ಯೋಹಾನ 15:26 - ಕೊಡವ ಬೈಬಲ್

²⁶ ನಾಡ ಅಪ್ಪಂಡ ಕಡೇಯಿಂಜ ನಾನ್ ನಿಂಗಕ್ ಅಯಿಪಂವೊನು, ಅಪ್ಪಂಡ ಕಡೇಯಿಂಜ ಪೊರಟಿತ್ ಬಪ್ಪಂವೊನು ಆಯಿತುಳ್ಳ ಸತ್ಯತ್‍ರ ಆತ್ಮವಾಯಿತುಳ್ಳ ಆಲೋಚನೆಕಾರ ಬಪ್ಪಕ, ನಾಡ ವಿಷಯತ್ ಸಾಕ್ಷಿ ತಪ್ಪ.

ಯೋಹಾನ 15:26 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:49

ನಾಡ ಅಪ್ಪ ವಾಗ್ದಾನ ಮಾಡ್‍ನ ಪವಿತ್ರ ಆತ್ಮತ್‌ನ ನಾನ್ ನಿಂಗಡ ಮೇಲೆ ಅಯಿಪಿ. ಆಚೇಂಗಿ ನಿಂಗಕ್ ಪರಲೋಕತ್ಂಜ ಶಕ್ತಿ ಕ್‌ಟ್ಟ್‌ವಕತ್ತನೆ ಯೆರೂಸಲೇಮ್ ಪಟ್ಟಣತ್‍ಲ್ ಪಾರಕಾತಂಡ್ ಇರಿ.

ಯೋಹಾನ 14:26

ನಾಡ ಪೆದತ್‍ಲ್ ನಾಡ ಅಪ್ಪ ನಿಂಗಕ್ ಅಯಿಪ ಪವಿತ್ರಾತ್ಮನಾನ ಆಲೋಚನೆಕಾರನೇ ನಿಂಗಕ್ ಬೋದನೆ ಮಾಡಿತ್, ನಾನ್ ನಿಂಗಕ್ ಎಣ್ಣ್‌ನ ಎಲ್ಲಾ ವಿಷಯತ್‍ನ ನಿಂಗಡ ಗೇನಕ್ ಕೊಂಡ್ ಬಪ್ಪ.

ಯೋಹಾನ 16:7

ಆಚೇಂಗಿ, ನಾನ್ ನಿಂಗಕ್ ಒರ್ ಸತ್ಯ ಎಣ್ಣಿ ತಪ್ಪಿ: ನಾನ್ ಪೋಪದ್ ನಿಂಗಕ್ ಪ್ರಯೋಜನವಾಪ, ಎನ್ನಂಗೆಣ್ಣ್‌ಚೇಂಗಿ, ನಾನ್ ಪೋಕತ ಪೋನಕ ಆಲೋಚನೆ ತಪ್ಪ ಪವಿತ್ರಾತ್ಮ ನಿಂಗಡ ಪಕ್ಕ ಬಪ್ಪ್‌ಲೆ. ನಾನ್ ಪೋಚೇಂಗಿ, ಅಂವೊನ ನಿಂಗಡ ಪಕ್ಕ ಅಯಿಪಿ.

ಯೋಹಾನ 8:42

ದೇವ ನಿಂಗಡ ನೇರಾನ ಅಪ್ಪನಾಯಿತುಂಡೇಂಗಿ, ನಿಂಗ ನಾಡ ಮೇಲೆ ಪ್ರೀತಿಲ್ ಇಪ್ಪಿರ. ಎನ್ನಂಗೆಣ್ಣ್‌ಚೇಂಗಿ ನಾನ್ ದೇವಡಯಿಂಜ ಬಂದಿತುಳ್ಳ. ನಾನ್ ನಾಡ ಇಷ್ಟ ಪ್ರಕಾರ ಬಂದಿತ್‌ಲ್ಲೆ, ಅಂವೊನೇ ನನ್ನ ಅಯಿಚತ್.

ಅಪೊಸ್ತಲ 1:4

ಒರ್ ಕುರಿ ಅಯಿಂಗ ಕೂಡಿ ಬಂದಿತ್‌ಪ್ಪಕ, ಯೇಸು ಅಯಿಂಗಳ ನೋಟಿತ್:

ಅಪೊಸ್ತಲ 15:8

ಹೃದಯತ್‍ನ ಅರಿಂಜಿತುಳ್ಳ ದೇವ, ಎನ್ನನೆ ಪವಿತ್ರಾತ್ಮತ್‍ನ ನಂಗಕ್ ಕೊಡ್‍ತತೊ, ಅನ್ನನೆ ಅಯಿಂಗ ಸಹ ತಾಂಡ ಜನಾಂಗಾಂದ್ ಒತ್ತಂಡಾಂಗ್ ಅಯಿಂಗಕು ಪವಿತ್ರಾತ್ಮತ್‍ನ ಕೊಡ್‌ತಿತ್ ಸಾಕ್ಷಿ ಕೊಡ್‌ತತ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 5:32

ಈ ಸತ್ಯಕ್ ನಂಗ ಸಾಕ್ಷಿಯಾಯಿತುಂಡ್; ಅದಲ್ಲತೆ, ದೇವ, ಅಂವೊಂಗ್ ಬಗ್ಗಿತ್ ನಡ್‍ಪಯಿಂಗಕ್ ತಪ್ಪ ಪವಿತ್ರಾತ್ಮ ಸಹ ಸಾಕ್ಷಿಯಾಯಿತುಂಡ್‍ೕಂದ್ ಅಯಿಂಗಕ್ ಜವಾಬ್ ಕೊಡ್‍ತತ್.

1 ಕೊರಿಂಥ 1:6

ಅನ್ನನೆ ನಂಗ ಎಣ್ಣ್‌ನ ಕ್ರಿಸ್ತಂಡ ಸಾಕ್ಷಿ ನಿಂಗಡೊಳ್‌ಲ್ ಸ್ತಿರವಾಯಿತ್ ಉಂಡ್.

ಇಬ್ರಿಯ 2:4

ಆಶ್ಚರ್ಯ ಕಾರ್ಯ, ಅದ್ಬುತ ಕಾರ್ಯತ್‍ನಗುಂಡ್ ಪಿಂಞ ಅಂವೊಂಡ ಶಕ್ತಿರಗುಂಡ್ ಎಚ್ಚಕೋ ಕ್ರಿಯೇನ ನಂಗ ಕಂಡಿತುಂಡ್. ತಾಂಡ ಚಿತ್ತತ್‍ರನೆಕೆ, ಪಾಲ್ ಮಾಡ್‍ನ ಪವಿತ್ರಾತ್ಮತ್‍ರ ವರತ್‍ರಗುಂಡ್ ದೇವನೇ ಸಾಕ್ಷಿ ಎಣ್ಣ್‌ನ ಇಚ್ಚಕ್ ಬಲ್ಯ ರಕ್ಷಣೆರ ವಿಷಯತ್ ನಂಗ ಎಚ್ಚರ ಇಲ್ಲತೆ ಇಂಜತೇಂಗಿ, ಬಪ್ಪಕುಳ್ಳ ಶಿಕ್ಷೆಕ್ ನಂಗ ಎನ್ನನೆ ಬಚಾವ್ ಆಪಕಯ್ಯು?

ಪ್ರಕಟನೆ 22:1

ಪಿಂಞ, ಶುದ್ದವಾನ ತೆಳ್ಂಗ್‍ನ ಜೀವತ್‍ರ ನೀರ್ ಕ್‍ಟ್ಟ್‌ವ ಪೊಳೆನ ನಾಕ್ ಕಾಟ್‍ಚಿ. ಆ ಪೊಳೆ ದೇವಡ ಪಿಂಞ ಕೊರಿಕುಟ್ಟಿಯಾನವೊಂಡ ಸಿಂಹಾಸನತ್ಂಜ ಪೊರಟಿತ್ ಬಾತ್.