ಯೋಹಾನ 14:23 - ಕೊಡವ ಬೈಬಲ್

²³ ಯೇಸು ಅಂವೊಂಗ್: ನಾಡ ಮೇಲೆ ಪ್ರೀತಿ ಉಳ್ಳಂವೊ, ನಾಡ ತಕ್ಕ್‌ರ ಪ್ರಕಾರ ನಡ್‍ಪ, ನಾಡ ಅಪ್ಪ ಅಂವೊನ ಪ್ರೀತಿಚಿಡ್‍ವ. ನಂಗ ಬಂದಿತ್ ಅಂವೊಂಡ ಕೂಡೆ ವಾಸ ಮಾಡ್‌ವ.

ಯೋಹಾನ 14:23 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:26

ಅಲ್ಲಿಂಜ ದೇವ: ನಂಗಡನೆಕೆ, ನಂಗಡ ರೂಪತ್‌ಲ್‌ ಮನುಷ್ಯನ ಉಂಡ್‌ ಮಾಡನ. ಅಯಿಂಗ ಕಡಲ್‌ಲ್‌ ಉಳ್ಳ ಪ್ರಾಣಿಯ ಪಿಂಞ ಮೀನ್‌ರ ಮೇಲೆ, ಬಾನತ್‌ಲ್‌ ಪಾರುವ ಪಕ್ಷಿಯಡ ಮೇಲೆ ಎಲ್ಲಾ ಚಾಕ್‌ ಪಿಂಞ ಕಾಡ್‌ ಪ್ರಾಣಿಯಡ ಮೇಲೆ ಆಳ್‌ವಿಕೆ ಮಾಡಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 11:7

ಬಾರಿ, ನಂಗ ಪೋಯಿತ್‌ ಅಯಿಂಗಡಲ್ಲಿ ಒಬ್ಬಂಡ ತಕ್ಕ್‌ ಇಂಞೊಬ್ಬಂಗ್‌ ಅರ್ತ ಆಕತನೆಕೆ ಅಯಿಂಗಡ ಬಾಷೆನ ತಾರಮಾರ ಮಾಡನಾಂದ್‌ ಎಣ್ಣ್‌ಚಿ.

ಯೋಹಾನ 10:30

ನಾನು ನಾಡ ಅಪ್ಪನು ಒಂದ್‍ೕಂದ್ ಅಯಿಂಗಕ್ ಎಣ್ಣ್‌ಚಿ.

ಯೋಹಾನ 14:15

ನಿಂಗಕ್ ನಾಡ ಮೇಲೆ ಪ್ರೀತಿ ಉಂಡೇಂಗಿ ನಾಡ ಆಜ್ಞೆಂಗಕ್ ಬಗ್ಗಿತ್ ನಡ್‍ಪಿರ.

ಯೋಹಾನ 14:17

ಅಂವೊ ಸತ್ಯತ್‍ರ ಆತ್ಮ. ಈ ಲೋಕತ್‍ರ ಜನಕ್ ಅಂವೊ ಕ್‍ಟ್ಟುಲೆ, ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ಅಂವೊನ ಕಂಡಿತು ಇಲ್ಲೆ, ಗೊತ್ತಾಯಿತು ಇಲ್ಲೆ. ಆಚೇಂಗಿ ನಿಂಗಕ್ ಅಂವೊ ದಾರ್‍ೕಂದ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ, ಅಂವೊ ನಿಂಗಡ ಕೂಡೆ ವಾಸ ಮಾಡಿಯಂಡ್ ನಿಂಗಡಲ್ಲಿ ಉಂಡ್.

ಯೋಹಾನ 14:21

ನಾಡ ಆಜ್ಞೆನ ಪಡ್ಂದಿತ್ ಅದ್ಂಡ ಪ್ರಕಾರ ನಡ್‍ಪಯಿಂಗಳೇ ನನ್ನ ಪ್ರೀತಿ ಮಾಡ್‌ವಯಿಂಗ; ನನ್ನ ಪ್ರೀತಿ ಮಾಡ್‌ವಯಿಂಗಳ ನಾಡ ಅಪ್ಪ ಪ್ರೀತಿ ಮಾಡ್‌ವ. ನಾನ್ ಸಹ ಅಯಿಂಗಳ ಪ್ರೀತಿ ಮಾಡಿತ್, ನನ್ನ ಅಯಿಂಗಕ್ ಕಾಂಬ್‌ಚಿಡ್‍ವೀಂದ್ ಎಣ್ಣ್‌ಚಿ.

ಯೋಹಾನ 14:24

ದಾರ್ ನನ್ನ ಪ್ರೀತಿಚಿಡುಲೆ ಅಂವೊ ನಾಡ ತಕ್ಕ್‌ರ ಪ್ರಕಾರ ನಡ್‍ಪ್‍ಲೆ. ನಿಂಗ ಕ್‍ೕಪ ತಕ್ಕ್ ನಾಡದಲ್ಲ, ನನ್ನ ಅಯಿಚ ನಾಡ ಅಪ್ಪಂಡದಾಯಿತ್ ಉಂಡ್.

ಯೋಹಾನ 15:10

ನಾನ್ ನಾಡ ಅಪ್ಪಂಡ ಆಜ್ಞೆರ ಪ್ರಕಾರ ನಡ್ಂದಂಡ್ ಅಂವೊಂಡ ಪ್ರೀತಿಲ್ ಸ್ತಿರವಾಯಿತ್ ಇಪ್ಪನೆಕೆ ನಿಂಗಳು ನಾಡ ಆಜ್ಞೆರ ಪ್ರಕಾರ ನಡ್‌ದಂಡ್ ಇಂಜತೇಂಗಿ ನಾಡ ಪ್ರೀತಿಲ್ ನಿಂಗ ಸ್ತಿರವಾಯಿತ್ ಇಪ್ಪಿರ.

ಯೋಹಾನ 16:27

ನಿಂಗ ನನ್ನ ಪ್ರೀತಿ ಮಾಡಿತ್, ನಾನ್ ದೇವಡಯಿಂಜ ಬಾತ್‍ೕಂದ್ ನಿಂಗ ನಂಬ್‍ನಾಂಗ್ ಅಪ್ಪ ನಿಂಗಳ ಪ್ರೀತಿ ಮಾಡ್‌ವ.

ಯೋಹಾನ 6:56

ನಾಡ ತಡೀನ ತಿಂದಿತ್, ನಾಡ ಚೋರೆನ ಕುಡಿಪಯಿಂಗ ನಾಡಲ್ಲಿ ವಾಸ ಮಾಡ್‌ವ; ನಾನ್ ಅಯಿಂಗಡಲ್ಲಿ ವಾಸ ಮಾಡ್‌ವಿ.

ಯೋಹಾನ 8:51

ದಾರ್ ಒಬ್ಬ ನಾಡ ಬೋದನೆನ ಕ್‍ೕಟಿತ್, ಅದ್ಂಗ್ ಬಗ್ಗಿತ್ ನಡ್‍ಪೋ ಅಂವೊಂಗ್ ಚಾವ್ ಎಣ್ಣುವದ್ ಎಕ್ಕಾಲು ಇಲ್ಲೇಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವೀಂದ್ ಎಣ್ಣ್‌ಚಿ.

ಯೋಹಾನ 8:52

ನೀಕ್ ಕೂಳಿ ಪುಡ್‌ಚಿತ್ ಉಂಡ್‍ೕಂದ್ ನಂಗಕ್ ಇಕ್ಕ ಗೊತ್ತಾಚಿ. ಅಬ್ರಹಾಮನು, ಪ್ರವಾದಿಯಂಗಳು ಚತ್ತ್ ಪೋಚಿ. ಆಚೇಂಗಿ, ನೀನ್: ನೀಡ ಬೋದನೆರ ಪ್ರಕಾರ ನಡ್‍ಪಯಿಂಗ ಎಕ್ಕಾಲು ಚಾವ್‍ಲೇಂದ್ ಎಣ್ಣುವಿಯಲ್ಲಾಂದ್ ಎಣ್ಣ್‌ಚಿ.

2 ಕೊರಿಂಥ 6:16

ದೇವಡ ಆಲಯಕು ವಿಗ್ರಹಕು ಎಂತ ಐಕ್ಯ? ನಂಗಳೇ ಜೀವವಾಯಿತುಳ್ಳ ದೇವಡ ಆಲಯವಾಯಿತುಂಡಲ್ಲ! ನಾನ್ ಅಯಿಂಗಡ ಮದ್ಯತ್‍ಲ್ ವಾಸ ಮಾಡಿತ್, ನಡ್ಂದಂಡ್, ನಾನ್ ಅಯಿಂಗಡ ದೇವನಾಯಿತು, ಅಯಿಂಗ ನಾಡ ಜನವಾಯಿತು ಇಪ್ಪಾಂದ್ ದೇವ ಎಣ್ಣಿತುಂಡ್.

ಎಫೆಸ 3:17

ನಂಬಿಕೇರ ಮೂಲಕ ಕ್ರಿಸ್ತ ನಿಂಗಡ ಹೃದಯತ್‍ಲ್ ವಾಸಮಾಡಂಡೂಂದು ಪ್ರಾರ್ಥನೆ ಮಾಡ್‌ವಿ. ನಿಂಗ ಪ್ರೀತಿಲ್ ಬೇರೂರಿತ್, ಸ್ತಿರವಾಯಿತ್ ನಿಕ್ಕಂಡೂಂದು,

1 ಯೋಹಾನ 2:24

ನಿಂಗ ಏದ್ ಉಪದೇಶತ್‍ನ ಆದಿಯಿಂಜ ಕ್‍ೕಟಿತುಳ್ಳಿರ ಅದ್ ನಿಂಗಡಲ್ಲಿ ಎಕ್ಕಾಲು ಇರಂಡು. ಆದಿಯಿಂಜ ನಿಂಗ ಕ್‍ೕಟದ್, ನಿಂಗಡಲ್ಲಿ ಇಂಜತೇಂಗಿ, ನಿಂಗ ಅಪ್ಪನಾನ ದೇವಡ ಕೂಡೆ ಪಿಂಞ ಅಂವೊಂಡ ಮೋಂವೊಂಡ ಕೂಡೆ ಉಳ್ಳ ಐಕ್ಯತ್‍ಲ್ ಎಕ್ಕಾಲು ಬದ್‍ಕ್‍ವಿರ.

1 ಯೋಹಾನ 2:5

ಆಚೇಂಗಿ ದಾರ್ ಅಂವೊಂಡ ತಕ್ಕ್‌ನ ಮೀರತೆ ನಡ್‍ಪ, ನೇರಾಯಿತ್ ಅಂವೊಂಡಲ್ಲಿ ದೇವಡ ಪ್ರೀತಿ ಪೂರ್ತಿಯಾಯಿತ್‌ಪ್ಪ. ಅನ್ನನೆ ಮಾಡ್‍ಚೇಂಗಿ ಮಾತ್ರ ನಂಗ ದೇವಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಗೊತ್ತಾಪ.

1 ಯೋಹಾನ 4:4

ಆಚೇಂಗಿ ನಾಡ ಪ್ರೀತಿರ ಮಕ್ಕಳೇ, ನಿಂಗ ದೇವಡ ಪಕ್ಕ ಕೂಡ್‌ನಯಿಂಗಳಾಯಿತ್ ಉಳ್ಳಗುಂಡ್, ಅಯಿಂಗಳ ಗೆದ್ದಿತುಳ್ಳಿರ. ಎನ್ನಂಗೆಣ್ಣ್‌ಚೇಂಗಿ ನಿಂಗಡ ಒಳ್‍ಲ್ ಉಳ್ಳ ಆತ್ಮ ಈ ಲೋಕತ್‍ರ ಜನಡ ಆತ್ಮಕಿಂಜ ಶಕ್ತಿವಂತಂವೊನಾಯಿತುಂಡ್.

1 ಯೋಹಾನ 5:3

ದೇವಡ ಆಜ್ಞೆರನೆಕೆ ನಡ್ಂದತೇಂಗಿ ಅಂವೊನ ಪ್ರೀತಿ ಮಾಡ್‌ವನೆಕೆ. ಪಿಂಞ ಅಂವೊಂಡ ಆಜ್ಞೆನ ಮಾಡ್‌ವಕ್ ನಂಗಕ್ ದುಂಬ ಕಷ್ಟವಾಯಿತ್‌ಪ್ಪುಲೆ.

2 ಯೋಹಾನ 1:6

ನಂಗ ಅಂವೊಂಡ ಆಜ್ಞೆಕ್ ಬಗ್ಗಿತ್ ನಡ್‍ಪದೇ ಪ್ರೀತಿ. ನಿಂಗ ಆದಿಯಿಂಜಲೆ ಕ್‍ೕಟನೆಕೆ, ಮಾಡ್‍ವಕುಳ್ಳ ಆಜ್ಞೆ ಎಂತ ಎಣ್ಣ್‌ಚೇಂಗಿ ನಿಂಗ ಎಲ್ಲಾರು ಪ್ರೀತಿಲ್ ಬದ್‍ಕಂಡೂಂದ್ ಉಳ್ಳದೇ.

ಪ್ರಕಟನೆ 21:22

ಆ ಪಟ್ಟಣತ್‍ಲ್ ನಾನ್ ದೇವಾಲಯತ್‍ನ ಕಂಡಿತ್‌ಲ್ಲೆ, ಎನ್ನಂಗೆಣ್ಣ್‌ಚೇಂಗಿ, ಸರ್ವ ಶಕ್ತಿವಂತಂವೊನಾಯಿತುಳ್ಳ ದೇವ ಪಿಂಞ ಕೊರಿಕುಟ್ಟಿಯಾಯಿತುಳ್ಳಂವೊನೇ ಅದ್ಂಗ್ ದೇವಾಲಯವಾಯಿತ್ಂಜತ್.

ಪ್ರಕಟನೆ 21:3

ಸಿಂಹಾಸನತ್ಂಜ ಒರ್ ಬಲ್ಯ ಸದ್ದ್ ನಾಕ್ ಕ್‍ೕಟತ್: ನೋಟಿ, ಮನುಷ್ಯಂಡ ಮದ್ಯತ್‍ಲ್ ದೇವ ವಾಸ ಮಾಡ್‌ವ ಜಾಗ ಉಂಡ್, ಅಯಿಂಗಡಲ್ಲಿ ಅಂವೊ ವಾಸ ಮಾಡಿಯಂಡಿಪ್ಪ; ಅಯಿಂಗ ಅಂವೊಂಡ ಜನವಾಯಿತ್‌ಪ್ಪ, ದೇವ ತಾನೆ ಅಯಿಂಗಡ ಕೂಡೆ ಇಂಜಿತ್ ಅಯಿಂಗಡ ದೇವನಾಯಿತ್‌ಪ್ಪ.

ಪ್ರಕಟನೆ 22:3

ಇಂಞು ಮಿಂಞಕ್ ಒರ್ ಶಾಪವು ಇಪ್ಪುಲೆ. ದೇವಡ ಸಿಂಹಾಸನ ಪಿಂಞ ಕೊರಿಕುಟ್ಟಿಯಾನವೊಂಡ ಸಿಂಹಾಸನ ಅಲ್ಲಿ ಇಪ್ಪ. ಅಂವೊಂಡ ಸೇವಕಂಗ ಅಂವೊಂಗ್ ಸೇವೆ ಮಾಡಿತ್,