ಯೋಹಾನ 16:1 - ಕೊಡವ ಬೈಬಲ್

¹ ನಾಡ ಮೇಲೆ ಉಳ್ಳ ನಂಬಿಕೇನ ನಿಂಗ ಬುಡುವಕ್ಕಾಗಾಂದ್ ನಿಂಗಕ್ ನಾನ್ ಇದ್‍ನೆಲ್ಲಾ ಎಣ್ಣಿಯೆ.

ಯೋಹಾನ 16:1 ပူးပေါင်းရင်းမြစ်များ

ಮತ್ತಾಯ 11:6

ನಾಡ ಮೇಲೆ ಅನುಮಾನ ಇಲ್ಲತಂವೊ ಆಶೀರ್ವಾದ ಪಡ್ಂದವೋಂದ್ ಅಯಿಂಗಕ್ ಎಣ್ಣ್‌ಚಿ.

ಮತ್ತಾಯ 13:21

ಆಚೇಂಗಿ, ಕಲ್ಲ್ ಜಾಗತ್‍ಲ್ ಬೇರೂರತೆ ಉಳ್ಳಗುಂಡ್, ಅದ್ ದುಂಬ ದಿವಸ ಇಪ್ಪುಲೆ. ಇನ್ನನೆ ದೇವಡ ವಾಕ್ಯತ್‍ರಗುಂಡ್ ಕಷ್ಟ, ಹಿಂಸೆ ಬಪ್ಪಕ ಅಯಿಂಗ ಕ್‍ೕಟಾನ ಬೆರಿಯ ಬುಟ್ಟ್‌ರ್‌ವ.

ಮತ್ತಾಯ 13:57

ಗೇನ ಮಾಡಿತ್ ಅಂವೊಂಡ ವಿಷಯತ್‍ಲ್ ಬೇಜಾರ್ ಮಾಡಿಯಂಡ್, ಅಂವೊ ಎಣ್ಣ್‌ವಾನ ಅಯಿಂಗಕ್ ನಂಬ್‍ವಕ್ ಕಯಿಂಜಿತ್‌ಲ್ಲೆ. ಯೇಸು ಅಯಿಂಗಳ ನೋಟಿತ್: ಒರ್ ಪ್ರವಾದಿಕ್ ತಾಂಡ ಊರ್ ಪಿಂಞ ಮನೆನ ಬುಟ್ಟಿತ್ ಬೋರೆ ಎಲ್ಲಾ ಜಾಗತ್‍ಲು ಮರ್ಯಾದಿ ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

ಮತ್ತಾಯ 24:10

ಆ ಸಮಯತ್‍ಲ್ ದುಂಬ ಜನ ನಂಬಿಕೆಯಿಂಜ ದೂರ ಪೋಯಿತ್, ಒಬ್ಬಂಗ್ ಒಬ್ಬ ಮೋಸ ಮಾಡಿತ್, ಒಬ್ಬಂಡ ಮೇಲೆ ಒಬ್ಬ ದ್ವೇಶ ಮಾಡ್‌ವ.

ಯೋಹಾನ 15:11

ನಾಡ ಕುಶಿ ನಿಂಗಡಲ್ಲಿ ಎಕ್ಕಾಲು ಇರಂಡೂಂದು, ನಿಂಗಡ ಕುಶಿ ಪೂರ್ತಿಯಾಯಿತ್ ಇರಂಡೂಂದ್ ಇದ್‍ನೆಲ್ಲಾ ನಾನ್ ನಿಂಗಕ್ ಎಣ್ಣಿಯೆ.

ಯೋಹಾನ 16:4

ಇನ್ನನೆಲ್ಲಾ ಆಪಕ, ಇದ್‍ನೆಲ್ಲಾ ನಾನ್ ನಿಂಗಕ್ ಎಣ್ಣಿಯೇಂದ್ ನಿಂಗಕ್ ಗೇನ ಆಪಕಾಯಿತ್ ನಾನ್ ಇಕ್ಕ ಎಣ್ಣಿಯೆ; ನಾನ್ ನಿಂಗಡ ಕೂಡೆ ಸುರುಯಿಂಜಲೇ ಇಂಜಾಂಗ್, ಇದ್‍ನೆಲ್ಲಾ ಅಕ್ಕ ಎಣ್ಣಿತ್‌ಲ್ಲೆ.

ರೋಮ್ 14:21

ಯರ್ಚಿ ತಿಂಬದು, ಕುಡಿಪದು, ಬೋರೆ ಎಂತಾಚು ಮಾಡ್‌ವದು, ಯೇಸುನ ನಂಬ್‍ನಯಿಂಗ ಪಾಪತ್‍ಲ್ ಬುದ್ದ್ ಪೂಪನೆಕೆ ಬಟ್ಟೆ ಕೊಡ್‍ತತೇಂಗಿ, ಅದ್‍ಲ್ ಒರ್ ವಿಷಯತ್‍ನು ಮಾಡತೆ ಇಪ್ಪದ್ ನಲ್ಲದ್.

ಫಿಲಿಪ್ಪಿ 1:10

ಅಕ್ಕ ಏದ್ ಚಾಯೀಂದ್ ನಿಂಗಕ್ ಗೊತ್ತಾಯಿತ್ ಅದ್‍ನ ಗೊತ್ತ್ ಮಾಡ್‌ವಿರ. ಅನ್ನನೆ ಆಚೇಂಗಿ, ಯೇಸು ಕ್ರಿಸ್ತ ತೀರ್ಪ್ ಕೊಡ್‍ಪ ದಿವಸತ್‍ಲ್ ನಿಂಗ ಒರ್ ತಪ್ಪು ಇಲ್ಲತ ಬದ್‍ಕ್ ಬದ್‍ಕ್‍ನಯಿಂಗಳಾಯಿತ್ ಇಪ್ಪಿರ.

1 ಪೇತ್ರ 2:8

ಆ ಕಲ್ಲ್ ಮನುಷ್ಯಂಗಳ ತಡ್‍ಪಕು ಬೂವಕು ಮಾಡ್‌ವ ಬಂಡೆಯಾಯಿತ್ ಆಚಿ. ಅಯಿಂಗ ದೇವಡ ಉಪದೇಶಕ್ ಬಗ್ಗ್‌ಚಿಡತಗುಂಡ್ ಅದ್ ತಡ್‍ತಂಡುಂಡ್, ಅದ್ಂಗೇ ಅಯಿಂಗಳ ನೇಮಿಚಿಟ್ಟಯಿಂಗಳಾಯಿತುಂಡ್.