ಯೋಹಾನ 14:28 - ಕೊಡವ ಬೈಬಲ್

²⁸ ನಾನ್ ನಿಂಗಳ ಬುಟ್ಟಿತ್ ಪೋಪಿ ಆಚೇಂಗಿ ನಾನ್ ನಿಂಗಡ ಪಕ್ಕ ಪುನಃ ಬಪ್ಪೀಂದ್ ನಾನ್ ಎಣ್ಣ್‌ನದ್‍ನ ಕ್‍ೕಟಿರಲ್ಲ. ನಿಂಗ ನನ್ನ ಪ್ರೀತಿಚಿಟ್ಟತೇಂಗಿ, ನಾನ್ ಅಪ್ಪಂಡ ಪಕ್ಕ ಪೋಪೀಂದ್ ಎಣ್ಣ್‌ನ ವಿಷಯಕ್ ಕುಶಿ ಪಡುವಿರ, ಎನ್ನಂಗೆಣ್ಣ್‌ಚೇಂಗಿ ಅಪ್ಪ ನಾಕಿಂಜ ಬಲ್ಯಂವೊನಾಯಿತುಂಡ್.

ಯೋಹಾನ 14:28 ပူးပေါင်းရင်းမြစ်များ

ಮತ್ತಾಯ 12:18

ಇದಾ, ಇಂವೊ ನಾನ್ ಗೊತ್ತ್ ಮಾಡ್‍ನ ನಾಡ ಸೇವಕ, ನಾಡ ಆತ್ಮತ್‌ನ ಕುಶಿಪಡ್‌ತ್‌ವ ನಾಡ ಕೊದಿರಂವೊ; ನಾಡ ಆತ್ಮತ್‌ನ ಅಂವೊಂಡ ಮೇಲೆ ಅಳ್‌ಪಕ್ ಮಾಡ್‌ವಿ, ಅಂವೊ ನಾಡ ನ್ಯಾಯತ್‍ನ ಎಲ್ಲಾ ಜನಕ್ ಅರಿಚಿಡುವ.

ಯೋಹಾನ 10:38

ನಾನ್ ನಾಡ ಅಪ್ಪಂಡ ಕ್ರಿಯೇನ ಮಾಡ್‍ಚೇಂಗಿ, ನಿಂಗ ನನ್ನ ನಂಬತ ಇಂಜತೇಂಗಿಯು, ನಾನ್ ಅದ್‍ನ ಮಾಡ್‌ವಿ. ನಾನ್ ನಾಡ ಅಪ್ಪಂಡ ಕೂಡೆ, ನಾಡ ಅಪ್ಪ ನಾಡ ಕೂಡೆ ಉಂಡ್‍ೕಂದ್ ಸಾಕ್ಷಿಯಾಯಿತ್ ನಾನ್ ಮಾಡ್‌ವ ಅದ್ಬುತ ಕಾರ್ಯತ್‍ನ ನೋಟಿತ್ ಅದ್‍ನ ನಂಬುವಿರಾಂದ್ ಎಣ್ಣ್‌ಚಿ.

ಯೋಹಾನ 13:16

ನಾನ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ: ಎಜಮಾನಗಿಂಜ ಆಳ್ ಬಲ್ಯಂವೊನಾಯಿತ್‌ಪ್ಪುಲೆ. ಸುದ್ದಿ ಎಡ್‌ತ ಪೋಪಂವೊ, ಅಂವೊನ ಅಯಿಚಂವೊಗಿಂಜ ಬಲ್ಯಂವೊನಾಯಿಯತ್‌ಪ್ಪುಲೆ.

ಯೋಹಾನ 14:12

ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ; ನಾನ್ ನಾಡ ಅಪ್ಪಂಡ ಪಕ್ಕ ಪೋಪಗುಂಡ್, ನನ್ನ ನಂಬ್‍ವಂವೊ, ನಾನ್ ಮಾಡ್‌ವ ಕ್ರಿಯೇನ ಅಂವೊನು ಮಾಡ್‌ವ, ನಾಕಿಂಜ ಬಲ್ಯ ಕ್ರಿಯೇಯು ಮಾಡ್‌ವ.

ಯೋಹಾನ 14:18

ನಾನ್ ನಿಂಗಳ ತಬ್ಬಲಿಯಂಗಡನೆಕೆ ಬುಡುಲೆ. ನಾನ್ ನಿಂಗಡ ಪಕ್ಕ ಬಪ್ಪಿ.

ಯೋಹಾನ 16:7

ಆಚೇಂಗಿ, ನಾನ್ ನಿಂಗಕ್ ಒರ್ ಸತ್ಯ ಎಣ್ಣಿ ತಪ್ಪಿ: ನಾನ್ ಪೋಪದ್ ನಿಂಗಕ್ ಪ್ರಯೋಜನವಾಪ, ಎನ್ನಂಗೆಣ್ಣ್‌ಚೇಂಗಿ, ನಾನ್ ಪೋಕತ ಪೋನಕ ಆಲೋಚನೆ ತಪ್ಪ ಪವಿತ್ರಾತ್ಮ ನಿಂಗಡ ಪಕ್ಕ ಬಪ್ಪ್‌ಲೆ. ನಾನ್ ಪೋಚೇಂಗಿ, ಅಂವೊನ ನಿಂಗಡ ಪಕ್ಕ ಅಯಿಪಿ.

ಯೋಹಾನ 20:17

ಯೇಸು ಅವಳ ನೋಟಿತ್: ನೀನ್ ನನ್ನ ಮುಟ್ಟತೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ನಾಡ ಅಪ್ಪಂಡ ಪಕ್ಕ ಇಂಞು ಪೋಯಿತ್‌ಲ್ಲೆ; ನೀನ್ ನಾಡ ತಮ್ಮಣಂಗಡ ಪಕ್ಕ ಪೋಯಿತ್, ನಾನ್ ನಾಡ ಅಪ್ಪಂಡ ಪಕ್ಕವು ನಿಂಗಡ ಅಪ್ಪಂಡ ಪಕ್ಕವು, ನಾಡ ದೇವಡ ಪಕ್ಕವು, ನಿಂಗಡ ದೇವಡ ಪಕ್ಕವು ಪೋಯಂಡುಳ್ಳ್‌ಂದ್ ಎಣ್ಣ್‍ೕಂದ್ ಎಣ್ಣ್‌ಚಿ.

ಯೋಹಾನ 20:21

ಯೇಸು ಇಂಞೊರ್ ಕುರಿ ನಿಂಗಕ್ ಸಮಾದಾನ ಆಡ್; ನಾಡ ಅಪ್ಪ ನನ್ನ ಅಯಿಚನೆಕೆ ನಿಂಗಳ ನಾನು ಅಯಿಚಂಡುಳ್ಳ್‌ಂದ್ ಎಣ್ಣಿತ್,

ಯೋಹಾನ 5:18

ಯೇಸು ಸಬ್ಬತ್ ದಿವಸತ್‍ಲ್ ಮಾಡ್‌ವಕಯ್ಯತದ್‍ನ ಮಾಡ್‍ನದ್ ಅಲ್ಲತೆ, ದೇವನ ತಾಂಡ ಸ್ವಂತ ಅಪ್ಪಾಂದ್ ಕಾಕಿತ್, ಅಂವೊನ ದೇವಕ್ ಸಮವಾಯಿತ್ ಮಾಡ್‍ನಗುಂಡ್, ಯೆಹೂದ್ಯ ಅದಿಕಾರಿಯಂಗ ಅಂವೊನ ಕೊಲ್ಲಂಡೂಂದ್ ಇಂಞು ದುಂಬ ಆಲೋಚನೆ ಮಾಡಿಯಂಡಿಂಜತ್.

ಯೋಹಾನ 7:33

ಯೇಸು ಅಯಿಂಗಳ ನೋಟಿತ್: ನಾನ್ ನಿಂಗಡ ಕೂಡೆ ಇಂಞು ಚೆನ್ನ ಕಾಲ ಇಪ್ಪಿ, ಅಲ್ಲಿಂಜ ನನ್ನ ದಾರ್ ಅಯಿಚತೋ, ಅಂವೊಂಡ ಪಕ್ಕ ಪೋಪಿ.

1 ಕೊರಿಂಥ 11:3

ಆಚೇಂಗಿ ಇಕ್ಕ, ಇದ್ ನಿಂಗಕ್ ಗೊತ್ತಾಯಿತಿರಂಡೂಂದ್ ನಾಕ್ ಆಸೆ. ಪ್ರತಿಯೊರ್ ಆಣಾಳ್‍ಕು ಕ್ರಿಸ್ತ ಮಂಡೆಯಾಯಿತ್ ಉಂಡ್, ಪ್ರತಿಯೊರ್ ಪೊಣ್ಣಾಳ್‍ಕು ಅವಡ ವಡಿಯ ಮಂಡೆಯಾಯಿತ್ ಉಂಡ್, ಕ್ರಿಸ್ತಂಗ್ ದೇವ ಮಂಡೆಯಾಯಿತ್ ಉಂಡ್.

1 ಪೇತ್ರ 1:8

ನಿಂಗ ಅಂವೊನ ಕಂಡಿತಿಲ್ಲೆ, ಆಚೇಂಗಿಯು ನಿಂಗ ಅಂವೊನ ಪ್ರೀತಿ ಮಾಡ್‌ವಿರ; ಇಕ್ಕ ನಿಂಗ ಅಂವೊನ ಕಾಂಗತ ಪೋನಕ ಸಹ, ನಿಂಗ ಅಂವೊನ ನಂಬುವಿರ. ನಿಂಗ ಎಣ್ಣುವಕಯ್ಯತನೆಕೆ, ಮಹಿಮೆಲ್ ದುಂಬ್‍ನ ಅಚ್ಚಕ್ ಕುಶೀಲ್ ಇಪ್ಪಿರ.

ಪ್ರಕಟನೆ 1:11

ಆ ವಾಣಿ: ನಾನ್ ಅಲ್ಫಾವು ಓಮೆಗಾವು ಆದ್ಯವು ಆಕೀರ್‍ವಾಯುತುಳ್ಳ. ನೀನ್ ಕಂಡಂಡುಳ್ಳದ್‍ನ ಒರ್ ಪುಸ್ತಕತ್‍ಲ್ ಒಳ್‍ದಿತ್ ಆಸ್ಯ ಪ್ರಾಂತ್ಯತ್‍ಲ್ ಉಳ್ಳ ಎಫೆಸ, ಸ್ಮುರ್ನ, ಪೆರ್ಗಮ, ಥುವತೈರ, ಸಾರ್ದಿಸ್, ಫಿಲದೆಲ್ಫಿಯ, ಲವೊದಿಕೀಯ ಎಣ್ಣುವ ಪಟ್ಟಣತ್‍ಲ್ ಉಳ್ಳ ಏಳ್ ಸಬೇಕ್ ಅಯಿಕಂಡೂಂದ್ ಎಣ್ಣ್‌ಚಿ.