ಯೋಹಾನ 15:24 - ಕೊಡವ ಬೈಬಲ್

²⁴ ದಾರೂ ಮಾಡತ ಕ್ರಿಯೇನ ನಾನ್ ಅಯಿಂಗಡ ಮದ್ಯತ್‍ಲ್ ಮಾಡತೆ ಪೋಯಿತ್ಂಜತೇಂಗಿ, ಅಯಿಂಗಕ್ ಪಾಪ ಇಪ್ಪಕಿಂಜಿಲೆ; ಇಕ್ಕ ಅಯಿಂಗ ನಾಡ ಕ್ರಿಯೇನ ನೋಟಿತ್‌ಂಜತೇಂಗಿಯು ಸಹ, ನನ್ನ ಪಿಂಞ ನಾಡ ಅಪ್ಪನ ವಿರೋದಿಚಿಟ್ಟಂಡುಂಡ್.

ಯೋಹಾನ 15:24 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 8:36

ನನ್ನ ಕಂಡ್‌ಪುಡಿಪ್ಪಕ್‌ ಕೈಯಾತಂವೊ, ತಾಂಡ ಆತ್ಮಕ್‌ ಕ್‍ೕಡ್‌ ಮಾಡಿಯೊವ. ನನ್ನ ದ್ವೇಷ ಮಾಡುವಯಿಂಗೆಲ್ಲಾ, ಚಾವುನ ಪ್ರೀತಿಮಾಡುವ.

ಮತ್ತಾಯ 11:5

ಕುರ್‌ಡಂಗ ಕಂಡಂಡುಂಡ್, ಕುಂಟಂಗ ನಡ್ಂದಂಡುಂಡ್, ಕುಷ್ಟರೋಗಿಯಂಗ ವಾಸಿ ಆಯಂಡುಂಡ್, ಕಿವ್‍ಡಂಗ್ ಕ್‍ೕಟಂಡು, ಚತ್ತಯಿಂಗ ಎದ್ದಡುಂಡ್, ಗರೀಬಂಗಕ್ ನಲ್ಲ ಸುದ್ದಿ ಪ್ರಚಾರ ಆಯಂಡುಂಡ್.

ಮತ್ತಾಯ 21:32

ದೀಕ್ಷಾಸ್ನಾನ ತಪ್ಪ ಯೋಹಾನ ನಿಂಗಕ್ ನೀತಿರ ಬಟ್ಟೇನ ಕಾಟ್‍ಚಿ, ನಿಂಗ ಅಂವೊನ ನಂಬಿತ್‌ಲ್ಲೆ. ಆಚೇಂಗಿ, ಕಂದಾಯ ಎಡ್‍ಪಯಿಂಗ, ವೇಶಿಯ ಅಂವೊಂಡ ಬೋದನೆನ ನಂಬ್‍ಚಿ. ಇದ್‍ನೆಲ್ಲಾ ನಿಂಗ ಕಂಡಿತ್ ಉಂಡೇಂಗಿಯು ನಿಂಗ ನಂಬಿತು ಇಲ್ಲೆ ದೇವಡ ಪಕ್ಕ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ತಿರ್‌ಗಿತು ಇಲ್ಲೆ.

ಮತ್ತಾಯ 9:33

ಅಂವೊಂಡ ಮೇಲ್‌ಲ್ ಇಂಜ ಕೂಳಿನ ಬುಡ್‍ತ್‍ನ ಪಿಂಞ ಮೂಗನಾಯಿತ್ಂಜ ಅಂವೊ ತಕ್ಕ್ ಪರ್ಂದತ್. ಜನ ಆಶ್ಚರ್ಯತ್‍ಲ್: ಇಸ್ರಾಯೇಲ್‌ಲ್ ಇನ್ನನೆ ಎಕ್ಕಾಲು ನಡ್ಂದ್‍ತ್‌ಲ್ಲೆಲ್ಲಾಂದ್ ಎಣ್ಣ್‌ಚಿ.

ಮಾರ್ಕ 2:12

ಅಕ್ಕಣೆಕ್, ಆ ಮನುಷ್ಯ ಎದ್ದಿತ್ ತಾಂಡ ಕಡ್‌ಕೆನ ಸುತ್ತಿಯಂಡ್ ಎಲ್ಲಾಡ ಮಿಂಞತ್ ನಡ್ಂದ್ ಪೋಚಿ. ಅಕ್ಕ ಅಲ್ಲಿ ಉಳ್ಳ ಜನ ಎಲ್ಲಾರು ಆಶ್ಚರ್ಯ ಪಟ್ಟಿತ್, ಇಂತ ಒರ್ ಅದ್ಬುತ ಕಾರ್ಯತ್‍ನ ನಂಗ ಕಂಡಿತೇ ಇಲ್ಲೇಂದ್ ಎಣ್ಣಿತ್, ದೇವನ ತುದಿಪಕ್ ಸುರು ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:19

ಅಕ್ಕ ಅಂವೊ: ಎಂತ ಸಂಗತಿ ನಡ್ಂದತ್ ಎಣ್ಣಿಯಂಡ್ ಕ್‍ೕಟತ್. ಅದ್ಂಗ್ ಅಯಿಂಗ: ನಜರೇತ್‍ರ ಯೇಸುರ ವಿಷಯಾಂದ್ ಎಣ್ಣ್‌ಚಿ. ಅಂವೊ ದೇವಡ ಪಿಂಞ ಮನುಷ್ಯಂಗಡ ಮಿಂಞತ್‍ಲ್ ಅಂವೊಂಡ ಕ್ರಿಯೇಲು ತಕ್ಕ್‌ಲು ಶಕ್ತಿಯುಳ್ಳ ಪ್ರವಾದೀಂದ್ ಕಾಟಿತ್ಂಜತ್.

ಯೋಹಾನ 10:32

ಅಕ್ಕ ಯೇಸು ಅಯಿಂಗಳ ನೋಟಿತ್: ನಾನ್ ನಾಡ ಅಪ್ಪ ಎಣ್ಣ್‌ನನೆಕೆ ದುಂಬ ಅದ್ಬುತ ಕಾರ್ಯ ಮಾಡಿಯೆ, ಅದ್‍ಲ್ ಏದ್ ವಿಷಯತ್‍ಲ್ ನಾಡ ಮೇಲೆ ಕಲ್ಲ್ ಕನಿಪಕ್ ನೋಟ್‌ವಿರಾಂದ್ ಕ್‍ೕಟತ್.

ಯೋಹಾನ 10:37

ನಾನ್ ನಾಡ ಅಪ್ಪಂಡ ಕ್ರಿಯೆ ಮಾಡತ ಪೋನಕ ನಾಡ ತಕ್ಕ್‌ನ ನಿಂಗ ನಂಬತೆ ಇರಿ.

ಯೋಹಾನ 12:10

ಅಕ್ಕ, ಮುಕ್ಯ ಯಾಜಕಂಗ ಲಾಜರನ ಸಹ ಕೊಲ್ಲಂಡೂಂದ್ ತೀರ್ಮಾನ ಮಾಡಿತ್ ನೋಟಿಯಂಡ್ ಇಂಜತ್.

ಯೋಹಾನ 12:45

ನನ್ನ ದಾರ್ ಕಂಡಂಡುಂಡೋ ಅಂವೊ ನನ್ನ ಅಯಿಚಂವೊನ ಕಂಡಂಡುಂಡ್.

ಯೋಹಾನ 14:9

ಅದ್ಂಗ್ ಯೇಸು: ಫಿಲಿಪ್ಪನೇ, ನಾನ್ ಇಚ್ಚಕ್ ಕಾಲ ನಿಂಗಡ ಕೂಡೆ ಇಂಜಿಯೆ, ಅಂತು ನಿಂಗಕ್ ನನ್ನ ಗೊತ್ತ್‌ಲ್ಲೆಯಾ? ನನ್ನ ಕಂಡಂವೊ ನಾಡ ಅಪ್ಪನ ಸಹ ಕಂಡಿತುಂಡ್; ಅನ್ನನೆ ಇಪ್ಪಕ, ಅಪ್ಪನ ಕಾಟಿತಾಂದ್ ನಿಂಗ ಎಣ್ಣ್‌ವದ್ ಎನ್ನನೆ?

ಯೋಹಾನ 15:21

ಆಚೇಂಗಿ ನನ್ನ ದಾರ್ ಅಯಿಚತೋ ಅಂವೊನ ಗೊತ್ತಿಲ್ಲತಗುಂಡ್, ನಾಡಗುಂಡ್ ನಿಂಗಕ್ ಇನ್ನನೆ ಮಾಡ್‌ವ.

ಯೋಹಾನ 15:22

ನಾನ್ ಬಂದಿತ್ ಅಯಿಂಗಡ ಕೂಡೆ ತಕ್ಕ್ ಪರಿಯತೆ ಪೋಯಿತ್ಂಜತೇಂಗಿ, ಅಯಿಂಗಕ್ ಪಾಪ ಇಪ್ಪಕಿಂಜಿಲೆ. ಆಚೇಂಗಿ ಇಕ್ಕ ಅಯಿಂಗಕ್ ಅಯಿಂಗಡ ಪಾಪತ್ಂಜ ತಪ್ಪಿಚಿಡ್‌ವಕ್ ಬಟ್ಟೆ ಇಲ್ಲೆ.

ಯೋಹಾನ 15:23

ನನ್ನ ವಿರೋದಿಚಿಡ್‌ವಯಿಂಗ ನಾಡ ಅಪ್ಪನ ಸಹ ವಿರೋದಿಚಿಡುವ.

ಯೋಹಾನ 16:9

ಈ ಲೋಕತ್‍ರ ಜನ ನನ್ನ ನಂಬತಗುಂಡ್ ಅಯಿಂಗ ಪಾಪೀಂದ್ ಎಣ್ಣಿ ಕೊಡ್‍ಪ.

ಯೋಹಾನ 3:2

ಅಂವೊ, ಒರ್ ಬಯಿಟ್ ಯೇಸುರ ಪಕ್ಕ ಪೋಯಿತ್: ಉಪಾದ್ಯನೇ, ನೀನ್ ದೇವ ಅಯಿಚಿತುಳ್ಳ ಉಪಾದ್ಯಾಂದ್ ನಂಗಕ್ ಗೊತ್ತುಂಡ್. ಎನ್ನಂಗೆಣ್ಣ್‌ಚೇಂಗಿ, ದಾರ್ ಒಬ್ಬಂಡ ಕೂಡೆ ದೇವ ಉಂಡೋ ಅಂವೊಂಗ್ ಮಾತ್ರ ನೀನ್ ಮಾಡ್‌ವನೆಕೆ ಇನ್ನತಾನ ಅದ್ಬುತ ಕಾರ್ಯತ್‍ನ ಮಾಡ್‌ವಕ್ ಕಯ್ಯೂಂದ್ ಎಣ್ಣ್‌ಚಿ.

ಯೋಹಾನ 5:36

ಆಚೇಂಗಿ, ಅಂವೊಂಡ ಸಾಕ್ಷಿಕಿಂಜ ನಾಡ ಸಾಕ್ಷಿ ಬಲ್ಯದಾಯಿತುಂಡ್. ಅದ್ ಎಂತ ಎಣ್ಣ್‌ಚೇಂಗಿ, ನಾನ್ ನೆರೆವೇರಿಚಿಡಂಡೂಂದ್ ಅಪ್ಪನಾನ ದೇವ ನಾಕ್ ಎಣ್ಣಿ ಕೊಡ್‍ತ ವಿಷಯ ಪಿಂಞ ನಾನ್ ಮಾಡಿಯಂಡುಳ್ಳ ಕ್ರಿಯೆವೇ ಅಪ್ಪನಾನ ದೇವ ನನ್ನ ಅಯಿಚತ್‍ೕಂದ್ ನಾಡ ವಿಷಯತ್ ಸಾಕ್ಷಿ ಕೊಡ್‍ತಂಡುಂಡ್.

ಯೋಹಾನ 6:36

ಆಚೇಂಗಿ ನಿಂಗ ನನ್ನ ಕಂಡಿತು ನನ್ನ ನಂಬಿತ್‌ಲ್ಲೇಂದ್ ನಾನ್ ನಿಂಗಕ್ ಎಣ್ಣಿಯೆ.

ಯೋಹಾನ 7:31

ಅಲ್ಲಿ ಇಂಜ ದುಂಬ ಜನ ಅಂವೊನ ನಂಬಿತ್: ಕ್ರಿಸ್ತ ಬಪ್ಪಕ ಇಂವೊ ಮಾಡ್‌ವ ಅದ್ಬುತ ಕಾರ್ಯಕಿಂಜ ಜಾಸ್ತಿ ಮಾಡ್‌ವೋ ಎಂತೋಂದ್ ಎಣ್ಣಿಯಂಡ್ ಇಂಜತ್.

ಯೋಹಾನ 9:32

ಪುಟ್ಟ್‌ವಕಿಂಜ್‌ಲೆ ಕುರ್‌ಡನಾಯಿತ್ಂಜಂವೊಂಡ ಕಣ್ಣ್‌ನ ಒಬ್ಬ ತೊರಂದತ್‍ೕಂದ್ ಈ ಲೋಕ ಸೃಷ್ಟಿಯಾನ ಕಾಲತ್ಂಜ ಇಲ್ಲಿಕತ್ತನೆ ನಂಗ ಕ್‍ೕಟಿತ್‌ಲ್ಲೆಲ್ಲಾ?

ಯೋಹಾನ 9:41

ಯೇಸು ಅಯಿಂಗಕ್: ನಿಂಗ ಕುರ್‌ಡಂಗಳಾಯಿತ್ ಇಂಜತೇಂಗಿ ನಿಂಗಡಲ್ಲಿ ಪಾಪ ಇಪ್ಪುಲೆ; ಆಚೇಂಗಿ, ನಿಂಗಕ್ ಕಣ್ಣ್ ಕಾಂಬಾಂದ್ ನಿಂಗ ಎಣ್ಣಿಯಂಡುಳ್ಳಗುಂಡ್, ನಿಂಗಡ ಪಾಪ ಎಕ್ಕಾಲು ಇಪ್ಪ.

ಅಪೊಸ್ತಲ 10:38

ದೇವ ನಜರೇತ್‍ರ ಯೇಸುನ ಪವಿತ್ರತ್ಮಾತ್ಂಜಲು ಶಕ್ತಿಯಿಂಜಲು ಅಬಿಷೇಕ ಮಾಡ್‍ಚಿ. ದೇವ ಅಂವೊಂಡ ಕೂಡೆ ಇಂಜಗುಂಡ್ ಅಂವೊ ನಲ್ಲದ್ ಮಾಡಿಯಂಡ್ ಸೈತಾನಂಡ ಶಕ್ತಿಲ್ ಚಿಕ್ಕಿತ್ ಪೋಯಿತ್ಂಜ ಎಲ್ಲಾರ್‍ನೂ ವಾಸಿಮಾಡಿಯಂಡ್ ಎಲ್ಲಾ ಜಾಗಕು ಪೋಯಂಡಿಂಜತ್.

ಅಪೊಸ್ತಲ 2:22

ಇಸ್ರಾಯೇಲ್‍ರ ಜನಳೇ, ನಾಡ ತಕ್ಕ್‌ನ ಕ್‍ೕಳಿ; ನಿಂಗಕೆಲ್ಲ ಚಾಯಿತೆ ಗೊತ್ತುಳ್ಳನೆಕೆ ನಜರೇತ್‍ರ ಯೇಸುರ ಮೂಲಕ ದೇವ ನಿಂಗಡ ಮದ್ಯತ್‍ಲ್ ಬಲ್ಯ ಅದ್ಬುತ, ಆಶ್ಚರ್ಯ ಪಿಂಞ ಗುರ್‌ತ್ ಕಾರ್ಯತ್‍ನ ಮಾಡಿತ್ ಅದ್‍ಯಿಂಜ ಅಂವೊನ ದೇವ ನೇಮಿಚಿಟ್ಟತ್‍ೕಂದ್ ನಿಂಗಕ್ ಕಾಂಬ್‍ಚಿಟ್ಟತ್.

ರೋಮ್ 1:30

ಅಯಿಂಗ ಒಬ್ಬಂಡ ಮೇಲೆ ಒಬ್ಬ ಕೆಟ್ಟದ್ ಎಣ್ಣಿಯಂಡ್, ದೇವನ ವಿರೋದಿಚಂಡ್, ಬಾರಿ ಆಂಗಾರತ್‍ಲ್ ನಡ್ಂದಂಡ್, ಬಾರಿ ಹೊಗಳ್‌ವಯಿಂಗಳಾಯಿತ್ ಉಂಡ್. ಅಯಿಂಗ ಪಾಪ ಮಾಡ್‌ವಕೇ ಆಸೆ ಪಟ್ಟಂಡುಂಡ್. ಪಿಂಞ ಅಯಿಂಗ ಅಪ್ಪವ್ವಂಗಕ್ ತಗ್ಗಿತ್ ನಡ್‍ಪುಲೆ.

2 ತಿಮೊಥೆಯ 3:4

ದುಷ್ಟ ಬುದ್ದಿ ಉಳ್ಳಯಿಂಗಳಾಯಿತ್, ಎಂತ ಆಪಾಂದ್ ಗೇನ ಮಾಡತೆ ತಪ್ಪ್ ಮಾಡ್‌ವಕ್ ದೈರ್ಯ ಉಳ್ಳಯಿಂಗಳಾಯಿತ್, ಒಂದು ಇಲ್ಲತ ಇಂಜತೇಂಗಿಯು ಎಲ್ಲಾ ಉಳ್ಳಯಿಂಗಡನೆಕೆ ಪೆರುಮೆ ಕಾಟ್‌ವಯಿಂಗಳಾಯಿತು, ದೇವನ ಕುಶಿಪಡ್‍ತತೆ ಅಯಿಂಗಯಿಂಗಳ ಕುಶಿಪಡ್‍ತ್‍ವಯಿಂಗಳಾಯಿತ್,

ಯಾಕೋಬ 4:4

ನಿಯತಿ ಇಲ್ಲತ ಜನಳೇ, ಈ ಬೂಲೋಕತ್‌ರ ಕೂಡೆ ಕೂಟ್ ಉಂಡೇಂಗಿ ದೇವನ ಅಲ್ಲಗೆಳೆದಿತ್, ದೂರ ಮಾಡ್‌ನನೆಕೇಂದ್ ಗೊತ್ತ್‌ಲ್ಲೆಯ? ಆನಗುಂಡ್ ಈ ಬೂಲೋಕತ್‌ರ ಕೂಡೆ ಕೂಟ್ ಬೆಪ್ಪಕ್ ಕುಶಿ ಉಳ್ಳಯಿಂಗ ದೇವಕ್ ಶತ್ರು ಆಯಿಪೋಪ.