ಯೋಹಾನ 14:2 - ಕೊಡವ ಬೈಬಲ್

² ನಾಡ ಅಪ್ಪಂಡ ಮನೆಲ್ ದುಂಬ ಕೋಂಬರೆ ಉಂಡ್; ಅನ್ನನೆ ಇಲ್ಲತ ಇಂಜತೇಂಗಿ ನಾನ್ ನಿಂಗಕ್ ಎಣ್ಣಿತಿಪ್ಪಿ. ನಾನ್ ಪೋಯಿತ್ ನಿಂಗಕಾಯಿತ್ ಒರ್ ಜಾಗತ್‍ನ ತಯಾರ್ ಮಾಡ್‌ವಿ.

ಯೋಹಾನ 14:2 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:22

ಆ ಆಳ್ ಎಜಮಾನ ಎಣ್ಣ್‌ನನೆಕೆ ಮಾಡಿತ್: ಎಜಮಾನನೇ, ನೀನ್ ಎಣ್ಣ್‌ನನೆಕೆ ನಾನ್ ಮಾಡಿಯೆ, ಆಚೇಂಗಿ ಇಂಞು ಜಾಗ ಉಂಡಲ್ಲಾಂದ್ ಎಣ್ಣ್‌ಚಿ.

ಯೋಹಾನ 13:33

ನಾಡ ಚೆರಿಯ ಮಕ್ಕಳೇ, ನಾನ್ ನಿಂಗಡ ಕೂಡೆ ಚೆನ್ನಂಗೇ ಸಮಯ ಇಪ್ಪಿ; ನನ್ನ ನಿಂಗ ತ್‍ೕಡ್‌ವಿರ. ನಾನ್ ಪೋಪ ಜಾಗಕ್ ನಿಂಗಕ್ ಬಪ್ಪಕ್ ಕಯ್ಯುಲೇಂದ್ ನಾನ್ ಯೆಹೂದ್ಯಂಗಕ್ ಎಣ್ಣ್‌ನನೆಕೆ, ಇಕ್ಕ ನಾನ್ ನಿಂಗಕ್ ಸಹ ಎಣ್ಣ್‌ವಿ.

ಯೋಹಾನ 13:36

ಸೀಮೋನ ಪೇತ್ರ ಯೇಸುನ ನೋಟಿತ್: ಒಡೆಯನೇ, ನೀನ್ ಎಲ್ಲಿಕ್ ಪೋಪಿಯಾಂದ್ ಕ್‍ೕಟತ್. ಯೇಸು ಅಂವೊಂಗ್: ನಾನ್ ಪೋಪ ಜಾಗಕ್ ಇಕ್ಕ ನೀಕ್ ಬಪ್ಪಕ್ ಆಪುಲೆ, ಬಯ್ಯಕ್ ಬಪ್ಪಿಯಾಂದ್ ಎಣ್ಣ್‌ಚಿ.

ಯೋಹಾನ 14:28

ನಾನ್ ನಿಂಗಳ ಬುಟ್ಟಿತ್ ಪೋಪಿ ಆಚೇಂಗಿ ನಾನ್ ನಿಂಗಡ ಪಕ್ಕ ಪುನಃ ಬಪ್ಪೀಂದ್ ನಾನ್ ಎಣ್ಣ್‌ನದ್‍ನ ಕ್‍ೕಟಿರಲ್ಲ. ನಿಂಗ ನನ್ನ ಪ್ರೀತಿಚಿಟ್ಟತೇಂಗಿ, ನಾನ್ ಅಪ್ಪಂಡ ಪಕ್ಕ ಪೋಪೀಂದ್ ಎಣ್ಣ್‌ನ ವಿಷಯಕ್ ಕುಶಿ ಪಡುವಿರ, ಎನ್ನಂಗೆಣ್ಣ್‌ಚೇಂಗಿ ಅಪ್ಪ ನಾಕಿಂಜ ಬಲ್ಯಂವೊನಾಯಿತುಂಡ್.

ಯೋಹಾನ 16:4

ಇನ್ನನೆಲ್ಲಾ ಆಪಕ, ಇದ್‍ನೆಲ್ಲಾ ನಾನ್ ನಿಂಗಕ್ ಎಣ್ಣಿಯೇಂದ್ ನಿಂಗಕ್ ಗೇನ ಆಪಕಾಯಿತ್ ನಾನ್ ಇಕ್ಕ ಎಣ್ಣಿಯೆ; ನಾನ್ ನಿಂಗಡ ಕೂಡೆ ಸುರುಯಿಂಜಲೇ ಇಂಜಾಂಗ್, ಇದ್‍ನೆಲ್ಲಾ ಅಕ್ಕ ಎಣ್ಣಿತ್‌ಲ್ಲೆ.

ಯೋಹಾನ 17:24

ಅಪ್ಪಾ! ಲೋಕತ್‍ನ ಸೃಷ್ಟಿ ಮಾಡ್‌ವಕ್ ಮಿಂಞಲೇ ನೀನ್ ನಾಡಲ್ಲಿ ಪ್ರೀತಿಯಾಯಿತ್ ಇಂಜಗುಂಡ್, ನೀನ್ ನಾಕ್ ತಂದ ನಾಡ ಮಹಿಮೆನ, ನೀನ್ ನಾಕ್ ಕೊಡ್‍ತಯಿಂಗ ಕಾಂಬನೆಕೆ, ನಾನ್ ಎಲ್ಲಿ ಇಪ್ಪಿ, ಅಲ್ಲಿ ಅಯಿಂಗಳು ಇಪ್ಪಕ್ ನಾನ್ ಕುಶೀಲ್ ಉಳ್ಳ.

ಅಪೊಸ್ತಲ 9:16

ಅಂವೊ ನಾಡ ಪೆದತ್‍ರಗುಂಡ್ ಎಚ್ಚಕ್ ಹಿಂಸೆ ಅನುಬವಿಚಿಡಂಡೂಂದ್ ನಾನ್ ಅಂವೊಂಗ್ ಕಾಟಿ ಕೊಡ್‌ಪೀಂದ್ ಎಣ್ಣ್‌ಚಿ.

2 ಕೊರಿಂಥ 5:1

ಇಕ್ಕ, ಈ ಲೋಕತ್‍ರ ಗುಡಾರವಾಯಿತುಳ್ಳ ಮಣ್ಣ್‌ರ ಮನೇರನೆಕೆ ಉಳ್ಳ ನಂಗಡ ತಡಿ ಪಾಳಾಯಿ ಪೋಚೇಂಗಿಯು, ಕೈಯಿಲ್ ಮಾಡತ, ದೇವ ಕೆಟ್ಟ್‌ನ ನಿತ್ಯ ಮನೆಲ್ ನಂಗಕಾಯಿತ್ ಮಾಡ್‍ನ ನಿತ್ಯ ತಡಿ ಪರಲೋಕತ್‍ಲ್ ಬೆಚ್ಚಿತುಂಡ್‍ೕಂದ್ ನಂಗಕ್ ಗೊತ್ತುಂಡ್.

1 ಥೆಸಲೊನೀಕ 5:9

ದೇವ ಅಂವೊಂಡ ಚೆಡಿರ ತೀರ್ಪ್‌ಕಾಯಿತ್ ನಂಗಳ ನೇಮಿಚಿಟ್ಟಿತ್‌ಲ್ಲೆ. ಅದ್ಂಡ ಬದ್‍ಲ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಂಗ ಬಚಾವಾಪಕ್ ನೇಮಿಚಿಟ್ಟತ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:2

ನಂಗಡ ಅಪ್ಪನಾನ ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಕೃಪೆ, ಕರುಣೆ ಪಿಂಞ ಸಮಾದಾನ ಕ್‍ಟ್ಟಡ್.

ಇಬ್ರಿಯ 11:10

ಎನ್ನಂಗೆಣ್ಣ್‌ಚೇಂಗಿ, ದೇವ ತಯಾರ್ ಮಾಡಿತ್ ರೂಪ್‍ಚಿಡುವ, ಅಡಿಪಾಯ ಉಳ್ಳ ಪಟ್ಟಣಕಾಯಿತ್ ಪಾರಕಾತಂಡಿಂಜತ್.

ಇಬ್ರಿಯ 13:14

ಸ್ತಿರವಾನ ಪಟ್ಟಣ ನಂಗಕ್ ಇಲ್ಲಿ ಇಲ್ಲೆ, ಇಂಞು ಮಿಂಞಕ್ ಬಪ್ಪಕುಳ್ಳದ್‍ನ ನೋಟಿಯಂಡುಂಡ್.

ಇಬ್ರಿಯ 6:20

ಯೇಸು ನಂಗಕ್ ಮಿಂಞಲೇ ಅಲ್ಲಿಕ್ ಪೋಯಿತ್, ಮೆಲ್ಕಿಜೆದೇಕಂಡ ನೇಮ ಪ್ರಕಾರ ನಂಗಕಾಯಿತ್ ಎಕ್ಕಾಲು ಉಳ್ಳ ಮಹಾ ಯಾಜಕನಾಯಿತ್ ಉಂಡ್.

ಇಬ್ರಿಯ 9:8

ಇದ್ಂಡ ಮೂಲಕ ಪವಿತ್ರಾತ್ಮ ಎಂತ ಕಾಂಬ್‌ಚಿಟ್ಟಂಡ್ ಉಂಡ್ ಎಣ್ಣ್‌ಚೇಂಗಿ: ಆದ್ಯ ಕೋಂಬರೆ ಇಪ್ಪಕತ್ತನೆ, ಪವಿತ್ರವಾನ ಜಾಗಕ್ ಪೋಪಕುಳ್ಳ ಬಟ್ಟೇನ ಇಂಞು ಎಲ್ಲಾರ್‌ಕು ಕಾಂಬ್‍ಚಿಟ್ಟಿತ್‌ಲ್ಲೇಂದ್ ಎಣ್ಣಿಯಂಡುಂಡ್.

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,

ಪ್ರಕಟನೆ 21:2

ಪಿಂಞ, ಪರಲೋಕತ್ಂಜ ಪವಿತ್ರ ಪಟ್ಟಣವಾನ ಪುದಿಯ ಯೆರೂಸಲೇಮ್ ದೇವಡ ಕಡೇಯಿಂಜ ಇಳಿಂಜಿ ಬಪ್ಪದ್‍ನ ನಾನ್ ಕಂಡಿಯೆ. ಅದ್ ತಾಂಡ ಮಂಗಲಕಾರಂಗಾಯಿತ್ ಅಲಂಕಾರ ಮಾಡಿತ್ಂಜ ಮಂಗಲಕರ್ತಿರನೆಕೆ ಇಂಜತ್.

ಪ್ರಕಟನೆ 3:12

ದಾರ್ ಗೆಲ್ಲುವ, ಅಂವೊನ ನಾನ್ ದೇವಾಲಯತ್‍ಲ್ ಕಂಬವಾಯಿತ್ ಮಾಡ್‌ವಿ, ಅದ್‍ಂಜ ಅಂವೊ ಎಕ್ಕಲೂ ಪೋಪದೇಯಿಲ್ಲೆ; ನಾಡ ದೇವಡ ಪೆದತ್‍ನ, ನಾಡ ದೇವನಗುಂಡ್ ಪರಲೋಕತ್ಂಜ ಇಳಿಂಜಿ ಬಪ್ಪ ಪುದಿಯ ಯೆರೂಸಲೇಮ್‍ೕಂದ್ ಎಣ್ಣುವ ನಾಡ ದೇವಡ ಪಟ್ಟಣತ್‍ರ ಪೆದತ್‍ನ ಪಿಂಞ ನಾಡ ಪುದಿಯ ಪೆದತ್‍ನ ಅಂವೊಂಡ ಮೇಲೆ ಒಳ್‍ದ್‍ವಿ.

ಪ್ರಕಟನೆ 3:21

ನಾನ್ ಗೆದ್ದಿತ್ ನಾಡ ಅಪ್ಪಂಡ ಸಿಂಹಾಸನತ್‍ಲ್ ಅಳ್‍ತಂಡುಳ್ಳನೆಕೆ, ದಾರ್ ಗೆಲ್ಲುವ ಅಂವೊನು ಸಹ ನಾಡ ಸಿಂಹಾಸನತ್‍ಲ್ ಅಳ್‌ಪಕ್ ನಾನ್ ಅದಿಕಾರ ತಪ್ಪಿ.