ಯೋಹಾನ 15:21 - ಕೊಡವ ಬೈಬಲ್

²¹ ಆಚೇಂಗಿ ನನ್ನ ದಾರ್ ಅಯಿಚತೋ ಅಂವೊನ ಗೊತ್ತಿಲ್ಲತಗುಂಡ್, ನಾಡಗುಂಡ್ ನಿಂಗಕ್ ಇನ್ನನೆ ಮಾಡ್‌ವ.

ಯೋಹಾನ 15:21 ပူးပေါင်းရင်းမြစ်များ

ಮತ್ತಾಯ 10:18

ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಎದಿಕೆ ನಾಡ ನಲ್ಲ ಸುದ್ದಿ ಎಣ್ಣ್‌ವಕಾಯಿತ್ ನಿಪ್ಪ್‌ಚಿಡ್‌ವ. ಇನ್ನನೆ ಅಯಿಂಗಕು ಪಿಂಞ ಅನ್ಯ ಜನಾಂಗಕು ನಾಡ ವಿಷಯತ್‍ನ ಎಣ್ಣ್‌ವಿರ.

ಮತ್ತಾಯ 10:22

ನಾಡಗುಂಡ್ ಎಲ್ಲಾ ಜನಳು ನಿಂಗಳ ದ್ವೇಶಿಚುಡುವ, ಆಚೇಂಗಿ ಕಡೇಕತ್ತನೆ ದೃಡವಾಯಿತ್ ನಂಬಿಕೇಲ್ ನಿಪ್ಪಂವೊಂಗ್ ರಕ್ಷಣೆ ಕ್‍ಟ್ಟ್‌ವ.

ಮತ್ತಾಯ 10:39

ದಾರ್ ಅಂವೊಂಡ ಜೀವತ್‍ನ ಕಾಪಾಡ್‌ವಕ್ ಕುಶಿ ಪಡ್‍ವ, ಅಂವೊ ಅಂವೊಂಡ ಜೀವತ್‍ನ ಕಳೆಂದ್‍ರ್‍ವ, ದಾರ್ ತಾಂಡ ಜೀವತ್‍ನ ನಾಕಾಯಿತ್ ಕಳೆಂದ್‍ರ್‍ವ, ಅಂವೊ ಅದ್‍ನ ಕಾಪಾಡ್‌ವ.

ಮತ್ತಾಯ 24:9

ಅಕ್ಕ ನಿಂಗಳ ಹಿಂಸೆ ಮಾಡ್‌ವಕಾಯಿತ್ ಒಪ್ಪ್‌ಚಿಟ್ಟಿತ್, ನಿಂಗಳ ಕೊಲ್ಲ್‌ಚಿಡುವ. ನಾಡ ಪೆದತ್‍ನಗುಂಡ್ ಎಲ್ಲಾ ದೇಶತ್‍ರ ಜನ ನಿಂಗಳ ದ್ವೇಶ ಮಾಡ್‌ವ.

ಮತ್ತಾಯ 5:11

ಜನ ನಿಂಗಳ ನಾಡಗುಂಡ್ ಅವಮಾನ ಮಾಡಿತ್, ಹಿಂಸೆ ಮಾಡಿತ್ ಪಿಂಞ ನಿಂಗಡ ಮೇಲೆ ಕೆಟ್ಟ ತಕ್ಕ್ ಪರ್ಂದತೇಂಗಿ, ನಿಂಗ ಆಶೀರ್ವಾದ ಪಡ್ಂದಯಿಂಗ;

ಮಾರ್ಕ 13:13

ನಿಂಗ ನಾಡ ಶಿಷ್ಯಂಗಳಾನಗುಂಡ್ ಎಲ್ಲಾರು ನಿಂಗಳ ತ್‍ಕ್ಕಾರ ಮಾಡ್‌ವ, ಆಚೇಂಗಿ ಕಡೇಕತ್ತನೆ ಸ್ತಿರವಾಯಿತ್ ನಿಪ್ಪಂವೊಂಗ್ ರಕ್ಷಣೆ ಕ್‍ಟ್ಟುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:12

ಇದೆಲ್ಲ ಆಪಕಿಂಜ ಮಿಂಞ, ಈ ಲೋಕತ್‍ರ ಜನ ನನ್ನಗುಂಡ್ ನಿಂಗಳ ಪುಡ್‌ಚಿತ್, ನೊಂಬಲ ಮಾಡಿತ್, ಜೈಲ್‍ಲ್ ಇಟ್ಟಿತ್ ನಿಂಗಳ ತೀರ್ಪ್ ಮಾಡ್‌ವಕಾಯಿತ್ ಸಬಾಮಂದಿರಕ್ ಬಲ್‍ಚಂಡ್ ಪೋಪ. ಅದಲ್ಲತೆ ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಎದಿಕೆ, ಕೊಂಡ್ ಬಂದಿತ್ ನಿಪ್ಪ್‌ಚಿಡುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:17

ನಾಡಗುಂಡ್ ಎಲ್ಲಾ ಜನಳು ನಿಂಗಳ ವಿರೋದ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:22

ಮನುಷ್ಯಕುಮಾರಂಗಾಯಿತ್ ಜನ ನಿಂಗಳ ಪಗೆ ಮಾಡಿತ್, ನಿಂಗಳ ತ್‍ಕ್ಕಾರ ಮಾಡಿತ್, ಅವಮಾನ ಮಾಡಿತ್, ನಿಂಗಕ್ ಕೆಟ್ಟ ಪೆದ ತಂತ್, ಬೋಂಡಾಂದ್ ಪೊರಮೆ ಇಟ್ಟತೇಂಗಿ ನಿಂಗ ಆಶೀರ್ವಾದ ಪಡ್ಂದಯಿಂಗಳಾಯಿತ್‌ಪ್ಪಿರ.

ಯೋಹಾನ 15:24

ದಾರೂ ಮಾಡತ ಕ್ರಿಯೇನ ನಾನ್ ಅಯಿಂಗಡ ಮದ್ಯತ್‍ಲ್ ಮಾಡತೆ ಪೋಯಿತ್ಂಜತೇಂಗಿ, ಅಯಿಂಗಕ್ ಪಾಪ ಇಪ್ಪಕಿಂಜಿಲೆ; ಇಕ್ಕ ಅಯಿಂಗ ನಾಡ ಕ್ರಿಯೇನ ನೋಟಿತ್‌ಂಜತೇಂಗಿಯು ಸಹ, ನನ್ನ ಪಿಂಞ ನಾಡ ಅಪ್ಪನ ವಿರೋದಿಚಿಟ್ಟಂಡುಂಡ್.

ಯೋಹಾನ 16:3

ಅಯಿಂಗಕ್ ನನ್ನ, ನಾಡ ಅಪ್ಪನ ಗೊತ್ತಿಲ್ಲತಗುಂಡ್ ಇದ್‍ನೆಲ್ಲಾ ನಿಂಗಕ್ ಮಾಡ್‌ವ.

ಯೋಹಾನ 17:25

ನೀತಿವಂತ ಅಪ್ಪನೇ! ಈ ಲೋಕತ್‍ರ ಜನಕ್ ನೀನ್ ದಾರ್‍ೕಂದ್ ಗೊತ್ತ್‌ಲ್ಲೆ, ಆಚೇಂಗಿ ನಾಕ್ ನಿನ್ನ ಗೊತ್ತುಂಡ್; ನೀನ್ ನನ್ನ ಅಯಿಚದ್ ಈಂಗಕೂ ಗೊತ್ತುಂಡ್.

ಯೋಹಾನ 8:19

ಅಕ್ಕ ಫರಿಸಾಯಂಗ ಅಂವೊಂಗ್: ನೀಡ ಅಪ್ಪ ಎಲ್ಲಿಯಾಂದ್ ಕ್‍ೕಟತ್. ಅದ್ಂಗ್ ಯೇಸು ಅಯಿಂಗಕ್: ನಾನ್ ದಾರ್‍ೕಂದೂ ಗೊತ್ತ್‌ಲ್ಲೆ, ನಾಡ ಅಪ್ಪ ದಾರ್‍ೕಂದೂ ನಿಂಗಕ್ ಗೊತ್ತ್‌ಲ್ಲೆ; ನಿಂಗಕ್ ನಾನ್ ದಾರ್‍ೕಂದ್ ಗೊತ್ತ್‌ಂಜತೇಂಗಿ, ನಾಡ ಅಪ್ಪನ ಸಹ ಗೊತ್ತ್ಂಜತಿಪ್ಪ.

ಯೋಹಾನ 8:54

ಯೇಸು ಅಯಿಂಗಕ್: ನನ್ನ ನಾನೇ ಮಹಿಮೆ ಪಡ್‍ತ್‍ಚೇಂಗಿ, ಆ ಮಹಿಮೇಕ್ ಒರ್ ಮರ್ಯಾದೆಯು ಇಪ್ಪ್‌ಲೆ. ನಿಂಗ ನಿಂಗಡ ದೇವಾಂದ್ ಎಣ್ಣುವ ನಾಡ ಅಪ್ಪನೇ ನಾಕ್ ಮಹಿಮೆ ತಪ್ಪ.

ಯೋಹಾನ 8:55

ಆಚೇಂಗಿಯು ಅಂವೊನ ನಿಂಗಕ್ ಗೊತ್ತ್‌ಲ್ಲೆ, ನಾಕ್ ಅಂವೊನ ಗೊತ್ತುಂಡ್; ಅಂವೊನ ನಾಕ್ ಗೊತ್ತ್‌ಲ್ಲೇಂದ್ ನಾನ್ ಎಣ್ಣ್‌ಚೇಂಗಿ, ನಾನ್ ನಿಂಗಡನೆಕೆ ಪೊಟ್ಟ್‌ಮಾರಿಯಾಯಿತ್‌ಪ್ಪಿ. ನಾಕ್ ಅಂವೊನ ಗೊತ್ತುಂಡ್, ಅಂವೊಂಡ ತಕ್ಕ್‌ಕ್ ನಾನ್ ಬಗ್ಗಿತ್ ನಡ್‍ಂದಿಯೆ.

ಅಪೊಸ್ತಲ 17:23

ನಾನ್ ನಿಂಗಡ ಪಟ್ಟಣತ್‍ಲ್ ನಡ್ಂದ್ ಪೋಯಂಡಿಪ್ಪಕ, ನಿಂಗ ಪೂಜೆ ಮಾಡ್‌ವ ಬೋರೆ ಬೋರೆ ವಸ್ತುನ ಚಾಯಿತೆ ನೋಟಿಯಂಡಿಪ್ಪಕ, ಅರಿಯತ ದೇವಕ್‍ೕಂದ್ ಒಳ್‍ದಿತ್ಂಜ ಒರ್ ಬಲಿಪೀಠತ್‍ನ ಕಂಡಿಯೆ. ನಿಂಗ ಅರಿಯತೆ ಪೂಜೆಮಾಡಿಯಂಡುಳ್ಳಂವೊಂಡ ವಿಷಯತ್‍ನೇ ನಾನ್ ಎಣ್ಣಿಯಂಡುಳ್ಳ.

ಅಪೊಸ್ತಲ 26:9

ನಜರೇತ್‍ರ ಯೇಸುರ ಪೆದಕ್ ವಿರೋದವಾಯಿತ್ ಎಂತೆಲ್ಲಾ ನಾಕ್ ಕಯ್ಯು, ಅದ್‍ನೆಲ್ಲಾ ಮಾಡಂಡೂಂದ್ ನಾನ್ ಸಹ ಗೇನ ಮಾಡ್‍ನ.

ಅಪೊಸ್ತಲ 3:17

ನಾಡ ಅಣ್ಣತಮ್ಮಣಂಗಳೇ, ನಿಂಗಳು ನಿಂಗಡ ಅದಿಕಾರಿಯಳು ಗೊತ್ತಿಲ್ಲತೆ ಇನ್ನನೆ ಮಾಡಿರಾಂದ್ ನಾಕ್ ಗೊತ್ತುಂಡ್.

ಅಪೊಸ್ತಲ 4:17

ಆನಗುಂಡ್, ಅಯಿಂಗಡ ಬೋದನೆ ಇಂಞು ಪಬ್ಬತನೆಕೆ, ಯೇಸುರ ವಿಷಯತ್‍ನ ಅಯಿಂಗ ಬೋದನೆ ಮಾಡ್‌ವಕ್ಕಾಗಾಂದ್ ಎಚ್ಚರ ಮಾಡಂಡೂಂದ್ ತೀರ್ಮಾನ ಮಾಡ್‍ಚಿ.

ಅಪೊಸ್ತಲ 5:41

ಯೇಸುರ ಪೆದಕಾಯಿತ್ ಅವಮಾನ ಪಡುವಕ್ ದೇವ ಅಯಿಂಗಳ ಯೋಗ್ಯ ಉಳ್ಳಯಿಂಗಳಾಯಿತ್ ನೋಟ್‍ನಗುಂಡ್, ಅಪೊಸ್ತಲಂಗ ಅಲ್ಲಿಂಜ ಕುಶೀಲ್ ಪೊರಟಿತ್ ಪೋಚಿ.

ಅಪೊಸ್ತಲ 9:14

ಪಿಂಞ ಇಲ್ಲಿಯು ನೀಡ ಪೆದತ್‍ಲ್ ಆರಾದನೆ ಮಾಡ್‌ವಯಿಂಗಳ ಬಂದನೆ ಮಾಡ್‌ವ ಅದಿಕಾರತ್‍ನ ಮುಕ್ಯ ಯಾಜಕಯಿಂಜ ಪಡ್ಂದಿತುಂಡ್.

ಅಪೊಸ್ತಲ 9:16

ಅಂವೊ ನಾಡ ಪೆದತ್‍ರಗುಂಡ್ ಎಚ್ಚಕ್ ಹಿಂಸೆ ಅನುಬವಿಚಿಡಂಡೂಂದ್ ನಾನ್ ಅಂವೊಂಗ್ ಕಾಟಿ ಕೊಡ್‌ಪೀಂದ್ ಎಣ್ಣ್‌ಚಿ.

ರೋಮ್ 1:28

ಅಯಿಂಗಕ್ ದೇವನ ಗೊತ್ತ್ ಮಾಡ್‌ವ ಬುದ್ದಿನ ಗೇನಮಾಡ್‌ವಕ್ ಕುಶಿಯಿಲ್ಲತಗುಂಡ್, ಮಾಡ್‌ವಕ್ಕಾಗತ ಕೆಟ್ಟ ಕೆಲಸತ್‍ನ ಮಾಡ್‌ವಕುಳ್ಳ ಗೇನಕ್ ದೇವ ಅಯಿಂಗಳ ಒಪ್ಪ್‌ಚಿಟ್ಟ್‌ರ್‌ತ್.

1 ಕೊರಿಂಥ 15:34

ಏದ್ ಬೋದನೆ ಸರಿಯಾನದೊ, ಅದ್‍ನ ಮಾತ್ರ ಗೇನ ಮಾಡಿಯಂಡಿರಿ, ಪಾಪ ಮಾಡ್‌ವದ್‍ನ ನಿಪ್ಪ್‌ಚಿಡಿ, ನಿಂಗಡಲ್ಲಿ ಚೆನ್ನ ಜನಕ್ ದೇವ ದಾರ್‍ೕಂದ್ ಗೊತ್ತಿಲ್ಲತೆ ಉಳ್ಳಿರ. ನಿಂಗಕ್ ಞಾಣ ಆಪಕಾಯಿತ್ ಇದ್‍ನ ಎಣ್ಣ್‌ವಿ.

1 ಕೊರಿಂಥ 2:8

ಆಚೇಂಗಿ ಈ ಲೋಕತ್‍ರ ರಾಜಂಗ ದಾರೂ ಇದ್‍ನ ಅರ್ಥ ಮಾಡಿಯಂಡಿತ್‌ಲ್ಲೆ. ಅನ್ನನೆ ಅರ್ಥ ಮಾಡಿತ್ಂಜತೇಂಗಿ, ಮಹಿಮೆಯುಳ್ಳ ಒಡೆಯನ ಅಯಿಂಗ ಶಿಲುಬೇಕ್ ಇಡ್‍ವಕಿಂಜಿಲೆ.

1 ಯೋಹಾನ 3:1

ನಂಗಳ ದೇವಡ ಮಕ್ಕಾಂದ್ ಕಾಕ್‍ನಗುಂಡ್ ನಂಗಡ ದೇವನಾನ ಅಪ್ಪ ನಂಗಡ ಮೇಲೆ ಇಟ್ಟಿತ್ತುಳ್ಳ ಪ್ರೀತಿ ಎಚ್ಚಕ್ ಬಲ್ಯದ್‍ೕಂದ್ ನೋಟಿ! ಅಕ್ಕು, ನಂಗ ದೇವಡ ಮಕ್ಕಳೇ! ಆಚೇಂಗಿ, ಈ ಲೋಕತ್‍ರ ಜನ ನಂಗಳ ದೇವಡ ಮಕ್ಕಾಂದ್ ಅರಿಂಜಿತ್‌ಲ್ಲೆ, ಎನ್ನಂಗೆಣ್ಣ್‌ಚೇಂಗಿ ಅಯಿಂಗಕ್ ದೇವನ ಗೊತ್ತ್‌ಲ್ಲೆ.

3 ಯೋಹಾನ 1:7

ಎನ್ನಂಗೆಣ್ಣ್‌ಚೇಂಗಿ ಅಯಿಂಗ ಕ್ರಿಸ್ತಂಡ ಮೇಲೆ ನಂಬಿಕೆ ಇಡತಯಿಂಗಡ ಪಕ್ಕ ಒಂದು ಎಡ್‍ಕತೆ, ಕ್ರಿಸ್ತಂಡ ಪೆದಕಾಯಿತ್ ಪೊರಟಿತುಂಡ್.

ಪ್ರಕಟನೆ 2:3

ಪಿಂಞ ನೀಡ ಸಹಿಸುವ ಗುಣತ್‍ನ, ಪೊರುಮೆನ ಪಿಂಞ ನಾಡ ಪೆದಕಾಯಿತ್ ಚೋತ್ ಪೋಕತೆ ಪ್ರಯತ್ನ ಪಡ್‍ವದ್ ಸಹ ನಾಕ್ ಗೊತ್ತುಂಡ್.