ಯೋಹಾನ 16:10 - ಕೊಡವ ಬೈಬಲ್

¹⁰ ನಾನ್ ಅಪ್ಪಂಡ ಪಕ್ಕ ಪೋಪಗುಂಡ್ ನನ್ನ ಇಂಞು ಮಿಂಞಕ್ ನಿಂಗ ಕಾಂಬುಲೆ. ಆನಗುಂಡ್ ನೀತಿರ ವಿಷಯತ್ ಅಂವೊ ಎಣ್ಣಿ ತಪ್ಪ.

ಯೋಹಾನ 16:10 ပူးပေါင်းရင်းမြစ်များ

ಯೋಹಾನ 16:28

ನಾನ್ ಈ ಲೋಕಕ್ ಅಪ್ಪಂಡಯಿಂಜ ಬಂದಿಯೆ, ಇಕ್ಕ ನಾನ್ ಈ ಲೋಕತ್‍ನ ಬುಟ್ಟಿತ್ ಅಪ್ಪಂಡ ಪಕ್ಕ ಪೋಯಂಡುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 16:5

ಆಚೇಂಗಿ ಇಕ್ಕ, ನಾನ್ ನನ್ನ ದಾರ್ ಅಯಿಚತೋ ಅಂವೊಂಡ ಪಕ್ಕ ಪೋಯಂಡುಂಡ್; ನೀನ್ ಎಲ್ಲಿಕ್ ಪೋಪಿಯಾಂದ್ ಒಬ್ಬನಾಚೇಂಗಿಯು ನನ್ನ ಕ್‍ೕಟಂಡಿಲ್ಲೆ.

ಯೋಹಾನ 3:14

ಮೋಶೆ ಮಣಬೂಮಿಲ್ ಎನ್ನನೆ ಒರ್ ಕಚ್ಚಿ ಪಾಂಬ್‍ನ ನೇತ್‍ಚೋ ಅನ್ನನೆ ಮನುಷ್ಯಕುಮಾರನ ಸಹ ಕೊಡಿಕ್ ನೇತಂಡು.

ಯೋಹಾನ 5:32

ನಾಡ ವಿಷಯತ್‍ಲ್ ಬೋರೆ ಒಬ್ಬ ಸಾಕ್ಷಿ ತಪ್ಪ, ಅಂವೊ ನಾಡ ವಿಷಯತ್ ತಪ್ಪ ಸಾಕ್ಷಿ ಸತ್ಯಾಂದ್ ನಾಕ್ ಗೊತ್ತುಂಡ್.

ಯೋಹಾನ 7:33

ಯೇಸು ಅಯಿಂಗಳ ನೋಟಿತ್: ನಾನ್ ನಿಂಗಡ ಕೂಡೆ ಇಂಞು ಚೆನ್ನ ಕಾಲ ಇಪ್ಪಿ, ಅಲ್ಲಿಂಜ ನನ್ನ ದಾರ್ ಅಯಿಚತೋ, ಅಂವೊಂಡ ಪಕ್ಕ ಪೋಪಿ.

ಅಪೊಸ್ತಲ 17:31

ದೇವ ಒರ್ ದಿವಸತ್‍ನ ಗೊತ್ತ್ ಮಾಡಿತುಂಡ್; ಅಂವೊ ನೇಮಿಚಿಟ್ಟಂವೊಂಡ ಮೂಲಕ, ಈ ಲೋಕತ್‍ನ ಸರಿಯಾಯಿತ್ ನ್ಯಾಯತೀರ್ಪ್ ಮಾಡ್‌ವ; ಆ ಮನುಷ್ಯನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪ್‌ನಗುಂಡ್, ಅನ್ನನೆ ಮಾಡ್‌ವಾಂದ್ ಅಂವೊ ಎಲ್ಲಾ ಜನಕು ಸಾಕ್ಷಿಯಾಯಿತ್ ಮಾಡ್‍ಚೀಂದ್ ಪೌಲ ಎಣ್ಣ್‌ಚಿ.

ಅಪೊಸ್ತಲ 2:32

ಈ ಯೇಸುನ ದೇವ ಚಾವ್‍ಯಿಂಜ ಎಪ್ಪ್‌ಚಿಟ್ಟತ್; ಇದ್ಂಗ್ ನಂಗ ಎಲ್ಲಾರು ಸಾಕ್ಷಿಯಾಯಿತ್ ಉಂಡ್.

ಅಪೊಸ್ತಲ 3:14

ಪವಿತ್ರವಾನ ಪಿಂಞ ನೀತಿವಂತಂವೊನಾಯಿತ್ಂಜ ಅಂವೊನ ನಿಂಗ ಬೋಂಡಾಂದ್ ಎಣ್ಣಿತ್, ಅಂವೊಂಡ ಬದ್‍ಲ್ ಕೊಲೆಗಾರನ ಬುಡುಗಡೆ ಮಾಡ್‌ವಕ್ ಎಣ್ಣಿರ.

ಅಪೊಸ್ತಲ 7:52

ನಿಂಗಡ ಮುತ್ತಜ್ಜಂಗ ಏದ್ ಪ್ರವಾದಿಕ್ ಹಿಂಸೆ ಕೊಡ್‍ಕತೆ ಇಂಜತ್? ನೀತಿವಂತಂವೊ ಒಬ್ಬ ಬಪ್ಪಾಂದ್ ಎಣ್ಣಿಯಂಡಿಂಜ ಪ್ರವಾದಿಯಳ ಸಹ ಕೊಲೆ ಮಾಡ್‍ಚಿ. ಇಕ್ಕ, ನಿಂಗ ಅನ್ನನೆ ಬಂದಂವೊನ ಪುಡ್‌ಚಿತ್ ಕೊಲ್ಲ್‌ವಕ್ ಒಪ್ಪ್‌ಚಿಡ್‌ವಕ, ಅದ್ಂಗ್ ನಿಂಗ ಪಾಲ್‍ದಾರಂಗಳಾಯಿತುಳ್ಳಿರ.

ರೋಮ್ 1:17

ನಂಬಿಕೇರ ಮೂಲಕ ನೀತಿವಂತಯಿಂಗ ಬದ್‌ಕ್‌ವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳನೆಕೆ, ನಂಬಿಕೇರ ಮೂಲಕ ಕ್‍ಟ್ಟುವ ದೇವಡ ನೀತಿ, ನಂಬಿಕೆಕಾಯಿತ್, ದೇವಡ ನಲ್ಲ ಸುದ್ದಿರ ಮೂಲಕ ಕಾಂಬನೆಕೆ ಆಚಿ.

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

2 ಕೊರಿಂಥ 5:21

ಎನ್ನಂಗೆಣ್ಣ್‌ಚೇಂಗಿ, ನಂಗ ಅಂವೊಂಡಲ್ಲಿ ದೇವಡ ನೀತಿನ ಪಡೆಯುವಕಾಯಿತ್, ಪಾಪ ಗೊತ್ತಿಲ್ಲತ ಅಂವೊನ ನಂಗಡ ಪಾಪತ್‍ರ ಬಲಿಯಾಯಿತ್ ಮಾಡ್‍ಚಿ.

ಗಲಾತ್ಯ 5:5

ಆಚೇಂಗಿ ಪವಿತ್ರಾತ್ಮಂಡ ಸಹಾಯತ್‍ಲ್ ನಂಬಿಕೇರಗುಂಡ್, ಬದ್‍ಕಿಯಂಡುಳ್ಳ ನಂಗ, ನಂಬಿಕೇರಗುಂಡ್ ದೇವಡ ನೀತಿ ಎಕ್ಕ ಕ್‌ಟ್ಟುವಾಂದ್ ಕುಶೀಲ್ ಪಾರಕಾತಂಡ್ ಉಂಡ್.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

1 ಪೇತ್ರ 3:18

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಸಹ ನಂಗಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ಅನೀತಿ ಉಳ್ಳಯಿಂಗಕ್ ಬದ್‍ಲಾಯಿತ್ ನೀತಿಯುಳ್ಳಂವೊನಾಯಿತ್ ಒರೇ ಕುರಿ ಪಾಪತ್‍ರಗುಂಡ್ ಕಷ್ಟಪಟ್ಟತ್; ಅಂವೊ ತಡೀಲ್ ಚತ್ತತ್, ಆತ್ಮತ್‍ಲ್ ಜೀವವಾಯಿತ್ ಬಾತ್.