ಯೋಹಾನ 12:13 - ಕೊಡವ ಬೈಬಲ್

¹³ ಆನಗುಂಡ್, ಅಯಿಂಗ ಎಲ್ಲಾರು ಖರ್ಜೂರ ಪಣ್ಣ್ ಮರತ್‍ರ ಕೊಂಬ್‍ನ ಎಡ್‍ತಂಡ್ ಯೇಸುನ ಕಾಂಬಕಾಯಿತ್ ಪಟ್ಟಣತ್‍ರ ಪೊರಮೆ ಪೋಚಿ. ಪಿಂಞ ಅಯಿಂಗ: ಹೊಸನ್ನ! ಒಡೆಯನಾನ ದೇವಡ ಪೆದತ್‍ಲ್ ಬಂದಂಡುಳ್ಳ ರಾಜ ಆಶೀರ್ವಾದ ಪಡ್ಂದಂವೊ. ಇಸ್ರಾಯೇಲ್ ಜನತ್‍ರ ರಾಜ ಆಶೀರ್ವಾದ ಪಡ್ಂದವೋಂದ್ ಜನಯೆಲ್ಲಾ ಜೋರಾಯಿತ್ ಕೂತ್ ಕೊಡ್‍ತಂಡಿಂಜತ್.

ಯೋಹಾನ 12:13 ပူးပေါင်းရင်းမြစ်များ

ಮತ್ತಾಯ 23:39

ಒಡೆಯಂಡ ಪೆದತ್‍ಲ್ ಬಪ್ಪಂವೊ ಆಶೀರ್ವಾದ ಮಾಡ್‍ನಂವೋಂದ್ ನಿಂಗ ಎಣ್ಣ್‌ವಕತ್ತನೆ ಇಲ್ಲಿಂಜ ನನ್ನ ನಿಂಗ ಕಾಂಬ್‍ಲೇಂದ್ ನಾನ್ ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಮತ್ತಾಯ 27:42

ನೀನ್ ಬೋರೆಯಿಂಗಳ ಬಚಾವ್ ಮಾಡಿಯಾ, ಆಚೇಂಗಿ ನಿನ್ನ ನೀಕ್ ಇಕ್ಕ ಬಚಾವ್ ಮಾಡ್‌ವಕ್ ಕಯಿಂಜಿತ್‌ಲ್ಲೆ. ಇಂವೊ ಇಸ್ರಾಯೇಲ್‍ರ ರಾಜಾನಲ್ಲ? ಇಕ್ಕ ಅಂವೊ ಶಿಲುಬೆಯಿಂಜ ಇಳಿಂಜಿತ್ ಬರಡ್, ಅಕ್ಕ ನಂಗ ಅಂವೊನ ನಂಬಲೂಂದ್ ಎಣ್ಣ್‌ಚಿ.

ಯೋಹಾನ 1:49

ಅಕ್ಕ ನತಾನಯೇಲ: ಉಪಾದ್ಯ, ನೀನ್ ದೇವಡ ಮೋಂವೊ, ಇಸ್ರಾಯೇಲ್ ಜನತ್‍ರ ರಾಜಾಂದ್ ಎಣ್ಣ್‌ಚಿ.

ಯೋಹಾನ 12:14

ಯೇಸು ಒರ್ ಕತ್ತೆ ಕುಟ್ಟಿನ ಕಂಡಿತ್, ಅದ್ಂಡಮೇಲೆ ಅಳ್‌ತಂಡ್ ಬಾತ್.

ಯೋಹಾನ 12:15

ಓ ಚೀಯೋನ್‍ರ ಮಕ್ಕಳೇ, ಬೊತ್ತತೆ, ನೋಟಿ, ನೀಡ ರಾಜ ಬಂದಂಡುಂಡ್, ನೀಡ ರಾಜ ಕತ್ತೆ ಕುಟ್ಟಿರ ಮೇಲೆ ಅಳ್‌ತಂಡ್ ಬಂದಂಡುಂಡ್‍ೕಂದ್ ಪ್ರವಾದಿಯಂಗಡ ಪುಸ್ತಕತ್‍ಲ್ ಒಳ್‌ದ್‌ನನೆಕೆ ಎಲ್ಲಾ ಆಚಿ.

ಯೋಹಾನ 19:15

ಅಕ್ಕ ಜನ: ಇಂವೊನ ಕೊಂಡ್ ಪೋ, ಕೊಂಡ್ ಪೋ, ಇಂವೊನ ಶಿಲುಬೇಕ್ ಇಡೀಂದ್ ಜನಡ ಗುಂಪ್ ಕೂತ್ ಕೊಡ್‍ತತ್. ಅದ್ಂಗ್: ನಿಂಗಡ ರಾಜನ ನಾನ್ ಶಿಲುಬೇಕ್ ಇಡ್‌ವದಾಂದ್ ಪಿಲಾತ ಕ್‍ೕಟತ್. ಅಕ್ಕ, ಮುಕ್ಯ ಯಾಜಕಂಗ: ಕೈಸರ ಅಲ್ಲತೆ ನಂಗಕ್ ಬೋರೆ ರಾಜ ಇಲ್ಲೇಂದ್ ಎಣ್ಣ್‌ಚಿ.

ಪ್ರಕಟನೆ 15:3

ಅಯಿಂಗ ದೇವಡ ಸೇವಕನಾನ ಮೋಶೇರ ಪಾಟ್ ಪಿಂಞ ಕೊರಿಕುಟ್ಟಿರ ಪಾಟ್‍ನ ಪಾಡಿಯಂಡ್ ಇಂಜತ್. ಸರ್ವ ಶಕ್ತಿವಂತ ದೇವಾದಿ ದೇವನೇ, ನೀಡ ಕ್ರಿಯೆ ಎಲ್ಲಾ ಮಹತ್ವ ದುಂಬ್‍ನದಾಯಿತು, ಆಶ್ಚರ್ಯವಾಯಿತು ಉಂಡ್. ಎಲ್ಲಾ ಜಾತಿಯಡ ರಾಜನೇ, ನೀಡ ಬಟ್ಟೆ ನೀತಿಯಾನದು ಸತ್ಯ ದುಂಬ್‍ನದಾಯಿತು ಉಂಡ್.

ಪ್ರಕಟನೆ 19:16

ಅಂವೊಂಡ ತೊಡೇರ ಮೇಲೆ ಪಿಂಞ ಬಟ್ಟೇರ ಮೇಲೆ ರಾಜಾದಿ ರಾಜ ದೇವಾದಿ ದೇವಾಂದ್ ಒಳ್‍ದಿತ್ಂಜತ್.

ಪ್ರಕಟನೆ 7:9

ಇದಾನ ಪಿಂಞ ನಾನ್ ನೋಟ್‍ವಕ, ದಾರೂ ಲೆಕ್ಕ ಎಡ್‍ಪಕ್ ಕಯ್ಯತನೆಕೆ ಇಂಜ ಸಂಖ್ಯೆತ್‍ರ ಜನ ಸಿಂಹಾಸನತ್‍ರ ಎದ್‍ಕೆ ಪಿಂಞ ಕೊರಿಕುಟ್ಟಿರ ಮಿಂಞತ್ ನಿಂದಂಡಿಂಜತ್. ಈಂಗೆಲ್ಲಾರು, ಎಲ್ಲಾ ಜಾತಿಯಿಂಜ, ಎಲ್ಲಾ ಕುಲತ್ಂಜ, ಎಲ್ಲಾ ಜನತ್‍ಂಜ, ಎಲ್ಲಾ ತಕ್ಕ್‌ಯಿಂಜ ಬಂದಯಿಂಗಳಾಯಿತ್ಂಜತ್. ಅಯಿಂಗ ಎಲ್ಲಾರು ಬೊಳ್‍ತ ಬಟ್ಟೇನ ಇಟ್ಟಂಡ್, ಕೈಯಿಲ್ ಖರ್ಜೂರ ಮರತ್‍ರ ಕೊಂಬ್‍ನ ಪುಡ್‍ಚಂಡ್ ನಿಂದತ್.