ಯೋಹಾನ 13:23 - ಕೊಡವ ಬೈಬಲ್

²³ ಅಕ್ಕ, ಅಂವೊಂಡ ಶಿಷ್ಯಂಗಡ ಕೂಟ್‌ಲ್ ಯೇಸುರ ಮೇಲೆ ದುಂಬ ಪ್ರೀತಿ ಬೆಚ್ಚಿತ್ಂಜ ಒರ್ ಶಿಷ್ಯ ಯೇಸುರ ಎದೆರ ಪಕ್ಕ ಅಳ್‍ತಂಡಿಂಜತ್.

ಯೋಹಾನ 13:23 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:22

ಇನ್ನನೆ ಇಪ್ಪಕ ಬಿಕ್ಷೆಕಾರ ಚತ್ತ್ ಪೋಚಿ. ಅಂವೊನ ದೇವದೂತಂಗ ಎಡ್‍ತಂಡ್ ಪೋಯಿತ್ ಅಬ್ರಹಾಮಂಡ ಪಕ್ಕ ಅಳ್‍ಪ್‍ಚಿಟ್ಟತ್. ಪಿಂಞ ಆ ಐಶ್ವರ್ಯವಂತಂವೊನು ಚತ್ತ್ ಪೋಚಿ, ಅಂವೊನ ಪೂತತ್.

ಯೋಹಾನ 1:18

ದಾರೂ ದೇವನ ಒರ್‌ಕಾಲು ಕಂಡಿತ್‌ಲ್ಲೆ, ಅಪ್ಪಂಡ ಎದೇಲ್ ಉಳ್ಳ ದೇವಡ ಪ್ರೀತಿರ ಒರೇ ಮೋಂವೊ ಮಾತ್ರ ನಂಗಕ್ ಅಂವೊನ ಗೊತ್ತ್ ಮಾಡಿ ಕೊಡ್‍ತತ್.

ಯೋಹಾನ 11:3

ಅಕ್ಕ ಮಾರ್ಥ ಮರಿಯ ದಂಡಾಳು ಯೇಸುರ ಪಕ್ಕ ಆಳ್‌ನ ಅಯಿಚಿತ್ ಒಡೆಯನೇ, ನೀಡ ಪ್ರೀತಿರ ಸ್ನೇಹಿತ ಕಾಯಿಲೆಲ್ ಉಂಡ್‍ೕಂದ್ ಎಣ್ಣುವಕ್ ಎಣ್ಣ್‌ಚಿ.

ಯೋಹಾನ 11:36

ಅಕ್ಕ, ಅಲ್ಲಿ ಇಂಜ ಜನ: ಯೇಸುಕ್ ಅಂವೊಂಡ ಮೇಲೆ ಎಚ್ಚಕ್ ಪ್ರೀತಿ ಇಂಜತ್‍ೕಂದ್ ಎಣ್ಣ್‌ಚಿ.

ಯೋಹಾನ 11:5

ಮಾರ್ಥ, ಅವಡ ತಂಗೆ ಪಿಂಞ ಲಾಜರನ ಯೇಸು ದುಂಬ ಪ್ರೀತಿಚಿಡ್‌ವಕಿಂಜತ್.

ಯೋಹಾನ 13:24

ಸೀಮೋನ ಪೇತ್ರ ಅಂವೊನ ನೋಟಿತ್: ದಾಡ ವಿಷಯತ್ ಯೇಸು ತಕ್ಕ್ ಪರಿಯುವಾಂದ್ ಸನ್ನೆ ಕಾಟ್‍ಚಿ.

ಯೋಹಾನ 13:25

ಅಕ್ಕ ಆ ಶಿಷ್ಯ ಯೇಸುರ ಎದೆರ ಪಕ್ಕತ್‍ಲ್ ಇಂಜಂಡ್, ದಾರ್ ಒಡೆಯನೇಂದ್ ಕ್‍ೕಟತ್.

ಯೋಹಾನ 19:26

ಅಕ್ಕ, ಯೇಸು ತಾಂಡ ಅವ್ವ ಪಿಂಞ ಅಂವೊಂಡ ಪ್ರೀತಿರ ಶಿಷ್ಯನ ಕಂಡತ್. ಯೇಸು ಅಂವೊಂಡ ಅವ್ವನ ನೋಟಿತ್: ಅವ್ವ, ನೋಟಿ, ಅಂವೊನೇ ನೀಡ ಮೋಂವೋಂದ್ ಎಣ್ಣ್‌ಚಿ.

ಯೋಹಾನ 20:2

ಅಕ್ಕ ಅವ ಸೀಮೋನ ಪೇತ್ರ ಪಿಂಞ ಯೇಸು ದುಂಬ ಪ್ರೀತಿ ಬೆಚ್ಚಿತ್ಂಜ ಶಿಷ್ಯಂಗಡ ಪಕ್ಕ ಓಡಿ ಪೋಯಿತ್ ನಂಗಡ ಒಡೆಯನ ಗೋರಿಯಿಂಜ ದಾರೋ ಎಡ್‍ತಂಡ್ ಪೋಯಿರ್‌ತ್. ಅಂವೊನ ಎಲ್ಲಿ ಬೆಚ್ಚತ್‍ೕಂದ್ ನಂಗಕ್ ಗೊತ್ತ್‌ಲ್ಲೇಂದ್ ಎಣ್ಣ್‌ಚಿ.

ಯೋಹಾನ 21:20

ಪೇತ್ರ ತಿರಿತ್ ನೋಟ್‍ವಕ, ಯೇಸುರ ಮೇಲೆ ದುಂಬ ಪ್ರೀತಿ ಬೆಚ್ಚಿತ್ಂಜ, ಆಕೀರ್ ಗದ್ದಾಳತ್‍ಲ್ ಯೇಸುರ ಪಕ್ಕ ಅಳ್‌ತಂಡ್, ದೇವಾ ನಿನ್ನ ಪುಡ್‌ಚಿತ್ ಕೊಡ್‍ಪ ಶಿಷ್ಯ ದಾರ್‍ೕಂದ್ ಕ್‍ೕಟ ಶಿಷ್ಯ ಬಪ್ಪಾನ ಕಂಡತ್.

ಯೋಹಾನ 21:24

ಈ ಶಿಷ್ಯನೇ, ಇದ್‍ನೆಲ್ಲಾ ಸಾಕ್ಷಿ ಕೊಡ್‌ತಂಡ್, ಇದ್‍ನೆಲ್ಲಾ ಒಳ್‍ದಿಯತ್. ಅಂವೊ ಒಳ್‍ದ್‍ನೆದೆಲ್ಲಾ ಸತ್ಯಾಂದ್ ನಂಗಕ್ ಗೊತ್ತುಂಡ್.

ಯೋಹಾನ 21:7

ಅಕ್ಕ, ಯೇಸುರ ಮೇಲೆ ದುಂಬ ಪ್ರೀತಿ ಬೆಚ್ಚಿತ್ಂಜ ಶಿಷ್ಯ ಪೇತ್ರನ ನೋಟಿತ್, ಅಂವೊ ಒಡೆಯಾಂದ್ ಎಣ್ಣ್‌ಚಿ. ಆ ಶಿಷ್ಯ ಅದ್ ಒಡೆಯಾಂದ್ ಎಣ್ಣುವಾನ ಕ್‍ೕಪಕ, ಪೇತ್ರ ಅಂವೊಂಡ ಪೊರಮೆ ಇಡ್‌ವ ಬಟ್ಟೇನ ಇಟ್ಟಂಡ್ ನೀರ್‌ಕ್ ಪಾರ್‌ಚಿ. (ಎನ್ನಂಗೆಣ್ಣ್‌ಚೇಂಗಿ, ಕೆಲಸ ಮಾಡ್‌ವಕಾಯಿತ್ ಅಂವೊ ಬಟ್ಟೆ ಇಟ್ಟಂಡಿಲ್ಲೆ).