ಯೋಹಾನ 13:22 - ಕೊಡವ ಬೈಬಲ್

²² ಅಕ್ಕ, ಯೇಸು ದಾಡ ವಿಷಯತ್‍ನ ಇನ್ನನೆ ಎಣ್ಣಿಯಂಡ್ ಉಂಡ್‍ೕಂದ್ ಶಿಷ್ಯಂಗಕ್ ಗೊತ್ತಿಲ್ಲತೆ ಒಬ್ಬೊಬ್ಬಂಡ ಮೂಡ್‍ನ ನೋಟ್‍ವಕಿಂಜತ್.

ಯೋಹಾನ 13:22 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 42:1

ಐಗುಪ್ತ ದೇಶತ್‌ಲ್‌ ಆಹಾರ ದಾನ್ಯ ಉಂಡ್‍ೕಂದ್‌ ಯಾಕೋಬಂಗ್‌ ಗೊತ್ತಾಪಕ, ಅಂವೊ ತಾಂಡ ಮಕ್ಕಕ್: ನಿಂಗ ಎನ್ನಂಗ್‌ ಒಬ್ಬನ ಒಬ್ಬನ ನೋಟಿಯಂಡ್‌ ಉಳ್ಳಿರ.

ಮತ್ತಾಯ 26:21

ಅಕ್ಕ ಅಯಿಂಗೆಲ್ಲಾರು ಅಳ್‌ತಿತ್ ಉಂಬಕಾಪಕ ಯೇಸು: ನಿಂಗಡ ಕೂಟ್‌ಲ್ ಒಬ್ಬ ನನ್ನ ಪುಡ್‌ಚಿತ್ ಕೊಡ್‍ಪಾಂದ್ ನೇರಾಯಿತು ನಾನ್ ಎಣ್ಣ್‌ವೀಂದ್ ಎಣ್ಣ್‌ಚಿ.

ಮತ್ತಾಯ 26:22

ಶಿಷ್ಯಂಗಕ್ ದುಂಬ ಬೇಜಾರಾಯಿತ್ ಒಬ್ಬೊಬ್ಬನು, ನಾನಾ, ನಾನಾಂದ್ ಯೇಸುನ ಕ್‍ೕಟತ್.

ಮಾರ್ಕ 14:18

ಅಯಿಂಗೆಲ್ಲಾರು ಅಳ್‌ತಿತ್ ಉಂಬಕಾಪಕ, ಯೇಸು ಎಣ್ಣ್‌ಚಿ; ನಿಂಗಡ ಕೂಟ್‌ಲ್ ಒಬ್ಬ ನನ್ನ ಪುಡ್‌ಚಿತ್ ಕೊಡ್‍ಪಾಂದ್ ನೇರಾಯಿತು ನಾನ್ ಎಣ್ಣ್‌ವಿ.

ಮಾರ್ಕ 14:19

ಶಿಷ್ಯಂಗಕೆಲ್ಲ ಬೇಜಾರಾಯಿತ್: ಒಬ್ಬೊಬ್ಬನು, ನಾನಾ ನಾನಾಂದ್ ಯೇಸುನ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:21

ಇಕ್ಕ ನೋಟಿ! ನನ್ನ ಕೊಲ್ಲ್‌ವಕ್ ಕಾಟಿ ಕೊಡ್‍ಪಂವೊ ಈ ಕೂಟ್‌ಲ್ ಉಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:23

ಇಂತ ಕೆಲಸ ಮಾಡ್‌ವಂವೊ ನಂಗಡ ಕೂಟ್‌ಲ್ ದಾರಾಯಿತಿಕ್ಕೂಂದ್ ಅಯಿಂಗಯಿಂಗಳೇ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ಯೋಹಾನ 13:18

ನಿಂಗೆಲ್ಲಾಡ ವಿಷಯತ್‍ನ ನಾನ್ ಎಣ್ಣಿತ್‌ಲ್ಲೆ, ನಾನ್ ಗೊತ್ತ್ ಮಾಡ್‍ನಯಿಂಗಳ ನಾಕ್ ಗೊತ್ತುಂಡ್; ಆಚೇಂಗಿಯು, ನಾಡ ಕೂಡೆ ಕೂಳ್ ತಿಂದಂವೊನೇ, ನಾಡ ಮೇಲೆ ಅಂವೊಂಡ ಕಾಲ್‍ರ ಮುಡಿನ ನೇತ್‍ಚೀಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳನೆಕೆ ಇದ್ ಆಚಿ.

ಯೋಹಾನ 13:21

ಇನ್ನನೆಲ್ಲಾ ಯೇಸು ಎಣ್ಣಿತಾನ ಪಿಂಞ, ಯೇಸು ಆತ್ಮತ್‍ಲ್ ದುಂಬ ವ್ಯಸನಪಟ್ಟಿತ್: ನಿಂಗಡ ಕೂಟ್‌ಲ್ ಒಬ್ಬ ನನ್ನ ಪುಡ್‌ಚಿತ್ ಕೊಡ್‍ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.