ಯೋಹಾನ 13:27 - ಕೊಡವ ಬೈಬಲ್

²⁷ ಯೂದ ಈ ಒಟ್ಟಿನ ಎಡ್‌ತ ಪಿಂಞ, ಅಕ್ಕಣೆ ಸೈತಾನ ಅಂವೊಂಡ ಒಳ್‍ಕ್ ಕೂಡ್‌ಚಿ. ಅಕ್ಕ ಯೇಸು ಅಂವೊನ ನೋಟಿತ್: ನೀನ್ ಎಂತ ಮಾಡಂಡೂಂದ್ ಉಳ್ಳಿಯ ಅದ್‍ನ ಬೆರಿಯ ಮಾಡ್‍ೕಂದ್ ಎಣ್ಣ್‌ಚಿ.

ಯೋಹಾನ 13:27 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:16

ಅಯಿಂಗಡ ಕಾಲ್‌ ಕ್‍ೕಡ್‌ ಮಾಡ್‌ವಕ್‌ ಅವಸರತ್‌ಲ್‌ ಇಪ್ಪ. ಅಯಿಂಗ ಜನಡ ಚೋರೆನ ಚೆಲ್ಲ್‌ವಕ್‌ ಅವಸರ ಪಡುವ.

ಮತ್ತಾಯ 12:45

ಅದ್ ಪೊರಮೆ ಪೋಪಂಜಿ ಅದ್‍ಕಿಂಜ ಮೋಸವಾಯಿತುಳ್ಳ ಇಂಞು ಏಳ್ ಕೂಳಿಯಳ ಕಾಕಿಯಂಡ್ ಬಪ್ಪ. ಅಯಿಂಗೆಲ್ಲಾರು ಆ ಮನೆಲ್ ಪೋಯಿತ್ ವಾಸ ಮಾಡ್‌ವ; ಅಕ್ಕ ಆ ಮನುಷ್ಯ ಮಿಂಞ ಇಂಜಾಂಗಿಂಜ ಪಾಳ್ ಸ್ತಿತಿಲ್ ಇಪ್ಪ; ಇನ್ನನೆ ಈ ಸಂತಾನಕಾರಂಗಕು ಆಪಾಂದ್ ಎಣ್ಣ್‌ಚಿ.

ಮತ್ತಾಯ 4:10

ಅದ್ಂಗ್ ಯೇಸು: ನಾಡ ಬಯ್ಯಕ್ ಪೋ ಸೈತಾನೇ, ನೀಡ ಒಡೆಯನಾನ ದೇವನ ಮಾತ್ರ ಸೇವೆ ಮಾಡಿತ್, ಅಂವೊ ಒಬ್ಬಂಗೇ ಆರಾದನೆ ಮಾಡಂಡೂಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್‍ೕಂದ್ ಎಣ್ಣ್‌ಚಿ.

ಮಾರ್ಕ 6:25

ಆ ಮೂಡಿ ಬೆರಿಯ ರಾಜಂಡ ಪಕ್ಕ ಪೋಯಿತ್ ದೀಕ್ಷಾಸ್ನಾನ ತಪ್ಪ ಯೋಹಾನಂಡ ಮಂಡೆನ ಕೆತ್ತಿತ್ ಇಕ್ಕ ತಳಿಯತ್‍ಲ್ ಬೆಚ್ಚಿತ್ ತಪ್ಪಕ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:3

ಅಕ್ಕ ಸೈತಾನ, ಯೇಸುರ ಪನ್ನೆರಂಡ್ ಶಿಷ್ಯಂಗಡಲ್ಲಿ ಇಸ್ಕರಿಯೋತ ಎಣ್ಣುವ ಯೂದಂಡ ಮೇಲ್‌ಕ್ ಕೂಡ್‍ಚಿ.

ಯೋಹಾನ 13:2

ಆ ಬಯಿಟ್ ಅಯಿಂಗೆಲ್ಲಾರು ಉಂಡಂಡಿಂಜತ್, ಸೀಮೋನಂಡ ಮೋಂವೊನಾನ ಯೂದ ಇಸ್ಕರಿಯೋತಂಗ್, ಯೇಸುನ ಪುಡ್‌ಚಿತ್ ಕೊಡ್‍ಕಂಡೂಂದ್ ಉಳ್ಳ ಗೇನತ್‍ನ ಸೈತಾನ ಅಂವೊಂಡ ಮನಸ್ಸ್‌ಲ್ ಮಿಂಞಲೇ ಇಟ್ಟಿತ್ಂಜತ್.

ಯೋಹಾನ 13:28

ಅಲ್ಲಿ ಉಂಬಕ್ ಇಂಜಯಿಂಗ ದಾರ್‌ಕು, ಯೇಸು ಎನ್ನಂಗ್ ಇನ್ನನೆ ಎಣ್ಣ್‌ಚೀಂದ್ ಅರ್ಥ ಆಯಿತ್‌ಲ್ಲೆ.

ಯೋಹಾನ 6:70

ಅಯಿಂಗಕ್ ಯೇಸು: ಪನ್ನೆರಂಡ್ ಶಿಷ್ಯಂಗಳಾನ ನಿಂಗಳ ನಾನ್ ಗೊತ್ತ್ ಮಾಡ್‍ನ, ಆಚೇಂಗಿ ನಿಂಗಡಲ್ಲಿ ಒಬ್ಬ, ಸೈತಾನಾಯಿತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 5:3

ಅಕ್ಕ ಪೇತ್ರ ಅನನೀಯನ ನೋಟಿತ್: ಅನನೀಯನೇ, ನೀಡ ಜಾಗ ಮಾರ್‌ನ ಪಣತ್‌ಲ್ ಒರು ಪಾಲ್‍ನ ನೀಕ್ ಬೆಚ್ಚಂಡ್, ಪವಿತ್ರಾತ್ಮತ್‍ರ ಪಕ್ಕ ಪೊಟ್ಟ್ ಪರಿಯುವನೆಕೆ, ಸೈತಾನ ನೀಡ ಹೃದಯತ್‍ನ ಪಾಳ್‍ಮ್‌ವಕ್ ಎನ್ನಂಗ್ ಬುಟ್ಟಿಯ?