ಯೋಹಾನ 12:29 - ಕೊಡವ ಬೈಬಲ್

²⁹ ಅಲ್ಲಿ ನಿಂದಂಡಿಂಜ ಜನ ಇದ್‍ನ ಕ್‍ೕಪಕ, ಚೆನ್ನ ಜನ ಗುಡ್‌ಗ್‍ೕಂದ್ ಎಣ್ಣ್‌ಚಿ. ಬೋರೆ ಚೆನ್ನ ಜನ ಇಲ್ಲೆ, ಒರ್ ದೇವದೂತ ಇಂವೊಂಡ ಕೂಡೆ ತಕ್ಕ್ ಪರ್ಂದತ್‍ೕಂದ್ ಎಣ್ಣ್‌ಚಿ.

ಯೋಹಾನ 12:29 ပူးပေါင်းရင်းမြစ်များ

ಅಪೊಸ್ತಲ 9:7

ಅಂವೊಂಡ ಕೂಡೆ ಪ್ರಯಾಣ ಮಾಡ್‍ನಯಿಂಗ ಸ್ವರತ್‍ನ ಮಾತ್ರ ಕ್‍ೕಟಿತ್ ಒಬ್ಬನ ಕೂಡೆ ಕಾಂಗತಗುಂಡ್ ಒರ್ ತಕ್ಕು ಎಣ್ಣತೆ ಅನ್ನನೆ ನಿಂದತ್.

ಪ್ರಕಟನೆ 11:19

ಅಕ್ಕ, ಪರಲೋಕತ್‍ಲ್ ಉಳ್ಳ ದೇವಾಲಯ ತೊರ್ಂದತ್. ಅಂವೊಂಡ ಆಲಯತ್‍ಲ್ ಅಂವೊಂಡ ಒಪ್ಪಂದತ್‍ರ ಪೊಟ್ಟಿನ ಕಾಂಬಕ್ ಆಚಿ; ಅಕ್ಕಣೆಕ್ ಮಿಂಚ್, ವಾಣಿ, ಗುಡ್‍ಗ್ ಬೂಕಂಪ ಪಿಂಞ ಬಲ್ಯ ಆಲಿಕಾಯಿರ ಮಳೆ ಪೊಜ್ಜತ್.

ಪ್ರಕಟನೆ 14:2

ಇದ್‍ಲ್ಲತೆ, ಬಲ್ಯ ನೀರ್ ಚಾಡಿತ್ ಬಪ್ಪ ಸದ್ದ್‌ರನೆಕೆ, ಬಲ್ಯ ತೆಡ್‌ರ ಸದ್ದ್‌ಲ್ ಒರ್ ವಾಣಿ ಪರಲೋಕತ್ಂಜ ಬಂದದ್ ನಾಕ್ ಕ್‍ೕಟತ್; ನಾನ್ ಕ್‍ೕಟ ಸದ್ದ್, ವೀಣೇಲ್ ಸಂಗೀತ ಮಾಡ್‌ವ ಅಯಿಂಗಡ ವೀಣೇರ ಸಂಗೀತವಾಯಿತ್ ಇಂಜತ್.

ಪ್ರಕಟನೆ 6:1

ಕೊರಿಕುಟ್ಟಿಯಾನಂವೊ ಮುದ್ರೆಲ್ ಒರ್ ಮುದ್ರೆನ ಪೊಳಿಪದ್‍ನ ನಾನ್ ಕಂಡಿಯೆ. ಅಕ್ಕ ನಾಲ್ ಜೀವ ಪ್ರಾಣಿಯಡಡೆಲ್ ಒರ್ ಜೀವ ಪ್ರಾಣಿ ನನ್ನ ನೋಟಿತ್: ನೀನ್ ಬಂದ್ ನೋಟ್‍ೕಂದ್ ತೆಡ್ ಬಡಿಪ ಸದ್ದ್‌ಲ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 8:5

ಮಿಂಞ ದೇವದೂತ ದೂಪತ್‍ರ ಪಾತ್ರತ್‍ನ ಎಡ್‍ತಂಡ್ ಬಲಿಪೀಠತ್‍ರ ತಿತ್ತ್ ಕಂಡತ್‍ನ ದುಂಬ್‌ಚಿಟ್ಟಿತ್, ಬೂಮಿಕ್ ಚಾಡ್‍ಚಿ. ಅಕ್ಕ ದುಂಬ ತೆಡ್, ವಾಣಿ, ಮಿನ್ನಲ್ ಪಿಂಞ ಬೂಕಂಪ ಉಂಟಾಚಿ.