ಯೋಹಾನ 12:37 - ಕೊಡವ ಬೈಬಲ್

³⁷ ಯೇಸು ಇಚ್ಚಕೆಲ್ಲಾ ಅದ್ಬುತ ಕಾರ್ಯ ಈಂಗಡ ಮಿಂಞತ್‍ಲ್ ಮಾಡಿತಿಂಜತೇಂಗಿಯು, ಜನ ಅಂವೊನ ನಂಬುವಕಿಂಜಿಲೆ.

ಯೋಹಾನ 12:37 ပူးပေါင်းရင်းမြစ်များ

ಮತ್ತಾಯ 11:20

ಯೇಸು ವಾಸ ಮಾಡಿಯಂಡಿಂಜ ಪಟ್ಟಣತ್‍ರ ಜನ ಅಂವೊ ಮಾಡ್‍ನ ದುಂಬ ಅದ್ಬುತ ಕಾರ್ಯತ್‍ನ ಕಂಡತೇಂಗಿಯು, ಅಯಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ಬಂದಿತ್‌ಲ್ಲೆ. ಆನಗುಂಡ್ ಯೇಸು ಆ ಜನಕ್ ಗದರಿಚಿಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:31

ಅದ್ಂಗ್ ಅಬ್ರಹಾಮ, ಮೋಶೆ ಪಿಂಞ ಪ್ರವಾದಿಯಂಗ ಎಣ್ಣ್‌ವಾನ ಅಯಿಂಗ ನಂಬತೆಪೋನಕ, ಚತ್ತಂವೊ ಒಬ್ಬ ಎದ್ದಿತ್ ಬಂದಿತ್ ಎಣ್ಣ್‌ವಾನ ಸಹ ಅಯಿಂಗ ಕ್‍ೕಪುಲೇಂದ್ ಎಣ್ಣ್‌ಚಿ.

ಯೋಹಾನ 1:11

ಅಂವೊ ತಾಂಡ ಸ್ವಂತ ಜನತ್‍ರ ಪಕ್ಕ ಬಾತ್, ಆಚೇಂಗಿ ಅಂವೊಂಡ ಸ್ವಂತ ಜನ ಅಂವೊನ ಸ್ವೀಕಾರ ಮಾಡಿತ್‌ಲ್ಲೆ.

ಯೋಹಾನ 11:42

ನೀನ್ ನಾಡ ಪ್ರಾರ್ಥನೆನ ಎಕ್ಕಾಲು ಕ್‍ೕಪಿಯಾಂದ್ ನಾಕ್ ಗೊತ್ತುಂಡ್; ಆಚೇಂಗಿಯು, ನೀನ್ ನನ್ನ ಈ ಲೋಕಕ್ ಅಯಿಚದ್‍ನ ಇಲ್ಲಿ ಕೂಡಿ ಬಂದಿತುಳ್ಳ ಜನ ನಂಬುವಕಾಯಿತ್ ಇನ್ನನೆ ನಾನ್ ಎಣ್ಣಿಯೇಂದ್ ಎಣ್ಣ್‌ಚಿ.

ಯೋಹಾನ 12:36

ಬೊಳಿ ನಿಂಗಡ ಕೂಡೆ ಇಪ್ಪಕಾಪಲೆ ಬೊಳಿನ ನಂಬಿ. ಅಕ್ಕ ನಿಂಗ ಬೊಳಿರ ಮಕ್ಕಳಾಯಿತ್‌ಪ್ಪಿರಾಂದ್ ಎಣ್ಣ್‌ಚಿ. ಯೇಸು ಇದ್‍ನೆಲ್ಲಾ ಎಣ್ಣ್‌ನ ಪಿಂಞ ಅಯಿಂಗಕ್ ಕಾಂಗತನೆಕೆ ಒಳ್‌ಚಂಡತ್.

ಯೋಹಾನ 12:38

ನಂಗಡ ಮೂಲಕ ಕ್‍ೕಟದ್‍ನ ನಂಬ್‍ನಯಿಂಗ ದಾರ್? ನೀನ್ ಕಾಂಬ್‌ಚಿಡುವ ಶಕ್ತಿ ಅಯಿಂಗಕ್ ಗೊತ್ತಾಯಂಡಿಲ್ಲೇಂದ್ ಯೆಶಾಯ ಪ್ರವಾದಿ ಎಣ್ಣ್‌ನದ್ ನೆರೆವೇರುವನೆಕೆ ಇನ್ನನೆ ಆಚಿ.

ಯೋಹಾನ 15:24

ದಾರೂ ಮಾಡತ ಕ್ರಿಯೇನ ನಾನ್ ಅಯಿಂಗಡ ಮದ್ಯತ್‍ಲ್ ಮಾಡತೆ ಪೋಯಿತ್ಂಜತೇಂಗಿ, ಅಯಿಂಗಕ್ ಪಾಪ ಇಪ್ಪಕಿಂಜಿಲೆ; ಇಕ್ಕ ಅಯಿಂಗ ನಾಡ ಕ್ರಿಯೇನ ನೋಟಿತ್‌ಂಜತೇಂಗಿಯು ಸಹ, ನನ್ನ ಪಿಂಞ ನಾಡ ಅಪ್ಪನ ವಿರೋದಿಚಿಟ್ಟಂಡುಂಡ್.

ಯೋಹಾನ 2:11

ಇನ್ನನೆ, ಯೇಸು ತಾಂಡ ಆದ್ಯ ಅದ್ಬುತ ಕಾರ್ಯತ್‍ನ ಗಲಿಲಾಯ ಪ್ರಾಂತ್ಯತ್‍ರ ಕಾನಾ ಎಣ್ಣುವ ಊರ್‌ಲ್ ಮಾಡಿತ್, ತಾಂಡ ಮಹಿಮೆನ ಕಾಂಬ್‍ಚಿಟ್ಟತ್. ಅಂವೊಂಡ ಶಿಷ್ಯಂಗ ಯೇಸುನ ನಂಬ್‍ಚಿ.

ಯೋಹಾನ 6:2

ಅಂವೊ ಕಾಯಿಲೆಸ್ತಂಗಡ ಮದ್ಯತ್‍ಲ್ ಮಾಡ್‍ನ ಅದ್ಬುತ ಕಾರ್ಯತ್‍ನ ದುಂಬ ಜನ ನೋಟ್‍ನಗುಂಡ್, ಅಂವೊಂಡ ಬಯ್ಯಕ್ ಅಯಿಂಗ ಎಲ್ಲಾರು ಪೋಚಿ.