ಯೋಹಾನ 15:1 - ಕೊಡವ ಬೈಬಲ್

¹ ನಾನೇ ನೇರಾನ ದ್ರಾಕ್ಷಿ ಬಳ್ಳಿ, ನಾಡ ಅಪ್ಪ ತೋಟಕಾರ.

ಯೋಹಾನ 15:1 ပူးပေါင်းရင်းမြစ်များ

ಮತ್ತಾಯ 15:13

ಅದ್ಂಗ್ ಯೇಸು: ನಾಡ ಪರಲೋಕತ್ ಅಪ್ಪ ನೆಡತೆ ಗಿಡತ್‌ನೆಲ್ಲ ಬೇರೋಡೆ ಬಲ್‍ಚಿತ್ ಚಾಡಿರ್‍ವ

ಮತ್ತಾಯ 20:1

ಪರಲೋಕ ರಾಜ್ಯ ಎನ್ನನೆ ಎಣ್ಣ್‌ಚೇಂಗಿ, ಒರ್ ಮನೆರ ಎಜಮಾನ, ಅಂವೊಂಡ ತೋಟತ್‍ಲ್ ಪಣಿಕ್ ಆಳ್‍ವಳ ಕಾಕಿಯಂಡ್ ಬಪ್ಪಕ್ ಪೊಲಾಕಲೆ ಪೋಚಿ.

ಮತ್ತಾಯ 21:33

ಇಕ್ಕ ಈ ಕಥೇರ ರೂಪತ್‍ನ ಕ್‍ೕಳಿ: ಒರ್ ಎಜಮಾನ ದ್ರಾಕ್ಷಿ ಪಣ್ಣ್‌ರ ತೋಟ ಮಾಡ್‍ಚಿ. ತೋಟತ್‍ರ ಸುತ್ತ್‌ಲ್‌ ಬೇಲಿ ಇಟ್ಟತ್. ದ್ರಾಕ್ಷಿರಸ ಮಾಡ್‌ವಕ್ ಉಳ್ಳ ಒರ್ ಕುಂಡ್‌ನ ಸಹ ಎಡ್‍ತಿತ್, ಆಂಡ ಪಕ್ಕತ್‍ಲ್ ಒರ್ ಕಾಕೂಡ್ ಕೆಟ್ಟ್‌ಚಿ. ಪಿಂಞ ಅಂವೊ, ಆ ತೋಟತ್‍ನ ವಾರಕಾರಂಗಕ್ ಕೊಡ್‌ತಿತ್ ದೂರ ದೇಶಕ್ ಪೋಚಿ.

ಮಾರ್ಕ 12:1

ಯೇಸು ಅಯಿಂಗಕ್ ಇಂಞೊರ್ ಕಥೇರ ರೂಪತ್‍ನ ಎಣ್ಣಿ ಕೊಡ್‍ತತ್. ಅದ್ ಎಂತ ಎಣ್ಣ್‌ಚೇಂಗಿ, ಒರ್ ಮನುಷ್ಯ ದ್ರಾಕ್ಷಿ ತೋಟ ಮಾಡ್‍ಚಿ. ತೋಟತ್‍ರ ಸುತ್ತ್‌ಲೂ ಬೇಲಿ ಕೆಟ್ಟ್‌ಚಿ. ದ್ರಾಕ್ಷಿರಸ ಮಾಡ್‌ವಕ್ ಉಳ್ಳ ಒರ್ ಕುಂಡ್‌ನ ಸಹ ಎಡ್‍ತತ್. ಆಂಡ ಪಕ್ಕತ್‍ಲ್ ಒರ್ ಕಾಕೂಡ್ ಕೆಟ್ಟ್‌ಚಿ. ಅಲ್ಲಿಂಜ ಅಂವೊ, ಅಂವೊಂಡ ವಾರಕಾರಂಗಕ್ ಈ ದ್ರಾಕ್ಷಿ ತೋಟತ್‍ನ ನೋಟಿಯೊಳೀಂದ್ ಎಣ್ಣಿತ್ ದೂರ ದೇಶಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:6

ಪಿಂಞ ಯೇಸು ಒರ್ ಕಥೇರ ರೂಪತ್‍ನ ಎಣ್ಣ್‌ಚಿ: ಒರ್ ಮನುಷ್ಯ ಅಂವೊಂಡ ದ್ರಾಕ್ಷಿ ತೋಟತ್‍ಲ್ ಒರ್ ಅತ್ತಿಪಣ್ಣ್ ಮರತ್‍ನ ನಟ್ಟ್‌ತಿಂತ್. ಎಕ್ಕಾಲು ಅಲ್ಲಿಕ್ ಪೋಯಿತ್ ಪಣ್ಣ್ ಉಂಡಾಂದ್ ನೋಟ್‍ವಕಿಂಜತ್. ಆಚೇಂಗಿ ಒರ್ ಪಣ್ಣ್ ಸಹ ಕಾಂಬಕಿಂಜಿಲೆ.

ಯೋಹಾನ 1:17

ಮೋಶೇರ ಮೂಲಕ ನ್ಯಾಯಪ್ರಮಾಣ ಕ್‍ಟ್ಟ್‌ಚಿ; ಕೃಪೆಯು, ಸತ್ಯವು ಯೇಸು ಕ್ರಿಸ್ತಂಡ ಮೂಲಕ ಕ್‍ಟ್ಟ್‌ಚಿ.

ಯೋಹಾನ 1:9

ಈ ಲೋಕತ್‍ಲ್ ಬಪ್ಪ ಪ್ರತಿಯೊರ್ ಮನುಷ್ಯಂಗಕು ಬೊಳಿ ಕೊಡ್‍ಪ ಬೊಳಿಯೇ ಆ ನೇರಾನ ಬೊಳಿ.

ಯೋಹಾನ 15:2

ನಾಡಲ್ಲಿ ಇಂಜಂಡ್ ಫಲ ಕೊಡ್‍ಕತ ಕೊಂಬ್‌ನೆಲ್ಲ ಅಂವೊ ಮುರಿಚಿತ್ ಇಡ್‌ವ; ಫಲ ತಪ್ಪ ಕೊಂಬ್‍ನ ಇಂಞು ದುಂಬ ಫಲ ತಪ್ಪನೆಕೆ ಕಪಾತ್ ಮಾಡ್‌ವ.

ಯೋಹಾನ 6:32

ಯೇಸು ಅಯಿಂಗಕ್: ಮೋಶೆ ನಿಂಗಕ್ ಪರಲೋಕತ್ಂಜ ಒಟ್ಟಿನ ತಂದಿತ್‌ಲ್ಲೆ; ಆಚೇಂಗಿ, ನಾಡ ಅಪ್ಪನಾನ ದೇವ ನಿಂಗಕ್ ಪರಲೋಕತ್ಂಜ ಬಂದಿತುಳ್ಳ ನೇರಾನ ಒಟ್ಟಿನ ತಂದಂಡುಂಡ್‍ೕಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಯೋಹಾನ 6:55

ಎನ್ನಂಗೆಣ್ಣ್‌ಚೇಂಗಿ ನಾಡ ತಡಿಯು ಚೋರೆಯು, ನೇರಾನ ಆಹಾರ ಪಿಂಞ ನೇರಾನ ಕುಡಿಪ ನೀರು ಆಯಿತುಂಡ್.

ರೋಮ್ 11:17

ಇಸ್ರಾಯೇಲ್ ಎಣ್ಣುವ ನಾಡ್‍ರ ಒಲಿವ ಮರತ್‍ರ ಚೆನ್ನ ಕೊಂಬ್‍ನ ಮುರ್‌ಚಿತ್, ಕಾಡ್‍ರ ಒಲಿವ ಮರವಾಯಿತುಳ್ಳ ನಿಂಗಳ ಆ ಜಾಗತ್‍ಲ್ ಅಂಟ್‍ಚಿಟ್ಟ್ ಬೆಚ್ಚತ್. ಅನ್ನನೆ ನಾಡ್‍ರ ಒಲಿವ ಮರತ್‍ರ ಬೇರ್‌ಕ್ ಪಿಂಞ ರಸಕ್ ನಿಂಗ ಪಾಲ್‍ದಾರಂಗಳಾಯಿತುಂಡ್.

1 ಕೊರಿಂಥ 3:9

ಎನ್ನಂಗೆಣ್ಣ್‌ಚೇಂಗಿ ನಂಗ ದಂಡಾಳು ದೇವಡ ಸೇವೇಲ್ ಪಾಲ್‍ದಾರಂಗಳಾಯಿತ್ ಉಂಡ್; ನಿಂಗ ದೇವಡ ಬೇಲ್ ಆಯಿತು, ದೇವಡ ಕಟ್ಟಡವಾಯಿತೂ ಉಳ್ಳಿರ.

1 ಯೋಹಾನ 2:8

ಆಚೇಂಗಿ, ನಾನ್ ನಿಂಗಕ್ ಒಳ್‍ದ್‍ವ ಪುದಿಯ ಆಜ್ಞೆ ಎನ್ನಂಗೆಣ್ಣ್‌ಚೇಂಗಿ, ಇದ್ ಯೇಸುರಲ್ಲಿ ಪಿಂಞ ನಿಂಗಡಲ್ಲಿ ಸತ್ಯವಾಯಿತುಂಡ್. ಎನ್ನನೆ ಎಣ್ಣ್‌ಚೇಂಗಿ ಇರ್‌ಟ್ ಪೋಯಂಡುಂಡ್, ನೇರಾನ ಬೊಳಿ ಇಕ್ಕಲೆ ಮಿನ್ನಿಯಂಡಂಡು.