ಯೋಹಾನ 12:47 - ಕೊಡವ ಬೈಬಲ್

⁴⁷ ಒಬ್ಬ ನಾಡ ತಕ್ಕ್‌ನ ಕ್‍ೕಟಿತ್ ಅದ್‍ನ ನಂಬತೆ ಪೋನಕ, ಅಂವೊನ ನಾನ್ ನ್ಯಾಯತೀರ್ಪ್ ಮಾಡುಲೆ, ನಾನ್ ಈ ಲೋಕಕ್ ನ್ಯಾಯತೀರ್ಪ್ ಕೊಡ್‍ಪಕಾಯಿತ್ ಬಂದಿತ್‌ಲ್ಲೆ, ಅದ್‍ನ ಕಾಪಾಡ್‌ವಕಾಯಿತೇ ಬಂದಿಯೆ.

ಯೋಹಾನ 12:47 ပူးပေါင်းရင်းမြစ်များ

ಮತ್ತಾಯ 18:10

ಈ ಚೆರಿಯಯಿಂಗಡಡೆಲ್ ಒಬ್ಬನನೂ ಕಮ್ಮಿಯಾಯಿತ್ ನೋಟತೆ ಇಪ್ಪಕ್ ಎಚ್ಚರತ್‍ಲ್ ಇರಿ. ಅಯಿಂಗಡ ದೇವದೂತಂಗ ನಾಡ ಪರಲೋಕತುಲುಳ್ಳ ಅಪ್ಪಂಡ ಮೂಡ್‍ನ ಎಕ್ಕಲೂ ಅಯಿಂಗಕಾಯಿತ್ ನೋಟಿಯಂಡ್ ಇಪ್ಪ.

ಮತ್ತಾಯ 18:11

ಪಾಪತ್‍ರಗುಂಡ್ ದೇವಡಯಿಂಜ ಕಳೆಂದ್ ಪೋನ ಜನಳ ಕಾಪಾಡ್‌ವಕಾಯಿತ್ ಮನುಷ್ಯಕುಮಾರ ಬಾತ್.

ಮತ್ತಾಯ 20:28

ಅನ್ನನೆ, ಮನುಷ್ಯಕುಮಾರ ಸಹ ಬೋರೆಯಿಂಗಡಿಂಜ ಸೇವೆ ಮಾಡ್‌ಚಿಟ್ಟ್‌ವಕಾಯಿತ್ ಬಂದಿತ್ತ್‌ಲ್ಲೆ. ಆಚೇಂಗಿ ಸೇವೆ ಮಾಡ್‌ವಕಾಯಿತು, ದುಂಬ ಜನಳ ಬುಡ್‍ಗಡೆ ಮಾಡ್‌ವಕ್ ತಾಂಡ ಜೀವತ್‍ನ ಕೊಡ್‍ಪಕಾಯಿತು ಬಂದಿಯೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:10

ಪಾಳಾಯಿ ಪೋನದ್‍ನ ತ್‍ೕಡ್‍ವಕು ಅದ್‍ನ ಕಾಪಾಡ್‌ವಕು ಮನುಷ್ಯಕುಮಾರ ಬಾತ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:56

ಮನುಷ್ಯಕುಮಾರ ಮನುಷ್ಯಂಗಡ ಜೀವತ್‍ನ ಪಾಳ್ ಮಾಡ್‌ವಕ್ ಅಲ್ಲ, ರಕ್ಷಣೆ ಮಾಡ್‌ವಕ್ ಬಾತ್‍ೕಂದ್ ಎಣ್ಣ್‌ಚಿ. ಅಲ್ಲಿಂಜ ಬೋರೆ ಊರ್‌ಕ್ ಅಯಿಂಗ ಪೋಚಿ.

ಯೋಹಾನ 12:48

ನನ್ನ ಅಲ್ಲಗೆಳೆದಿತ್, ನಾಡ ವಾಕ್ಯತ್‍ನ ಸ್ವೀಕಾರ ಮಾಡತಯಿಂಗಳ ನಾನ್ ನ್ಯಾಯತೀರ್ಪ್ ಮಾಡುಲೆ, ನಾನ್ ಎಣ್ಣ್‌ನ ದೇವಡ ವಾಕ್ಯವೇ ಆಕೀರ್ ದಿವಸತ್‍ಲ್ ಅಂವೊನ ನ್ಯಾಯತೀರ್ಪ್ ಮಾಡ್‌ವ.

ಯೋಹಾನ 3:17

ಈ ಲೋಕತ್‍ಲ್ ಉಳ್ಳ ಜನಳ ತೀರ್ಪ್ ಮಾಡ್‌ವಕಾಯಿತ್ ದೇವ ತಾಂಡ ಮೋಂವೊನ ಅಯಿಚಿತ್ತ್‌ಲ್ಲೆ, ಆಚೇಂಗಿ ಅಂವೊಂಡ ಮೂಲಕ ಲೋಕತ್‍ಲ್ ಉಳ್ಳ ಜನಳ ರಕ್ಷಣೆ ಮಾಡ್‌ವಕಾಯಿತೇ ಅಯಿಚತ್.

ಯೋಹಾನ 5:45

ಅಪ್ಪನಾನ ದೇವಡ ಮಿಂಞತ್‍ಲ್ ನಿಂಗಡ ವಿಷಯತ್ ನಾನ್ ಕುತ್ತ ಪರಿಯುವೀಂದ್ ಗೇನ ಮಾಡತಿ; ನಿಂಗ ನಂಬುವ ಮೋಶೆನೇ ನಿಂಗಡ ಮೇಲೆ ಕುತ್ತ ಪರಿಯುವ.

ಯೋಹಾನ 8:26

ನಿಂಗಡ ವಿಷಯತ್ ಎಣ್ಣುವಕು, ನಿಂಗಡ ಮೇಲೆ ಕಂಡನೆ ಮಾಡ್‌ವಕು ನಾಕ್ ದುಂಬ ವಿಷಯ ಉಂಡ್. ನನ್ನ ಅಯಿಚಂವೊ ಸತ್ಯವಂತಂವೊ, ನಾನ್ ಅಂವೊಂಡಿಂಜ ಕ್‍ೕಟದ್‍ನೆಲ್ಲ ಈ ಲೋಕಕ್ ಎಣ್ಣಿಯಂಡ್ ಉಳ್ಳ್‌ಂದ್ ಎಣ್ಣ್‌ಚಿ.

2 ಪೇತ್ರ 3:15

ನಂಗಡ ಒಡೆಯಂಡ ಬಲ್ಯ ತಾಳ್ಮೆನ, ಜನ ರಕ್ಷಣೆ ಆಪಕಾಯಿತ್‍ೕಂದ್ ಗೇನ ಮಾಡಂಡು; ನಂಗಡ ಪ್ರೀತಿರ ಅಣ್ಣ ಪೌಲನು, ದೇವ ಅಂವೊಂಗ್ ಕೊಡ್‍ತ ಜ್ಞಾನತ್‍ರನೆಕೆ, ಇನ್ನನೆ ನಿಂಗಕ್ ಒಳ್‍ದಿತುಂಡ್.

1 ಯೋಹಾನ 4:14

ದೇವ ತಾಂಡ ಮೋಂವೊನ ಲೋಕತ್‍ನ ಕಾಪಾಡ್‌ವಕಾಯಿತ್ ಅಯಿಚತ್. ಇದ್‍ನ ನಂಗ ನೋಟಿತ್ ಅದ್ಂಡ ವಿಷಯತ್ ನಿಂಗಕ್ ಇಕ್ಕ ಸಾಕ್ಷಿ ಕೊಡ್‍ಪ.