ಯೋಹಾನ 12:27 - ಕೊಡವ ಬೈಬಲ್

²⁷ ಇಕ್ಕ ನಾನ್ ಎಂತ ಎಣ್ಣಡ್? ನಾಡ ಆತ್ಮ ನೊಂಬಲತ್‍ಲ್ ಉಂಡ್. ಅಪ್ಪ! ನನ್ನ ಈ ಕಷ್ಟತ್‍ರ ಸಮಯತ್ಂಜ ಕಾಪಾಡ್‍ೕಂದ್ ಕ್‍ೕಪದಾ? ಆಚೇಂಗಿ, ಇದ್ಂಗಾಯಿತೇ ನಾನ್ ಬಂದಿಯೆ.

ಯೋಹಾನ 12:27 ပူးပေါင်းရင်းမြစ်များ

ಮತ್ತಾಯ 11:25

ಆ ಸಮಯತ್‍ಲ್ ಯೇಸು: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕು ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ.

ಮತ್ತಾಯ 11:26

ಅಕ್ಕು ದೇವಾ! ಇನ್ನನೆ ಮಾಡ್‌ವಕ್ ನೀಕ್ ಕುಶಿಯಾಚಿ.

ಮತ್ತಾಯ 26:42

ಇಂಞೊಮ್ಮ ದಂಡನೆ ಕುರಿ ಅಂವೊ ಅಯಿಂಗಳ ಬುಟ್ಟಿತ್ ಪೋಯಿತ್: ನಾಡ ಅಪ್ಪನೇ! ಈ ಕಷ್ಟತ್‍ರ ಪಾತ್ರತ್‍ನ ನಾನ್ ಕುಡಿಚತೇಂಗಿ ಮಾತ್ರ, ಈ ಕಷ್ಟತ್‍ನ ನನ್ನಿಂಜ ಎಡ್‍ಪಕ್ ಕಯ್ಯೂಂದ್ ಇಂಜತೇಂಗಿ, ನೀಡ ಚಿತ್ತತ್‍ರನೆಕೆ ಆಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಮತ್ತಾಯ 26:45

ಅಂವೊ ತಾಂಡ ಶಿಷ್ಯಂಗಡ ಪಕ್ಕ ಬಯ್ಯಕ್ ಬಂದಿತ್: ಇಂಞು ನಿಂಗ ವರಿಯಂಡ್, ಆರಾಮಾಯಿತ್ ಉಳ್ಳಿರ? ಅದಾ ನೋಟಿ! ಮನುಷ್ಯಕುಮಾರನ, ಪಾಪಿಯಂಗಡ ಕೈಕ್ ಒಪ್ಪ್‌ಚಿಡ್‌ವ ನೇರ ಬಂದ್‌ರ್‌ತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:44

ಅಂವೊ ದುಂಬ ಮನಸ್ಸ್ ಕಷ್ಟಪಟ್ಟಿತ್ ಬೇಜಾರತ್‍ಲ್ ಪ್ರಾರ್ಥನೆ ಮಾಡ್‌ವಕಾಪಕ, ಯೇಸುರ ಬೆವರ್ ಚೋರೆರ ತುಳಿಯಾಯಿತ್ ನೆಲಕ್ ಬುದ್ದಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:53

ನಾನ್ ದಿನಾಲು ದೇವಾಲಯತ್‍ಲ್ ಇಂಜಲ್ಲ, ಅಕ್ಕ ನಿಂಗ ನನ್ನ ಪುಡಿಪಕ್ ಕಯಿಂಜಿತ್‌ಲ್ಲೆ; ಆಚೇಂಗಿ, ಇರ್‌ಟ್ ಆಳಿಯಂಡುಳ್ಳಗುಂಡ್, ಇದ್ ನಿಂಗ ಕ್ರಿಯೆ ಮಾಡ್‌ವಕುಳ್ಳ ಕಾಲಾಂದ್ ಯೇಸು ಎಣ್ಣ್‌ಚಿ.

ಯೋಹಾನ 11:41

ಪಿಂಞ, ಅಯಿಂಗ ಆ ಬಂಡೆ ಕಲ್ಲ್‌ನ ಎಡ್‍ತತ್. ಅಕ್ಕ ಯೇಸು ಕೊಡಿಕ್ ನೋಟುವಂಜಿ: ಅಪ್ಪ, ನೀನ್ ನಾಡ ಪ್ರಾರ್ಥನೆನ ಎಕ್ಕಾಲು ಕ್‍ೕಪಂಗಾಯಿತ್ ನೀಕ್ ವಂದನೆ.

ಯೋಹಾನ 12:23

ಅಯಿಂಗಕ್ ಯೇಸು: ಮನುಷ್ಯಕುಮಾರಂಗ್ ಮಹಿಮೆ ಕ್‍ಟ್ಟ್‌ವಕುಳ್ಳ ಸಮಯ ಬಾತ್.

ಯೋಹಾನ 13:21

ಇನ್ನನೆಲ್ಲಾ ಯೇಸು ಎಣ್ಣಿತಾನ ಪಿಂಞ, ಯೇಸು ಆತ್ಮತ್‍ಲ್ ದುಂಬ ವ್ಯಸನಪಟ್ಟಿತ್: ನಿಂಗಡ ಕೂಟ್‌ಲ್ ಒಬ್ಬ ನನ್ನ ಪುಡ್‌ಚಿತ್ ಕೊಡ್‍ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಯೋಹಾನ 18:37

ಅಕ್ಕ ಪಿಲಾತ: ಅಕ್ಕ ನೀನ್ ರಾಜನಾಂದ್ ಕ್‍ೕಟತ್. ನಾನ್ ರಾಜನೇಂದ್ ನೀನ್ ಸರಿಯಾಯಿತ್ ಎಣ್ಣಿಯ. ಸತ್ಯತ್‍ರ ವಿಷಯತ್‍ನ ಜನಕ್ ಸಾಕ್ಷಿ ಕೊಡ್‍ಪಕಾಯಿತ್ ನಾನ್ ಈ ಲೋಕತ್‍ಲ್ ಪುಟ್ಟಿಯೆ, ಅದ್ಂಗಾಯಿತೇ ಈ ಬೂಲೋಕಕ್ ಬಂದಿಯೆ, ಸತ್ಯತ್‍ನ ಕ್‍ೕಪಕ್ ಕುಶಿ ಉಳ್ಳಯಿಂಗ ನಾಡ ಬೋದನೆನ ಕ್‍ೕಪಾಂದ್ ಯೇಸು ಅಂವೊಂಗ್ ಎಣ್ಣ್‌ಚಿ.

1 ತಿಮೊಥೆಯ 1:15

ಪಾಪಿಯಳ ರಕ್ಷಣೆ ಮಾಡ್‌ವಕ್ ಯೇಸು ಬೂಲೋಕಕ್ ಬಾತ್. ಇದ್ ನೇರಾನ ತಕ್ಕ್ ಪಿಂಞ ಎಲ್ಲಾ ಅಂಗಿಕಾರಕೂ ಯೋಗ್ಯವುಳ್ಳದ್; ಎಲ್ಲಾ ಪಾಪಿಯಂಗಕಿಂಜ ಮುಕ್ಯಪಟ್ಟ ಪಾಪಿ ನಾನೇ.

ಇಬ್ರಿಯ 2:14

ಆನಗುಂಡ್, ಮಕ್ಕ ಚೋರೆ ಪಿಂಞ ತಡಿ ಉಳ್ಳಂಗಾಯಿತ್ ಇಪ್ಪಕ ಅಂವೊನು ಸಹ, ಚೋರೆ ಪಿಂಞ ತಡಿ ಉಳ್ಳ ಮನುಷ್ಯನಾಯಿತ್ ಆಚಿ; ಚಾವ್‍ರ ಅದಿಕಾರಿಯಾಯಿತುಳ್ಳ ಸೈತಾನನ ತಾಂಡ ಚಾವ್‍ರಗುಂಡೇ ನಾಶ ಮಾಡ್‍ಚಿ.

ಇಬ್ರಿಯ 5:7

ಯೇಸು ಈ ಲೋಕತ್‍ಲ್ ಬದ್‍ಕಿಯಂಡಿಂಜ ಕಾಲತ್‍ಲ್, ಅಂವೊನ ಚಾವ್‍ಯಿಂಜ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನ ನೋಟಿತ್, ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಿತ್, ಕಣ್ಣೀರಿಟ್ಟಂಡ್, ಪ್ರಾರ್ಥನೆ ಮಾಡಿತ್, ಬೋಡಿಯಂಡಿಂಜತ್. ಅಂವೊಂಗ್ ಇಂಜ ದೇವಡ ಬಕ್ತಿರಗುಂಡ್ ಅಂವೊಂಡ ಪ್ರಾರ್ಥನೆ ದೇವಕ್ ಎತ್ತ್‌ಚಿ.