ಯೋಹಾನ 12:50 - ಕೊಡವ ಬೈಬಲ್

⁵⁰ ಅಂವೊಂಡ ಆಜ್ಞೆ ನಿತ್ಯ ಜೀವತ್‍ನ ತಪ್ಪಾಂದ್ ನಾಕ್ ಗೊತ್ತುಂಡ್. ಆನಗುಂಡ್, ನಾಡ ಅಪ್ಪ ನಾಕ್ ಎಣ್ಣ್‌ನನೆಕೆ ನಾನ್ ತಕ್ಕ್ ಪರ್ಂದಂಡುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 12:50 ပူးပေါင်းရင်းမြစ်များ

ಯೋಹಾನ 17:3

ಸತ್ಯ ದೇವನಾಯಿತುಳ್ಳ ನೀನ್ ಒಬ್ಬನ ಪಿಂಞ ನೀನ್ ಅಯಿಚ ಯೇಸು ಕ್ರಿಸ್ತನ ಗೊತ್ತಾಪದೇ ನಿತ್ಯ ಜೀವ.

ಯೋಹಾನ 20:31

ಯೇಸು ದೇವಡ ಮೋಂವೊನಾನ ಕ್ರಿಸ್ತಾಂದ್ ನಿಂಗ ನಂಬುವಕಾಯಿತ್ ಪಿಂಞ ಅಂವೊನ ನಂಬುವಗುಂಡ್, ಅಂವೊಂಡ ಪೆದತ್‍ಲ್ ನಿಂಗಕ್ ನಿತ್ಯ ಜೀವ ಕ್‍ಟ್ಟುವಕಾಯಿತ್ ಇದ್‍ನೆಲ್ಲ ಒಳ್‍ದಿತುಂಡ್.

ಯೋಹಾನ 5:19

ಅಕ್ಕ ಯೇಸು ಅಯಿಂಗಕ್ ಇನ್ನನೆ ವಿವರಿಚಿಟ್ಟತ್: ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ, ಅಪ್ಪನಾನ ದೇವ ಮಾಡ್‌ವಾನ ಕಾಂಬದ್‍ನ ಬುಟ್ಟಿತ್, ಮೋಂವೊ ಬೋರೆ ಏದು ತಾಂಡ ಸ್ವಂತವಾಯಿತ್ ಮಾಡುಲೆ. ಎನ್ನಂಗೆಣ್ಣ್‌ಚೇಂಗಿ, ಅಪ್ಪನಾನ ದೇವ ಎಂತ ಮಾಡ್‌ವೋ, ಅದ್‍ನ ಮೋಂವೊನು ಅನ್ನನೆ ಮಾಡ್‌ವ.

ಯೋಹಾನ 6:63

ಪವಿತ್ರಾತ್ಮ ಒಬ್ಬನೇ ಜೀವ ತಪ್ಪಂವೊ, ಮನುಷ್ಯಂಗಕ್ ಜೀವ ತಪ್ಪಕ್ ಕಯ್ಯುಲೆ. ನಾನ್ ನಿಂಗಕ್ ಎಣ್ಣ್‌ನ ಬೋದನೆ, ಪವಿತ್ರಾತ್ಮತ್‍ರ ಪಿಂಞ ಜೀವ ತಪ್ಪ ವಾಕ್ಯತ್‍ರದಾಯಿತುಂಡ್.

ಯೋಹಾನ 6:68

ಅಕ್ಕ ಸೀಮೋನ ಪೇತ್ರ: ಒಡೆಯನೇ, ನಿನ್ನ ಬುಟ್ಟಿತ್ ನಂಗ ದಾಡ ಪಕ್ಕ ಪೋಪೊ? ನೀಡ ಪಕ್ಕ ನಿತ್ಯ ಜೀವತ್‍ರ ವಾಕ್ಯ ಉಂಡಲ್ಲಾ?

ಯೋಹಾನ 8:28

ಆನಗುಂಡ್, ಯೇಸು ಪುನಃ ಅಯಿಂಗಕ್: ನಿಂಗ ಮನುಷ್ಯಕುಮಾರನ ಕೊಡಿಕ್ ನೇತ್‍ವಕ, ನಾನೇ ಅಂವೋಂದ್ ನಿಂಗಕ್ ಗೊತ್ತಾಪ. ನಾನ್ ನಾಡ ಇಷ್ಟ ಪ್ರಕಾರ ಏದು ಮಾಡತೆ, ನಾಡ ಅಪ್ಪನಾನ ದೇವ ನಾಕ್ ಎಂತದ್‍ನ ಬೋದನೆ ಮಾಡ್‍ಚೋ ಅದ್‍ನೇ ನಾನ್ ಎಣ್ಣಿಯೇಂದ್ ಅಕ್ಕ ನಿಂಗಕ್ ಗೊತ್ತಾಪ.

1 ತಿಮೊಥೆಯ 1:16

ನಾನ್ ಪಾಪಿಯಂಗಡಲ್ಲಿ ಬಲ್ಯ ಪಾಪಿಯಾಯಿತ್ ಇಂಜತೇಂಗಿಯು, ಯೇಸು ಕ್ರಿಸ್ತ ಅಂವೊಂಡ ದುಂಬ್‍ನ ತಾಳ್ಮೆನ ಕಾಂಬ್‍ಚಿಡುವಕಾಯಿತ್, ನಾಡ ಮೇಲೆ ಕರುಣೆ ಕಾಟ್‍ಚಿ. ಅನ್ನನೆ ಅಂವೊ ಎನ್ನಂಗ್ ಮಾಡ್‍ಚಿ ಎಣ್ಣ್‌ಚೇಂಗಿ, ನಿತ್ಯ ಜೀವ ಕ್‍ಟ್ಟ್‌ವಕ್, ಯೇಸು ಕ್ರಿಸ್ತಂಡ ಮೇಲೆ ಇಂಞು ಮಿಂಞಕ್ ಅಂವೊಂಡ ನಂಬಿಕೆ ಬೆಪ್ಪ ಜನಕ್ ನಾನ್ ಒರ್ ಉದಾರಣೆಯಾಯಿತ್ ಇಪ್ಪೀಂದ್ ಮಾಡ್‍ಚಿ.

1 ಯೋಹಾನ 2:25

ಈ ಐಕ್ಯವೇ ಕ್ರಿಸ್ತ ನಿಂಗಕ್ ತಪ್ಪೀಂದ್ ವಾಗ್ದಾನ ಮಾಡ್‍ನ ನಿತ್ಯ ಜೀವ.

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.