ಯೋಹಾನ 11:55 - ಕೊಡವ ಬೈಬಲ್

⁵⁵ ಪಿಂಞ, ಯೆಹೂದ್ಯಂಗಡ ಪಸ್ಕ ಎಣ್ಣುವ ನಮ್ಮೆ ಪಕ್ಕಪಕ್ಕ ಬಾತ್. ಅಕ್ಕ, ಊರ್ ಊರ್‍ಂಜ ದುಂಬ ಜನ ಯೆರೂಸಲೇಮ್‌ಕ್ ಬಂದಿತ್, ಯೆಹೂದ್ಯಂಗಡ ಪದ್ದತಿರ ಪ್ರಕಾರ ಅಯಿಂಗಳ ಪಸ್ಕ ನಮ್ಮೆಕ್ ಮಿಂಞ ಶುದ್ದ ಮಾಡ್‌ವಯಿಂಜತ್.

ಯೋಹಾನ 11:55 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 35:2

ಅಕ್ಕ ಯಾಕೋಬ ತಾಂಡ ಮನೆಕಾರಳ ಪಿಂಞ ತಾಂಡ ಕೂಡೆ ಉಳ್ಳ ಎಲ್ಲಾ ಜನಳ ಕಾಕಿತ್: ನಿಂಗಡ ಪಕ್ಕ ಉಳ್ಳ ಪರದೇಶಿಯಡ ಮೂರ್ತಿಯಳ ಚಾಡಿತ್, ನಿಂಗಳ ಶುದ್ದಮಾಡಿಯಂಡ್, ಬಟ್ಟೆ ಬದ್‌ಲ್‌ ಮಾಡಿ.

ಮತ್ತಾಯ 26:1

ಇದೆಲ್ಲಾ ಎಣ್ಣಿತಾನ ಪಿಂಞ, ಯೇಸು ತಾಂಡ ಶಿಷ್ಯಂಗಕ್:

ಮತ್ತಾಯ 26:2

ಇಂಞು ದಂಡ್ ದಿನ ಆನ ಪಿಂಞ ಪಸ್ಕ ನಮ್ಮೆ ಬಪ್ಪಕುಳ್ಳದ್ ನಿಂಗಕ್ ಗೊತ್ತುಂಡ್. ಅಕ್ಕ ಮನುಷ್ಯಕುಮಾರನ ಶಿಲುಬೇಕ್ ಇಡ್‌ವಕ್ ನಿಂಗಡಲ್ಲಿ ಒಬ್ಬ ನನ್ನ ಒಪ್ಪ್‌ಚಿಡುವ.

ಮಾರ್ಕ 14:1

ಇಂಞು ದಂಡ್ ದಿವಸ ಆಪಕ ಪಸ್ಕ ಪಿಂಞ ಪುಳಿಯಿಲ್ಲತ ಒಟ್ಟಿ ತಿಂಬ ನಮ್ಮೆ ಬಪ್ಪ. ಅಕ್ಕ ಮುಕ್ಯ ಯಾಜಕಂಗ ಪಿಂಞ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಯೇಸುನ ಗುಟ್ಟಾಯಿತ್ ಪುಡ್‌ಚಿತ್ ಕೊಲ್ಲ್‌ವಕ್ ನೋಟಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:1

ಪುಳಿಯಿಲ್ಲತ ಒಟ್ಟಿ ತಿಂಬ ಪಸ್ಕ ಎಣ್ಣುವ ನಮ್ಮೆ ಬಪ್ಪಕ್ ಇಂಞು ಚೆನ್ನ ದಿವಸ ಮಾತ್ರ ಇಂಜತ್.

ಯೋಹಾನ 12:1

ಪಸ್ಕ ಎಣ್ಣುವ ನಮ್ಮೆಕ್ ಇಂಞು ಆರ್ ದಿವಸ ಮಾತ್ರ ಇಪ್ಪಕ, ಯೇಸು ಬೇಥಾನ್ಯ ಊರ್‌ಕ್ ಪೋಚಿ. ಈ ಬೇಥಾನ್ಯ ಊರ್, ಚತ್ತ್ ಪೋಯಿತ್ಂಜ ಲಾಜರನ ಯೇಸು ಪುನಃ ಎಪ್ಪ್‌ಚಿಟ್ಟ ಊರಾಯಿತ್ಂಜತ್.

ಯೋಹಾನ 13:1

ಇಕ್ಕ, ಪಸ್ಕ ನಮ್ಮೆ ಪಕ್ಕಪಕ್ಕ ಬಾತ್. ಯೇಸುಕ್: ನಾನ್ ಈ ಲೋಕತ್‍ನ ಬುಟ್ಟಿತ್ ನಾಡ ಅಪ್ಪಂಡ ಪಕ್ಕ ಪೋಪೀಂದ್ ಗೊತ್ತಾಚಿ. ಆನಗುಂಡ್, ಅಂವೊ ಈ ಲೋಕತ್‍ಲ್ ಇಂಜ ಅಂವೊಂಡಯಿಂಗಳ ಎಚ್ಚಕ್ ಪ್ರೀತಿ ಮಾಡಿತ್ಂಜತೋ ಅನ್ನನೆ ಆಕೀರ್‍ಕತ್ತನೆ ಪ್ರೀತಿ ಮಾಡ್‍ಚಿ.

ಯೋಹಾನ 18:28

ಪಿಂಞ ಅಯಿಂಗ, ಕಾಯಫಂಡಿಂಜ ದೇಶಾದಿಪತಿರ ಅರಮನೆಕ್ ಕಾಕಿಯಂಡ್ ಪೋಚಿ. ಅಕ್ಕ ಪೊಲಾಕ ನೇರತೆ ಆಯಿತ್ಂಜತ್. ಯೆಹೂದ್ಯ ಜನ ಅಯಿಂಗಡ ಪದ್ದತಿರ ಪ್ರಕಾರ ಅಶುದ್ದ ಆಕತೆ, ಪಸ್ಕ ನಮ್ಮೆರ ಪುಳಿಯಿಲ್ಲತ ಒಟ್ಟಿನ ತಿಂಬನೆಕೆ, ಅಯಿಂಗ ಅರಮನೆರ ಒಳ್‍ಕ್ ಪೋಕತೆ ಪಾರಕಾತಂಡಿಂಜತ್.

ಯೋಹಾನ 2:13

ಪಿಂಞ ಯೆಹೂದ್ಯಂಗಡ ಪಸ್ಕ ನಮ್ಮೆಕ್ ಇಂಞು ಚೆನ್ನ ದಿವಸ ಮಾತ್ರ ಇಂಜಗುಂಡ್, ಯೇಸು ಯೆರೂಸಲೇಮ್‌ಕ್ ಪೋಚಿ.

ಯೋಹಾನ 2:6

ಆ ಜಾಗತ್‍ಲ್, ಯೆಹೂದ್ಯಂಗ ತಂಗಡ ಪದ್ದತಿರ ಪ್ರಕಾರ ಅಯಿಂಗಳ ಶುದ್ದ ಮಾಡ್‌ವಕಾಯಿತ್ ನೀರ್ ಬೆಪ್ಪಕುಳ್ಳ ಆರ್ ಕಲ್ಲ್‌ರ ಬರಣಿ ಇಂಜತ್. ಓರೋರ್ ಬರಣಿಯು ದಂಡ್ ಅಲ್ಲ ಮೂಂದ್ ಬಿಂದಿಗೆ ನೀರ್ ದುಂಬ್‌ವಚ್ಚಕ್ ಬಲ್ಯದಾಯಿತ್ಂಜತ್.

ಯೋಹಾನ 5:1

ಇದಾನ ಪಿಂಞ ಯೆಹೂದ್ಯಂಗಡ ಒರ್ ನಮ್ಮೆ ಬಪ್ಪಕ, ಯೇಸು ಯೆರೂಸಲೇಮ್‌ಕ್ ಪೋಚಿ.

ಯೋಹಾನ 6:4

ಆ ಸಮಯತ್‍ಲ್ ಪಸ್ಕ ನಮ್ಮೆ ಪಕ್ಕ ಬಂದಿತ್ಂಜತ್.

ಅಪೊಸ್ತಲ 21:24

ನೀನ್ ಅಯಿಂಗಳ ಕೂಟಿಯಂಡ್ ಪೋಯಿತ್ ಅಯಿಂಗಡ ಕೂಡೆ ನಿನ್ನ ಶುದ್ದ ಮಾಡ್‌ವ ಆಚಾರತ್‍ಲ್ ಅಯಿಂಗ ತಂಗಡ ತೆಲ್‍ಮಿನ ಬೋಳ್‍ಚಿಡ್‌ವಕ್ ಆಪಂತ ಪಣತ್‍ನ ಕರ್ಚ್‌ಮಾಡ್: ಇನ್ನನೆ ಮಾಡ್‍ಚೇಂಗಿ ನಿಂಗಡ ವಿಷಯತ್ ಕ್‍ೕಟ ತಕ್ಕ್ ನೇರಲ್ಲಾಂದು, ನಿಂಗಳು ಸಹ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್ಂದಂಡುಂಡ್‍ೕಂದು ಎಲ್ಲಾ ಜನಕು ಗೊತ್ತಾಪ.

ಅಪೊಸ್ತಲ 21:26

ಅಕ್ಕ, ಪಿತ್ಯಾಂದ್ ಪೌಲ ಆ ಮನುಷ್ಯಂಗಳ ಕಾಕಿಯಂಡ್ ಅಯಿಂಗಡ ಕೂಡೆ ತಾನು ಶುದ್ದಮಾಡಿಯಂಡ್ ದೇವಾಲಯತ್‍ರ ಒಳ್‍ಕ್ ಪೋಯಿತ್, ಅಯಿಂಗ ಒಬ್ಬೊಬ್ಬಂಗಕಾಯಿತ್ ಬಲಿ ಕೊಡ್‌ತಿತ್ ಪೂರೈಚಿಡ್‌ವಕತ್ತನೆ ಶುದ್ದ ಮಾಡ್‌ವ ಆಕೀರ್ ದಿವಸತ್‍ನ ನೆರೆವೇರಿಚಿಡುವೀಂದ್ ಎಣ್ಣ್‌ಚಿ.

ಅಪೊಸ್ತಲ 24:18

ದೇವಾಲಯತ್‍ಲ್ ಜನಡ ಗುಂಪ್ ಪಿಂಞ ಗಲಾಟೆರ ಗುಂಪ್ ಏದು ನಾಡ ಕೂಡೆ ಇಲ್ಲತಿಪ್ಪಕ, ನಾನ್ ದೇವಾಲಯತ್‍ಲ್ ಶುದ್ದ ಮಾಡ್‌ವ ಆಚಾರತ್‍ನ ಪೂರ್ತಿ ಮಾಡಿಯಂಡಿಂಜ, ಅಕ್ಕ ಆಸ್ಯ ದೇಶತ್ಂಜ ಬಂದ ಚೆನ್ನ ಯೆಹೂದ್ಯಂಗ ನನ್ನ ಕಂಡತ್.

1 ಕೊರಿಂಥ 11:28

ಆನಗುಂಡ್ ಈ ಒಟ್ಟಿನ ತಿಂಬಂವೊ, ಈ ಪಾತ್ರತ್‍ಲ್ ಕುಡಿಪಂವೊ, ಅದ್‍ನ ಮಾಡ್‌ವಕ್ ಮಿಂಞ ಅಂವೊ ಅಂವೊನ ಪರೀಕ್ಷೆ ಮಾಡಂಡು.

ಯಾಕೋಬ 4:8

ನಿಂಗ ದೇವಡ ಪಕ್ಕ ಬಾರಿ, ಅಕ್ಕ ದೇವ ನಿಂಗಡ ಪಕ್ಕ ಬಪ್ಪ. ಪಾಪಿಯಳೇ, ನಿಂಗಡ ಕೈಯಿನ ಕತ್ತಿಯೊಳಿ; ದೇವಡ ವಿಷಯತ್ ದಂಡ್ ಮನಸ್ಸ್ ಉಳ್ಳಯಿಂಗಳೇ, ನಿಂಗಡ ಹೃದಯತ್‍ನ ಶುದ್ದ ಮಾಡಿ.