ಯೋಹಾನ 12:2 - ಕೊಡವ ಬೈಬಲ್

² ಅಲ್ಲಿ ಲಾಜರಂಡ ಮನೆಲ್ ಯೇಸುಕ್ ಬಯಿಟ್ ಗದ್ದಾಳ ತಯಾರ್ ಮಾಡಿತ್ಂಜತ್. ಮಾರ್ಥ ಎಲ್ಲಾರ್‌ಕು ಉಪಚಾರ ಮಾಡ್‍ಚಿ. ಯೇಸುರ ಕೂಡೆ ಬಯಿಟ್ ಉಂಬಕ್ ಅಳ್‌ತಂಡಿಂಜಯಿಂಗಡಲ್ಲಿ ಲಾಜರ ಸಹ ಅಳ್‌ತಿತ್ಂಜತ್.

ಯೋಹಾನ 12:2 ပူးပေါင်းရင်းမြစ်များ

ಮತ್ತಾಯ 26:6

ಆ ಸಮಯತ್‍ಲ್ ಯೇಸು ಬೇಥಾನ್ಯತ್‍ಲ್ ಕುಷ್ಟರೋಗಿಯಾಯಿತ್ಂಜ ಸೀಮೋನಂಡ ಮನೆಲ್ ಇಂಜತ್.

ಮಾರ್ಕ 14:3

ಯೇಸು ಬೇಥಾನ್ಯತ್‍ಲ್ ಕುಷ್ಟರೋಗಿಯಾಯಿತ್ಂಜ ಸೀಮೋನಂಡ ಮನೆಲ್ ಉಂಬಕ್ ಅಳ್‌ತಂಡಿಪ್ಪಕ, ಒರ್ ಪೊಣ್ಣಾಳ್ ದುಂಬ ಬೆಲೆಯುಳ್ಳ ಸುಗಂದ ತೈಲತ್‌ನ ಅಲಬಸ್ಟರ್ ಎಣ್ಣುವ ಕುಪ್ಪಿಲ್ ಕೊಂಡ್ ಬಾತ್. ಆ ಕುಪ್ಪಿನ ಒಡ್‌ಪಂಜಿ ತೊರ್‌ಪಂಜಿ ಯೇಸುರ ಮಂಡೆರ ಮೇಲೆ ಬೂಕ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:37

ಅನ್ನನೆ ಅಂವೊ ಬಪ್ಪಕ, ಪಾರಾಕಾತಂಡ್ ತಯಾರಾಯಿತುಳ್ಳಯಿಂಗಕ್ ವಿಶೇಷ ದಯೆ ಕಾಟುವ. ಅಂವೊನೇ ಅಯಿಂಗಳ ಅಳ್‍ಪ್‍ಚಿಟ್ಟಿತ್, ಊಟೋಪಚಾರ ಮಾಡ್‌ವಕ್ ಉಳ್ಳ ಬಟ್ಟೆ ಇಟ್ಟಂಡ್, ಅಯಿಂಗ ಅಳ್‌ತಿತ್ ಉಂಬಕ, ಅಂವೊನೇ ಅಯಿಂಗಕ್ ಸೇವೆ ಮಾಡ್‌ವಾಂದ್ ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:12

ಯೇಸು ಅಂವೊನ ಉಂಬಕ್ ಕಾಕ್‌ನಂವೊಂಡ ಪಕ್ಕ: ನೀನ್ ನೀಡ ಮನೆಕ್ ಗದ್ದಾಳಕ್ ಕಾಕ್‍ವಕ ನೀಡ ಸ್ನೇಹಿತಂಗಳ, ನೀಡ ಅಣ್ಣತಮ್ಮಣಂಗಳ, ನೀಡ ಬೆಂದ್‌ಕಯಿಂಗಳ, ಐಶ್ವರ್ಯವಂತ ನೆರೆಮನೆಕಾರಳ ದಾರ್‌ನು ಕಾಕತೆ; ನೀನ್ ಕಾಕ್‍ಚೇಂಗಿ, ನಿನ್ನ ಸಹ ಅಯಿಂಗ ಕಾಕುವ ಅದ್ ನೀನ್ ಮಾಡ್‍ನಾಂಗೆಲ್ಲಾ ಅಯಿಂಗ ಪುನಃ ನೀಕ್ ಮಾಡ್‍ನನೆಕೆ ಆಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:27

ದಾರ್ ಬಲ್ಯಂವೊ? ಉಂಬಕ್ ಅಳ್‍ಪಂವೊನಾ ಅಥವ ಸೇವ ಮಾಡ್‍ವಂವೊನಾ? ಉಂಬಕ್ ಅಳ್‍ಪಂವೊ ತಾನೆ! ಅನ್ನನೆ ಇಂಜಿತು ನಾನ್ ನಿಂಗಡ ಮದ್ಯತ್‍ಲ್ ಪಣಿಕಾರನಾಯಿತ್ ಉಂಡಲ್ಲ!

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:29

ಬಯ್ಯಂಜಿ ಯೇಸುಕ್ ಲೇವಿರ ಮನೆಲ್ ಗದ್ದಾಳ ಇಂಜತ್. ಲೇವಿರ ಮನೆಲ್ ದುಂಬ ಕಂದಾಯ ಎಡ್‌ಪ ಜನ ಪಿಂಞ ಬೋರೆ ಜನ ಇಂಜತ್.

ಪ್ರಕಟನೆ 3:20

ಇದಾ, ನಾನ್ ಪಡಿರ ಪಕ್ಕ ನಿಂದಂಡ್ ತಟ್ಟಿಯಂಡುಳ್ಳ, ದಾರೇಂಗಿ ನಾಡ ಸದ್ದ್‌ನ ಕ್‍ೕಟಿತ್, ಪಡಿನ ತೊರ್‌ಂದ್‍ತೇಂಗಿ, ನಾನ್ ಒಳ್‍ಕ್ ಬಂದಿತ್, ಅಂವೊಂಡ ಕೂಡೆ ಅಳ್‌ತಿತ್ ಉಂಬಿ, ಅಂವೊನು ನಾಡ ಕೂಡೆ ಅಳ್‌ತಿತ್ ಉಂಬ.