ಯೋಹಾನ 13:21 - ಕೊಡವ ಬೈಬಲ್

²¹ ಇನ್ನನೆಲ್ಲಾ ಯೇಸು ಎಣ್ಣಿತಾನ ಪಿಂಞ, ಯೇಸು ಆತ್ಮತ್‍ಲ್ ದುಂಬ ವ್ಯಸನಪಟ್ಟಿತ್: ನಿಂಗಡ ಕೂಟ್‌ಲ್ ಒಬ್ಬ ನನ್ನ ಪುಡ್‌ಚಿತ್ ಕೊಡ್‍ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಯೋಹಾನ 13:21 ပူးပေါင်းရင်းမြစ်များ

ಮತ್ತಾಯ 26:21

ಅಕ್ಕ ಅಯಿಂಗೆಲ್ಲಾರು ಅಳ್‌ತಿತ್ ಉಂಬಕಾಪಕ ಯೇಸು: ನಿಂಗಡ ಕೂಟ್‌ಲ್ ಒಬ್ಬ ನನ್ನ ಪುಡ್‌ಚಿತ್ ಕೊಡ್‍ಪಾಂದ್ ನೇರಾಯಿತು ನಾನ್ ಎಣ್ಣ್‌ವೀಂದ್ ಎಣ್ಣ್‌ಚಿ.

ಮತ್ತಾಯ 26:38

ಯೇಸು ಅಯಿಂಗಕ್: ನಾನ್ ಚಾವ್‍ರ ನೊಂಬಲತ್‍ರಚ್ಚಕ್ ನಾಡ ಆತ್ಮ ದುಃಖಪಟ್ಟಂಡುಂಡ್. ನಿಂಗ ಇಲ್ಲೇ ಇಂಜಿತ್ ವರಿಯತೆ ಎಚ್ಚರವಾಯಿತಿರೀಂದ್ ಎಣ್ಣಿತ್,

ಮಾರ್ಕ 14:18

ಅಯಿಂಗೆಲ್ಲಾರು ಅಳ್‌ತಿತ್ ಉಂಬಕಾಪಕ, ಯೇಸು ಎಣ್ಣ್‌ಚಿ; ನಿಂಗಡ ಕೂಟ್‌ಲ್ ಒಬ್ಬ ನನ್ನ ಪುಡ್‌ಚಿತ್ ಕೊಡ್‍ಪಾಂದ್ ನೇರಾಯಿತು ನಾನ್ ಎಣ್ಣ್‌ವಿ.

ಮಾರ್ಕ 3:5

ಸುತ್ತ್‌ಮುತ್ತ್ ನೋಟಿತ್ ಯೇಸುಕ್ ಚೆಡಿ ಬಾತ್, ಅದೇ ಸಮಯತ್‍ಲ್ ಅಯಿಂಗಡ ಕಠಿಣ ಹೃದಯತ್‍ನ ಕಂಡಿತ್ ಯೇಸುಕ್ ಬೇಜಾರ್ ಆಚಿ. ಯೇಸು ಆ ಮನುಷ್ಯಂಗ್, ನೀಡ ಕೈಯಿನ ನೀಟ್‍ೕಂದ್ ಎಣ್ಣ್‌ಚಿ, ಅಂವೊ ಕೈ ನೀಟ್‌ಚಿ, ಅಂವೊಂಡ ಕೈ ಪೂರ್ತಿ ವಾಸಿಯಾಚಿ.

ಯೋಹಾನ 11:33

ಅವ ಮೊರಟಂಡ್ ಉಳ್ಳದ್‍ನ ಪಿಂಞ ಅವಡ ಕೂಡೆ ಉಳ್ಳಯಿಂಗ ಮೊರಟಂಡ್ ಉಳ್ಳದ್‍ನ ಯೇಸು ಕಾಂಬಕ, ಅಂವೊಂಡ ಆತ್ಮತ್‍ಲ್ ದುಂಬ ವ್ಯಸನಪಟ್ಟಿತ್, ಅಂವೊಂಗ್ ದುಂಬ ದುಃಖ ಆಯಿಪೋಚಿ:

ಯೋಹಾನ 11:35

ಅಲ್ಲಿ ಯೇಸು ಮೊರಟತ್.

ಯೋಹಾನ 11:38

ಯೇಸು ಇಂಞು ದುಂಬ ದುಃಖತ್‍ಲ್, ಗೋರಿರ ಪಕ್ಕ ಪೋಚಿ, ಅದ್ ಒರ್ ಗುವೆ ಆಯಿತ್ಂಜತ್. ಅದ್ಂಡ ಬಾಯಿನ ಒರ್ ಕಲ್ಲ್ ಬೆಚ್ಚಿತ್ ಮುಚ್ಚಿತ್ಂಜತ್.

ಯೋಹಾನ 12:27

ಇಕ್ಕ ನಾನ್ ಎಂತ ಎಣ್ಣಡ್? ನಾಡ ಆತ್ಮ ನೊಂಬಲತ್‍ಲ್ ಉಂಡ್. ಅಪ್ಪ! ನನ್ನ ಈ ಕಷ್ಟತ್‍ರ ಸಮಯತ್ಂಜ ಕಾಪಾಡ್‍ೕಂದ್ ಕ್‍ೕಪದಾ? ಆಚೇಂಗಿ, ಇದ್ಂಗಾಯಿತೇ ನಾನ್ ಬಂದಿಯೆ.

ಯೋಹಾನ 13:18

ನಿಂಗೆಲ್ಲಾಡ ವಿಷಯತ್‍ನ ನಾನ್ ಎಣ್ಣಿತ್‌ಲ್ಲೆ, ನಾನ್ ಗೊತ್ತ್ ಮಾಡ್‍ನಯಿಂಗಳ ನಾಕ್ ಗೊತ್ತುಂಡ್; ಆಚೇಂಗಿಯು, ನಾಡ ಕೂಡೆ ಕೂಳ್ ತಿಂದಂವೊನೇ, ನಾಡ ಮೇಲೆ ಅಂವೊಂಡ ಕಾಲ್‍ರ ಮುಡಿನ ನೇತ್‍ಚೀಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳನೆಕೆ ಇದ್ ಆಚಿ.

ಯೋಹಾನ 13:2

ಆ ಬಯಿಟ್ ಅಯಿಂಗೆಲ್ಲಾರು ಉಂಡಂಡಿಂಜತ್, ಸೀಮೋನಂಡ ಮೋಂವೊನಾನ ಯೂದ ಇಸ್ಕರಿಯೋತಂಗ್, ಯೇಸುನ ಪುಡ್‌ಚಿತ್ ಕೊಡ್‍ಕಂಡೂಂದ್ ಉಳ್ಳ ಗೇನತ್‍ನ ಸೈತಾನ ಅಂವೊಂಡ ಮನಸ್ಸ್‌ಲ್ ಮಿಂಞಲೇ ಇಟ್ಟಿತ್ಂಜತ್.

ಯೋಹಾನ 13:22

ಅಕ್ಕ, ಯೇಸು ದಾಡ ವಿಷಯತ್‍ನ ಇನ್ನನೆ ಎಣ್ಣಿಯಂಡ್ ಉಂಡ್‍ೕಂದ್ ಶಿಷ್ಯಂಗಕ್ ಗೊತ್ತಿಲ್ಲತೆ ಒಬ್ಬೊಬ್ಬಂಡ ಮೂಡ್‍ನ ನೋಟ್‍ವಕಿಂಜತ್.

ಅಪೊಸ್ತಲ 17:16

ಪೌಲ ಅಯಿಂಗಕಾಯಿತ್ ಅಥೇನೆ ಪಟ್ಟಣತ್‍ಲ್ ಪಾರಕಾತಂಡ್ ಇಪ್ಪಕ, ಆ ಪಟ್ಟಣತ್‍ಲ್ ಎಲ್ಲಿ ನೋಟ್‍ಚೇಂಗಿಯು ವಿಗ್ರಹ ದುಂಬಿತ್ ಉಳ್ಳಾನ ಕಂಡಿತ್, ಅಂವೊಂಡ ಆತ್ಮಕ್ ಸಮಾದಾನ ಇಲ್ಲತನೆಕೆ ಬೇಜಾರ್ ಆಚಿ.

1 ಯೋಹಾನ 2:19

ಈ ಜನ ನಂಗಡ ಕೂಡೆ ಐಕ್ಯ ಉಳ್ಳಯಿಂಗಳಾಯಿತ್ ಇಂಜಿತಿಲ್ಲೆ, ಅದ್ಂಗೇ ಅಯಿಂಗ ನಂಗಳ ಬುಟ್ಟಿತ್ ಪೋಚಿ. ಅಯಿಂಗ ನಂಗಡ ಜನಾಂಗಾಯಿತ್ ಇಂಜಿತೇಂಗಿ ಅಯಿಂಗ ನಂಗಡ ಕೂಡೆ ಇಪ್ಪಕಿಂಜತ್. ಆಚೇಂಗಿ ಅಯಿಂಗ ನಂಗಳ ಬುಟ್ಟಿತ್ ಪೋನಗುಂಡ್, ಒಬ್ಬ ಕೂಡೆ ನಂಗಡ ಜನ ಇಲ್ಲೇಂದ್ ಗೊತ್ತಾಚಿ.