ಯೋಹಾನ 14:15 - ಕೊಡವ ಬೈಬಲ್

¹⁵ ನಿಂಗಕ್ ನಾಡ ಮೇಲೆ ಪ್ರೀತಿ ಉಂಡೇಂಗಿ ನಾಡ ಆಜ್ಞೆಂಗಕ್ ಬಗ್ಗಿತ್ ನಡ್‍ಪಿರ.

ಯೋಹಾನ 14:15 ပူးပေါင်းရင်းမြစ်များ

ಮತ್ತಾಯ 10:37

ಒಬ್ಬ ತಾಂಡ ಅಪ್ಪನ ಆಚೇಂಗಿಯು, ಅವ್ವಳ ಆಚೇಂಗಿಯು ನಾಕಿಂಜ ದುಂಬ ಪ್ರೀತಿ ಮಾಡ್‍ಚೇಂಗಿ ಅಂವೊ ನಾಡ ಶಿಷ್ಯನಾಯಿತ್‌ಪ್ಪಕ್ ಯೋಗ್ಯನಲ್ಲ. ಪಿಂಞ ತಾಂಡ ಮೋಂವೊನಾಚೇಂಗಿಯು, ಮೋವಳಾಚೇಂಗಿಯು ನಾಕಿಂಜ ದುಂಬ ಪ್ರೀತಿ ಮಾಡ್‍ಚೇಂಗಿ ಅಂವೊ ನಾಡ ಶಿಷ್ಯನಾಯಿತ್‌ಪ್ಪಕ್ ಯೋಗ್ಯನಲ್ಲ.

ಯೋಹಾನ 8:42

ದೇವ ನಿಂಗಡ ನೇರಾನ ಅಪ್ಪನಾಯಿತುಂಡೇಂಗಿ, ನಿಂಗ ನಾಡ ಮೇಲೆ ಪ್ರೀತಿಲ್ ಇಪ್ಪಿರ. ಎನ್ನಂಗೆಣ್ಣ್‌ಚೇಂಗಿ ನಾನ್ ದೇವಡಯಿಂಜ ಬಂದಿತುಳ್ಳ. ನಾನ್ ನಾಡ ಇಷ್ಟ ಪ್ರಕಾರ ಬಂದಿತ್‌ಲ್ಲೆ, ಅಂವೊನೇ ನನ್ನ ಅಯಿಚತ್.

1 ಕೊರಿಂಥ 16:22

ಒಬ್ಬ, ಒಡೆಯನ ಪ್ರೀತಿ ಮಾಡತೆ ಪೋಚೇಂಗಿ ಅಂವೊಂಡ ಮೇಲೆ ಶಾಪ ಬರಡ್. ಓ ನಂಗಡ ಒಡೆಯನೇ ಬಾ.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಎಫೆಸ 6:24

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ಕಾಲಕಾಲಕು ಪಾಳಾಕತ ಪ್ರೀತಿ ಮಾಡ್‌ವ ಎಲ್ಲಾಡ ಕೂಡೆ ಕೃಪೆ ಇಕ್ಕಡ್. ಆಮೆನ್.

1 ಪೇತ್ರ 1:8

ನಿಂಗ ಅಂವೊನ ಕಂಡಿತಿಲ್ಲೆ, ಆಚೇಂಗಿಯು ನಿಂಗ ಅಂವೊನ ಪ್ರೀತಿ ಮಾಡ್‌ವಿರ; ಇಕ್ಕ ನಿಂಗ ಅಂವೊನ ಕಾಂಗತ ಪೋನಕ ಸಹ, ನಿಂಗ ಅಂವೊನ ನಂಬುವಿರ. ನಿಂಗ ಎಣ್ಣುವಕಯ್ಯತನೆಕೆ, ಮಹಿಮೆಲ್ ದುಂಬ್‍ನ ಅಚ್ಚಕ್ ಕುಶೀಲ್ ಇಪ್ಪಿರ.

2 ಯೋಹಾನ 1:6

ನಂಗ ಅಂವೊಂಡ ಆಜ್ಞೆಕ್ ಬಗ್ಗಿತ್ ನಡ್‍ಪದೇ ಪ್ರೀತಿ. ನಿಂಗ ಆದಿಯಿಂಜಲೆ ಕ್‍ೕಟನೆಕೆ, ಮಾಡ್‍ವಕುಳ್ಳ ಆಜ್ಞೆ ಎಂತ ಎಣ್ಣ್‌ಚೇಂಗಿ ನಿಂಗ ಎಲ್ಲಾರು ಪ್ರೀತಿಲ್ ಬದ್‍ಕಂಡೂಂದ್ ಉಳ್ಳದೇ.