ಯೋಹಾನ 16:13 - ಕೊಡವ ಬೈಬಲ್

¹³ ಸತ್ಯತ್‍ರ ಆತ್ಮವಾಯಿತುಳ್ಳ ಪವಿತ್ರಾತ್ಮ ಬಪ್ಪಕ, ನಿಂಗಳ ಸತ್ಯತ್‍ರ ಎಲ್ಲಾ ಬಟ್ಟೇಲ್ ನಡ್‍ತುವ; ಅಂವೊ, ಅಂವೊಂಡ, ಇಷ್ಟಪಕ್ರಾರ ತಕ್ಕ್ ಪರಿಯುಲೆ, ಅಂವೊ ಎಂತಾನ ಕ್‍ೕಪ ಅದ್‍ನ ನಿಂಗಕ್ ಎಣ್ಣಿತ್, ಇಂಞು ಮಿಂಞಕ್ ಬಪ್ಪಕುಳ್ಳ ಕಾರ್ಯತ್‍ನ ಎಣ್ಣಿ ತಪ್ಪ.

ಯೋಹಾನ 16:13 ပူးပေါင်းရင်းမြစ်များ

ಯೋಹಾನ 12:49

ನಾನ್ ನಾಡ ಇಷ್ಟತ್‍ರ ಪ್ರಕಾರ ಇನ್ನನೆ ತಕ್ಕ್ ಪರ್‌ಂದಂಡಿಲ್ಲೆ. ನಾನ್ ಎಂತ ತಕ್ಕ್ ಪರಿಯಂಡು, ಎಂತ ಬೋದನೆ ಮಾಡಂಡೂಂದ್ ನನ್ನ ಅಯಿಚ ದೇವ ನಾಕ್ ಹುಕುಮ್ ಕೊಡ್‌ತಿತುಂಡ್.

ಯೋಹಾನ 14:17

ಅಂವೊ ಸತ್ಯತ್‍ರ ಆತ್ಮ. ಈ ಲೋಕತ್‍ರ ಜನಕ್ ಅಂವೊ ಕ್‍ಟ್ಟುಲೆ, ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ಅಂವೊನ ಕಂಡಿತು ಇಲ್ಲೆ, ಗೊತ್ತಾಯಿತು ಇಲ್ಲೆ. ಆಚೇಂಗಿ ನಿಂಗಕ್ ಅಂವೊ ದಾರ್‍ೕಂದ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ, ಅಂವೊ ನಿಂಗಡ ಕೂಡೆ ವಾಸ ಮಾಡಿಯಂಡ್ ನಿಂಗಡಲ್ಲಿ ಉಂಡ್.

ಯೋಹಾನ 14:26

ನಾಡ ಪೆದತ್‍ಲ್ ನಾಡ ಅಪ್ಪ ನಿಂಗಕ್ ಅಯಿಪ ಪವಿತ್ರಾತ್ಮನಾನ ಆಲೋಚನೆಕಾರನೇ ನಿಂಗಕ್ ಬೋದನೆ ಮಾಡಿತ್, ನಾನ್ ನಿಂಗಕ್ ಎಣ್ಣ್‌ನ ಎಲ್ಲಾ ವಿಷಯತ್‍ನ ನಿಂಗಡ ಗೇನಕ್ ಕೊಂಡ್ ಬಪ್ಪ.

ಯೋಹಾನ 14:6

ಅಂವೊಂಗ್ ಯೇಸು: ನಾನೇ ಬಟ್ಟೇಯು, ಸತ್ಯವು, ಜೀವವುವಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ. ನಾಡ ಮೂಲಕ ಅಲ್ಲತೆ ದಾರೂ ನಾಡ ಅಪ್ಪಂಡ ಪಕ್ಕ ಬಪ್ಪಕ್ ಕಯ್ಯುಲೆ.

ಯೋಹಾನ 15:26

ನಾಡ ಅಪ್ಪಂಡ ಕಡೇಯಿಂಜ ನಾನ್ ನಿಂಗಕ್ ಅಯಿಪಂವೊನು, ಅಪ್ಪಂಡ ಕಡೇಯಿಂಜ ಪೊರಟಿತ್ ಬಪ್ಪಂವೊನು ಆಯಿತುಳ್ಳ ಸತ್ಯತ್‍ರ ಆತ್ಮವಾಯಿತುಳ್ಳ ಆಲೋಚನೆಕಾರ ಬಪ್ಪಕ, ನಾಡ ವಿಷಯತ್ ಸಾಕ್ಷಿ ತಪ್ಪ.

ಯೋಹಾನ 16:12

ನಿಂಗಕ್ ಎಣ್ಣುವಕ್ ನಾಡ ಪಕ್ಕ ದುಂಬ ಸತ್ಯ ಉಂಡ್, ಆಚೇಂಗಿ ಅದ್‍ನೆಲ್ಲಾ ನಾನ್ ನಿಂಗಕ್ ಎಣ್ಣ್‌ಚೇಂಗಿ ನಿಂಗಕ್ ಹೃದಯತ್‍ಲ್ ಅದ್‍ನ ಎಡ್‍ಪಕ್ ಕಯ್ಯುಲೆ.

ಯೋಹಾನ 3:32

ಅಂವೊ ಎಂತದ್‍ನ ಕಂಡತೋ, ಎಂತದ್‍ನ ಕ್‍ೕಟತೋ ಅದ್ಂಡ ವಿಷಯತ್ ಸಾಕ್ಷಿ ಕೊಡ್‍ಪ. ಆಚೇಂಗಿಯು, ಅಂವೊಂಡ ಸಾಕ್ಷಿನ ದಾರೂ ಸ್ವೀಕಾರ ಮಾಡುಲೆ.

ಯೋಹಾನ 8:38

ನಾನ್ ನಾಡ ಅಪ್ಪಂಡಲ್ಲಿ ಕಂಡದ್‍ನ ಎಣ್ಣ್‌ವಿ, ನಿಂಗಳು ಸಹ ನಿಂಗಡ ಅಪ್ಪಂಡಲ್ಲಿ ಕ್‍ೕಟಾನ ಮಾಡಿಯಂಡುಳ್ಳಿರಾಂದ್ ಎಣ್ಣ್‌ಚಿ.

ಅಪೊಸ್ತಲ 11:28

ಅಯಿಂಗಡಲ್ಲಿ ಅಗಬ ಎಣ್ಣುವ ಒಬ್ಬ ಎದ್ದಿತ್, ಪವಿತ್ರಾತ್ಮತ್‍ಲ್ ದುಂಬಿತ್, ಇಡಿ ಲೋಕತ್‍ಲ್ ಬರಗಾಲ ಬಪ್ಪಕುಂಡ್‍ೕಂದ್ ಎಣ್ಣ್‌ಚಿ. ಅದ್ ಅನ್ನನೆ ಕ್ಲೌದ್ಯ ಚಕ್ರವರ್ತಿರ ಕಾಲತ್‍ಲ್ ನಡ್ಂದತ್.

ಅಪೊಸ್ತಲ 20:23

ನಾನ್ ಪೋಪ ಜಾಗತ್‍ಲೆಲ್ಲ ಜನ ನನ್ನ ಪೊಜ್ಜಿತ್ ಜೈಲ್‌ಕ್ ಇಟ್ಟಿತ್, ತೊಂದರೆ ಮಾಡ್‌ವಾಂದ್ ಪವಿತ್ರಾತ್ಮ ಎಣ್ಣಿಯಂಡುಳ್ಳದ್ ಮಾತ್ರ ನಾಕ್ ಎಲ್ಲಾ ಜಾಗತ್‍ಲು ಗೊತ್ತಾಯಂಡುಂಡ್.

ಅಪೊಸ್ತಲ 27:24

ನೀನ್ ಬೊತ್ತತೆ, ನೀನ್ ಕೈಸರಂಡ ಮಿಂಞ ನಿಪ್ಪಿಯ. ನೋಟ್, ನೀಡ ಕೂಡೆ ಈ ಹಡಗ್‍ಲ್ ಪ್ರಯಾಣ ಮಾಡ್‌ವಯಿಂಗಡ ಪ್ರಾಣತ್‍ನ, ದೇವ ನೀಡ ಮೇಲೆ ಉಳ್ಳ ಕೃಪೆಯಿಂಜ ಕಾಪಾಡ್‌ವಾಂದ್ ನಾಡ ಪಕ್ಕ ಎಣ್ಣ್‌ಚಿ.

2 ಥೆಸಲೊನೀಕ 2:12

ಅದ್ಂಗಾಯಿತ್, ಸತ್ಯತ್‍ನ ನಂಬತೆ, ಪಾಪತ್‍ಲ್ ಕುಶಿಪಟ್ಟಂಡ್ ಇಂಜಯಿಂಗಕ್ ತೀರ್ಪ್ ತಪ್ಪನೆಕೆ ದೇವ ಮಾಡ್‍ಚಿ.

2 ಥೆಸಲೊನೀಕ 2:3

ಈ ವಿಷಯತ್‍ಲ್ ನಿಂಗಳ ದಾರೂ ವಂಚನೆ ಮಾಡತನೆಕೆ ಎಚ್ಚರತ್‍ಲ್ ಇರಂಡು; ಎನ್ನಂಗೆಣ್ಣ್‌ಚೇಂಗಿ, ದೇವಕ್ ವಿರೋದ ಮಾಡಿತ್ ಜನ ದಂಗೆ ಮಾಡಿತ್, ಪಾಳಾಯಿ ಪೋಪಕಾಯಿತ್ ಪುಟ್ಟ್‌ನ ಬಲ್ಯ ದುಷ್ಟ ಮನುಷ್ಯ ಪೊರಮೆ ಬಪ್ಪಕತ್ತನೆ, ಆ ದಿವಸ ಬಪ್ಪುಲೆ.

ಇಬ್ರಿಯ 1:1

ಪಂಡ್ ಕಾಲತ್‍ಲ್ ದೇವ ನಂಗಡ ಮುತ್ತಜ್ಜಂಗಡ ಕೂಡೆ ಪ್ರವಾದಿಯಂಗಡ ಮೂಲಕ ಬೋರೆ ಬೋರೆ ಸಮಯತ್‍ಲ್ ಬೋರೆ ಬೋರೆ ರೀತಿಲ್ ತಕ್ಕ್ ಪರ್ಂದಂಡಿಂಜತ್.

1 ಯೋಹಾನ 2:20

ಆಚೇಂಗಿ, ನಿಂಗ ಅನ್ನನೆ ಇಲ್ಲೆ, ಕ್ರಿಸ್ತ ನಿಂಗಳ ಪವಿತ್ರಾತ್ಮತ್‍ಲ್ ಅಬಿಷೇಕ ಮಾಡ್‍ನಗುಂಡ್ ನಿಂಗಕ್ ಸತ್ಯ ಏದ್‍ೕಂದ್ ಗೊತ್ತುಂಡ್.

1 ಯೋಹಾನ 2:27

ಆಚೇಂಗಿ ನಿಂಗಡ ವಿಷಯತ್‍ಲ್, ಕ್ರಿಸ್ತ ನಿಂಗಳ ಪವಿತ್ರ ಆತ್ಮತ್‍ಲ್ ಅಬಿಷೇಕ ಮಾಡಿತುಂಡ್. ಅಂವೊಂಡ ಅಬಿಷೇಕ ನಿಂಗಡಲ್ಲಿ ಉಳ್ಳಗುಂಡ್, ದಾರೂ ನಿಂಗಕ್ ಉಪದೇಶ ಮಾಡ್‌ವ ಅವಸ್ಯ ಇಲ್ಲೆ, ಅಂವೊಂಡ ಆತ್ಮ ಎಲ್ಲಾ ವಿಷಯತ್‍ನ ನಿಂಗಕ್ ಬೋದನೆ ಮಾಡ್‌ವ. ಅಂವೊ ಮಾಡ್‌ವ ಬೋದನೆಯೆಲ್ಲ ಸತ್ಯ, ಅದ್‍ಲ್ ಪೊಟ್ಟ್ ಇಲ್ಲೆ. ಆನಗುಂಡ್, ಅಂವೊ ನಿಂಗಕ್ ಉಪದೇಶ ಮಾಡ್‍ನ ಪ್ರಕಾರ ನಡ್‌ಂದಿತ್ ಕ್ರಿಸ್ತಂಡ ಕೂಡೆ ಐಕ್ಯ ಉಳ್ಳಯಿಂಗಳಾಯಿತಿರಿ.

1 ಯೋಹಾನ 4:6

ಆಚೇಂಗಿ ನಂಗ ದೇವಡ ಪಕ್ಕ ಕೂಡ್‍ನಯಿಂಗ. ದೇವನ ಗೊತ್ತುಳ್ಳಯಿಂಗ, ನಂಗ ಪರಿಯುವ ತಕ್ಕ್‌ನ ಕ್‍ೕಪ. ದೇವಡ ಪಕ್ಕ ಇಲ್ಲತಯಿಂಗ ನಂಗಡ ತಕ್ಕ್‌ನ ಕ್‍ೕಪುಲೆ. ಆನಗುಂಡ್, ಸತ್ಯ ಪರಿಯುವ ಆತ್ಮ ಏದ್‍ೕಂದ್, ಪೊಟ್ಟ್ ಪರಿಯುವ ಆತ್ಮ ಏದ್‍ೕಂದ್ ನಂಗಕ್ ಗೊತ್ತಾಪ.

1 ಯೋಹಾನ 5:6

ಯೇಸು ಕ್ರಿಸ್ತನಾನ ಇಂವೊನೇ ನೀರ್ಂಜಲು ಚೋರೆಯಿಂಜಲು ಬಂದಂವೊ. ನೀರ್ಂಜ ಮಾತ್ರವಲ್ಲ, ನೀರ್ಂಜಲು ಪಿಂಞ ಚೋರೆಯಿಂಜಲು ಬಂದಂವೊ. ಪವಿತ್ರಾತ್ಮನಾನಂವೊನೇ ಇದ್ ಸತ್ಯಾಂದ್ ಸಾಕ್ಷಿ ಕೊಡ್‍ತಂಡುಂಡ್. ಎನ್ನಂಗೆಣ್ಣ್‌ಚೇಂಗಿ ದೇವಡ ಆತ್ಮ ಸತ್ಯವುಳ್ಳಂವೊ.

ಪ್ರಕಟನೆ 1:1

ಇಂಞು ಮಿಂಞಕ್ ಬೆರಿಯ ಆಪಕುಳ್ಳ ವಿಷಯತ್‍ನ ತಾಂಡ ಸೇವಕಂಗಕ್ ಕಾಂಬ್‌ಚಿಡುಕಾಯಿತ್ ದೇವ ಯೇಸು ಕ್ರಿಸ್ತಂಗ್ ಕೊಡ್‍ತ ಪ್ರಕಟನೆ ಇದ್. ಅಂವೊ ಅದ್‍ನ ತಾಂಡ ದೂತಂಡ ಮೂಲಕ ತಾಂಡ ಸೇವಕನಾನ ಯೋಹಾನಂಗ್ ಗೊತ್ತ್ ಮಾಡಿ ಕೊಡ್‍ತತ್.

ಪ್ರಕಟನೆ 1:19

ಇಕ್ಕ, ನೀನ್ ಕಂಡದ್‍ನ, ಇಕ್ಕ ಉಳ್ಳದ್‍ನ ಪಿಂಞ ಇಂಞು ಮಿಂಞಕ್ ಆಪಕುಳ್ಳದ್‍ನ ಒಳ್‍ದ್.