ಯೋಹಾನ 14:31 - ಕೊಡವ ಬೈಬಲ್

³¹ ನಾನ್ ನಾಡ ಅಪ್ಪನ ಪ್ರೀತಿ ಮಾಡಿಯಂಡುಂಡ್‍ೕಂದು, ಅಪ್ಪ ನಾಕ್ ಆಜ್ಞೆ ಕೊಡ್‍ತನೆಕೆ ನಾನ್ ಮಾಡಿಯಂಡುಂಡ್‍ೕಂದು ಈ ಲೋಕತ್‍ರ ಜನಕ್ ಗೊತ್ತಾಪಕಾಯಿತ್ ಇದೆಲ್ಲಾ ಆಪ. ಬಾರಿ, ಈ ಜಾಗತ್‍ನ ಬುಟ್ಟಿತ್ ನಂಗ ಪೋಕಾಂದ್ ಎಣ್ಣ್‌ಚಿ.

ಯೋಹಾನ 14:31 ပူးပေါင်းရင်းမြစ်များ

ಮತ್ತಾಯ 26:39

ಚೆನ್ನ ದೂರ ಪೋಪಂಜಿ, ಅಂವೊಂಡ ಮೂಡ್‍ನ ಅಡಿಕ್ ಮಾಡಿತ್ ಮೊಣಕಾಲ್ ಇಟ್ಟಂಡ್: ಓ ನಾಡ ಅಪ್ಪನೇ, ನೀಕ್ ಕಯ್ಯುವೇಂಗಿ ಈ ಕಷ್ಟತ್‍ರ ಪಾತ್ರ ನನ್ನ ಬುಟ್ಟಿತ್ ಪೋಪಕ್ ಮಾಡ್; ಆಚೇಂಗಿಯು ನಾಡ ಚಿತ್ತ ಅಲ್ಲ, ನೀಡ ಚಿತ್ತವೇ ಆಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಮತ್ತಾಯ 26:46

ಏಳೀ, ನಂಗ ಪೋಕ, ನೋಟಿ ನನ್ನ ಪುಡ್‌ಚಿತ್ ಕೊಡ್‍ಪಂವೊ ಇಕ್ಕಲೆ ಬಾತ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:50

ದುಂಬ ಕಷ್ಟತ್‍ರ ಸೋದನೆಲ್ ನಾನ್ ಬೆರಿಯ ಪೋಕಂಡು. ಅದ್ ಪೂರ್ತಿ ಆಪಕತ್ತನೆ ನಾನ್ ದುಂಬ ನೊಂಬಲ ಅನುಬವಿಚಿಡಂಡು.

ಯೋಹಾನ 10:18

ನಾಡ ಜೀವತ್‍ನ ನನ್ನಿಂಜ ದಾರೂ ಎಡ್‌ತೊಲೆ; ನಾಕ್ ಮಾತ್ರ ನಾಡ ಜೀವತ್‍ನ ಕೊಡ್‍ಪಕ್ ಅದಿಕಾರ ಉಂಡ್, ಅದ್‍ನ ಬಯ್ಯಕ್ ಎಡ್‍ಪಕು ನಾಕ್ ಎಲ್ಲಾ ಅದಿಕಾರವು ಉಂಡ್. ಈ ಆಜ್ಞೆ ನಾಕ್ ನಾಡ ಅಪ್ಪಂಡಿಂಜ ಕ್‍ಟ್ಟ್‌ಚಿ.

ಯೋಹಾನ 12:27

ಇಕ್ಕ ನಾನ್ ಎಂತ ಎಣ್ಣಡ್? ನಾಡ ಆತ್ಮ ನೊಂಬಲತ್‍ಲ್ ಉಂಡ್. ಅಪ್ಪ! ನನ್ನ ಈ ಕಷ್ಟತ್‍ರ ಸಮಯತ್ಂಜ ಕಾಪಾಡ್‍ೕಂದ್ ಕ್‍ೕಪದಾ? ಆಚೇಂಗಿ, ಇದ್ಂಗಾಯಿತೇ ನಾನ್ ಬಂದಿಯೆ.

ಯೋಹಾನ 12:49

ನಾನ್ ನಾಡ ಇಷ್ಟತ್‍ರ ಪ್ರಕಾರ ಇನ್ನನೆ ತಕ್ಕ್ ಪರ್‌ಂದಂಡಿಲ್ಲೆ. ನಾನ್ ಎಂತ ತಕ್ಕ್ ಪರಿಯಂಡು, ಎಂತ ಬೋದನೆ ಮಾಡಂಡೂಂದ್ ನನ್ನ ಅಯಿಚ ದೇವ ನಾಕ್ ಹುಕುಮ್ ಕೊಡ್‌ತಿತುಂಡ್.

ಯೋಹಾನ 13:1

ಇಕ್ಕ, ಪಸ್ಕ ನಮ್ಮೆ ಪಕ್ಕಪಕ್ಕ ಬಾತ್. ಯೇಸುಕ್: ನಾನ್ ಈ ಲೋಕತ್‍ನ ಬುಟ್ಟಿತ್ ನಾಡ ಅಪ್ಪಂಡ ಪಕ್ಕ ಪೋಪೀಂದ್ ಗೊತ್ತಾಚಿ. ಆನಗುಂಡ್, ಅಂವೊ ಈ ಲೋಕತ್‍ಲ್ ಇಂಜ ಅಂವೊಂಡಯಿಂಗಳ ಎಚ್ಚಕ್ ಪ್ರೀತಿ ಮಾಡಿತ್ಂಜತೋ ಅನ್ನನೆ ಆಕೀರ್‍ಕತ್ತನೆ ಪ್ರೀತಿ ಮಾಡ್‍ಚಿ.

ಯೋಹಾನ 15:9

ಅಪ್ಪ ನನ್ನ ಪ್ರೀತಿ ಮಾಡ್‌ವನೆಕೆ, ನಾನು ನಿಂಗಳ ಪ್ರೀತಿ ಮಾಡ್‌ವಿ; ನಾಡ ಪ್ರೀತಿಲ್ ನಿಂಗ ಸ್ತಿರವಾಯಿತ್ ಇರಿ.

ಯೋಹಾನ 18:11

ಅಕ್ಕ, ಯೇಸು ಪೇತ್ರಂಗ್: ನೀಡ ಬಾಳ್‍ನ ಅದ್ಂಡ ಕೊತ್ತೆಲ್ ಇಡ್; ನಾಡ ಅಪ್ಪ ನಾಕ್ ತಂದ ಕಷ್ಟತ್‍ರ ಪಾತ್ರತ್‍ಲ್ ನಾನ್ ಕುಡಿಪಕ್ ಆಪುಲೆಯಾಂದ್ ಎಣ್ಣ್‌ಚಿ.

ಯೋಹಾನ 4:34

ಅಯಿಂಗಕ್ ಯೇಸು: ನನ್ನ ಅಯಿಚಂವೊಂಡ ಚಿತ್ತತ್‍ರನೆಕೆ ಮಾಡಿತ್, ಅಂವೊಂಡ ಕ್ರಿಯೇನ ನೆರೆವೇರಿಚಿಡುವದೇ ನಾಡ ಆಹಾರಾಂದ್ ಎಣ್ಣ್‌ಚಿ.

ಫಿಲಿಪ್ಪಿ 2:8

ದೇವಡ ಮಿಂಞತ್ ತಗ್ಗ್‌ಚಿಟ್ಟಂಡ್ ಒರ್ ಪಾಪಿರನೆಕೆ ಶಿಲುಬೇಲ್ ಚತ್ತತ್.