ಯೋಹಾನ 13:11 - ಕೊಡವ ಬೈಬಲ್

¹¹ (ಯೇಸುಕ್ ಅಂವೊನ ದಾರ್ ಪುಡ್‌ಚಿತ್ ಕೊಡ್‍ಪಾಂದ್ ಗೊತ್ತ್ಂಜಗುಂಡ್, ಒಬ್ಬನ ಬುಟ್ಟಿತ್ ಎಲ್ಲಾರು ಶುದ್ದ ಆಯಿತುಳ್ಳಿರಾಂದ್ ಎಣ್ಣ್‌ಚಿ).

ಯೋಹಾನ 13:11 ပူးပေါင်းရင်းမြစ်များ

ಯೋಹಾನ 13:18

ನಿಂಗೆಲ್ಲಾಡ ವಿಷಯತ್‍ನ ನಾನ್ ಎಣ್ಣಿತ್‌ಲ್ಲೆ, ನಾನ್ ಗೊತ್ತ್ ಮಾಡ್‍ನಯಿಂಗಳ ನಾಕ್ ಗೊತ್ತುಂಡ್; ಆಚೇಂಗಿಯು, ನಾಡ ಕೂಡೆ ಕೂಳ್ ತಿಂದಂವೊನೇ, ನಾಡ ಮೇಲೆ ಅಂವೊಂಡ ಕಾಲ್‍ರ ಮುಡಿನ ನೇತ್‍ಚೀಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳನೆಕೆ ಇದ್ ಆಚಿ.

ಯೋಹಾನ 13:2

ಆ ಬಯಿಟ್ ಅಯಿಂಗೆಲ್ಲಾರು ಉಂಡಂಡಿಂಜತ್, ಸೀಮೋನಂಡ ಮೋಂವೊನಾನ ಯೂದ ಇಸ್ಕರಿಯೋತಂಗ್, ಯೇಸುನ ಪುಡ್‌ಚಿತ್ ಕೊಡ್‍ಕಂಡೂಂದ್ ಉಳ್ಳ ಗೇನತ್‍ನ ಸೈತಾನ ಅಂವೊಂಡ ಮನಸ್ಸ್‌ಲ್ ಮಿಂಞಲೇ ಇಟ್ಟಿತ್ಂಜತ್.

ಯೋಹಾನ 13:21

ಇನ್ನನೆಲ್ಲಾ ಯೇಸು ಎಣ್ಣಿತಾನ ಪಿಂಞ, ಯೇಸು ಆತ್ಮತ್‍ಲ್ ದುಂಬ ವ್ಯಸನಪಟ್ಟಿತ್: ನಿಂಗಡ ಕೂಟ್‌ಲ್ ಒಬ್ಬ ನನ್ನ ಪುಡ್‌ಚಿತ್ ಕೊಡ್‍ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಯೋಹಾನ 13:26

ಯೇಸು ಅಂವೊಂಗ್: ನಾನ್ ಈ ಒಟ್ಟಿನ ಮುಕ್ಕಿತ್ ದಾರ್‌ಕ್ ಕೊಡ್‍ಪಿ, ಅಂವೊನೇಂದ್ ಎಣ್ಣಿತ್, ಚೂರ್ ಒಟ್ಟಿನ ರಸತ್‍ಲ್ ಮುಕ್ಕುವಂಜಿ ಸೀಮೋನಂಡ ಮೋಂವೊನಾನ ಯೂದ ಇಸ್ಕರಿಯೋತಂಗ್ ಕೊಡ್‍ತತ್.

ಯೋಹಾನ 17:12

ನಾನ್ ಈಂಗಡ ಕೂಡೆ ಇಪ್ಪಕಾಪಕ, ನೀನ್ ನಾಕ್ ತಂದಿತುಳ್ಳ ನೀಡ ಪೆದತ್‍ರ ಅದಿಕಾರತ್‍ಲ್ ಈಂಗಳ ಕಪಾಡಿಯಂಡ್ ಬಂದಿಯೆ; ನೀನ್ ನಾಕ್ ತಂದಯಿಂಗಳ ನಾನ್ ಕಾಪಾಡಿಯಂಡ್ ಬಂದಿಯೆ. ದೇವಡ ವಾಕ್ಯತ್‍ಲ್ ಎಣ್ಣ್‌ನದ್ ಪೂರ್ತಿ ಆಪನೆಕೆ ನಾಶ ಆಪಕ್ ಗುರಿ ಬೆಚ್ಚಿತ್ಂಜ ಒಬ್ಬನ ಬುಟ್ಟಿತ್ ಈಂಗಡ ಕೂಟ್‌ಲ್ ದಾರೂ ನಾಶ ಆಯಿತ್‌ಲ್ಲೆ.

ಯೋಹಾನ 18:4

ಯೇಸು ಅಂವೊಂಗ್ ಎಂತೆಲ್ಲಾ ಆಪಾಂದ್ ಗೊತ್ತಾಯಿತ್, ಅಯಿಂಗಡ ಮಿಂಞಕ್ ಪೋಯಿತ್, ನಿಂಗ ದಾರ್‌ನ ನೋಟಿಯಂಡ್ ಉಳ್ಳಿರಾಂದ್ ಕ್‍ೕಟತ್.

ಯೋಹಾನ 2:25

ಮನುಷ್ಯಂಗಡ ಹೃದಯತ್‍ಲ್ ಉಳ್ಳದ್ ಅಂವೊಂಗ್ ಗೊತ್ತುಳ್ಳಗುಂಡ್, ಮನುಷ್ಯಂಗಡ ವಿಷಯತ್ ದಾರೂ ಅಂವೊಂಗ್ ಸಾಕ್ಷಿ ಕೊಡ್‍ಪಕ್ ಅವಸ್ಯ ಇಂಜಿತ್‌ಲ್ಲೆ.