ಯೋಹಾನ 12:36 - ಕೊಡವ ಬೈಬಲ್

³⁶ ಬೊಳಿ ನಿಂಗಡ ಕೂಡೆ ಇಪ್ಪಕಾಪಲೆ ಬೊಳಿನ ನಂಬಿ. ಅಕ್ಕ ನಿಂಗ ಬೊಳಿರ ಮಕ್ಕಳಾಯಿತ್‌ಪ್ಪಿರಾಂದ್ ಎಣ್ಣ್‌ಚಿ. ಯೇಸು ಇದ್‍ನೆಲ್ಲಾ ಎಣ್ಣ್‌ನ ಪಿಂಞ ಅಯಿಂಗಕ್ ಕಾಂಗತನೆಕೆ ಒಳ್‌ಚಂಡತ್.

ಯೋಹಾನ 12:36 ပူးပေါင်းရင်းမြစ်များ

ಮತ್ತಾಯ 21:17

ಪಿಂಞ ಅಯಿಂಗಳ ಬುಟ್ಟಿತ್, ಆ ಪಟ್ಟಣತ್ಂಜ ಪೊರಟಿತ್ ಬೇಥಾನ್ಯಕ್ ಪೋಯಿತ್ ಬಯಿಟ್ ಅಲ್ಲೇ ಒಳಿಂಜತ್.

ಮತ್ತಾಯ 5:14

ನಿಂಗ ಈ ಲೋಕತ್‍ರ ಜನಕ್ ಬೊಳಿ ಆಯಿತುಳ್ಳಿರ. ಕುಂದ್‌ರ ಕೊಡಿಲ್ ಉಳ್ಳ ಪಟ್ಟಣತ್‍ನ ಒಳ್‌ಪ್‍ಚಿಡುವಕಯ್ಯುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:8

ಅನ್ಯಾಯ ಮಾಡ್‌ವ ಈ ಅದಿಕಾರಿರ ಎಜಮಾನ ಇದ್‍ನೆಲ್ಲಾ ಕ್‍ೕಪಂಜಿ, ಅಂವೊಂಡ ಬುದ್ದಿನ ಕಂಡಿತ್, ಬೋರೆ ಬಟ್ಟೆಯಿಲ್ಲತೆ ಅಂವೊನ ಹೊಗಳ್‍ಚಿ. ಮಿಂಞತ್‍ರ ಬದ್‍ಕ್‍ಕ್ ಬೋಂಡಿಯಾನದ್‍ನ ಉಳಿಕೆ ಮಾಡಿತ್ ಬೆಪ್ಪಕ್, ಬೊಳ್‍ಚತ್‍ರ ಮಕ್ಕಕಿಂಜ, ಈ ಲೋಕತ್‍ನ ಮಾತ್ರ ಗೇನಮಡಿಯಂಡುಳ್ಳ ಮಕ್ಕ ಬಾರಿ ಬುದ್ದಿವಂತಯಿಂಗಳಾಯಿತುಂಡ್.

ಯೋಹಾನ 1:7

ಅಂವೊ ತಾಂಡ ಸಾಕ್ಷಿರ ಮೂಲಕ ಎಲ್ಲಾರು ನಂಬಂಡೂಂದ್, ಈ ಬೊಳಿರ ವಿಷಯತ್ ಸಾಕ್ಷಿ ಕೊಡ್‍ಪಕ್ ಬಾತ್.

ಯೋಹಾನ 11:54

ಆನಗುಂಡ್, ಅಲ್ಲಿಯಿಂಜ ಯೇಸು, ಯೆಹೂದ್ಯಂಗಡ ಮದ್ಯತ್‍ಲ್ ಪ್ರಯಾಣ ಮಾಡತೆ, ಅಲ್ಲಿ ಬುಟ್ಟಿತ್, ಮಣಬೂಮಿರ ಪಕ್ಕತ್‍ಲ್ ಇಂಜ ಎಫ್ರಾಯಿಮ್ ಎಣ್ಣುವ ಊರ್‌ಕ್ ಪೋಯಿತ್, ಅಲ್ಲಿ ಅಂವೊಂಡ ಶಿಷ್ಯಂಗಡ ಕೂಡೆ ಇಂಜತ್.

ಯೋಹಾನ 12:37

ಯೇಸು ಇಚ್ಚಕೆಲ್ಲಾ ಅದ್ಬುತ ಕಾರ್ಯ ಈಂಗಡ ಮಿಂಞತ್‍ಲ್ ಮಾಡಿತಿಂಜತೇಂಗಿಯು, ಜನ ಅಂವೊನ ನಂಬುವಕಿಂಜಿಲೆ.

ಯೋಹಾನ 12:46

ನಾಡ ಮೇಲೆ ನಂಬಿಕೇಲ್ ಉಳ್ಳಯಿಂಗ ದಾರೂ ಇರ್‌ಟ್‌ಲ್ ಇಕ್ಕತನೆಕೆ, ನಾನ್ ಈ ಲೋಕಕ್ ಬೊಳಿಯಾಯಿತ್ ಬಂದಿಯೆ.

ಯೋಹಾನ 3:21

ಆಚೇಂಗಿ, ಸತ್ಯತ್‍ರ ಪ್ರಕಾರ ಬದ್‍ಕ್‍ವಯಿಂಗ ಬೊಳಿರ ಪಕ್ಕ ಬಂದ್‍ರ್‍ವ. ಅಕ್ಕ, ಅಯಿಂಗ ಮಾಡ್‍ನದೆಲ್ಲಾ ದೇವಕ್ ಬಗ್ಗಿತ್ ಮಾಡ್‌ನದ್‍ೕಂದ್ ಎಲ್ಲಾರ್‌ಕು ಗೊತ್ತಾಪ.

ಯೋಹಾನ 8:12

ಯೇಸು ಜನಳ ನೋಟಿತ್: ನಾನ್ ಲೋಕಕ್ ಬೊಳಿಯಾಯಿತ್ ಉಂಡ್, ದಾರ್ ನಾಡ ಬಯ್ಯಕ್ ಬಪ್ಪ, ಅಯಿಂಗ ಇರ್‌ಟ್‌ಲ್ ನಡ್‍ಪ್‍ಲೆ, ಆಚೇಂಗಿ ಜೀವ ತಪ್ಪ ಬೊಳಿಲ್ ನಡ್‌ಪಾಂದ್ ಎಣ್ಣ್‌ಚಿ.

ಯೋಹಾನ 8:59

ಅಕ್ಕ, ಅಯಿಂಗ ಯೇಸುರ ಮೇಲೆ ಕಲ್ಲ್ ಕನಿಪಕ್, ಕಲ್ಲ್‌ನ ಎಡ್‍ತಿತ್ ನೋಟಿಯಂಡ್ ಇಂಜತ್. ಆಚೇಂಗಿ ಯೇಸು ಅಯಿಂಗಡ ಕಣ್ಣ್‌ಕ್ ಕಾಂಗತನೆಕೆ ದೇವಾಲಯತ್‍ನ ಬುಟ್ಟಿತ್ ಪೊರಮೆ ಪೋಯಿರ್‌ತ್.

ಎಫೆಸ 5:8

ಪಂಡ್ ನಿಂಗ ಇರ್‌ಟ್‌ಲ್ ಇಂಜಿರ, ಆಚೇಂಗಿ ಇಕ್ಕ ನಿಂಗ ಒಡೆಯಂಡಲ್ಲಿ ಉಳ್ಳಗುಂಡ್ ಬೊಳಿಲ್ ಉಳ್ಳಿರ; ಆನಗುಂಡ್ ಬೊಳಿರ ಮಕ್ಕಡನೆಕೆ ನಡ್‌ಕಂಡು.

1 ಥೆಸಲೊನೀಕ 5:5

ನಿಂಗೆಲ್ಲಾರು ಬೊಳಿರ ಮಕ್ಕಳಾಯಿತ್, ಪೋಲ್‍ರ ಮಕ್ಕಳಾಯಿತ್ ಉಳ್ಳಿರ; ನಂಗ ಬಯಿಟ್‌ಲ್ ಪಿಂಞ ಇರ್‌ಟ್‌ಲ್ ಬದ್‍ಕ್‍ವಯಿಂಗ ಅಲ್ಲ.

1 ಥೆಸಲೊನೀಕ 5:8

ಆಚೇಂಗಿ, ನಂಗ ಪೋಲ್‍ಕ್ ಕೂಡ್‍ನಯಿಂಗ. ಆನಗುಂಡ್ ಎಚ್ಚರತ್‍ಲ್ ಬದ್‌ಕಿತ್, ಎದೆತಟ್ಟೆರನೆಕೆ ಉಳ್ಳ ನಂಬಿಕೆ ಪಿಂಞ ಪ್ರೀತಿನ ಎದೇಲ್ ಇಟ್ಟಂಡ್, ಇರ್‍ಂಬ್ ತೊಪ್ಪಿರನೆಕೆ ಉಳ್ಳ ರಕ್ಷಣೆರ ನಿರಿಕ್ಷೇನ ಮಂಡೆಕ್ ಇಟ್ಟಂಡ್ ಇರಂಡು.