ಯೋಹಾನ 12:5 - ಕೊಡವ ಬೈಬಲ್

⁵ ಇದ್‍ನ ನೋಟಿತ್: ಈ ತೈಲತ್‌ನ ಒರ್ ಕಾಲತ್‍ರ ಸಂಬಳತ್‍ರ ಉರ್‍ಪಿಯಕ್ ಮಾರ್‍ವಕ್ ಕಯಿಂಜಿತ್‌ಲ್ಲೆಯಾ? ಮಾರಿತ್ ಆ ದುಡ್ಡ್‌ನ ಗರೀಬಂಗಕ್ ಕೊಡ್‍ಪಕ್ ಕಯಿಂಜಿತಿಲ್ಲೆಯಾಂದ್ ಎಣ್ಣ್‌ಚಿ.

ಯೋಹಾನ 12:5 ပူးပေါင်းရင်းမြစ်များ

ಮತ್ತಾಯ 18:28

ಆ ಮನುಷ್ಯ ಪೊರಮೆ ಪೋಚಿ. ಆ ರಾಜಂಡ ಬೋರೆ ಒರ್ ಆಳ್, ಇಂವೊಂಡ ಪಕ್ಕ ನೂರ್ ಬೊಳ್ಳಿರ ಸಾಲ ಮಾಡಿತ್ಂಜತ್. ಈ ಮನುಷ್ಯ ಅಂವೊನ ಪುಡ್‌ಚಿತ್ ಬಲಿಪಂಜಿ, ಅಂವೊಂಗ್ ಪೊಜ್ಜಿತ್, ಅಂವೊಂಡ ತೊಂಡೆನ ಪುಡ್‍ಚತ್. ನೀನ್ ನಾಕ್ ತಪ್ಪಕುಳ್ಳ ದುಡ್ಡ್‌ನ ಇಕ್ಕಲೆ ತಾಂದ್ ಕ್‍ೕಟತ್.

ಮತ್ತಾಯ 20:2

ಅಂವೊ ಅಯಿಂಗಕ್ ಒರ್ ದಿವಸತ್‍ರ ಕೂಲಿಯಾಯಿತ್ ಒರ್ ಬೊಳ್ಳಿರ ನಾಣ್ಯತ್‍ನ ತಪ್ಪೀಂದ್ ಎಣ್ಣಿತ್ ಕೆಲಸಕ್ ಕಾಕಿಯಂಡ್ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:33

ನಿಂಗಡ ಪಕ್ಕ ಉಳ್ಳ ಐಶ್ವರ್ಯತ್‍ನ ಮಾರಿತ್, ಬಂದ ಪಣತ್‍ನ ಗರೀಬಂಗಕ್ ದಾನಮಾಡಿ, ಇದ್ ನಿಂಗಕ್ ಪರಲೋಕತ್‍ಲ್ ಆಸ್ತಿ ಕೂಟಿ ಬೆಚ್ಚನೆಕೆ. ಪರಲೋಕತ್‍ಲ್ ಉಳ್ಳ ಪಣಚೀಲಕ್ ತೂತ ಇಲ್ಲೆ. ಅಲ್ಲಿ ಉಳ್ಳ ನಿಂಗಡ ಐಶ್ವರ್ಯತ್‍ನ ಕಳ್ಳಂಗ ಕಟ್ಟಂಡ್ ಪೋಪದು ಇಲ್ಲೆ, ಪುಳು ತಿಂಬದು ಇಲ್ಲೆ. ಅದ್ ಬದ್ರವಾಯಿತ್ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:22

ಯೇಸು ಇದ್‍ನೆಲ್ಲ ಕ್‍ೕಪದು: ಇಂಞು ಒಂದ್ ನೀನ್ ಮಾಡ್‌ವಕುಂಡ್. ನೀಡ ಪಕ್ಕ ಉಳ್ಳದ್‍ನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:41

ನೀಡ ಕಣ್ಣ್‌ಲ್ ಉಳ್ಳ ಮರ ಪಾರ್‍ನ ನೋಟತೆ, ನೀಡ ಅಣ್ಣತಮ್ಮಣಂಡ ಕಣ್ಣ್‌ಳ್ ಉಳ್ಳ ದೂಳ್‍ನ ಎನ್ನಂಗ್ ನೋಟ್‍ವಿಯ?

ಯೋಹಾನ 12:4

ಬಯ್ಯಕ್ ಯೇಸುನ ಕೊಲ್ಲ್‌ವಕಾಯಿತ್ ಪುಡ್‌ಚಿತ್ ಕೊಡ್‍ಪ ಅಂವೊಂಡ ಶಿಷ್ಯನಾನ ಯೂದ ಇಸ್ಕರಿಯೋತ,

ಯೋಹಾನ 12:6

ಅಂವೊ, ನೇರಾಯಿತು ಗರೀಬಂಗಡ ಮೇಲೆ ಕನಿಕರ ಇಂಜಗುಂಡ್ ಅನ್ನನೆ ಎಣ್ಣಿತ್‌ಲ್ಲೆ. ಅಂವೊ ಕಳ್ಳನಾಯಿತ್ ಇಂಜತ್. ದುಡ್ಡ್‌ರ ಚೀಲ ಅಂವೊಂಡ ಪಕ್ಕ ಇಂಜತ್, ಅಲ್ಲಿಂಜ ಅಂವೊ ಎಡ್‍ಪಕಿಂಜತ್.

ಯೋಹಾನ 13:29

ಯೂದಂಡ ಕೈಯಿಲ್ ಪಣತ್‍ರ ಚೀಲ ಇಂಜಗುಂಡ್, ಅಂವೊ ಪೋಯಿತ್ ನಮ್ಮೆಕ್ ಎಂತಾಚು ಎಡ್‍ತಂಡ್ ಬಪ್ಪಕಾಯಿತ್, ಇಲ್ಲೇಂಗಿ, ಗರೀಬಂಗಕ್ ಎಂತಾಚು ಕೊಡ್‍ಪಕ್ ಯೇಸು ಪರ್ಂದಿತ್ ಇಕ್ಕೂಂದ್ ಯೇಸುರ ಶಿಷ್ಯಂಗ ಗೇನ ಮಾಡ್‍ಚಿ.

ಯೋಹಾನ 6:7

ಅದ್ಂಗ್ ಫಿಲಿಪ್ಪ: ಈಂಗ ಎಲ್ಲಾರ್‌ಕು ಚೆನ್ನ ಚೆನ್ನ ಕ್‍ಟ್ಟಂಡೂಂದೂ ಎಣ್ಣ್‌ಚೇಂಗಿಯು, ಇನ್ನೂರ್ ಬೊಳ್ಳಿರ ಪಣತ್‍ನ ಕೊಡ್‌ತಿತ್ ಒಟ್ಟಿನ ಎಡ್‍ತತೇಂಗಿಯು ಮದಿ ಆಪುಲ್ಲೆಲ್ಲಾಂದ್ ಜವಾಬ್ ಕೊಡ್‍ತತ್.