ಯೋಹಾನ 12:17 - ಕೊಡವ ಬೈಬಲ್

¹⁷ ಲಾಜರ ಚತ್ತ್ ಪೋಯಿತ್ ಗೋರಿಲ್ ಇಪ್ಪಕ, ಯೇಸು ಲಾಜರನ ಜೀವವಾಯಿತ್ ಪೊರಮೆ ಬಪ್ಪಕ್ ಎಣ್ಣ್‌ವಕ, ಅಂವೊಂಡ ಕೂಡೆ ಇಂಜ ಜನ ಅಕ್ಕ ಅಲ್ಲಿ ಇಂಜತ್. ಅಯಿಂಗ ಅದ್‍ನ ವಿವರಿಚಿಟ್ಟತ್.

ಯೋಹಾನ 12:17 ပူးပေါင်းရင်းမြစ်များ

ಯೋಹಾನ 1:19

ಯೆರೂಸಲೇಮ್ ಪಟ್ಟಣತ್ಂಜ ಯೆಹೂದ್ಯಂಗಡ ಅದಿಕಾರಿಯಂಗ, ಚೆನ್ನ ಯಾಜಕಂಗಳ ಪಿಂಞ ಲೇವಿಯ ಜನಳ ಯೋಹಾನಂಡ ಪಕ್ಕ ಅಯಿಚಿತ್, ನೀನ್ ದಾರ್‍ೕಂದ್ ಕ್‍ೕಪಕ,

ಯೋಹಾನ 1:32

ಇಂಞು ಯೋಹಾನ ಸಾಕ್ಷಿಯಾಯಿತ್ ಎಂತ ಎಣ್ಣ್‌ಚೇಂಗಿ: ಪವಿತ್ರಾತ್ಮ ಪಾರಿವಾಳ ರೂಪತ್‌ಲ್ ಪರಲೋಕತ್ಂಜ ಇಳಿಂಜ್ ಬಂದಿತ್ ಇಂವೊಂಡ ಮೇಲೆ ಅಳ್‌ತದ್‌ನ ನಾನ್ ಕಂಡಿಯೆ.

ಯೋಹಾನ 1:34

ಅನ್ನನೆ ನಾನ್ ಕಂಡಿತ್, ಇಂವೊನೇ ದೇವಡ ಮೋಂವೋಂದ್ ಸಾಕ್ಷಿ ಕೊಡ್‌ತಂಡ್ ಉಳ್ಳ್‌ಂದ್ ಎಣ್ಣ್‌ಚಿ.

ಯೋಹಾನ 11:31

ಮರಿಯಕ್ ಸಮಾದಾನ ತಕ್ಕ್ ಪರಿಯುವಕ್ ಅವಡ ಮನೆಕ್ ಬಂದಿತ್ಂಜ ಜನ, ಮರಿಯ ಎದ್ದಿತ್ ಬೆರಿಯ ಪೋಪದ್‌ನ ಕಂಡಿತ್, ಅವಡ ಬಯ್ಯಕ್ ಪೋಚಿ. ಮರಿಯ ಗೋರಿಕ್ ಮೊರಡ್‍ವಕ್ ಪೋಯಂಡುಂಡ್‍ೕಂದ್ ಗೇನ ಮಾಡಿಯಂಡಿಂಜತ್.

ಯೋಹಾನ 11:42

ನೀನ್ ನಾಡ ಪ್ರಾರ್ಥನೆನ ಎಕ್ಕಾಲು ಕ್‍ೕಪಿಯಾಂದ್ ನಾಕ್ ಗೊತ್ತುಂಡ್; ಆಚೇಂಗಿಯು, ನೀನ್ ನನ್ನ ಈ ಲೋಕಕ್ ಅಯಿಚದ್‍ನ ಇಲ್ಲಿ ಕೂಡಿ ಬಂದಿತುಳ್ಳ ಜನ ನಂಬುವಕಾಯಿತ್ ಇನ್ನನೆ ನಾನ್ ಎಣ್ಣಿಯೇಂದ್ ಎಣ್ಣ್‌ಚಿ.

ಯೋಹಾನ 12:9

ಯೇಸು ಬೇಥಾನ್ಯ ಊರ್‌ಲ್ ಉಂಡ್‍ೕಂದ್ ಅಲ್ಲಿ ಇಂಜ ದುಂಬ ಜನಕ್ ಗೊತ್ತಾಚಿ. ಆನಗುಂಡ್ ಎಲ್ಲಾರು ಅಲ್ಲಿಕ್ ಪೋಚಿ. ಯೇಸುನ ನೋಟ್‍ವಕ್ ಮಾತ್ರ ಅಲ್ಲ, ಅಂವೊ ಎಪ್ಪ್‌ಚಿಟ್ಟ ಲಾಜರನ ಸಹ ನೋಟ್‍ವಕಾಯಿತ್ ಪೋಚಿ.

ಯೋಹಾನ 19:35

ಇದ್‍ನೆಲ್ಲಾ ಕಂಡ ಒಬ್ಬ ಇದ್ಂಡ ವಿಷಯತ್ ಸಾಕ್ಷಿ ಎಣ್ಣಿಯಂಡುಂಡ್; ಅಂವೊಂಡ ಸಾಕ್ಷಿ ಸತ್ಯ. ನಿಂಗಳು ನಂಬುವಕಾಯಿತ್ ಅಂವೊ ಎಣ್ಣ್‌ವದ್ ಸತ್ಯಾಂದ್ ಅಂವೊಂಗ್ ಗೊತ್ತುಂಡ್.

ಯೋಹಾನ 21:24

ಈ ಶಿಷ್ಯನೇ, ಇದ್‍ನೆಲ್ಲಾ ಸಾಕ್ಷಿ ಕೊಡ್‌ತಂಡ್, ಇದ್‍ನೆಲ್ಲಾ ಒಳ್‍ದಿಯತ್. ಅಂವೊ ಒಳ್‍ದ್‍ನೆದೆಲ್ಲಾ ಸತ್ಯಾಂದ್ ನಂಗಕ್ ಗೊತ್ತುಂಡ್.

ಅಪೊಸ್ತಲ 1:22

ಯೇಸು ನಂಗಡ ಮದ್ಯತ್ ಸೇವೆ ಮಾಡಿಯಂಡಿಂಜ ಕಾಲತ್‍ಲ್, ನಂಗಡ ಕೂಡೆ ಇಂಜ ಒಬ್ಬ, ಯೇಸು ಚಾವ್‍ಯಿಂಜ ಪುನಃ ಜೀವವಾಯಿತ್ ಬಾತ್‍ೕಂದ್ ಉಳ್ಳ ವಿಷಯತ್‍ನ ನಂಗಡನೆಕೆ ಸಾಕ್ಷಿಯಾಯಿತ್ ಎಣ್ಣ್‌ವಂವೊನ ನೇಮಿಚಿಡಡೂಂದ್ ಪೇತ್ರ ಎಣ್ಣ್‌ಚಿ.

ಅಪೊಸ್ತಲ 5:32

ಈ ಸತ್ಯಕ್ ನಂಗ ಸಾಕ್ಷಿಯಾಯಿತುಂಡ್; ಅದಲ್ಲತೆ, ದೇವ, ಅಂವೊಂಗ್ ಬಗ್ಗಿತ್ ನಡ್‍ಪಯಿಂಗಕ್ ತಪ್ಪ ಪವಿತ್ರಾತ್ಮ ಸಹ ಸಾಕ್ಷಿಯಾಯಿತುಂಡ್‍ೕಂದ್ ಅಯಿಂಗಕ್ ಜವಾಬ್ ಕೊಡ್‍ತತ್.

ಪ್ರಕಟನೆ 1:2

ಇಂವೊ ದೇವಡ ವಾಕ್ಯತ್‍ರ ವಿಷಯತ್ ಪಿಂಞ ಯೇಸು ಕ್ರಿಸ್ತಂಡ ಸಾಕ್ಷಿರ ವಿಷಯತ್ ಎಂತಲ್ಲಾ ಕಂಡತೋ ಅದ್‍ನೆಲ್ಲಾ ಅರಿಚಿಟ್ಟಿತುಂಡ್.