ಯೋಹಾನ 14:10 - ಕೊಡವ ಬೈಬಲ್

¹⁰ ನಾನ್ ಅಪ್ಪಂಡಲ್ಲಿ, ಅಪ್ಪ ನಾಡಲ್ಲಿ ಇಪ್ಪದ್‍ನ ನೀನ್ ನಂಬ್‍ಲೆಯಾ? ನಾನ್ ನಿಂಗಡ ಕೂಡೆ ಎಣ್ಣ್‌ನದೆಲ್ಲ, ನಾಡ ಇಷ್ಟ ಪ್ರಕಾರ ಎಣ್ಣಿಯಂಡಿಲ್ಲೆ. ನಾಡಲ್ಲಿ ವಾಸ ಮಾಡಿಯಂಡುಳ್ಳ ಅಪ್ಪನೇ ಈ ಕ್ರಿಯೇನೆಲ್ಲಾ ಮಾಡಿಯಂಡುಂಡ್.

ಯೋಹಾನ 14:10 ပူးပေါင်းရင်းမြစ်များ

ಯೋಹಾನ 10:30

ನಾನು ನಾಡ ಅಪ್ಪನು ಒಂದ್‍ೕಂದ್ ಅಯಿಂಗಕ್ ಎಣ್ಣ್‌ಚಿ.

ಯೋಹಾನ 10:38

ನಾನ್ ನಾಡ ಅಪ್ಪಂಡ ಕ್ರಿಯೇನ ಮಾಡ್‍ಚೇಂಗಿ, ನಿಂಗ ನನ್ನ ನಂಬತ ಇಂಜತೇಂಗಿಯು, ನಾನ್ ಅದ್‍ನ ಮಾಡ್‌ವಿ. ನಾನ್ ನಾಡ ಅಪ್ಪಂಡ ಕೂಡೆ, ನಾಡ ಅಪ್ಪ ನಾಡ ಕೂಡೆ ಉಂಡ್‍ೕಂದ್ ಸಾಕ್ಷಿಯಾಯಿತ್ ನಾನ್ ಮಾಡ್‌ವ ಅದ್ಬುತ ಕಾರ್ಯತ್‍ನ ನೋಟಿತ್ ಅದ್‍ನ ನಂಬುವಿರಾಂದ್ ಎಣ್ಣ್‌ಚಿ.

ಯೋಹಾನ 11:26

ನನ್ನಗುಂಡ್ ಬದ್‍ಕಿಯಂಡ್ ನಾಡ ಮೇಲೆ ನಂಬಿಕೆ ಬೆಪ್ಪಯಿಂಗ, ಚಾವ್‍ನ ಕಾಂಬದೇ ಇಲ್ಲೆ, ಇದ್‍ನ ನೀನ್ ನಂಬಿತುಳ್ಳಿಯಾಂದ್ ಕ್‍ೕಟತ್.

ಯೋಹಾನ 12:49

ನಾನ್ ನಾಡ ಇಷ್ಟತ್‍ರ ಪ್ರಕಾರ ಇನ್ನನೆ ತಕ್ಕ್ ಪರ್‌ಂದಂಡಿಲ್ಲೆ. ನಾನ್ ಎಂತ ತಕ್ಕ್ ಪರಿಯಂಡು, ಎಂತ ಬೋದನೆ ಮಾಡಂಡೂಂದ್ ನನ್ನ ಅಯಿಚ ದೇವ ನಾಕ್ ಹುಕುಮ್ ಕೊಡ್‌ತಿತುಂಡ್.

ಯೋಹಾನ 14:11

ನಾನ್ ಅಪ್ಪಂಡಲ್ಲಿ, ಅಪ್ಪ ನಾಡಲ್ಲಿ, ಇಪ್ಪಾನ ನಂಬಿ; ಅನ್ನನೆ ನನ್ನ ನಂಬತೆ ಪೋಚೇಂಗಿಯು, ನಾನ್ ಮಾಡ್‌ವ ಕ್ರಿಯೇಯಿಂಜ ನನ್ನ ನಂಬಿ.

ಯೋಹಾನ 14:20

ನಾನ್ ನಾಡ ಅಪ್ಪಂಡಲ್ಲಿ, ನಿಂಗ ನಾಡಲ್ಲಿ, ನಾನ್ ನಿಂಗಡಲ್ಲಿ ಇಪ್ಪದ್‍ನ ಆ ದಿವಸತ್‍ಲ್ ನಿಂಗ ಅರ್ಥಮಾಡ್‍ವಿರ.

ಯೋಹಾನ 14:24

ದಾರ್ ನನ್ನ ಪ್ರೀತಿಚಿಡುಲೆ ಅಂವೊ ನಾಡ ತಕ್ಕ್‌ರ ಪ್ರಕಾರ ನಡ್‍ಪ್‍ಲೆ. ನಿಂಗ ಕ್‍ೕಪ ತಕ್ಕ್ ನಾಡದಲ್ಲ, ನನ್ನ ಅಯಿಚ ನಾಡ ಅಪ್ಪಂಡದಾಯಿತ್ ಉಂಡ್.

ಯೋಹಾನ 17:8

ನೀನ್ ನಾಕ್ ಕೊಡ್‍ತಿತುಳ್ಳ ಸತ್ಯತ್‍ನ ನಾನ್ ಅಯಿಂಗಕ್ ಕೊಡ್‌ತಿಯೆ; ಅಯಿಂಗ ಅದ್‍ನ ಸ್ವೀಕಾರ ಮಾಡಿತ್, ನಾನ್ ನೀಡಯಿಂಜ ಪೊರಟಿತ್ ಬಾತ್‍ೕಂದ್ ದೃಡವಾಯಿತ್ ಗೊತ್ತಾಯಿತ್, ನೀನೇ ನನ್ನ ಲೋಕಕ್ ಅಯಿಚತ್‍ೕಂದ್ ನಂಬಿಯಂಡುಂಡ್.

ಯೋಹಾನ 3:2

ಅಂವೊ, ಒರ್ ಬಯಿಟ್ ಯೇಸುರ ಪಕ್ಕ ಪೋಯಿತ್: ಉಪಾದ್ಯನೇ, ನೀನ್ ದೇವ ಅಯಿಚಿತುಳ್ಳ ಉಪಾದ್ಯಾಂದ್ ನಂಗಕ್ ಗೊತ್ತುಂಡ್. ಎನ್ನಂಗೆಣ್ಣ್‌ಚೇಂಗಿ, ದಾರ್ ಒಬ್ಬಂಡ ಕೂಡೆ ದೇವ ಉಂಡೋ ಅಂವೊಂಗ್ ಮಾತ್ರ ನೀನ್ ಮಾಡ್‌ವನೆಕೆ ಇನ್ನತಾನ ಅದ್ಬುತ ಕಾರ್ಯತ್‍ನ ಮಾಡ್‌ವಕ್ ಕಯ್ಯೂಂದ್ ಎಣ್ಣ್‌ಚಿ.

ಯೋಹಾನ 5:17

ಯೇಸು ಅಯಿಂಗಕ್: ನಾಡ ಅಪ್ಪ ಇಲ್ಲಿಕತ್ತನೆ ಕ್ರಿಯೆ ಮಾಡಿಯಂಡುಂಡ್, ಅದ್ಂಗಾಯಿತ್ ನಾನ್ ಸಹ ಕ್ರಿಯೆ ಮಾಡಿಯಂಡ್ ಉಳ್ಳ್‌ಂದ್ ಎಣ್ಣ್‌ಚಿ.

ಯೋಹಾನ 5:19

ಅಕ್ಕ ಯೇಸು ಅಯಿಂಗಕ್ ಇನ್ನನೆ ವಿವರಿಚಿಟ್ಟತ್: ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ, ಅಪ್ಪನಾನ ದೇವ ಮಾಡ್‌ವಾನ ಕಾಂಬದ್‍ನ ಬುಟ್ಟಿತ್, ಮೋಂವೊ ಬೋರೆ ಏದು ತಾಂಡ ಸ್ವಂತವಾಯಿತ್ ಮಾಡುಲೆ. ಎನ್ನಂಗೆಣ್ಣ್‌ಚೇಂಗಿ, ಅಪ್ಪನಾನ ದೇವ ಎಂತ ಮಾಡ್‌ವೋ, ಅದ್‍ನ ಮೋಂವೊನು ಅನ್ನನೆ ಮಾಡ್‌ವ.

ಯೋಹಾನ 7:16

ಯೇಸು ಅಯಿಂಗಕ್: ನಾನ್ ಮಾಡ್‌ವ ಬೋದನೆ ನಾಡ ಸ್ವಂತ ಬೋದನೆ ಅಲ್ಲ, ನನ್ನ ಅಯಿಚಂವೊಂಡ ಬೋದನೆ.

ಯೋಹಾನ 8:28

ಆನಗುಂಡ್, ಯೇಸು ಪುನಃ ಅಯಿಂಗಕ್: ನಿಂಗ ಮನುಷ್ಯಕುಮಾರನ ಕೊಡಿಕ್ ನೇತ್‍ವಕ, ನಾನೇ ಅಂವೋಂದ್ ನಿಂಗಕ್ ಗೊತ್ತಾಪ. ನಾನ್ ನಾಡ ಇಷ್ಟ ಪ್ರಕಾರ ಏದು ಮಾಡತೆ, ನಾಡ ಅಪ್ಪನಾನ ದೇವ ನಾಕ್ ಎಂತದ್‍ನ ಬೋದನೆ ಮಾಡ್‍ಚೋ ಅದ್‍ನೇ ನಾನ್ ಎಣ್ಣಿಯೇಂದ್ ಅಕ್ಕ ನಿಂಗಕ್ ಗೊತ್ತಾಪ.

ಯೋಹಾನ 8:38

ನಾನ್ ನಾಡ ಅಪ್ಪಂಡಲ್ಲಿ ಕಂಡದ್‍ನ ಎಣ್ಣ್‌ವಿ, ನಿಂಗಳು ಸಹ ನಿಂಗಡ ಅಪ್ಪಂಡಲ್ಲಿ ಕ್‍ೕಟಾನ ಮಾಡಿಯಂಡುಳ್ಳಿರಾಂದ್ ಎಣ್ಣ್‌ಚಿ.

ಯೋಹಾನ 8:40

ದೇವಡಯಿಂಜ ಕ್‍ೕಟಿತ್ ನಿಂಗಕ್ ಎಣ್ಣುವ ನನ್ನ, ನಿಂಗ ಕೊಲ್ಲ್‌ವಕ್ ನೋಟಿಯಂಡುಳ್ಳಿರ, ಅಬ್ರಹಾಮ ಇನ್ನನೆ ಮಾಡಿತ್‌ಲ್ಲೆಲ್ಲಾ.

ಅಪೊಸ್ತಲ 10:38

ದೇವ ನಜರೇತ್‍ರ ಯೇಸುನ ಪವಿತ್ರತ್ಮಾತ್ಂಜಲು ಶಕ್ತಿಯಿಂಜಲು ಅಬಿಷೇಕ ಮಾಡ್‍ಚಿ. ದೇವ ಅಂವೊಂಡ ಕೂಡೆ ಇಂಜಗುಂಡ್ ಅಂವೊ ನಲ್ಲದ್ ಮಾಡಿಯಂಡ್ ಸೈತಾನಂಡ ಶಕ್ತಿಲ್ ಚಿಕ್ಕಿತ್ ಪೋಯಿತ್ಂಜ ಎಲ್ಲಾರ್‍ನೂ ವಾಸಿಮಾಡಿಯಂಡ್ ಎಲ್ಲಾ ಜಾಗಕು ಪೋಯಂಡಿಂಜತ್.

2 ಕೊರಿಂಥ 5:19

ಅದ್ ಎಂತ ಎಣ್ಣ್‌ಚೇಂಗಿ, ದೇವ ಈ ಲೋಕತ್‍ರ ಪಾಪತ್‍ನ ಅಯಿಂಗಕ್ ವಿರೋದವಾಯಿತ್ ಲೆಕ್ಕ ಮಾಡತೆ, ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ರ ಮೂಲಕ ಅಯಿಂಗಡ ಮೇಲೆ ಇಂಜ ವಿರೋದತ್‍ನ ಕಳೆಂದಿತ್, ಸಮಾದಾನ ಮಾಡ್‍ಚಿ. ಜನಡಮೇಲೆ ಇಂಜ ದೇವಡ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡ್‌ವ ಬೋದನೆನ ನಂಗಕ್ ಒಪ್ಪ್‌ಚಿಟ್ಟತ್.

ಕೊಲೊಸ್ಸೆ 1:19

ದೇವಡ ಪರಿಪೂರ್ಣವಾನ ಎಲ್ಲಾ ಗುಣವು ಅಂವೊಂಡ ಒಳ್‍ಲ್ ಇಪ್ಪಕ್ ದೇವಕ್ ಕುಶಿಯಾಚಿ.

ಕೊಲೊಸ್ಸೆ 2:9

ಎನ್ನಂಗೆಣ್ಣ್‌ಚೇಂಗಿ, ದೇವಕ್ ಬೋಂಡಿಯಾನ ಎಲ್ಲಾ ಗುಣವು ಕ್ರಿಸ್ತಂಡ ತಡೀಲ್ ವಾಸ ಮಾಡಿಯಂಡ್ ಉಂಡ್.

1 ಯೋಹಾನ 5:7

ಪರಲೋಕತ್‍ಲ್ ಸಾಕ್ಷಿ ತಪ್ಪಯಿಂಗ ಮೂಂದಾಳ್: ಪವಿತ್ರಾತ್ಮ, ನೀರ್ ಪಿಂಞ ಚೋರೆ.