ಯೋಹಾನ 12:11 - ಕೊಡವ ಬೈಬಲ್

¹¹ ಎನ್ನಂಗೆಣ್ಣ್‌ಚೇಂಗಿ, ಲಾಜರ‌ನಗುಂಡ್ ದುಂಬ ಯೆಹೂದ್ಯಂಗ ಅಯಿಂಗಳ ಬುಟ್ಟಿತ್ ಯೇಸುನ ನಂಬ್‍ವಕ್ ಸುರು ಮಾಡ್‍ಚಿ.

ಯೋಹಾನ 12:11 ပူးပေါင်းရင်းမြစ်များ

ಯೋಹಾನ 11:42

ನೀನ್ ನಾಡ ಪ್ರಾರ್ಥನೆನ ಎಕ್ಕಾಲು ಕ್‍ೕಪಿಯಾಂದ್ ನಾಕ್ ಗೊತ್ತುಂಡ್; ಆಚೇಂಗಿಯು, ನೀನ್ ನನ್ನ ಈ ಲೋಕಕ್ ಅಯಿಚದ್‍ನ ಇಲ್ಲಿ ಕೂಡಿ ಬಂದಿತುಳ್ಳ ಜನ ನಂಬುವಕಾಯಿತ್ ಇನ್ನನೆ ನಾನ್ ಎಣ್ಣಿಯೇಂದ್ ಎಣ್ಣ್‌ಚಿ.

ಯೋಹಾನ 11:45

ಅಲ್ಲಿ ಮರಿಯಡ ಕೂಡೆ ಬಂದಿತ್ಂಜ ಜನ ಪಿಂಞ ಯೇಸು ಮಾಡ್‍ನದ್‍ನ ಕಂಡ ದುಂಬ ಯೆಹೂದ್ಯ ಜನ ಯೇಸುನ ನಂಬ್‍ಚಿ.

ಯೋಹಾನ 11:48

ಇಂವೊನ ನಂಗ ಇನ್ನನೆ ಬುಟ್ಟತೇಂಗಿ, ಎಲ್ಲಾರು ಅಂವೊನ ನಂಬುವ; ಅಕ್ಕ ರೋಮ್ ರಾಜ್ಯತ್‍ರ ಜನ ನಂಗಡ ದೇವಾಲಯತ್‍ನ, ನಂಗಡ ಜಾಗತ್‍ನ ಒತ್ತಾಯ ಮಾಡಿತ್ ಎಡ್‌ತ್‌ರ್‍ವಾಂದ್ ಎಣ್ಣಿಯಂಡ್ ಇಂಜತ್.

ಯೋಹಾನ 12:10

ಅಕ್ಕ, ಮುಕ್ಯ ಯಾಜಕಂಗ ಲಾಜರನ ಸಹ ಕೊಲ್ಲಂಡೂಂದ್ ತೀರ್ಮಾನ ಮಾಡಿತ್ ನೋಟಿಯಂಡ್ ಇಂಜತ್.

ಯೋಹಾನ 12:18

ಯೇಸು ಇನ್ನನೆ ಅದ್ಬುತ ಕಾರ್ಯ ಮಾಡ್‌ನಾಂಗ್, ಯೇಸುನ ಕಾಂಬಕ್ ಜನಡ ಗುಂಪ್ ಪೋಯಂಡಿಂಜತ್.

ಯೋಹಾನ 12:42

ಆಚೇಂಗಿಯು ಸಹ, ಯೆಹೂದ್ಯ ಜನತ್‍ರ ದುಂಬ ಅದಿಕಾರಿಯಂಗ ಯೇಸುನ ನಂಬಿತ್ಂಜತ್. ಆಚೇಂಗಿ, ಅಯಿಂಗಳ ಸಬಾಮಂದಿರಕ್ ಪೊರಮೆ ಇಡತನೆಕೆ, ಫರಿಸಾಯಂಗಕಾಯಿತ್, ಎಲ್ಲಾಡ ಮಿಂಞತ್ ಅಯಿಂಗ ಯೇಸುನ ನಂಬುವಯಿಂಗಾಂದ್ ಅರಿಕೆ ಮಾಡಿತ್‌ಲ್ಲೆ.

ಯೋಹಾನ 7:31

ಅಲ್ಲಿ ಇಂಜ ದುಂಬ ಜನ ಅಂವೊನ ನಂಬಿತ್: ಕ್ರಿಸ್ತ ಬಪ್ಪಕ ಇಂವೊ ಮಾಡ್‌ವ ಅದ್ಬುತ ಕಾರ್ಯಕಿಂಜ ಜಾಸ್ತಿ ಮಾಡ್‌ವೋ ಎಂತೋಂದ್ ಎಣ್ಣಿಯಂಡ್ ಇಂಜತ್.

ಅಪೊಸ್ತಲ 13:45

ಆಚೇಂಗಿ ಯೆಹೂದ್ಯಂಗ, ಜನ ಗುಂಪ್ ಗುಂಪಾಯಿತ್ ಬಪ್ಪಾನ ಕಂಡಿತ್, ಒಟ್ಟೆಕಿಚ್ಚ್‌ಲ್ ದುಂಬಿತ್, ಪೌಲ ಎಣ್ಣುವ ತಕ್ಕ್‌ಕ್ ವಿರೋದವಾಯಿತ್ ದೂಷಣೆ ಮಾಡಿಯಂಡಿಂಜತ್.