ಯೋಹಾನ 13:24 - ಕೊಡವ ಬೈಬಲ್

²⁴ ಸೀಮೋನ ಪೇತ್ರ ಅಂವೊನ ನೋಟಿತ್: ದಾಡ ವಿಷಯತ್ ಯೇಸು ತಕ್ಕ್ ಪರಿಯುವಾಂದ್ ಸನ್ನೆ ಕಾಟ್‍ಚಿ.

ಯೋಹಾನ 13:24 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:22

ಜಕರಿಯ ಒಳ್‌ಳಿಂಜ ಪೊರಮೆ ಬಪ್ಪಕ ಅಂವೊಂಗ್ ಅಯಿಂಗಡ ಕೂಡೆ ತಕ್ಕ್ ಪರಿಯುವಕ್ ಕಯಿಂಜಿತ್ತ್‌ಲ್ಲೆ. ಅಂವೊ ಕೈಯಿಲ್ ಸನ್ನೆ ಮಾಡಿ ಕಾಟಿಯಂಡಿಂಜಗುಂಡ್, ಅಂವೊ ದೇವಡ ದರ್ಶನ ಕಂಡಿತಿಕ್ಕೂಂದ್ ಜನಕ್ ಗೊತ್ತಾಚಿ. ಆಚೇಂಗಿ ಅಂವೊ ತಕ್ಕ್ ಪರಿಯುವಕ್ ಕಯ್ಯತೆ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:7

ಅಕ್ಕ, ಪಕ್ಕತ್ ದೋಣಿಲ್ ಇಂಜ ಕೂಟಾಳಿಯಂಗಕ್ ಸನ್ನೆ ಮಾಡಿತ್ ಸಹಾಯ ಮಾಡ್‌ವಕ್ ಕಾಕ್‍ಚಿ. ಅಯಿಂಗ ಎಲ್ಲಾರು ಬಂತ್ ದಂಡ್ ದೋಣಿ ಮುಳ್‌ಗ್‌ವನೆಕೆ ದುಂಬ ಮೀನ್‌ನ ದುಂಬ್‍ಚಿಟ್ಟತ್.

ಯೋಹಾನ 13:23

ಅಕ್ಕ, ಅಂವೊಂಡ ಶಿಷ್ಯಂಗಡ ಕೂಟ್‌ಲ್ ಯೇಸುರ ಮೇಲೆ ದುಂಬ ಪ್ರೀತಿ ಬೆಚ್ಚಿತ್ಂಜ ಒರ್ ಶಿಷ್ಯ ಯೇಸುರ ಎದೆರ ಪಕ್ಕ ಅಳ್‍ತಂಡಿಂಜತ್.

ಯೋಹಾನ 13:25

ಅಕ್ಕ ಆ ಶಿಷ್ಯ ಯೇಸುರ ಎದೆರ ಪಕ್ಕತ್‍ಲ್ ಇಂಜಂಡ್, ದಾರ್ ಒಡೆಯನೇಂದ್ ಕ್‍ೕಟತ್.

ಅಪೊಸ್ತಲ 12:17

ಅಂವೊ ಅಯಿಂಗೆಲ್ಲ ಮುಂಡತೆ ಇಪ್ಪಕಾಯಿತ್ ಕೈಯಿಲ್ ಸನ್ನೆ ಮಾಡಿತ್ ಅಂವೊನ ಒಡೆಯ ಎನ್ನನೆ ಜೈಲ್‍ಯಿಂಜ ಕೊಂಡ್ ಬಾತ್‍ೕಂದ್ ವಿವರವಾಯಿತ್ ಎಣ್ಣಿತ್, ಈ ವಿಷಯತ್‍ನ ಯಾಕೋಬಂಗು ಬೋರೆ ಯೇಸುನ ನಂಬ್‍ನ ದೇವಡ ಮಕ್ಕಕೂ ಅರಿಚಿಡೀಂದ್ ಎಣ್ಣಿತ್, ಅಂವೊ ಪೊರಟಿತ್ ಬೋರೆ ಎಲ್ಲಿಕೊ ಪೋಚಿ.

ಅಪೊಸ್ತಲ 13:16

ಅಕ್ಕ ಪೌಲ: ಎದ್ದಿತ್ ಅಯಿಂಗಕ್ ಕೈ ಸನ್ನೆ ಮಾಡಿತ್, ಇನ್ನನೆ ಎಣ್ಣ್‌ವಕ್ ಸುರು ಮಾಡ್‍ಚಿ. ಇಸ್ರಾಯೇಲ್ ಜನಳೇ, ದೇವನ ಆರಾದನೆ ಮಾಡ್‌ವ ಯೆಹೂದ್ಯ ಅಲ್ಲತ ಜನಳೇ, ಕ್‍ೕಳಿ.

ಅಪೊಸ್ತಲ 21:40

ಅಪ್ಪಣೆ ಕೊಡ್‌ಪಕ ಪೌಲ, ಮೊಟ್ಟ್‌ರ ಮೇಲೆ ನಿಂದಿತ್: ಜನಳ ನೋಟಿತ್, ಅಯಿಂಗ ಮುಂಡತೆ ಇಪ್ಪಕ್ ಕೈ ಸನ್ನೆ ಮಾಡ್‍ಚಿ. ಅಯಿಂಗ ಶಾಂತಿ ಆಪಕ, ಅಯಿಂಗಡ ಕೂಡೆ ಅರಾಮಿಯ ಬಾಷೆಲ್ ತಕ್ಕ್ ಪರಿಯುವಕ್ ಸುರ್ ಮಾಡ್‍ಚಿ.