ಯೋಹಾನ 12:14 - ಕೊಡವ ಬೈಬಲ್

¹⁴ ಯೇಸು ಒರ್ ಕತ್ತೆ ಕುಟ್ಟಿನ ಕಂಡಿತ್, ಅದ್ಂಡಮೇಲೆ ಅಳ್‌ತಂಡ್ ಬಾತ್.

ಯೋಹಾನ 12:14 ပူးပေါင်းရင်းမြစ်များ

ಯೋಹಾನ 12:13

ಆನಗುಂಡ್, ಅಯಿಂಗ ಎಲ್ಲಾರು ಖರ್ಜೂರ ಪಣ್ಣ್ ಮರತ್‍ರ ಕೊಂಬ್‍ನ ಎಡ್‍ತಂಡ್ ಯೇಸುನ ಕಾಂಬಕಾಯಿತ್ ಪಟ್ಟಣತ್‍ರ ಪೊರಮೆ ಪೋಚಿ. ಪಿಂಞ ಅಯಿಂಗ: ಹೊಸನ್ನ! ಒಡೆಯನಾನ ದೇವಡ ಪೆದತ್‍ಲ್ ಬಂದಂಡುಳ್ಳ ರಾಜ ಆಶೀರ್ವಾದ ಪಡ್ಂದಂವೊ. ಇಸ್ರಾಯೇಲ್ ಜನತ್‍ರ ರಾಜ ಆಶೀರ್ವಾದ ಪಡ್ಂದವೋಂದ್ ಜನಯೆಲ್ಲಾ ಜೋರಾಯಿತ್ ಕೂತ್ ಕೊಡ್‍ತಂಡಿಂಜತ್.

ಯೋಹಾನ 12:15

ಓ ಚೀಯೋನ್‍ರ ಮಕ್ಕಳೇ, ಬೊತ್ತತೆ, ನೋಟಿ, ನೀಡ ರಾಜ ಬಂದಂಡುಂಡ್, ನೀಡ ರಾಜ ಕತ್ತೆ ಕುಟ್ಟಿರ ಮೇಲೆ ಅಳ್‌ತಂಡ್ ಬಂದಂಡುಂಡ್‍ೕಂದ್ ಪ್ರವಾದಿಯಂಗಡ ಪುಸ್ತಕತ್‍ಲ್ ಒಳ್‌ದ್‌ನನೆಕೆ ಎಲ್ಲಾ ಆಚಿ.