ಯೋಹಾನ 13:8 - ಕೊಡವ ಬೈಬಲ್

⁸ ಅಕ್ಕ ಪೇತ್ರ: ನೀನ್ ನಾಡ ಕಾಲ್‌ನ ಕತ್ತ್‌ವಕ್ ನಾನ್ ಬುಡ್‍ಲೇಂದ್ ಎಣ್ಣ್‌ಚಿ. ಅಂವೊಂಗ್ ಯೇಸು: ನಾನ್ ನೀಡ ಕಾಲ್‌ನ ಕತ್ತತೆ ಪೋನಕ ನೀಕ್ ನಾಡಲ್ಲಿ ಬಾದ್ಯತೆ ಇಲ್ಲೇಂದ್ ಎಣ್ಣ್‌ಚಿ.

ಯೋಹಾನ 13:8 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 42:38

ಆಚೇಂಗಿ ಯಾಕೋಬ: ನಾಡ ಮೋಂವೊ ನಿಂಗಡ ಕೂಡೆ ಬಪ್ಪುಲೆ, ಅಂವೊಂಡ ಅಣ್ಣ ಯೋಸೇಫ ಚತ್ತ್‌ ಪೋಚಿ. ಇಂವೊ ಒಬ್ಬನೆ ಬಾಕಿ. ನಿಂಗ ಪೋಪ ಬಟ್ಟೆಲ್‌ ಇಂವೊಂಗ್‌ ಎಂತ್ತೇಂಗಿ ಕೆಟ್ಟದ್‌ ನಡ್‌ಂದತೇಂಗಿ, ನಾಡ ಬೊಳ್‌ತ್‌ ಪೋನ ಮಂಡೆ ದುಃಖತ್‌ ತೂಟ್‌ಕಳಕ್‌ ಪೋಪಕ್‌ ನಿಂಗ ಕಾರಣ ಆಪಿರಾಂದ್‌ ಎಣ್ಣ್‌ಚಿ.

ಮತ್ತಾಯ 16:22

ಅಕ್ಕ ಪೇತ್ರ ಯೇಸುನ ಆಬರಿಕ್ ಕಾಕುವಂಜಿ, ಒಡೆಯನೇ, ಇನ್ನನೆ ನೀಕ್ ಆಪಕ್ಕಾಗ, ಇನ್ನನೆ ನೀಕ್ ಆಪಕ್ ದೇವ ಬುಡ್‍ಲೇಂದ್ ಅಂವೊನ ಬೈಯುವಕ್ ಸುರು ಮಾಡ್‍ಚಿ.

ಮತ್ತಾಯ 21:29

ಅಕ್ಕ ಪೆರಿಯ ಮೋಂವೊ: ನಾನ್ ಪೋಪ್‌ಲೇಂದ್ ಎಣ್ಣ್‌ಚಿ. ಬಯ್ಯಂಜಿ ಅಂವೊಂಗ್ ಬೇಜಾರ್ ಆಯಿತ್, ಅಂವೊ ಪಣಿಕ್ ಪೋಚಿ.

ಮತ್ತಾಯ 26:33

ಅದ್ಂಗ್ ಪೇತ್ರ, ಎಲ್ಲಾರು ನಿನ್ನ ಬುಟ್ಟಿತ್ ಪೋಚೇಂಗಿಯು ನಾನ್ ನಿನ್ನ ಬುಟ್ಟಿತ್ ಪೋಪುಲೇಂದ್ ಎಣ್ಣ್‌ಚಿ.

ಮತ್ತಾಯ 26:35

ಅದ್ಂಗ್ ಪೇತ್ರ: ನಾನ್ ನೀಡ ಕೂಡೆ ಚತ್ತ್ ಪೋಂಡೂಂದ್ ಇಂಜತೇಂಗಿಯು, ನಾನ್ ಅನ್ನನೆ ಎಣ್ಣುಲೇಂದ್ ಎಣ್ಣ್‌ಚಿ. ಅನ್ನನೆ ಎಲ್ಲಾ ಶಿಷ್ಯಂಗಳು ಅಂವೊ ಎಣ್ಣ್‌ನನೆಕೆ ಎಣ್ಣ್‌ಚಿ.

ಯೋಹಾನ 13:6

ಅನ್ನನೆ ಯೇಸು ಸೀಮೋನ ಪೇತ್ರಂಡ ಪಕ್ಕ ಬಾತ್. ಪೇತ್ರ ಯೇಸುಕ್: ಒಡೆಯನೇ! ನೀನ್ ನಾಡ ಕಾಲ್‌ನ ಕತ್ತ್‌ವಿಯಾ? ಅನ್ನನೆ ಮಾಡ್‌ವಕ್ಕಾಗಾಂದ್ ಎಣ್ಣ್‌ಚಿ.

ಯೋಹಾನ 13:9

ಅಕ್ಕ ಅಂವೊ: ಒಡೆಯನೇ, ನೀನ್ ನಾಡ ಕಾಲ್‌ನ ಮಾತ್ರ ಅಲ್ಲ, ನಾಡ ಮಂಡೆನ, ಕೈಯಿನ ಸಹ ಕತ್ತ್‍ೕಂದ್ ಪೇತ್ರ ಎಣ್ಣ್‌ಚಿ.

ಯೋಹಾನ 3:5

ಯೇಸು ಅಂವೊಂಗ್: ಒಬ್ಬ, ನೀರ್ಂಜಲು ಪವಿತ್ರಾತ್ಮತ್‌ಂಜಲು ಪುಟ್ಟತೆ ಪೋಚೇಂಗಿ ದೇವಡ ರಾಜ್ಯಕ್ ಪೋಪಕ್ ಕಯ್ಯುಲೇಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 22:16

ಇಕ್ಕ ಎನ್ನಂಗ್ ನೀನ್ ತಡೆ ಮಾಡ್‌ವಿಯ? ಅಂವೊಂಡ ಪೆದತ್‍ನ ನೀನ್ ಕಾಕಿಯಂಡಿಪ್ಪಕಲೇ, ಎದ್ದಿತ್ ದೀಕ್ಷಾಸ್ನಾನ ಮಾಡ್‍ಚಿಟ್ಟಂಡ್, ನೀಡ ಪಾಪತ್‍ನ ಕತ್ತ್‍ೕಂದ್ ಎಣ್ಣ್‌ಚಿ.

1 ಕೊರಿಂಥ 6:11

ನಿಂಗಡಲ್ಲಿ ಚೆನ್ನ ಜನ ಇನ್ನನೆ ಇಂಜಿರ. ಆಚೇಂಗಿಯು, ದೇವ ಇಕ್ಕ ನಿಂಗಳ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲು, ನಂಗಡ ದೇವಡ ಆತ್ಮತ್ಂಜಲು ಕತ್ತಿತ್, ಪವಿತ್ರವಾನಯಿಂಗಳಾಯಿತು, ನೀತಿವಂತಯಿಂಗಳಾಯಿತು ಮಾಡ್‍ಚಿ.

ಎಫೆಸ 5:26

ಅಂವೊ ಅಂವೊಂಡ ಸಬೇನ ದೇವಡ ವಾಕ್ಯ ಎಣ್ಣುವ ನೀರ್‌ಲ್ ಮುಕ್ಕಿತ್ ಕತ್ತಿತ್, ಪವಿತ್ರವಾಯಿತ್ ಮಾಡ್‌ವಕು,

ಕೊಲೊಸ್ಸೆ 2:18

ದಾರೂ ನಿಂಗಳ, ನಿಂಗಡ ಇನಾಮ್‍ನ ಕಳೆಂದ್ ಪೋಪನೆಕೆ ವಂಚನೆ ಮಾಡ್‌ವಕ್ ಬುಡತಿ; ಅಯಿಂಗ ದಾರ್ ಎಣ್ಣ್‌ಚೇಂಗಿ, ವಂಚನೆ ಮಾಡ್‌ವ ತಾಳ್ಮೆಲ್ ಇಪ್ಪನೆಕೆ ಕಾಟಿಯಂಡ್, ದೇವದೂತಂಗಳ ಆರಾದನೆ ಮಾಡ್‌ವಕ್ ಕುಶಿಪಟ್ಟಂಡ್, ಅಯಿಂಗಕ್ ಗೊತ್ತಿಲ್ಲತ ವಿಷಯತ್‍ಲ್ ನುಗ್ಗಿತ್ ಪಿಂಞ ಅಯಿಂಗ ತಡೀರ ಗೇನತ್‍ಲ್ ಒರ್ ಕಾರಣವು ಇಲ್ಲತೆ ಗರ್ವ ಪಡ್‌ವಯಿಂಗಳಾಯಿತ್ ಉಂಡ್.

ಕೊಲೊಸ್ಸೆ 2:23

ಈ ತರತ್‍ರ ಬೋದನೆಯೆಲ್ಲಾ ಅಯಿಂಗಳೇ ಮಾಡ್‍ನ ಮಾರ್ಗವಾಯಿತ್, ಪೊರಮೆ ತಾಳ್ಮೆ ಉಳ್ಳಯಿಂಗಾಂದ್ ಕಾಂಬ್‌ಚಿಡ್‍ವಕಾಯಿತ್, ತಡೀನ ಚಾಯಿ ಮಾಡಂಡೂಂದ್ ಅದ್ಂಗ್ ಶಿಕ್ಷೆ ಕೊಡ್‍ಪದಾಯಿತ್ ಮಾತ್ರ ಉಂಡ್. ಆಚೇಂಗಿ ಮನುಷ್ಯಂಗಡ ತಡೀರ ಕೆಟ್ಟ ಆಸೇನ ಗೆಲ್ಲ್‌ವಕ್ ಈ ಬೋದನೆಕ್ ಶಕ್ತಿ ಇಲ್ಲೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:5

ನಂಗ ಮಾಡ್‍ನ ನೀತಿರ ಕೆಲಸತ್‍ರಗುಂಡ್ ನಂಗಳ ರಕ್ಷಣೆ ಮಾಡತೆ, ಅಂವೊಂಡ ಕರುಣೇರಗುಂಡ್ ನಂಗಳ ರಕ್ಷಣೆ ಮಾಡ್‍ಚಿ. ಅನ್ನನೆ ನಂಗಡ ಪಾಪತ್‍ನ ಕತ್ತಿತ್, ಪುನಃ ಪುದಿಯದಾಯಿತ್ ಪುಟ್ಟಿತುಳ್ಳನೆಕೆ ನಂಗಕ್ ಪುದಿಯ ಜೀವ ತಂದಿತ್, ನಂಗಡ ಮನಸ್ಸ್‌ನ ಪವಿತ್ರಾತ್ಮಂಡ ಮೂಲಕ ಬದ್‍ಲ್ ಮಾಡ್‍ಚಿ.

ಇಬ್ರಿಯ 10:22

ಆನಗುಂಡ್, ದೇವಡ ಪಕ್ಕ, ನೇರಾನ ಹೃದಯ ಉಳ್ಳಯಿಂಗಳಾಯಿತ್, ನಂಬಿಕೇರ ಪೂರ್ತಿ ನಿಶ್ಚಯ ಉಳ್ಳಯಿಂಗಳಾಯಿತ್ ಪೋಕ. ನಂಗಡ ಪಾಳಾಯಿ ಪೋನ ಮನಸಾಕ್ಷಿನ ಕಳೆಂದಿತ್ ಶುದ್ದ ಆಪಕಾಯಿತ್ ಕ್ರಿಸ್ತಂಡ ಚೋರೆನ ತಳಿಚತ್, ಶುದ್ದವಾನ ನೀರ್‌ಲ್ ನಂಗಡ ತಡೀನ ಕತ್ತ್‌ನಯಿಂಗಳಾಯಿತ್ ಪೋಕ.

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,

ಪ್ರಕಟನೆ 7:14

ಅಕ್ಕ ನಾನ್: ಸ್ವಾಮೀ, ನೀಕೇ ಎಲ್ಲಾ ಗೊತ್ತುಂಡ್‍ೕಂದ್ ಎಣ್ಣಿಯೆ. ಅಕ್ಕ ಅಂವೊ: ಈಂಗ ಬಲ್ಯ ಹಿಂಸೆಯಿಂಜ ಬಂದಯಿಂಗ; ಈಂಗ ಅಯಿಂಗಡ ಬಟ್ಟೇನ ಕೊರಿಕುಟ್ಟಿರ ಚೋರೆಲ್ ನೆಲೆಚಿತ್ ಬೊಳ್‍ತದಾಯಿತ್ ಮಾಡ್‍ಚಿ.