ಯೋಹಾನ 13:5 - ಕೊಡವ ಬೈಬಲ್

⁵ ಪಿಂಞ ಒರ್ ಪಾತ್ರತ್‍ಲ್ ಚೆನ್ನ ನೀರ್ ಬೂಕಿತ್, ಅಂವೊಂಡ ಶಿಷ್ಯಂಗ ಒಬ್ಬೊಬ್ಬಂಗಡ ಕಾಲ್‌ನ ಕತ್ತ್‌ವಂಜಿ ತೋರ್ತ್‌ಲ್ ತ್‍ೕಟ್‍ಚಿ.

ಯೋಹಾನ 13:5 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 18:4

ಚೆನ್ನ ನೀರ್‌ ಎಡ್‌ತಂಡ್‌ ಬಪ್ಪಕ್‌ ಎಣ್ಣುವಿ, ನಿಂಗ ಕಾಲ್‌ನ ಕತ್ತಿತ್, ಈ ಮರತ್‌ರ ಅಡಿಲ್‌ ಆರಾಮ್‌ ಮಾಡಿಯೊಳಿ.

ಆದ್ಯತ್‌ರ ಪುಸ್ತಕ 19:2

ಸ್ವಾಮಿಯಳೇ, ದಯಬೆಚ್ಚಿತ್‌ ನಾಡ ಮನೆಕ್‌ ಬಾರಿ. ನಿಂಗಡ ಕಾಲ್‌ನ ಕತ್ತಿತ್, ಇಂದ್‌ ಬಯಿಟ್ ಅಲ್ಲೇ ಒಳಿಂಜಿತ್, ಪೊಲಾಕ ಎದ್ದಿತ್‌ ನಿಂಗಡ ಬಟ್ಟೆಲ್‌ ಪೋಯೀಂದ್‌ ಎಣ್ಣ್‌ಚಿ. ಅದ್‌ಂಗ್‌ ಆ ದೇವದೂತಂಗ: ಇಲ್ಲೆ, ನಂಗ ಪೋಪ ಬಟ್ಟೆಲ್, ಬೀದೀಲ್‌ ಬಯಿಟ್ ಕಯಿಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 43:24

ಇಂಞು ಆ ಮನುಷ್ಯ ಅಯಿಂಗಳ ಯೋಸೇಫಂಡ ಮನೆರ ಒಳ್‌ಕ್‌ ಕಾಕಿಯಂಡ್‌ ಪೋಯಿತ್, ಅಯಿಂಗಕ್‌ ಕಾಲ್‌ ಕತ್ತ್‌ವಕ್‌ ನೀರ್‌ ಕೊಡ್‌ತಿತ್, ಅಯಿಂಗಡ ಕತ್ತೆಯಕ್‌ ಮೇಚಿನ ಇಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:38

ಯೇಸುರ ಬಯ್ಯ ನಿಂದಿತ್, ದುಂಬ ಮೊರಟಿತ್, ಅವಡ ಕಣ್ಣೀರ್‌ಲ್ ಯೇಸುರ ಕಾಲ್‌ನ ನಲಪಿತ್, ಆ ನೀರ್‌ನ ಅವಡ ಮಂಡೆರ ತಲ್‌ಮಿಯಿಂಜ ತ್‍ೕಟಿತ್, ಕಾಲ್‌ಕ್ ಮುತ್ತ್ ಕೊಡ್‌ತಿತ್, ಅಂವೊಂಡ ಕಾಲ್‌ಕ್ ಸುಗಂದ ತೈಲತ್‌ನ ಬೂಕ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:44

ಪಿಂಞ ಯೇಸು ಆ ಪೊಣ್ಣಾಳ್‍ರ ಪಕ್ಕ ತಿರಿತ್ ಸೀಮೋನನ ನೋಟಿತ್: ನೀನ್ ಈ ಪೊಣ್ಣಾಳ್‍ನ ನೋಟ್‍ವಿಯ? ನಾನ್ ನೀಡ ಮನೆಕ್ ಬಪ್ಪಕ, ನೀನ್ ನಾಡ ಕಾಲ್ ಕತ್ತ್‌ವಕ್ ನೀರ್ ತಂದಿತ್‌ಲ್ಲೆ. ಆಚೇಂಗಿ ಈ ಪೊಣ್ಣಾಳ್ ಅವಡ ಕಣ್ಣೀರ್‌ಲ್ ನಾಡ ಕಾಲ್‌ನ ಕತ್ತಿತ್, ಅವಡ ತಲ್‌ಮಿಲ್ ನಾಡ ಕಾಲ್‌ನ ತ್‍ೕಟ್‍ಚಿ.

ಯೋಹಾನ 13:10

ಯೇಸು ಅಂವೊನ ನೋಟಿತ್: ದಾರ್ ಚಾಯಿತೆ ಕುಳ್‌ಚಿತ್ ಶುದ್ದವಾಯಿತುಂಡೊ, ಅಯಿಂಗ ಬರಿ ಅಯಿಂಗಡ ಕಾಲ್‌ನ ಕತ್ತ್‌ಚೇಂಗಿ ಮದಿ. ಒಬ್ಬನ ಬುಟ್ಟಿತ್, ನಿಂಗ ಎಲ್ಲಾರು ಶುದ್ದವಾಯಿತ್ ಉಳ್ಳಿರಾಂದ್ ಎಣ್ಣ್‌ಚಿ.

ಯೋಹಾನ 13:6

ಅನ್ನನೆ ಯೇಸು ಸೀಮೋನ ಪೇತ್ರಂಡ ಪಕ್ಕ ಬಾತ್. ಪೇತ್ರ ಯೇಸುಕ್: ಒಡೆಯನೇ! ನೀನ್ ನಾಡ ಕಾಲ್‌ನ ಕತ್ತ್‌ವಿಯಾ? ಅನ್ನನೆ ಮಾಡ್‌ವಕ್ಕಾಗಾಂದ್ ಎಣ್ಣ್‌ಚಿ.

ಯೋಹಾನ 13:8

ಅಕ್ಕ ಪೇತ್ರ: ನೀನ್ ನಾಡ ಕಾಲ್‌ನ ಕತ್ತ್‌ವಕ್ ನಾನ್ ಬುಡ್‍ಲೇಂದ್ ಎಣ್ಣ್‌ಚಿ. ಅಂವೊಂಗ್ ಯೇಸು: ನಾನ್ ನೀಡ ಕಾಲ್‌ನ ಕತ್ತತೆ ಪೋನಕ ನೀಕ್ ನಾಡಲ್ಲಿ ಬಾದ್ಯತೆ ಇಲ್ಲೇಂದ್ ಎಣ್ಣ್‌ಚಿ.

ಯೋಹಾನ 19:34

ಆಚೇಂಗಿಯು, ಒರ್ ಸಿಪಾಯಿ ಅಂವೊಂಡ ಈಟಿನ ಎಡ್‍ತಿತ್ ಅಂವೊಂಡ ಬಗ್ಗ್‌ರೀಕ್ ಕುತ್ತ್‌ಚಿ; ಅಕ್ಕ ಚೋರೆ ಪಿಂಞ ನೀರ್ ಪೊರಮೆ ಬಾತ್.

ಅಪೊಸ್ತಲ 22:16

ಇಕ್ಕ ಎನ್ನಂಗ್ ನೀನ್ ತಡೆ ಮಾಡ್‌ವಿಯ? ಅಂವೊಂಡ ಪೆದತ್‍ನ ನೀನ್ ಕಾಕಿಯಂಡಿಪ್ಪಕಲೇ, ಎದ್ದಿತ್ ದೀಕ್ಷಾಸ್ನಾನ ಮಾಡ್‍ಚಿಟ್ಟಂಡ್, ನೀಡ ಪಾಪತ್‍ನ ಕತ್ತ್‍ೕಂದ್ ಎಣ್ಣ್‌ಚಿ.

1 ಕೊರಿಂಥ 6:11

ನಿಂಗಡಲ್ಲಿ ಚೆನ್ನ ಜನ ಇನ್ನನೆ ಇಂಜಿರ. ಆಚೇಂಗಿಯು, ದೇವ ಇಕ್ಕ ನಿಂಗಳ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲು, ನಂಗಡ ದೇವಡ ಆತ್ಮತ್ಂಜಲು ಕತ್ತಿತ್, ಪವಿತ್ರವಾನಯಿಂಗಳಾಯಿತು, ನೀತಿವಂತಯಿಂಗಳಾಯಿತು ಮಾಡ್‍ಚಿ.

ಎಫೆಸ 5:26

ಅಂವೊ ಅಂವೊಂಡ ಸಬೇನ ದೇವಡ ವಾಕ್ಯ ಎಣ್ಣುವ ನೀರ್‌ಲ್ ಮುಕ್ಕಿತ್ ಕತ್ತಿತ್, ಪವಿತ್ರವಾಯಿತ್ ಮಾಡ್‌ವಕು,

1 ತಿಮೊಥೆಯ 5:10

ಮಕ್ಕಳ ಚಾಯಿತೆ ಚಾಕ್‍ನವ, ಮನೆಕ್ ಬಂದಯಿಂಗಳ ಚಾಯಿತೆ ಸತ್ಕಾರ ಮಾಡ್‍ನವ, ಯೇಸುನ ನಂಬ್‍ನಯಿಂಗಕ್ ಸೇವೆ ಮಾಡ್‍ನವ, ಕಷ್ಟತ್‍ಲ್ ಉಳ್ಳಯಿಂಗಕ್ ಸಹಾಯ ಮಾಡ್‍ನವ, ಎಲ್ಲಾ ನಲ್ಲ ಕೆಲಸತ್‍ನ ಎಚ್ಚರತ್‍ಲ್ ಮಾಡ್‍ನವ, ನಲ್ಲ ಕೆಲಸ ಮಾಡ್‍ನವ, ಈ ಎಲ್ಲಾಂಗು ನಲ್ಲ ಪೆದ ಎಡ್‍ತವಳಾಯಿತ್ ಉಳ್ಳವಳ ನೀನ್ ಈ ಕೂಟ್‍ಕ್ ಕೂಟಂಡು.

ಇಬ್ರಿಯ 10:22

ಆನಗುಂಡ್, ದೇವಡ ಪಕ್ಕ, ನೇರಾನ ಹೃದಯ ಉಳ್ಳಯಿಂಗಳಾಯಿತ್, ನಂಬಿಕೇರ ಪೂರ್ತಿ ನಿಶ್ಚಯ ಉಳ್ಳಯಿಂಗಳಾಯಿತ್ ಪೋಕ. ನಂಗಡ ಪಾಳಾಯಿ ಪೋನ ಮನಸಾಕ್ಷಿನ ಕಳೆಂದಿತ್ ಶುದ್ದ ಆಪಕಾಯಿತ್ ಕ್ರಿಸ್ತಂಡ ಚೋರೆನ ತಳಿಚತ್, ಶುದ್ದವಾನ ನೀರ್‌ಲ್ ನಂಗಡ ತಡೀನ ಕತ್ತ್‌ನಯಿಂಗಳಾಯಿತ್ ಪೋಕ.

1 ಯೋಹಾನ 1:7

ಆಚೇಂಗಿ, ದೇವ ಬೊಳಿಲ್ ಉಳ್ಳನೆಕೆ ನಂಗಳು ಬೊಳಿಳ್ ನಡ್ಂದತೇಂಗಿ, ಅಕ್ಕ ನಂಗ ಒಬ್ಬೊಬ್ಬಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಆಪ; ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಚೋರೆ ನಂಗಡ ಸಕಲ ಪಾಪತ್‍ನ ಶುದ್ದ ಮಾಡ್‌ವ.

1 ಯೋಹಾನ 5:6

ಯೇಸು ಕ್ರಿಸ್ತನಾನ ಇಂವೊನೇ ನೀರ್ಂಜಲು ಚೋರೆಯಿಂಜಲು ಬಂದಂವೊ. ನೀರ್ಂಜ ಮಾತ್ರವಲ್ಲ, ನೀರ್ಂಜಲು ಪಿಂಞ ಚೋರೆಯಿಂಜಲು ಬಂದಂವೊ. ಪವಿತ್ರಾತ್ಮನಾನಂವೊನೇ ಇದ್ ಸತ್ಯಾಂದ್ ಸಾಕ್ಷಿ ಕೊಡ್‍ತಂಡುಂಡ್. ಎನ್ನಂಗೆಣ್ಣ್‌ಚೇಂಗಿ ದೇವಡ ಆತ್ಮ ಸತ್ಯವುಳ್ಳಂವೊ.

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,

ಪ್ರಕಟನೆ 7:14

ಅಕ್ಕ ನಾನ್: ಸ್ವಾಮೀ, ನೀಕೇ ಎಲ್ಲಾ ಗೊತ್ತುಂಡ್‍ೕಂದ್ ಎಣ್ಣಿಯೆ. ಅಕ್ಕ ಅಂವೊ: ಈಂಗ ಬಲ್ಯ ಹಿಂಸೆಯಿಂಜ ಬಂದಯಿಂಗ; ಈಂಗ ಅಯಿಂಗಡ ಬಟ್ಟೇನ ಕೊರಿಕುಟ್ಟಿರ ಚೋರೆಲ್ ನೆಲೆಚಿತ್ ಬೊಳ್‍ತದಾಯಿತ್ ಮಾಡ್‍ಚಿ.