೇವಕ; ದೇವಕ್ ಆರಾದನೆ ಮಾಡ್. ಯೇಸುರ ವಿಷಯತ್‍ರ ಸಾಕ್ಷಿ, ಪ್ರವಾದನೆರ ಆತ್ಮವಾಯಿತುಂಡ್‍ೕಂದ್ ಎಣ್ಣ್‌ಚಿ.