ಯೋಹಾನ 12:34 - ಕೊಡವ ಬೈಬಲ್

³⁴ ಅಕ್ಕ ಅಲ್ಲಿ ಇಂಜ ಜನಡ ಗುಂಪ್: ಕ್ರಿಸ್ತ ಎಕ್ಕಾಲು ಬದ್‍ಕಿಯಂಡ್ ಇಪ್ಪಾಂದ್ ನಂಗಡ ನ್ಯಾಯಪ್ರಮಾಣ ನಂಗಕ್ ಎಣ್ಣುವ. ಅನ್ನನೆ ಇಪ್ಪಕ, ಮನುಷ್ಯಕುಮಾರನ ಕೊಡಿಕ್ ನೇತುವಾಂದ್ ನಿಂಗ ಎನ್ನನೆ ಎಣ್ಣುವಿರ? ಅಕ್ಕ, ದಾರ್ ಈ ಮನುಷ್ಯಕುಮಾರಾಂದ್ ಕ್‍ೕಟತ್.

ಯೋಹಾನ 12:34 ပူးပေါင်းရင်းမြစ်များ

ಮತ್ತಾಯ 16:13

ಕೈಸರೈಯ ಫಿಲಿಪ್ಪಿ ಎಣ್ಣುವ ಪಟ್ಟಣತ್‍ರ ಸುತ್ತ್‌ಲ್ ಇಂಜ ಪ್ರಾಂತ್ಯತ್‍ರ ಪಕ್ಕ ಬಪ್ಪಕಾಪಕ, ತಾಂಡ ಶಿಷ್ಯಂಗಳ ನೋಟುವಂಜಿ: ಈ ಜನ ಮನುಷ್ಯಕುಮಾರನ ದಾರ್‍ೕಂದ್ ಎಣ್ಣುವಾಂದ್ ಕ್‍ೕಟತ್.

ಮತ್ತಾಯ 21:10

ಯೇಸು ಯೆರೂಸಲೇಮ್‌ಕ್ ಎತ್ತ್‌ವಕ ಪಟ್ಟಣತ್‍ಲ್ ದುಂಬ ಕಲಹವಾಯಿತ್ ಇಂವೊ ದಾರ್‍ೕಂದ್ ಕ್‍ೕಟತ್.

ಮತ್ತಾಯ 8:20

ಅದ್ಂಗ್ ಯೇಸು: ಕುರ್‌ಕಂಗ ವಾಸ ಮಾಡ್‌ವಕ್ ತೂತ ಉಂಡ್, ಬಾನತ್‍ರ ಪಕ್ಷಿಯಕ್ ಗೂಡ್ ಉಂಡ್, ಆಚೇಂಗಿ ಮನುಷ್ಯಕುಮಾರಂಗ್ ಮಂಡೆ ಬೆಪ್ಪಕ್ ಜಾಗ ಇಲ್ಲೇಂದ್ ಎಣ್ಣ್‌ಚಿ.

ಯೋಹಾನ 10:34

ಅಕ್ಕ ಯೇಸು: ನಿಂಗ ದೇವನಾಯಿತ್ ಉಂಡ್‍ೕಂದ್ ದೇವ ಎಣ್ಣ್‌ನದ್‍ನ ನ್ಯಾಯಪ್ರಮಾಣತ್‍ಲ್ ನಿಂಗ ಓದಿತ್‌ಲ್ಲೆಯಾ?

ಯೋಹಾನ 12:32

ನನ್ನ ಕೊಡಿಕ್ ನೇತುವಕ, ಎಲ್ಲಾರ್‌ನ ನಾನ್ ನಾಡ ಪಕ್ಕ ಬಲ್‍ಚಿರುವೀಂದ್ ಎಣ್ಣ್‌ಚಿ.

ಯೋಹಾನ 15:25

ಅಯಿಂಗ ನನ್ನ ಒರ್ ಕಾರಣವು ಇಲ್ಲತೆ ವಿರೋದಿಚಿಡುವಾಂದ್ ಅಯಿಂಗಡ ನ್ಯಾಯಪ್ರಮಾಣತ್‍ಲ್ ಒಳ್‍ದ್‍ನ ತಕ್ಕ್ ಆಪನೆಕೆ ಆಚಿ.

ಯೋಹಾನ 8:28

ಆನಗುಂಡ್, ಯೇಸು ಪುನಃ ಅಯಿಂಗಕ್: ನಿಂಗ ಮನುಷ್ಯಕುಮಾರನ ಕೊಡಿಕ್ ನೇತ್‍ವಕ, ನಾನೇ ಅಂವೋಂದ್ ನಿಂಗಕ್ ಗೊತ್ತಾಪ. ನಾನ್ ನಾಡ ಇಷ್ಟ ಪ್ರಕಾರ ಏದು ಮಾಡತೆ, ನಾಡ ಅಪ್ಪನಾನ ದೇವ ನಾಕ್ ಎಂತದ್‍ನ ಬೋದನೆ ಮಾಡ್‍ಚೋ ಅದ್‍ನೇ ನಾನ್ ಎಣ್ಣಿಯೇಂದ್ ಅಕ್ಕ ನಿಂಗಕ್ ಗೊತ್ತಾಪ.

ರೋಮ್ 3:19

ದೇವಡ ನ್ಯಾಯಪ್ರಮಾಣತ್‍ಲ್ ಎಣ್ಣುವ ವಿಷಯವೆಲ್ಲ, ನ್ಯಾಯಪ್ರಮಾಣಕ್ ಒಳಪಟ್ಟಯಿಂಗಕ್ ಎಣ್ಣಿಯಂಡುಂಡ್‍ೕಂದ್ ನಂಗಕ್ ಇಕ್ಕ ಗೊತ್ತುಂಡ್. ಅನ್ನನೆ ದಾರೂ ನಂಗ ಪಾಪಿ ಅಲ್ಲಾಂದ್ ಎಣ್ಣುವಕ್ ಕಯ್ಯತನೆಕೆ, ಈ ಲೋಕತ್‍ಲ್ ಉಳ್ಳ ಎಲ್ಲಾರು ಅಂವೊಂಗ್ ಲೆಕ್ಕ ಕೊಡ್‍ಪನೆಕೆ ಆಚಿ.

ರೋಮ್ 5:18

ಆನಗುಂಡ್, ಒರ್ ಅಪರಾದತ್‍ರಗುಂಡ್ ಎಲ್ಲಾ ಮನುಷ್ಯಂಗಕು ನಾಶ ಆಪಕುಳ್ಳ ತೀರ್ಪ್ ಕ್‍ಟ್ಟ್‌ನನೆಕೆ, ಒರೇ ನೀತಿರಗುಂಡ್ ಎಲ್ಲಾ ಮನುಷ್ಯಂಗಕು ಜೀವ ಕ್‍ಟ್ಟ್‌ವ ತೀರ್ಪ್ ಆಚಿ.

ಇಬ್ರಿಯ 7:24

ಆಚೇಂಗಿ ಯೇಸು, ಎಕ್ಕಾಲು ಬದ್‍ಕಿಯಂಡಿಪ್ಪಗುಂಡ್ ಕಾಲಕಾಲಕು ನಿಪ್ಪ ಯಾಜಕ ಸೇವೇರ ಯಾಜಕನಾಯಿತುಂಡ್.