ಯೋಹಾನ 12:1 - ಕೊಡವ ಬೈಬಲ್

¹ ಪಸ್ಕ ಎಣ್ಣುವ ನಮ್ಮೆಕ್ ಇಂಞು ಆರ್ ದಿವಸ ಮಾತ್ರ ಇಪ್ಪಕ, ಯೇಸು ಬೇಥಾನ್ಯ ಊರ್‌ಕ್ ಪೋಚಿ. ಈ ಬೇಥಾನ್ಯ ಊರ್, ಚತ್ತ್ ಪೋಯಿತ್ಂಜ ಲಾಜರನ ಯೇಸು ಪುನಃ ಎಪ್ಪ್‌ಚಿಟ್ಟ ಊರಾಯಿತ್ಂಜತ್.

ಯೋಹಾನ 12:1 ပူးပေါင်းရင်းမြစ်များ

ಮತ್ತಾಯ 21:17

ಪಿಂಞ ಅಯಿಂಗಳ ಬುಟ್ಟಿತ್, ಆ ಪಟ್ಟಣತ್ಂಜ ಪೊರಟಿತ್ ಬೇಥಾನ್ಯಕ್ ಪೋಯಿತ್ ಬಯಿಟ್ ಅಲ್ಲೇ ಒಳಿಂಜತ್.

ಮಾರ್ಕ 11:11

ಯೇಸು ಯೆರೂಸಲೇಮ್‌ಕ್ ಬಂತ್, ದೇವಾಲಯಕ್ ಪೋಯಿತ್ ಅಲ್ಲಿ ಎಲ್ಲಾನ ಸುತ್ತ್‌ಮುತ್ತ್ ನೋಟ್‌ಚಿ. ಬಯಿಟಾಯಿ ಬಂದಗುಂಡ್ ಅಂವೊಂಡ ಪನ್ನೆರಂಡ್ ಶಿಷ್ಯಂಗಳ ಕಾಕಿಯಂಡ್ ಬೇಥಾನ್ಯ ಎಣ್ಣುವಲ್ಲಿಕ್ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:50

ಪಿಂಞ ಯೇಸು ಅಯಿಂಗಳೆಲ್ಲ ಬೇಥಾನ್ಯಕತ್ತನೆ ಕಾಕಿಯಂಡ್ ಪೋಯಿತ್ ತಾಂಡ ಕೈಯಿನ ಕೊಡಿಕ್ ಎಡ್‍ತಿತ್ ಅಯಿಂಗಳ ಆಶೀರ್ವಾದ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:37

ಅಕ್ಕ ಆ ಊರ್‌ಲ್ ಪಾಪತ್‍ಲ್ ಬದ್‍ಕಿಯಂಡಿಂಜ ಒರ್ ಪೊಣ್ಣಾಳ್‌ಕ್, ಯೇಸು ಫರಿಸಾಯಂಡ ಮನೆಕ್ ಉಂಬಕ್ ಬಂದಿತುಂಡ್‍ೕಂದ್ ಗೊತ್ತಾಚಿ. ಅವ ದುಂಬ ಬೆಲೆಯುಳ್ಳ ಅಲಬಸ್ಟರ್ ಎಣ್ಣುವ ಸುಗಂದ ತೈಲತ್‌ನ ಕೊಂಡ್ ಬಾತ್.

ಯೋಹಾನ 11:1

ಬೇಥಾನ್ಯ ಎಣ್ಣುವ ಊರ್‌ಲ್ ಲಾಜರ ಎಣ್ಣುವ ಒಬ್ಬಂಗ್ ಕಾಯಿಲೆ ಇಂಜತ್. ಈ ಬೇಥಾನ್ಯ ಊರ್, ಮರಿಯ ಪಿಂಞ ಅವಡ ಅಕ್ಕ ಮಾರ್ಥ ಎಣ್ಣ್‌ವಯಿಂಗ ಇಂಜ ಊರಾಯಿತ್ಂಜತ್.

ಯೋಹಾನ 11:43

ಅಲ್ಲಿಂಜ ಯೇಸು: ಜೋರಾಯಿತ್ ಲಾಜರನೇ, ನೀನ್ ಪೊರಮೆ ಬಾಂದ್ ಕಾಕ್‍ಚಿ.

ಯೋಹಾನ 11:44

ಅಕ್ಕ, ಚತ್ತ ಮನುಷ್ಯ ಎದ್ದಿತ್ ಬಾತ್. ಅಂವೊಂಡ ಕೈಕಾಲ್ ಮೂಡ್‌ನೆಲ್ಲಾ ಬಟ್ಟೇಲ್ ಕೆಟ್ಟಿತ್ಂಜತ್, ಯೇಸು ಅಲ್ಲಿ ಇಂಜಯಿಂಗಕ್: ಇದ್‍ನೆಲ್ಲಾ ಉತ್ತಿತ್ ಅಂವೊನ ಪೊರಮೆ ಬುಡೀಂದ್ ಎಣ್ಣ್‌ಚಿ.

ಯೋಹಾನ 11:55

ಪಿಂಞ, ಯೆಹೂದ್ಯಂಗಡ ಪಸ್ಕ ಎಣ್ಣುವ ನಮ್ಮೆ ಪಕ್ಕಪಕ್ಕ ಬಾತ್. ಅಕ್ಕ, ಊರ್ ಊರ್‍ಂಜ ದುಂಬ ಜನ ಯೆರೂಸಲೇಮ್‌ಕ್ ಬಂದಿತ್, ಯೆಹೂದ್ಯಂಗಡ ಪದ್ದತಿರ ಪ್ರಕಾರ ಅಯಿಂಗಳ ಪಸ್ಕ ನಮ್ಮೆಕ್ ಮಿಂಞ ಶುದ್ದ ಮಾಡ್‌ವಯಿಂಜತ್.

ಯೋಹಾನ 12:12

ಪಿತ್ಯಾಂದ್ ಯೇಸು ಪಸ್ಕ ನಮ್ಮೆಕ್ ಯೆರೂಸಲೇಮ್‌ಕ್ ಬಪ್ಪಾಂದ್ ನಮ್ಮೆಕ್ ಬಂದಿತ್ಂಜ ದುಂಬ ಜನಕ್ ಗೊತ್ತಾಚಿ.

ಯೋಹಾನ 12:20

ಆ ನಮ್ಮೆರ ಸಮಯತ್‍ಲ್ ಯೆರೂಸಲೇಮ್ ದೇವಾಲಯತ್‍ಲ್ ಆರಾದನೆ ಮಾಡ್‌ವಕ್ ಬಂದಿತ್ಂಜ ಚೆನ್ನ ಗ್ರೀಕ್ ತಕ್ಕ್ ಪರಿಯುವ ಜನ ಇಂಜತ್.

ಯೋಹಾನ 12:9

ಯೇಸು ಬೇಥಾನ್ಯ ಊರ್‌ಲ್ ಉಂಡ್‍ೕಂದ್ ಅಲ್ಲಿ ಇಂಜ ದುಂಬ ಜನಕ್ ಗೊತ್ತಾಚಿ. ಆನಗುಂಡ್ ಎಲ್ಲಾರು ಅಲ್ಲಿಕ್ ಪೋಚಿ. ಯೇಸುನ ನೋಟ್‍ವಕ್ ಮಾತ್ರ ಅಲ್ಲ, ಅಂವೊ ಎಪ್ಪ್‌ಚಿಟ್ಟ ಲಾಜರನ ಸಹ ನೋಟ್‍ವಕಾಯಿತ್ ಪೋಚಿ.