ಯೋಹಾನ 12:25 - ಕೊಡವ ಬೈಬಲ್

²⁵ ತಾಂಡ ಜೀವತ್‍ರ ಮೇಲೆ ದಾರ್ ದುಂಬ ಆಸೆ ಬೆಚ್ಚಿತ್‌ಪ್ಪ, ಅಯಿಂಗಕ್ ಅಯಿಂಗಡ ಜೀವ ನಾಶ ಆಯಿಪೋಪ; ಈ ಲೋಕತ್‍ಲ್ ದಾರ್ ತಾಂಡ ಜೀವತ್‍ನ ದ್ವೇಶ ಮಾಡ್‌ವ, ಅಯಿಂಗ ಅಯಿಂಗಡ ಜೀವತ್‍ನ ನಿತ್ಯ ಜೀವಕಾಯಿತ್ ಕಾಪಾಡ್‌ವ.

ಯೋಹಾನ 12:25 ပူးပေါင်းရင်းမြစ်များ

ಮತ್ತಾಯ 10:39

ದಾರ್ ಅಂವೊಂಡ ಜೀವತ್‍ನ ಕಾಪಾಡ್‌ವಕ್ ಕುಶಿ ಪಡ್‍ವ, ಅಂವೊ ಅಂವೊಂಡ ಜೀವತ್‍ನ ಕಳೆಂದ್‍ರ್‍ವ, ದಾರ್ ತಾಂಡ ಜೀವತ್‍ನ ನಾಕಾಯಿತ್ ಕಳೆಂದ್‍ರ್‍ವ, ಅಂವೊ ಅದ್‍ನ ಕಾಪಾಡ್‌ವ.

ಮತ್ತಾಯ 16:25

ದಾರ್ ಅಂವೊಂಡ ಜೀವತ್‍ನ ಕಾಪಾಡ್‌ವಕ್ ಕುಶಿ ಪಡುವ, ಅಂವೊ ಅಂವೊಂಡ ಜೀವತ್‍ನ ಕಳೆಂದ್‍ರ್‍ವ. ಆಚೇಂಗಿ ದಾರ್ ನಾಕಾಯಿತ್ ಅಂವೊಂಡ ಜೀವತ್‍ನ ಕಳೆಂದ್‍ರ್‍ವ, ಅಂವೊ ಅಂವೊಂಡ ಜೀವತ್‍ನ ನಿತ್ಯ ಜೀವಕಾಯಿತ್ ಕಾಪಾಡ್‌ವ.

ಮತ್ತಾಯ 19:29

ಇದ್‍ಲ್ಲತೆ, ನಾಕಾಯಿತ್ ನಿಂಗಡ ಅಪ್ಪವ್ವನ, ನಿಂಗಡ ಅಣ್ಣತಮ್ಮಣಂಗಳ ಅಕ್ಕತಂಗೆಯಳ, ನಿಂಗಡ ಮನೆನ, ನಿಂಗಡ ತೋಟ ಬೇಲ್‍ನ ಬುಟ್ಟಿತ್ ಬಂದಯಿಂಗಕ್ ನೂರ್ ಪಾಲ್ ಜಾಸ್ತಿ ಕ್‍ಟ್ಟ್‌ವ ಪಿಂಞ ನಿತ್ಯ ಜೀವತ್‍ಲ್ ಪೋಪಕ್ ಹಕ್ಕ್‌ದಾರಂಗಳಾಯಿತ್ ಇಪ್ಪಿರ.

ಮಾರ್ಕ 8:35

ದಾರ್‌ಕ್ ತಾಂಡ ಜೀವತ್‍ನ ಕಾಪಾಡ್‌ವಕ್ ಆಸೆ ಉಂಡೋ ಅಂವೊ ಅದ್‍ನ ಕಳೆಯುವ. ಆಚೇಂಗಿ ದಾರ್ ನಾಕಾಯಿತ್, ನಾಡ ನಲ್ಲ ಸುದ್ದಿಕಾಯಿತ್ ಜೀವತ್‍ನ ಕಳೆಯುವ ಅಂವೊ ಅದ್‍ನ ಕಾಪಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:33

ತಾಂಡ ಜೀವತ್‍ನ ಕಾಪಾಡ್‌ವಕ್ ನೋಟ್‍ವಂವೊ ಅದ್‍ನ ಕಳೆಂದ್‍ರ್‍ವ, ದಾರ್ ತಾಂಡ ಜೀವತ್‍ನ ಇಲ್ಲಿ ಕಳೆಂದ್‍ರ್‍ವ, ಅಂವೊ ಅದ್‍ನ ಕಾಪಾಡ್‌ವ.

ಅಪೊಸ್ತಲ 20:24

ಆಚೇಂಗಿ, ಇದ್‍ನೆಲ್ಲ ನೋಟಿತ್ ನಾಕ್ ಬೇಜಾರ್ ಆಪುಲೆ, ನಾಡ ಪ್ರಾಣತ್‍ನ ಸಹ ನಾನ್ ಬಲ್ಯದಾಯಿತ್ ಗೇನ ಮಾಡುಲೆ. ನಾಡ ಓಟತ್‍ನ ಕುಶೀಲ್ ಪೂರ್ತಿಮಾಡ್‌ವಕು, ಒಡೆಯನಾನ ಯೇಸು ನಾಕ್ ಒಪ್ಪ್‌ಚಿಟ್ಟ ದೇವಡ ಕೃಪೇರ ನಲ್ಲ ಸುದ್ದಿನ ಸಾಕ್ಷಿ ಕೊಡ್‍ಪದ್‍ನ ನೆರೆವೇರಿಚಿಡುವಕು ಮಾತ್ರ ನಾನ್ ಕುಶಿ ಪಡುವಿ.

ಅಪೊಸ್ತಲ 21:13

ಆಚೇಂಗಿ ಪೌಲ: ನಿಂಗ ಎನ್ನಂಗ್ ಇನ್ನನೆ ಮೊರಟಂಡ್, ನಾಡ ಹೃದಯ ತಳ್ಂದ್ ಪೋಪನೆಕೆ ಮಾಡ್‌ವಿರ? ನಾನ್ ಒಡೆಯನಾನ ಯೇಸುರ ಪೆದಕಾಯಿತ್ ಯೆರೂಸಲೇಮ್‍ಲ್ ಜೈಲ್‌ಕ್ ಪೋಪಕ್ ಮಾತ್ರ ಅಲ್ಲ, ಚಾವಕು ತಯಾರಾಯಿತ್ ಉಳ್ಳ್‌ೕಂದ್ ಎಣ್ಣ್‌ಚಿ.

ಇಬ್ರಿಯ 11:35

ಚತ್ತ್ ಪೋನಯಿಂಗಳ, ಪೊಣ್ಣಾಳುವ ಪುನಃ ಜೀವತ್‍ಲ್ ಪಡ್ಂದತ್; ಬೋರೆ ಚೆನ್ನ ಜನ ಬಲ್ಯ ವಿಶೇಷವಾಯಿತುಳ್ಳ ಜೀವತ್‍ನ ಪಡೆಯುವಕಾಯಿತ್ ಬುಡುಗಡೆ ಆಪಕ್ ಒತ್ತತೆ, ಹಿಂಸೆನೆ ಸಹಿಸಿಯಂಡತ್.

ಪ್ರಕಟನೆ 12:11

ಚಾವನೆಕೆ ಕಷ್ಟ ಬಾತೇಂಗಿಯು, ಅದ್‍ಯಿಂಜ ತಪ್ಪ್‌ಚಿಡುವಕಾಯಿತ್, ಅಯಿಂಗಡ ಜೀವತ್‍ನ ಸಹ ನೋಟತೆ, ಕೊರಿಕುಟ್ಟಿರ ಚೋರೆರ ಮೂಲಕ, ಪಿಂಞ ಅಯಿಂಗಡ ಸಾಕ್ಷಿರ ವಾಕ್ಯತ್‍ರ ಮೂಲಕ ಸೈತಾನನ ಗೆದ್ದತ್.